Author: નોબત સમાચાર
સરકારી જમીનમાં ગેરકાયદે વાવેતર કરનાર પિતા-પુત્રો સામે લેન્ડ ગ્રેબિંગનો કેસ
પોલીસે ગુન્હો નોંધી તપાસ હાથ ધરીઃ
જામનગર તા. ર૩: જોડિયા તાલુકાના કેશિયા ગામની સરકારી ખરાબાની જમીનમાં ગેરકાયદે દબાણ કરનાર પિતા-પુત્રો સામે ગુન્હો નોંધાયો છે.
જામનગર જિલ્લાના જોડિયા તાલુકાના કેશિયા ગામમાં આવેલી સરકારી ખરાબાની જગ્યામાં ગેરકાયદે પેશકદમી કરી વાવેતર કરનાર ત્રણ ખેડૂત પિતા-પુત્રો સામે જોડિયા પોલીસ મથકમાં લેન્ડ ગ્રેબિંગ એક્ટ હેઠળ ગુનો દાખલ કરવામાં આવ્યો છે. ધ્રોળ પ્ત અધિકારીની ટીમ દ્વારા સમગ્ર મામલાની તપાસ કર્યા પછી સરકાર પક્ષે ફરિયાદ નોંધાવાઈ છે.
જામનગર જિલ્લાના જોડિયામાં આવલી મામલતદારની કચેરીના નાયબ મામલતદાર એ.વી. ગરૈયા દ્વારા જોડિયા પોલીસ મથકમાં લેન્ડ ગ્રેબિંગ એક્ટ હેઠળ ગુન્હો દાખલ કરાવ્યો છે, અને જોડિયા તાલુકાના કેશિયા ગામના ધરમશીભાઈ હરજીભાઈ ચાવડા, મનોજ ધરમશીભાઈ ચાવડા અને સતીશ ધરમશીભાઈ ચાવડા સામે સરકારી ખરાબાની આશરે બે હેક્ટર જેટલી જમીનમાં ગેરકાયદે વાવેતર કરી નાખવા અંગે ગુનો નોંધાવ્યો છે.
ઉપરોક્ત ત્રણેય આસામી સામે એક ખાતેદાર ખેડૂત દ્વારા જિલ્લા કલેક્ટર સમક્ષ લેન્ડ ગ્રેબિંગ એક્ટ હેઠળ અરજી કરવામાં આવી હતી, અને તે અરજીના અનુસંધાને ધ્રોળ પ્રાંત અધિકારીની કચેરી દ્વારા તપાસ કરવામં આવી હતી. તે તપાસ દરમિયાન ઉપરોક્ત ત્રણેય ખેડૂતો દ્વારા સરકારી ખરાબાની જગ્યામાં પણ ગેરમાયદે પેશમદમી કરી લઈ જમીન પચાવી પાડવાનો કારસો રચ્યો હોવાનું સામે આવ્યું હતું, જેથી સરકારી જમીન પચાવી પાડનારા ત્રણેય ખેડૂતો સામે ગુન્હો નોંધવામાં આવ્યો છે, અને ગ્રામ્ય વિભાગના ડી.વયા.એસ.પી. આર.બી. દેવધા સમગ્ર મામલાની તપાસ ચલાવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
