અન્નપૂર્ણા જયંતીની ઉજવણી
આ વર્ષે ૧પ ડિસેમ્બરે અન્નપૂર્ણા જયંતી ઉજવાશે, જો કે ૧૪ ડિસેમબરે સાંજે પાંચ વાગ્યાથી પૂનમ શરૂ થતી હોવાથી ઘણાં લોકો ૧૪ ડિસેમબરે પણ આ ઉજવણી કરી શકે છે. આ દિવસે માતા પાર્વતીએ માતા અન્નપૂર્ણાનું નામ ધારણ કર્યું હોવાની પૌરાણિક માન્યતા છે. જે સમયે પૃથ્વી પરથી અન્ન ખતમ થઈ ગયું, તે દિવસે માતા પાર્વતીએ જે સ્વરૂપમાં અન્નની પૂર્તિ કરી તે સ્વરૂપને માતા અન્નપૂર્ણા તરીકે પૂજવામાં આવે છે, તેથી આ દિવસે માતા અન્નપૂર્ણા પ્રાગટ્ય દિવસ પણ ઉજવાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૧૪ ડિસેમ્બરઃ રાષ્ટ્રીય ઊર્જા સંરક્ષણ દિવસ
ચાર-પાંચ દાયકાઓ પહેલા જ્યારે વીજળીકરણનો વ્યાપ વધ્યો હતો, તે સમયે અવારનવાર વીજપુરવઠો ખોરવાઈ જતો હતો અને જો ત્રણવાર ઝબકારા મારે, તો તે પછી લાઈટ આવતી જ નહીં, અને બીજા દિવસ સુધી રાહ જોવી પડતી હતી. તે પછી અત્યાર સુધીમાં આપણાં દેશમાં ઊર્જા ક્ષેત્રે ઘણી જ પ્રગતિ થઈ છે, અને હવે તો સૌરઊર્જા, જળઊર્જા, પવનઊર્જા સહિતની બિનપરંપરાગત પદ્ધતિઓથી પણ ઊર્જાનું પ્રોડક્શન વધારાઈ રહ્યું છે.
દર વર્ષે ૧ર મી ડિસેમ્બરે રાષ્ટ્રીય ઊર્જા દિવસ મનાવાય છે અને ઊર્જાનું મહત્ત્વ, ઊર્જા બચતની જરૂરિયાત અને પર્યાવરણિય સમતુલા જાળવવા તથા ગ્લોબલ વોર્મીંગ-ક્લાઈમેટ ચેઈન્જના પડકારોને પહોંચી વળવા માટે બિનપરંપરાગત ઊર્જાનું પ્રોડક્શન વધારવાની દિશામાં જનજાગૃતિ ફેલાવવા માટે વ્યાપક પ્રચાર-પ્રસાર કરવામાં આવે છે. ઊર્જા સંરક્ષણ દિવસની બહુહેતુક ઉજવણી થાય છે, અને ભાવી સરકારના ઊર્જા મંત્રાલય દ્વારા વિવિધસ્તરે વિવિધાસભર કાર્યક્રમો યોજાય છે. ઊર્જા બચતની પણ એટલી જ જરૂર છે, જેટલી ઊર્જાના ઉત્પાદાનની... તે વાત ગાંઠે બાંધી લેવી જરૂરી છે...
આ ઉજવણી અંતર્ગત શાળા-કોલેજની કક્ષાએ, રાજ્ય કક્ષાએ અને રાષ્ટ્રીય કક્ષાએ વિવિધ કાર્યક્રમો યોજાય છે.
ઊર્જાની બચત માટે વીજળીના ઉપકરણો, પંખા, એ.સી., હીટર વગેરેનો મર્યાદિત ઉપયોગ કરવો, બિનજરૂરી રીતે લાઈટ-પંખા-એ.સી. ચાલુ નહીં રાખવા, એલઈડી બલ્બ અને સીએફએલ બલ્બનો ઉપયોગ વધારવો, ઘરમાં સોલાર પેનલ સિસ્ટમ લગાવવી, સૂર્યકૂકર, પાણી ગરમ કરવાનુ સોલાર સિસટમનો ઉપયોગ કરવો વગેરે ઉપાયો કરવા અત્યંત જરૂરી છે. ચાલો, ઊર્જા બચાવીએ, ઊર્જાનું ઉત્પાદન વધારીએ અને બિનપરંપરાગત ઊર્જાનો મહત્તમ ઉપયોગ કરીએ...
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૧૩ ડિસેમ્બરઃ સંસદ પર હુમલો
ભારતની સંસદ પર વર્ષ ર૦૦૧ માં આતંકી હુમલો થયો હતો, તે ૧૩ ડિસેમ્બરે ભારતના જાબાંઝ જવાનોએ શહીદી વ્હોરી લીધી હતી અને સાંસદો તથા સંસદનું રક્ષણ કર્યું હતું. તેની સ્મૃતિઓ તાજી થઈ જાય છે. તે પહેલા યોગાનુયોગ હોય કે કોઈ આંતરરાષ્ટ્રીય આતંકી કેલેન્ડર કામ કરી રહ્યું હોય, તેમ ૧૩ ડિસેમ્બર-૧૯૮૯ના દિવસે તે સમયના દેશના ગૃહમંત્રી મુફ્તી મોહમ્મદ સઈદની દીકરીનું પણ આતંકવાદીઓએ અપહરણ કર્યું હતું.
આ હુમલામાં પાંચ જેટલા આતંકવાદી સહિત ૧૪ લોકોના જીવ ગયા હતાં, જેમાં ભારતના જાબાંઝ શહીદોનો પણ સમાવેશ થાય છે. જૈસ-એ-મોહમ્મદ અને લશ્કર-એ-તૈયબા નામના સંગઠનોએ સંસદ પર ઘાતકી હુમલો કર્યો હતો, જેના માસ્ટર માઈન્ડ તરીકે મોહમ્મદ અફઝલ ગુરુ પર આરોપ મૂકાયો હતો. દિલ્હી પોલીસના પાંચ જવાન, એક મહિલા કોન્સ્ટેબલ અને બે સુરક્ષા ગાર્ડ આ હુમલામાં શહીદ થઈ ગયા હતાં. સુરક્ષા દળોએ તમામ આતંકીઓને ફૂંકી માર્યા હતાં અને વડાપ્રધાન વાજપેયી, વિપક્ષના નેતા સોનિયા ગાંધી સહિતના સાંસદો તથા સંસદનું રક્ષણ કર્યું હતું. આ હુમલામાં કેટલાક નિર્દોષ લોકો સહિત ૧૮ લોકો ઘાયલ થયા હતાં. આ હુમલો સફળ થયો હોત તો તે ભારતીય લોકતંત્ર મો કાળો અને દર્દનાક દિવસ બન્યો હોત. આ હુમલામાં શહીદોને કરોડો નમન સાથે શ્રદ્ધાંજલિ...
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જન્મ-મૃત્યુ જરા-વ્યાધિના ચક્રમાંથી નીકળવાનો એક જ માર્ગઃ શ્રીમદ્ ભગવદ્ ગીતા તેના મૂળરૂપે
ગીતા જયંતી પ્રાસંગિક
ભગવદ્ગીતાનું વ્યાપક પ્રકાશન અને વાચન થયું છે, પણ મૂળ તે પ્રાચીન જગતના ઐતિહાસિક સંસ્કૃત મહાકાવ્ય, મહાભારતમાં એક પ્રસંગરૂપે ઉદ્ભવી હતી. મહાભારત વર્તમાન કળિયુગ સુધીની ઘટનાઓનું નિરૂપણ કરે છે. ભગવાન શ્રીકૃષ્ણે પોતાના મિત્ર તથા ભક્ત અર્જુનને આ યુગના આરંભ સમયે, લગભગ પ,૦૦૦ વર્ષ પૂર્વે ભગવદ્ગીતા કહી હતી.
ધૃતરાષ્ટ્રના સો પુત્રો તથા તેમના પિતરાઈ ભાઈ પાંડવો વચ્ચે થનાર ભ્રાતૃ ઘાતી મહાયુદ્ધના પ્રારંભ પૂર્વે, માનવ ઈતિહાસનો સર્વશ્રેષ્ઠ દાર્શનિક તથા ધાર્મિક એવો આ સંવાદ ભગવાન શ્રીકૃષ્ણ તથા અર્જુન વચ્ચે થયો છે.
ધૃતરાષ્ટ્ર અને પાંડુ કુરૂવંશમાં જન્મેલા ભાઈઓ હતાં. જેમના નામ પરથી મહાભારત નામપડયું છે, તે પૂર્વે થયેલા ચક્રવર્તી મહારાજ ભરતના વંશમાંથી કુરૂવંશ ઉતરી આવ્યો હતો. મોટા ભાઈ ધૃતરાષ્ટ્ર જન્મથી અંધ હોવાને કારણે, જે રાજ્ય સિંહાસન તેમને મળવાનું હતું તે નાના ભાઈ પાંડુને આપવામાં આવ્યું.
પાંડુ જ્યારે યુવાન વયે અવસાન પામ્યા ત્યારે તેમના પાંચ પુત્રો-યુધિષ્ઠિર, ભીમ, અર્જુન, નકુળ તથા સહદેવને ધૃતરાષ્ટ્રની સંભાળ હેઠળ રાખવામાં આવ્યા. વસ્તુતઃ ધૃતરાષ્ટ્ર થોડા સમય માટે રાજા થયા હતાં. એ રીતે ધૃતરાષ્ટ્રના પુત્રો તેમજ પાંડુના પુત્રો એક સમાન રીતે રાજપરિવારમાં ઉછર્યા હતાં. શસ્ત્રાસ્ત્રવિદ્યા-વિશારદ ગુરૂ દ્રોણાચાર્ય દ્વારા તે બધાને શસ્ત્ર વિદ્યાનું શિક્ષણ આપવામાં આવેલું અને કુરૂવંશના પૂજ્ય પિતામહ ભીષ્મ તેમને માર્ગદર્શન આપતા હતા
ભગવાન કૃષ્ણ કોઈ સાધારણ મનુષ્ય ન હતા, પણ સ્વયં પૂર્ણ પુરૂષોત્તમ પરમેશ્વર હતાં કે જેમણે પૃથ્વી ઉપર અવતરણ કર્યું હતું અને તે સમયે એક રાજવંશના રાજકુમારની ભૂમિકા ભજવી રહ્યાં હતાં. આ ભૂમિકામાં ભગવન કૃષ્ણ મહારાજ પાંડુની પત્ની તેમજ પાંડવોની માતા કુંતી અથવા પૃથાના ભત્રીજા પણ થતાં હતાં. એ રીતે સગા તરીકે તેમજ શાશ્વત ધર્મના સંરક્ષકરૂપે ભગવાન કૃષ્ણ સદા સત્યનિષ્ઠ પાંડુપુત્રોના પક્ષે રહ્યા હતાં તથા તેમનું રક્ષણ કર્યુ હતું.
પરંતુ છેવટે કપટી દુર્યોધને જુગાર રમવા માટે પાંડવોને આહ્વાન આપ્યું. તે નિર્ણાયક સ્પર્ધામાં દુર્યોધન તથા તેના ભાઈઓએ પાંડવોની પત્ની સતી દ્રૌપદી પર અધિકાર સ્થાપીને, રાજાઓ તથા રાજકુમારોની ભરી સભામાં તેને નિર્વસ્ત્ર કરી તેનું અપમાન કરવાનો પ્રયાસ કર્યો હતો. ભગવાન કૃષ્ણની દૈવી સહાયને કારણે દ્રૌપદીની રક્ષા થઈ, પરંતુ દ્યુતમાં થયેલ કપટને કારણે તેમાં હારી જતાં પાંડવોને પોતાના રાજ્યથી વંચિત થવું પડયું અને તેર વર્ષનો વનવાસ ભોગવવો પડયો.
વનવાસમાંથી પાછા આવ્યા પછી, પાંડવોએ ન્યાયપૂર્વક દુર્યોધન પાસેથી પોતાનું રાજ્ય પાછું માંગ્યું પરંતુ તેણે તે પાછું આપવાની ધરાર ના પાડી. પાંડવો રાજ્યનો વહીવટ સંભાળનાર ક્ષત્રિય તરીકે કાર્ય કરી પ્રજાની સેવા કરવાના કર્તવ્યથી બંધાયેલ રાજકુમારો હતાં, તેથી છેવટે તેમણે પોતાનું સમગ્ર રાજ્ય જતું કરીને માત્ર પાંચ ગામ માગ્યાં, પરંતુ દુર્યોધને ઉદ્દંડતાપૂર્વક એવો ઉત્તર આપ્યો કે તે સોયની અણી જેટલી ભૂમિપણ તેમને આપશે નહીં.
આ બધી ઘટનાઓ દરમ્યાન પાંડવો અત્યાર સુધી સહનશીલ રહ્યાં હતાં. પરંતુ હવે યુદ્ધ કરવું અનિવાર્ય લાગતું હતું.
જગતના રાજાઓમાંથી કેટલાક ધૃતરાષ્ટ્રના પુત્રોના પક્ષે જોડાયા અને કેટલાંક પાંડવોના પ્રશ્ને જોડાયા, ત્યારે સ્વયં કૃષ્ણે પાંડવોના સંદેશાવાહકની ભૂમિકા સ્વીકારી અને શાંતિની હિમાયત કરવા ધૃતરાષ્ટ્રની રાજસભામાં ગયા, જ્યારે તેમની વિનયપૂર્ણ વિષ્ટિનો સ્વીકાર ન થયો ત્યારે યુદ્ધ અનિવાર્ય બન્યું.
અત્યંત ઉમદા ચરિત્ર ધરાવનારા પાંચે પાંડવો ભગવાન કૃષ્ણને પૂર્ણ પુરૂષોત્તમ પરમેશ્વર છે એવું જાણી તેમને સન્માન આપતા હતાં, પરંતુ ધૃતરાષ્ટ્રના દુષ્ટ પુત્રો તેમને ઓળખી શક્યા નહોતા. તેમછતાં કૃષ્ણ તેમના વિરોધીઓની ઈચ્છાનુસાર જ યુદ્ધમાં ભાગ લેવા સમંત થયા હતાં. ઈશ્વર તરીકે તેઓ જાતે યુદ્ધ કરવાના નહોતા, પરંતુ જે કોઈ તેમના સૈન્યનો ઉપયોગ કરવા ઈચ્છે તે કરી શકે અને બીજો પક્ષ સ્વયં કૃષ્ણને પથપ્રદર્શક તથા સહાયક તરીકે મેળવી શકે. રાજકારણમાં કુટિલ દુર્યોધને કૃષ્ણની સશસ્ત્ર સેનાની માંગણીની તક ઝડપી લીધી, જ્યારે પાંડવોએ એટલી જ આતુરતાથી સ્વયં કૃષ્ણને સ્વીકાર્યા.
આ પ્રમાણે કૃષ્ણ અર્જુનના સારથિ થયા અને તેમણે તે સુવિખ્યાત ધનુર્ધરનો રથ હાંકવાની જવાબદારી સ્વીકારી. આમ, જ્યાંથી ભગવદ્ગીતાનો પ્રારંભ થાય છે તે ઘટના સુધી આપણે આવી પહોંચીએ છીએ-બંને પક્ષના સૈન્યો બે બાજુએ યુદ્ધ કરવા તૈયાર થઈને ઊભાં છે અને ધૃતરાષ્ટ્ર ચિંતિત થઈ પોતાના મંત્રી સંજ્યને પૂછી રહ્યાં છે કે, તે સેનાઓએ શું કર્યું...?
એ રીતે સમગ્ર પૃષ્ઠભૂમિ તૈયાર છે. આવશ્યકતા માત્ર આ અનુવાદ તથા ભાષ્ય વિષે સંક્ષિપ્ત ટિપ્પણીની છે.
"જે ગંગાજળનું પાન કરે છે તેને મોક્ષ મળે છે, તો પછી જે મનુષ્ય ભગવદ્ગીતાનું અમૃતનું પાન કરે છે, તેને માટે તો કહેવું જ શું...? ભગવદ્ગીતા મહાભારતનું અમૃત છે અને તે સ્વયં ભગવાન કૃષ્ણે, આદ્ય વિષ્ણુએ કહી છે" ભગવદ્ગીતા પૂર્ણ પુરૂષોત્તમ પરમેશ્વરના મુખમાંથી નીકળી છે અને ગંગા ભગવાનનાં ચરણ કમળમાંથી નીકળી છે. જો કે ભગવાનના મુખ તથા ચરણ કમળોમાં કોઈ ભેદ નથી, પરંતુ તટસ્થભાવે અધ્યયન કરવાથી આપણે સમજી શકીશું. કે ભગવદ્ગીતા ગંગાજળથી પણ વધુ મહત્ત્વપૂર્ણ છે.
ગીતા માત્ર ધાર્મિક ગ્રંથ જ નથી પણ એક મનૌવૈજ્ઞાનિક ગ્રંથ પણ છે. ગીતા મનુષ્યનાં મનનું વિશ્લેષણ કરીને મૂંઝવણોને દૂર કરે છે. જીવનથી કે પછી કર્મથી વિમુખ થઈ ગયેલા પથિકને ગીતા જ નાવિક બનીને સાહિલ સુધી પહોંચાડે છે. જીવનકર્મ પ્રત્યેનો સકારાત્મક દૃષ્ટિકોણ ગીતા જ આપે છે. હતાશાનાં અંધકારમાંથી ઉઠાવીને મનુષ્યને મંગલમય જીવનનો સુપ્રારંભ કરવાની પ્રેરણા ગીતાથી મળે છે.
આ રીતે ગીતા એક આધ્યાત્મિક ગ્રંથ હોવાની સાથે એક વ્યવહારૂ ગ્રંથ પણ છે. તે મનનું વિજ્ઞાન છે. મનની દરેક ગૂંચવડોને ગીતાની પંક્તિ ઉકેલી શકે છે. ગીતાનો આધ્યાત્મિક મર્મ એ છે કે સંસાર પણ એક સંગ્રામછે, જેમાં આપણે ઉત્તમ ફળની પ્રાપ્તિ માટે સંઘર્ષ કરીએ છીંએ. ભગવદ્ ગીતા દરેક મનુષ્યને સત્કર્મ કરવાની પ્રેરણા આપે છે. હરે કૃષ્ણ....
:: સંકલન ::
મુરલીધરદાસ પ્રભુજી,
પ્રમુખ ઈસ્કોન કેન્દ્ર, જામનગર
મો. ૯૪૨૮૯ ૦૧૮૯૬
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૨૫મી નવેમ્બરઃ ભગવાન મહાવીર દીક્ષા કલ્યાણક
ભગવાન મહાવીર સ્વામી દીક્ષા કલ્યાણક કારતક વદ-૧૦ સોમવાર તા. ૨૫-૧૧-૨૦૨૪ ના મનાવાય છે. તીર્થંકરોના જીવનમાં પાંચ દિવસો મહામહત્ત્વના ગણાય છે આ પાંચેય પ્રસંગે ત્રણે લોકમાં પ્રકાશ થાય છે. ભયંકર અંધકારમાં સબડતા નાસ્કી જીવો પણ પ્રકાશને પામે છે. આ પાંચેેય પ્રસંગો જગતના સર્વ જીવોનું કલ્યાણ કરનારા હોવાથી કલ્યાણક તરીકે ઓળખવામાં આવે છે.
પ્રભુ વીરનું દીક્ષા કલ્યાણક વિ.સ.પૂર્વે ૫૧૩, ઈ.સ.પૂર્વે ૫૬૯ કારતક વદ ૧૦ ક્ષત્રિય કુંડ ગ્રામનગર. પ્રભુ મહાવીર તેમના જીવનના ૨૮ વર્ષ પૂર્ણ કરી રહ્યા હતા. ત્યારે તેમના મોટાભાઈ નંદિવર્ધને તેમને થોડા વર્ષ ઘરમાં રહેવા અનુરોધ કર્યો. મહાવીરની વિનમ્રતા તેનો સ્વીકાર કરેલ, તેઓએ બે વર્ષ ઘરમાં રહ્યા, પણ ઘરથી દૂર રહ્યા, મહાવીરે ઘર છોડવા માટે પરિવારની અનુમતિ મેળવી લીધી. તેઓ ક્યાંક ક્ષત્રિયકુંડ ગામની બહાર છેક ઉદ્યાનમાં ગયા. લોકોની સમક્ષ તેમને સ્વયંની શ્રવણની દીક્ષા સ્વીકારી આજીવન સમતાના માર્ગ પર ચાલી નીકળ્યા. પ્રભુ મહાવીર દીક્ષા બાદ ૧૨ વર્ષ સુધી ઉગ્ર તપશ્ચર્યા કરી સાડાબાર વર્ષમાં ફક્ત ૩૪૬ દિવસ એક ટંક જે મળે તે ભોજન કરેલ. બાકીના તમામ દિવસો પાણી વગરના ચૌવિહાર ઉપવાસ કરેલ. ભીષણ ઉપવાસ તથા પરિશ્રમ સમભાવમાં સહન કર્યા. આત્મબળ વડે આત્માના શત્રુઓને પરાજિત કર્યા. ભગવાન મહાવીર જેમ-જેમ વિદ્યાની સાધનામાં આગળ વધતા ગયા તેમ તેમની અહિંસા, મૈત્રી અને શાંતિની જ્યોત અધિક પ્રજ્વલ્લિત થઈ ગઈ. વેર, અશાંતિ દેહમાં થાય છે. વિદેહમાં નથી થતું.
જૈનોમાં સંયમનું મહત્ત્વ અનેરું હોય છે. પ્રભુની દીક્ષા પાલખી કોણ ઉપાડે તેનો વિવાદ ભૂમિ ગાયારી, રામયા, વિદ્યાધર રાજાઓ તથા દેવો વચ્ચે થયો. આ વિવાદના સમાધાન માટે બધાએ વર્ધમાનને પૂછ્યું કે, પહેલા પાલખી કોણ ઉપાડે. ત્યારે પ્રભુએ જવાબ આપ્યો કે જે ચારિત્ર અંગીકાર કરી શકે તે પ્રથમ સાત પગલા પાલખી ઉપાડે. ઈન્દ્રદેવ મૂંઝવણમાં પડી ગયા. તેને પોતાનું ઈન્દ્રપદ તુચ્છ લાગ્યું. કારણ દેવા ચારિત્ર અંગીકાર કરી શકતા નથી. ચારિત્ર દીક્ષા ફક્ત માનવભવમાં થઈ શકે .
પ્રભુ કહેતા આ જગતના નિષ્કપટ ગણાતા જીવનેય જે પોતાના હૃદયનો પ્રેમ આપી શકે છે. એને જ પ્રકૃષ્ટ એવું પરમાત્મા પદ પ્રાપ્ત થાય છે.
અનાદિકાળથી ઉત્થાન અને પતનનો ક્રમ સંસારમાં ચાલ્યા કરે છે. અનંદ આત્માઓ આ સુખદુઃખની માયાજાળમાં પોતાનું જીવન સમાપ્ત કરી દીધું પરંતુ કેટલાક પુણ્યશાળી આત્માઓ ચિંતામણી રત્ન સમાન માનવભવ અતિ મૂલ્યવાન સમજીને જીવમાંથી શિવ, કંકટમોચ શંકર, આત્મામાંથી પરમાત્મા બનવાના પંથે પ્રયાણ કરે છે. પ્રભુનો આ શ્રેણીમાં સમાવેશ થવામાં છે. આચારમાં અહિંસા, વિચારમાં અને કાન્ત વાણીમાં સંવાદવાદ સ્થપાયો ધર્મ ઉત્કૃષ્ટ મંગલ છે. તથા અહિંસા, સંયમ તેના લક્ષણો છે.
આ પરમ પવિત્ર દિવસે આપણા સૌના હૃદયમાં આ ભાવ આવે તેવી પ્રાર્થના...
આલેખનઃ દિપકકુમાર વાડીલાલ વસા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૧ નવેમ્બરઃ વિશ્વ ટેલિવિઝન દિવસ
દર વર્ષે ર૧ નવેમ્બરે વિશ્વ ટેલિવિઝન દિવસ ઉજવાય છે. વર્ષ ૧૯૯૬ માં સંયુક્ત રાષ્ટ્ર સંઘે વિશ્વ ટેલિવિઝન ફોરમનું આયોજન કર્યું હતું, તે પછી સંયુક્ત રાષ્ટ્ર સંઘની સામાન્ય સભામાં દર વર્ષે ર૧ નવેમ્બરે વિશ્વ ટેલિવિઝન દિવસ ઉજવવાનું નક્કી થયું હતું.
આજના દિવસે દુનિયાભરમાં ટેલિવિઝનમાં ક્રાંતિ અને સામૂહિક માધ્યમ (માસ મીડિયા) ના ક્ષેત્રે થયેલી પ્રગતિ અંગે ચર્ચા-પરામર્શ કરવામાં આવે છે. મનોરંજન જ નહીં, શિક્ષણ, વિકાસ અને લોક-કલ્યાણ માટે પણ ટેલિવિઝનની ઉપયોગીતા અને તેના આધુનિકરણ અંગે વિશ્લેષણો થાય છે અને ટેલિવિઝનનો વ્યાપ છેક દુર્ગમ અને સરહદી વિસ્તારો સુધી પહોંચાડ્યા પછી તેની લોકશિક્ષણ અને માનવીય કલ્યાણ માટે સદુપયોગ વધારવાની સાથે સાથે દેશભરની સાંસ્કૃતિક વિવિધતાના આદાન-પ્રદાનની તક આજે મળે છે, જેનો ફાયદો વિશ્વ કલ્યાણની વિચારધારાને થાય છે.
ભારતમાં ટેલિવિઝનનો પ્રારંભ વર્ષ ૧૯પ૮-પ૯ પછી થયો હતો અને દિલ્હીમાં વર્ષ ૧૯પ૮ માં દેશનું મુખ્ય સ્ટેશન 'ટેલિવિઝન ઈન્ડિયા'ના નામથી શરૂ થયું હતું. વર્ષ ૧૯૬પ માં નામ બદલીને 'દૂરદર્શન' કરાયું હતું. વર્ષ ૧૯૭૦ ના દાયકા પછી દેશમાં ખાનગી ટેલિવિઝન ચેનલો શરૂ થઈ અને વર્ષ ૧૯૮૯ માં ઈન્ડિયામાં ખાનગી ટીવીનો પ્રારંભ થયો હતો, તે પછી તો સેંકડો ન્યૂઝ, મ્યુઝિક, ફિલ્મ, બિઝનેસ, સ્પોર્ટર્સ, ઈકોનોમી અને ધાર્મિક-સામાજિક વિષયો પર અલગ-અલગ ખાનગી ચેનલોની ભરમાર ઊભી થઈ અને આજે હજારો ન્યૂઝ ચેનલો આપણે માણી રહ્યા છીએ.
આજના દિવસે દુનિયાભરમાં ટેલિવિઝનમાં ક્રાંતિ અને સામૂહિક માધ્યમ (માસ મીડિયા) ના ક્ષેત્રે થયેલી પ્રગતિ અંગે ચર્ચા-પરામર્શ કરવામાં આવે છે. મનોરંજન જ નહીં, શિક્ષણ, વિકાસ અને લોક-કલ્યાણ માટે પણ ટેલિવિઝનની ઉપયોગીતા અને તેના આધુનિકરણ અંગે વિશ્લેષણો થાય છે અને ટેલિવિઝનનો વ્યાપ છેક દુર્ગમ અને સરહદી વિસ્તારો સુધી પહોંચાડ્યા પછી તેની લોકશિક્ષણ અને માનવીય કલ્યાણ માટે સદુપયોગ વધારવાની સાથે સાથે દેશભરની સાંસ્કૃતિક વિવિધતાના આદાન-પ્રદાનની તક આજે મળે છે, જેનો ફાયદો વિશ્વ કલ્યાણની વિચારધારાને થાય છે.
ભારતમાં ટેલિવિઝનનો પ્રારંભ વર્ષ ૧૯પ૮-પ૯ પછી થયો હતો અને દિલ્હીમાં વર્ષ ૧૯પ૮ માં દેશનું મુખ્ય સ્ટેશન 'ટેલિવિઝન ઈન્ડિયા'ના નામથી શરૂ થયું હતું. વર્ષ ૧૯૬પ માં નામ બદલીને 'દૂરદર્શન' કરાયું હતું. વર્ષ ૧૯૭૦ ના દાયકા પછી દેશમાં ખાનગી ટેલિવિઝન ચેનલો શરૂ થઈ અને વર્ષ ૧૯૮૯ માં ઈન્ડિયામાં ખાનગી ટીવીનો પ્રારંભ થયો હતો, તે પછી તો સેંકડો ન્યૂઝ, મ્યુઝિક, ફિલ્મ, બિઝનેસ, સ્પોર્ટર્સ, ઈકોનોમી અને ધાર્મિક-સામાજિક વિષયો પર અલગ-અલગ ખાનગી ચેનલોની ભરમાર ઊભી થઈ અને આજે હજારો ન્યૂઝ ચેનલો આપણે માણી રહ્યા છીએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૬ નવેમ્બર બંધારણ દિવસ
દર વર્ષે ર૬ નવેમ્બરે બંધારણ દિવસની ઉજવણી થાય છે. રપ નવેમબરની રાત્રિથી સંસદભવનને રંગબેરંગી રોશનીથી શણગારવામાં આવે છે, અને બંધારણ સભાના તમામ સભ્યો તથા બંધારણ ડ્રાફ્ટના ઘડવૈયા ડો. બાબાસાહેબ આંબેડકરને યાદ કરીને તેઓને પુષ્પાંજલિ અર્પણ કરવામાં આવે છે.
ભારતીય બંધારણ ર૬ જાન્યુઆરી ૧૯પ૦ થી અમલી બન્યું હતું, પરંતુ તેની સ્વીકૃતિ તા. ર૬ નવેમ્બર ૧૯પ૦ ના દિવસે જ કરી લેવામાં આવી હતી. તેથી ર૬ મી જાન્યુઆરીના દિવસે ભારતમાં પ્રજાસત્તાક દિવસ ઉજવાયું તે પહેલા દર વર્ષે ર૬ નવેમ્બરે બંધારણ દિવસ ઉજવાય છે.
દર વર્ષે ર૬ નવેમ્બરે દેશભરમાં વિધિવત રીતે બંધારણ દિવસ ઉજવવાનો પ્રારંભ ર૬ નવેમ્બર ર૦૧પ થી થયો હતો, તે પહેલાથી ર૬ મી નવેમ્બરે રાષ્ટ્રીય કાનૂન દિવસ મનાવાતો રહ્યો હતો.
ભારતનું બંધારણ અમલી બન્યા પછી અત્યાર સુધીમાં ૧૦૦ થી વધુ સુધારા થયા છે, કારણ કે બંધારણના ઘડવૈયાઓએ બંધારણને સ્થિતિસ્થાપક રાખવાની જોગવાઈઓ કરી છે. કોઈપણ સંજોગોમાં નાગરિકોના મૂળભૂત હક્કો સરકાર, સંસદ કે કોઈપણ સત્તા ઝુંટવી શકતી નથી, જો કે અપવાદ રૂપે આંતરિક કે બાહ્ય કટોકટીના સમયે મર્યાદિત સમયગાળા માટે મૂળભૂત અધિકારો સ્થગિત કરવાનો ઈતિહાસ પણ નોંધાયેલો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૧૬ નવેમ્બરઃ નેશનલ પ્રેસ-ડે
દર વર્ષે ૧૬ નવેમ્બરે રાષ્ટ્રીય પ્રેસ દિવસ ઉજવાય છે. ભારતમાં સ્વતંત્ર અને જવાબદાર પ્રેસ મીડિયાના થીમને કેન્દ્રમાં રાખીને આ ઉજવણી થાય છે. આ દિવસે જ ભારતીય પ્રેસ પરિષદ એટલે કે પ્રેસ કાઉન્સિલ ઓફ ઈન્ડિયાની સ્થાપના થઈ હતી. આ કાઉન્સિલને મોરલ વોચડોગ પણ કહે છે. વર્ષ ૧૯૬૬ ની ૧૬ મી નવેમ્બરથી આ કાઉન્સિલ કાર્યરત થઈ હતી. ભારતના બંધારણમાં અનુચ્છેદ ૧૯ માં ભારતીયોને અભિવ્યક્તિની આઝાદી અપાઈ છે, જે અંતર્ગત ભારતીય પ્રેસ-મીડિયાની સ્વતંત્ર અને બંધારણીય સંસ્થા પ્રેસ કાઉન્સિલ ઓફ ઈન્ડિયા કામ કરી રહી છે, જેની કેટલીક નૈતિક અને સંવૈધાનિક જવાબદારીઓ પણ છે.
જો કે, આંતરરાષ્ટ્રીય પત્રકારિત્વ સ્વતંત્રતા દિવસ દર વર્ષે ત્રીજી મે ના દિવસે મનાવાય છે. વર્ષ ૧૯૯૧ માં યુનેસ્કો અને સંયુક્ત રાષ્ટ્રના 'જનસૂચના વિભાગ' એટલે કે પબ્લિક રિલેશન્સ ડિપાર્ટમેન્ટ દ્વારા આ ઉજવણી વર્ષ ૧૯૯૧ થી થઈ રહી છે.
એ પહેલા અંગ્રેજ સલ્તનતના શાસન હેઠળ વર્ષ ૧૮૭૮ માં દેશી પ્રેસ અધિનિયમ પસાર કરવામાં આવ્યો હતો, જે ભારતીય ભાષાઓમાં પ્રસિદ્ધ થતી પત્રિકાઓ તથા અખબારો પર નિયંત્રણ રાખતા હતાં. રેડિયો તો સરકારના નિયંત્રણ હેઠળ જ હતો, પરંતુ આઝાદી પહેલા ભારતમાં પ્રેસની સ્વતંત્રતા પણ અંકુસિત હતી અને આ અધિનિયમને ભારતીય સ્વાતંત્ર્ય ચળવળના સમાચારોને દબાવી દેવા માટે ભરપૂર ઉપયોગ (દુરૂપયોગ) થયો હતો, અને સેંકડો અખબારો-લઘુ અખબારો બંધ કરાવાયા અને પ્રેસ જપ્ત કરાયા હતાં.
આઝાદી પછી બંધારણે વાણી સ્વાંત્ર્યનો અધિકાર આપ્યા પછી પ્રેસ સ્વતંત્ર થયું અને તે પછી વર્ષ ૧૯૬૬ માં પ્રેસ-મીડિયાની સ્વતંત્રતા તથા બંધારણીય જવાબદારીઓના નિર્વહન માટે પ્રેસ કાઉન્સિલ ઓફ ઈન્ડિયાની સ્થાપના થઈ હતી, જેને અનુલક્ષીને આજે થઈ રહેલી ઉજવણી દરમિયાન કેટલાક વિશિષ્ટ એવોર્ડ તથા પુરસ્કારો પણ અપાતા હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૧૭ નવેમ્બરઃ આંતરરાષ્ટ્રીય છાત્ર દિવસ
દર વર્ષે ૧૭ નવેમ્બરે આંતરરાષ્ટ્રીય છાત્ર દિવસ અથવા ઈન્ટરનેશનલ સ્ટુડન્ટ્સ ડે ઉજવાય છે. બીજા વિશ્વ યુદ્ધ દરમિયાન ૧૭ નવેમ્બર ૧૯૩૯ માં નાઝિયોએ પ્રાગ વિશ્વ વિદ્યાલય પર હુમલો કર્યો હતો, અને વિદ્યાર્થીઓ પર કોઈ ખટલો ચલાવ્યા વિના પ્રતાડિત કરાયા હતા. એટલું જ નહીં, તેઓનો સામૂહિક સંહાર પણ કરવામાં આવ્યો હતો. આ વિદ્યાર્થીઓમાંથી બચી ગયેલા વિદ્યાર્થીઓનું સન્માન કરાયું હતું તથા વિદ્યાર્થીઓના ત્યાગ તથા બલિદાનોની સ્મૃતિ જીવંત રાખવા દર વર્ષે વિશ્વભરમાં ૧૭ નવેમ્બરે વિદ્યાર્થીઓનું સન્માન કરવામાં આવે છે. આ દિવસે વિદ્યાર્થીઓના શિક્ષણ માટે મદદ, તેજસ્વી વિદ્યાર્થીઓનું સન્માન, બહુ સંસ્કૃતિવાદ (વસુધૈવ કુટુંબકમ્ જેવી ભાવના) ને ઉત્તેજન અને વિદ્યાર્થીઓની જનજાગૃતિના કાર્યક્રમો વિશ્વભરમાં યોજાય છે.
દર વર્ષે દુનિયાભરના દેશોમાં વિદ્યાર્થીઓના વર્કશોપ, સેમિનારો, વ્યાખ્યાનો, અને વર્તમાન યુગને અનુરૂપ વીડિયો કોન્ફરન્સો તથા સોશિયલ મીડિયામાં વિશેષ ઝુંબેશો ચલાવાય છે. ચેક ગણરાજ્ય અને સ્લોવાકિયામાં જાહેર રજા હોય છે.
ચેકોસ્લોવાકિયામાં બનેલી ઘટના અને સામૂહિક સંહાર પછી વર્ષ ૧૯૪૧ માં લંડનમાં એક આંતરરાષ્ટ્રીય કક્ષાનું સંમેલન બોલાવાયું હતુંં, અને ફાંસીવાદ સામે લડત આપવાનું આહ્વાન કરાયું હતું. તે દરમિયાન નિર્ણય લેવાયો અને ૧૭ મી નવેમ્બરે શહીદ થયેલા વિદ્યાર્થીઓની સ્મૃતિ તથા સંઘર્ષની યાદમાં દર વર્ષે આંતરરાષ્ટ્રીય છાત્ર દિવસ (ઈન્ટરનેશનલ સ્ટુડન્ટ ડે) ઉજવવાનું નક્કી થયું હતું. તે પછી દર વર્ષે આ ઉજવણી થતી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૯ નવેમ્બરઃ વિશ્વ લીગલ સર્વિસ ડે
દર વર્ષે નવ નવેમ્બરે વર્લ્ડ લીગલ સર્વિસ ડે અથવા વિશ્વ કાનૂની સહાયતા દિવસ મનાવાય છે. આ દિવસે લોકોને લીગલ સર્વિસિઝનો ઉદ્દેશ્ય સમજાવીને કાનૂની શિક્ષણ પૂરૂ પાડવા માટે વિવિધ કાર્યક્રમો, શિબિરો, વ્યાખ્યાનો, વર્કશોપ અને નાટકો-પ્રદર્શનો અને પ્રેઝન્ટેશન્સ યોજાય છે, અને નિઃશુલ્ક કાનૂની સહાયના પ્રબંધોની જાણકારી અપાય છે. આ પ્રકારના કાર્યક્રમો હેઠળ મહિલાઓ, દિવ્યાંગો, પછાત વર્ગો, બાળકો, અુનસૂચિત જાતિ-જનજાતિ સમાજો, કુદરતી આફતો, માનવ તસ્કરીના પીડિતો સહિતના લોકો માટે ન્યાય મેળવવા અને કાનૂની સંરક્ષણ માટે થયેલી લીગલ વ્યવસ્થાઓ અંગે વિસ્તૃત માહિતી, માર્ગદર્શન અને તદ્વિષયક સાહિત્ય પણ અપાય છે.
નેશનલ લીગલ સર્વિસ ઓથોરિટી (નાલસા) ની રચના વર્ષ ૧૯૮૭ ના એક એક્ટ હેઠળ થઈ હતી, જે નેશનલ લીગલ સર્વિસિઝ એક્ટ-૧૯૮૭ તરીકે પણ ઓળખાય છે. આ અધિનિયમ અધિકૃત રીતે વર્ષ ૧૯૯પ થી અમલી બન્યો હતો. આ વ્યવસ્થા હેઠળ લોક-અદાલતો તથા પ્રિ-લિટીગેશનનું આયોજન પણ થતું હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વિશ્વ રેડિયોગ્રાફી દિવસ
દર વર્ષે આઠ નવેમ્બરે વર્લ્ડ રેડિયોગ્રાફી દિવસ મનાવાય છે. વર્ષ ૧૮૯પ ની આઠમી નવેમ્બરે એક્સ રેડિયેશન અથવા એક્સ-રેની શોધ થઈ હતી. જર્મન વૈજ્ઞાનિક વિલ્હેમ કોનરાડ રોંટજેને આ શોધ કરી હોવાથી તેને વર્ષ ૧૯૦૧ નું ફિઝિક્સનું પહેલુ નોબેલ પારિતોષિક પણ એનાયત રાયું હતું.
રોંટજેન મિકેનિકલ એન્જિનિયર ઉપરાંત ભૌતિકશાસ્ત્રી પણ હતાં. તેમણે યુનિવર્સિટી ઓફ ઝ્યુરિવમાંથી ભૌતિકશાસ્ત્રીની ડીગ્રી મેળવી હતી. તે પછી તેમણે વિવિધ અન્ય યુનિવર્સિટીઓમાં પણ કામ કર્યું. વર્ષ ૧૯૦૦ માં તેઓ યુનિવર્સિટી ઓફ મ્યુઝિકમાં જોડાયા અને ત્યાં જ સ્થાયી થઈ ગયા.
બિલ્હેમ કોનરાડ રોંટજેનના લગ્ન વર્ષ ૧૮૭ર માં બર્થા લુડવિગ સાથે થયા હતાં, પરંતુ તેમને સંતાન નહોતું, તે પછી તેમણે પોતાના સાળા (લુડવિગના ભાઈ) ની દીકરીને દત્તક લીધી હતી.
આજે રેડિયોલોજીનો ઉપયોગ ઘણો વધ્યો છે, રેડિયોલોજી આધારિત અદ્યતન સાધનો પણ વધ્યા છે અને આધુનિક ટેકનોલોજીની મદદથી ગંભીર રોગોની સારવારમાં આ શોધ મહત્ત્વપૂર્ણ પૂરવાર થઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સંત શિરોમણી પૂ. શ્રી જલારામ બાપાની ૨૨૫મી જન્મ જયંતી
તા. ૦૮-૧૧-૨૦૨૪ના
ભારતીય સંત પરંપરા એ આપણને નિઃસ્વાર્થ-ત્યાગી અને માનવતાના પૂજારી એવા અનેક મહાપુરુૂષની ભેટ આપેલ છે. આવા જ અનન્ય સંત એટલે વીરપુરના ભક્ત શ્રી જલારામબાપા.
માં રાજબાઈની કૂખે
એક રત્ન શો જલા થયો,
ધરી દેહ માનવનો પછી
સત્કર્મથી 'અલ્લા' થયો
સંત અને શૂરાની ભૂમિ સૌરાષ્ટ્રમાં જન્મ ધારણ કરી વીરપુરમાં જ માનવસેવાનો ભેખ ધારણ કરી સમગ્ર માનવજાત પ્રત્યે કરુણા દાખવનાર ભૂખ્યાને ભોજન આપનાર જલારામબાપાનું જીવન એ ઉચ્ચ કોટિના ભક્તિનું જીવન છે. પૂ. મહાત્મા ગાંધીએ પોતાના વિશે એમ કહ્યું છે કે : મારું જીવન એ જ મારો સંદેશ છે. પૂ. શ્રી જલારામબાપા માટે પણ આ જ આદર્શ સતત તેમની સમક્ષ રહ્યો હોય તેવું લાગે છે. બા૫ા કહેતા હરિરામનો સહાયક હરિ સમર્થ છે. હું જીવતા લાખનો અને મુઆ પછી સવા લાખનો હોઈશ અને વાત સત્ય માનજો...! કારણ મારો ઠાકર સમર્થ છે.
એક સામાન્ય લોહાણા પરિવારમાં સંવત ૧૮પ૬ના કારતક સુદ સાતમના રોજ જન્મ ધારણ કરી, વીરપુર જેવા નાનકડા ગામને કર્મભૂમિ બનાવી એકલપંડે અને આપબળે તેમણે માવજાત માટે જે કામ કર્યું છે તે પ્રેરણાદાયી છે. સંવત ૧૮૭૦માં તેમણે યજ્ઞોપવિત ધારણ કર્યું. સંવત ૧૮૭રમાં વીરબાઈમાં સાથે લગ્ન કર્યા.
ભૂખ્યાને ભોજન આપવું એ જ એમનો જીવન-ધર્મ અને એ માટે થઈને આખું જીવન તેમણે સંઘર્ષ કર્યો. અનેક મુશ્કેલીઓ અને વિટંબણાઓ વચ્ચે તેમણે પોતાનો ધર્મ આજીવન નિભાવ્યો. સંવત ૧૮૭૬ના મહા સુદ બીજ ને સોમવાર ના દિને વીરપુરમાં સદાવૃત બાંધ્યું.
ઉમટે હજારો લોક સૌ,
વીરપુર પાવન ધામમાં
શ્રદ્ધા ફળે સહુની સદાયે,
સંત જલારામમાં
જલારામબાપાનું સાદું અને સરળ જીવન માનવ માત્ર પ્રત્યેની કરુણા તથા કર્મયોગને કારણે વીરપુર જગતના નકશા ઉપર શ્રદ્ધાના કેન્દ્રબિંદુ તરીકે અંકિત થઈ ગયું છે. જલારામબાપાએ કોઈ ઉપદેશ નથી લખ્યું, કથા નથી કરી, તેમણે ફક્ત માનવ સહજ કરુણાથી ગરીબો માટે કામ કર્યું છે. તેના સતકાર્યની સુવાસ ચોતરફ ફેલાઈ જાય તે સ્વાભાવિક છે. ગોંડલના મહારાજાએ જલારામબાપાની સેવાવૃત્તિથી પ્રભાવિત થઈ પોતાના શાહી પરિવાર માટે આવેલા ફોટો ગ્રાફરને જલારામબાપાનો ફોટો લેવા વીરપુર મોકલેલા, જે દુર્લભ તસ્વીર આજે પણ મોજુદ છે. આમ રાજાથી માંડી રંક સુધી તમામને પોતાના સેવા કાર્યોથી પ્રભાવિત કરનાર ભક્ત શ્રી જલારામબાપા સ્વયં મહામાનવ હતા.
તેમણે શરુ કરેલી ભુખ્યાને ભોજન આપવાની પ્રવૃત્તિ આજે ખૂબ જ વિસ્તરીને વટવૃક્ષ બની ગઈ છે. ગુજરાતના ઘણાં શહેરોમાં જલારામબાપાના મંદિરો થયા છે. ત્યાં વીરપુરની માફક નાત-જાતના ભેદભાવ વગર સદાવૃત્તો ચાલે છે. ગુજરાત ઉપરાંત દેશ અને હવે તો પરદેશમાં પણ આ ઉમદા પ્રવૃત્તિ ફેલાતી જાય છે. જલારામબાપાની વિચારશરણીને માનનાર ભક્તોનો પ્રવાહ વધતો જાય છે.
આર્યનારી વીરબાઈનું સમર્પણ અનેરૃં, અનોખું અને અદ્વિતીય હતું. સમર્પણની સાધના એ મહાન સિદ્ધિ છે. આ સિદ્ધિ દ્વારા વીરબાઈનું નામ આજે જગવિખ્યાત બન્યું છે.
હો ઠક્કર હુકુમત કો જલાબાપા... કોઈ લશ્કર વીરપુર માથે આવી રહ્યું છે. હાંફતા હાંફતા એક માણસે દોડી આવીને સમાચાર દીધા. જલાબાપા એવે ટાણે સાધુઓની પંગતને પીરસી રહ્યા હતાં. કયાંથી આવે છે ? ઈ તો ખબર નથી.. પણ સો થી દોઢસો ઘોડા હશે.. ફિંફોટા ઉડાડતાં આવી રહ્યા છે. ભંડારીજી જલા ભગતે બૂમ મારી અંદરથી વીરબાઈમાએ હુંકારો ભણ્યોને થોડી વારે વીરબાઈમાં બહાર આવ્યા. ભંડારી, લશ્કરનું લોગ આવે છે... ઈ બાપડા જણ ભૂખ્યા હશે. ! કૂણ જાણે કયારેય નિસર્યા હશે... જો લાડવાને ગાંઠિયા પડ્યા હોય, તો હું પાદરે જઈને એમને આપી આવું. ઘણુંય પડયું છે. પ્રભુ ! જાઓ, જલદી જાઓ. કેટાણા ના ઈ ભૂખ્યા હશે. રામ જાણે ! કહીને ભંડારીએ લાડવાને ગાંઠિયાના બકડિયા ભરીને આપ્યા. જલા ભગતે એક બકડિયું પોતાના માથે ઉપાડ્યું ને બીજા થોડાં સેવકને ઉપડાવ્યાને લઈને એ તો પાદરમાં આવીને ઊભા.. દડમજલ કરતા લશ્કરના ઘોડા વીરપુરના પાદરમાં ઠેરાણા. ધૂળથી આભ આખું ઢંકાઈ ગયું. ધૂળના એ વાદળોને ચીરીને જ્યાં પહેલા અસવારે પ્રવેશ કર્યો... ત્યાં જલારામ બાપાએ બે હાથ જોડીને કહ્યું, એ... ય, રામ..રામ... અસવારે ઘોડાનું ચોકડું ખેચ્યું. ઘોડો એકદમ થંભી ગયો. ઘોડાના ડિલ માથેથી પરસેવાનો રેલો નીતરતો હતો. રામ...રામ... અસવારે જવાબ દીધો ને ભગત સામે જોયું.. નીચે ઉતરો મારા રામ...! આ પરસાદ લેતા જાઓ... જલા ભગતે બે હાથ જોડીને કહ્યું કરડી આંખવાળા સિપાહીના મોઢા માથે જરાક કુણી લાગણીની રેખાયું અંકાઈ. ભગત, અમે કાંઈ એક બે અસવારો નથી.. દોઢસો માણસ છીએ. બધાંને મારો ઠાકર મા રાજ આપી દેશે... આ ઘોડાને જરાક આરામ દયો અને તમેય નીચે ઉતરો તમે કુણ..બાપા...?
સિપાહીના મોઢામાંથી સવાલ સરી પડ્યો મને જગત જલો ભગત કહે છે. સિપાહી નીચે ઉતર્યો. ત્યાં તો એક પછી એક સિપાહીઓ આવતા ગયા. જલા ભગતે દોઢસો જેટલા સિપાહીઓને લાડવા અને ગાંઠિયા આપ્યા. અન્નક્ષેત્રની ધજા તે દિ જલા ભગતની જગ્યા છોડીને પાદર લગી પહોંચી ગઈ.
દોઢસો માણસો લાડવાને ગાંઠિયા ખાઈને પાદરમાં પોરો લેવા લાગ્યા. એક અસવાર ઘોડે ચડીને દૂર આવી રહેલા ધ્રાંગધ્રા મહારાજની સામે ગયો અને તેણે વાત કરી કે એક ભગત બધાય ને લાડવા ને ગાંઠીયા આપે છે. પાદરમાં ઊભા છે. ધ્રાંગધ્રાના મહારાજ પોતાના પરિવાર સાથે પ્રભાસ પાટણની યાત્રાએ જવા માટે નીકળ્યા હતાં. આ વાત સાંભળતા તેમણે વીરપુરના પાદરમાં જ વિસામો લેવાનું નક્કી કર્યું. મહારાજાની સવારી જયારે વીરપુરમાં આવી, ત્યારે જલો ભગત ત્યાં ઊભેલા. ભગતે રામ રામ કર્યા. ધ્રાંગધ્રાના મહારાજાએ રામ રામનો જવાબ આપ્યો ને આ વેપારીને જોવા લાગ્યા. સીધો સાદો લુહાણો... એક આંખ જરાક જીણી. સફેદ બાસ્તા જેવું કેડિયું. મોઢા માથે દેવતાઈ તેજના ફુવારા ઊડે. નિર્દોષ ચહેરો... બાપુ... ! ઠાકર મા રાજનો પરસાદ લેતા જાઓ... ભગત આટલી બધી મોટી સવારીને તમે કેમ કરીને હરિહર કરાવશો..? બાપુ...! જે આખી દુનિયાનું પાલન કરે છે, ઈ ઠાકર રાજનને આટલી સવારીને હરિહર કરાવવામાં કયાં વાંધો આવવાનો છે...? એની ધજાને વિસામે હંધુય થઈ રે શે... બાપુ...! ને પાદરમાં જલા ભગતે ધ્રાંગધ્રાની આખી સવારીને લાડવાને ગાંઠિયાથી ધરવી દીધી. ધ્રાંગધ્રાના મહારાજા ફાટી આંખે આ જોઈ રહ્યા હતાં. બે હાથ થોડીને ધ્રાંગધ્રાના મહારાજાએ કહ્યું. ભગત.. માગો...માણો... ! તમે માગો તે આપુ. જલા ભગત હસ્યા. બાપુ... શું માગું..? ઠાકર મા રાજની મેર છે. હજાર હાથવાળો એની ધજાને ફરકતી રાખે છે. બાપ... ! ધ્રાંગધ્રાના મહારાજાઆ વેણનો મરમ મારખી ગયા. જલા ભગત જેવા માણસને શું આપી શકાય...? એટલે તેમણે વાત ફેરવીને કહ્યું ભગત...! અમે ક્ષત્રિય લોક, અમે પરસાદ પણ એમને એમ ન લઈએ. તમારું ઋણ ભગત, અમારે માથે ચડ્યું છે. ને અત્યારે તો અમારી સવારી તીરથયાત્રા કરવા નીકળી છે. બે પૈસા વાપરવાનો અમારો આ સમય છે... ને ...? જલા ભગતે કહ્યું.. બાપુ ...! જો તમારા જીવને તાણ રેતી હોય તો આપના રાજમાંથી સારા પથરા મોકલાવી દેજો.. .જમીન નહીં જાગીર નહીં.. સોનું, રૂપું કે રૂપિયા નહીં, ને આ લોહાણો પથરા માગે છે.. ! મહારાજા આંચકો ખાઈ ગયા. ઘડીકવાર તો જલા ભગતના ચહેરા માથે જોઈ રહ્યા... પણ જલા ભગતના ચહેરા માથે નથી કોઈ વ્યંગ કે નથી કોઈ કૂડ કપટ. એ જ નિર્મળ સાદગીને શાંતિ. ભગત..! માંગી માંગીને પથરા માગ્યા ? તોય ધ્રાંગધ્રાના મહારાજાથી કહેવાય ગયું બાપુ. ઠાકર માહરાજના વિહામે જે આવે ઈ રોટલા ખાઈને જાય. ઘણીવાર સાધુને સંતોનો મેળો થઈ જાય, એવે ટાણે ઘંટીનો લોટ પૂરો થતો નથી. દળણાં દળાવવા પડે છે. પણ નાની ઘુંટુલિયુમાં કેટલો લોટ દળાય...? જો સારા પથરાની મોટી ઘંટુડિયું હોય, તો વધુ લોટ ઉતરે.. મેં સાભળ્યું છે કે, ધ્રાંગધ્રા રાજ્યમાં પથરા બઉ સારા છે.. તો અમારી આ વિપદા ટળે. ભગત, પથરા તો મોકલાવશું.. પણ જમીન જાગીર માગો.. અરે, તમારા આ આશરા ધરમ માટે જોઈએ તો આઠ-દસ ગામ આપું. જલા ભગતે બે હાથ જોડ્યા.. બાપુ..! અમારા જેવા સાધુ-સંતોને ગામને ગરાસ કેવા..? અમારે તો આખી ધરણી ઠાકર મહારાજની ... - અમારાથી ધરણીના ધણી ન થવાય... બાપુ... ! અમે તો રામનું ભજન કરીએ ને રામ આપે તે ટૂકડો સૌને દઈએ... પણ ભગત... મારા રાજમાં તમને જગા કાઢી આપું. ત્યાં આવીને આશરા ધરમની ધજા બાંધો.. બાપુ હું કુણ ધજા બાંધવાવાળો.. આ તો ઠાકર મારાજની ધજા છે...ઈ ની મરજી હશે ઈ યા લગી ફરકતી રેશે બાપુ..! ધ્રાંગધ્રાનો રાજવી આ સંતની નિર્લેપતાને જોઈ દંગ રહી ગયા. તેમણે સંતને પ્રણામ કર્યા અને પોતાના રાજ્યમાં જઈને ખાણમાંથી સારામાં સારા પથ્થરો ખોદાવીને વીરપુર મોકલ્યા ને ઈ હારે ધ્રાંગધ્રાથી ઘંટીના નિષ્ણાત કારીગરો પણ આવ્યા એમણે જગ્યામાં બેસીને વિશાળ ઘંટિયું બનાવી બળદથી ચાલે એવી વિશાળ ઘંટિયંુમાં રોજ આઠ દસ મણ દળણું દળાવા લાગ્યું એ સમયે રોજના આઠ દસ મણ લોટમાં એક હજાર માણ વીરપુરની જગ્યામાં પેટને તૃપ્ત કરવા લાગ્યું આજે આ ધામ વિશાળ વટ વૃક્ષ બની આજે હજારો દર્શાર્થીઓને તૃપ્ત કરે છે.
જલારામ બાપાને સાક્ષાત અન્નપૂર્ણા પ્રસન્ન થયા હતાં. શ્રી રામ અને હનુમાનજીમાં શ્રદ્ધા રાખનાર જલાનું અન્ન કદી ખૂટયું જ નથી તેઓ ચમત્કારી સંત હતાં. ભંડારી રસોઈ બનાવી દે ત્યારે જલારામ ત્યાં હાજર થઈ જાય. ભગવાન પાસે આ રસોઈ ધરાવાય, પછી ઘી નો દીવો કરે, ભોજન ઉપર એક તુલસીપત્ર મૂકે પછી ભગવાનને પ્રાર્થના કરે હે પ્રભુ, આ તમારા તરફથી બનેલું ભોજન હું સહુ ભક્તોને પીરસું છું ખૂટે-વધે એ તમારે જોવાનું પછી બીજા ભક્તોને કહે, બાપલા, તમ તમારે હવે પીરસવા માંડો, ઠાકોરજીની સાથે વાત થઈ ગયેલ છે. જ્યારે પચ્ચીસ માણસોની રસોઈ બની હોય તેમાંથી પાંચસો માણસ જમી જાય છતાં રસોઈ વધી પડતી. સંતશ્રી જલારામ બાપાએ સદાવ્રતની પ્રવૃત્તિ હાથ ધરીને અન્નદાનની સરવાણી વહેતી કરવાનું ભગીરથ કાર્ય અમલમાં મૂકી, આજે સૌરાષ્ટ્રના અનેક શહેરો-ગામોમાં તથા ગુજરાત-મહારાષ્ટ્ર દેશ-વિદેશમાં ઠેર-ઠેર જલારામ બાપાના મંદિરો અને સદાવ્રતો આજે ચાલુ છે. અને હજ્જારો સાધુ-સંતો અને ગરીબો-જલારામ ભક્તો આ પવિત્ર સેવાનો લાભ લઈ રહ્યાં છે. જલારામ બાપાએ રઘુવંશી સમાજનું નામ ઉજ્જવળ કર્યું છે.
સેવાભાવી સદાવ્રતી ભક્ત શ્રી જલારામ બાપા અને પૂજ્ય શ્રી વીરબાઈને પ્રણામ...
સરળતા, સાદગી અને નમ્રતાના પ્રતીક સમા એ સંતજનના જીવનની છેલ્લી સુવાસ આ પૃથ્વી પર સંવત ૧૯૩૭ના મહાવદ દશમને બુધવારના લઈ બાપા વૈકુંઠ સિધાવ્યા.
આજે આપણે સૌ તેમની ર૨૫મી જન્મ જયંતી ઉજવી રહ્યાં છીએ ત્યારે તેમને કોટિ કોટિ વંદન...
જલારામ જયંતી નિમિત્તે સર્વે જલારામ ભક્તોને જય જલારામ.
છેલ્લા... ૨૫ વર્ષથી જલારામ મંદિર વીર૫ુરમાં દાન-ભેટ-સોગાદ-ફંડ વગર અવિરત અન્નક્ષેત્ર ચાલુ છે તે એક વિશ્વ રેકોર્ડ સમાન છે.
શ્રી જલારામ જયંતી મહોત્સવ સમિતિ જામનગરના સ્થાપક સદસ્યો અભિનંદનને પાત્ર
સ્થાપક સદસ્યો જીતેન્દ્ર એચ. લાલ (જીતુ લાલ), રમેશભાઈ દત્તાણી, અનીલભાઈ ગોકાણી, રાજુભાઈ મારફતીયા, ભરતભાઈ મોદી, અતુલભાઈ પોપટ, રાજુભાઈ હિંડોચા, મનોજભાઈ અમલાણી, ભરતભાઈ કાનાબાર, મધુભાઈ પાબારી, રાજુભાઈ કોટેચા, નિલેશભાઈ ઠકરાર, મનિષભાઈ તન્ના છેલ્લા ૨૫ વર્ષથી સતત લોહાણા સમાજ સમૂહભોજન, સારસ્વત બ્રાહ્મણ (માસ્તાન) જ્ઞાતિ સમૂહભોજનની સેવા આપી સમાજની મિટિંગમાં નિવૃત્તિ જાહેર કરીને નવ યુવાનની ટીમને સુકાન સોંપેલ છે.
આ ટીમના તમામ સભ્યોએ સમાજને અનોખો રાહ ચિંધ્યો છે. તે તેમની સેવાની રઘુવંશી સમાજ તેમજ જલારામ ભકતોએ બિરદાવી અભિનંદન પાઠવ્યા છે.
દેને કો ટુકડો ભલો, લેને કો હરિનામ...
મહાઆરતી તથા પ્રસાદ
તા. ૦૮-૧૧-૨૦૨૪ને શુક્રવારના હાપા જલારામ મંદિર તથા સાધના કોલોની જલારામ મંદિરે સાંજે ૭ વાગ્યે મહાઆરતી ત્યારપછી જલારામ ભક્તો માટે મહાપ્રસાદની વ્યવસ્થા રાખેલ છે.
રમેશ એલ. રૂપારેલ, જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રમા એકાદશીથી દેવદિવાળીના તહેવારો
દિવાળીના તહેવારોના પડઘમ વાગ્યા છે, રમા એકાદશીથી શરૂ કરીને દેવદીવાળી સુધીના તહેવારોની ઉજવણી શરૂ થવા જઈ રહી છે. માર્કેટમાં ભીડ વધી રહી છે અને લોકો તહેવારોના રંગે રંગાવા લાગ્યા છે. રમા એકાદશીના દિવસે ભગવાન વિષ્ણુની પૂજા થાય છે. બારસના દિવસે વિષ્ણુના ૧ર સ્વરૂપોનું પૂજન થાય છે, એ ઉપરાંત આસો વદ બારસને વાઘબારસ પણ કહેવાય છે અને ગોવત્સ દ્વાદશીના નામે પણ આ દિવસ ઓળખાય છે, એવી કથા પ્રચલીત છે કે જ્યારે સમુદ્રમંથન થયું, ત્યારે તેમાંથી કામધેનુ પ્રગટ થઈ હતી પવિત્ર ગાયમાતાજીનું આ પ્રાગટ્ય થયું તે દિવસે આસો વદ બારસ હતી. આ કારણે આ દિવસે ગાયમાતાજીનું પૂજન પણ થાય છે.
ધનતેરસને આયુર્વેદના જનક ધન્વન્તરિજીના પ્રાગટ્યનો દિવસ ગણવામાં આવે છે ઉપરાંત આ દિવસે માતા મહાલક્ષ્મીનું વિશેષ પૂજન પણ થાય છે. લક્ષ્મીજીને ભાગ્ય લક્ષ્મી, ધનલક્ષ્મી, વૈભવલક્ષ્મી વગેરે નામોથી પણ પૂજવામાં આવે છે.ધનતેરસના દિવસે સોનું અને ચાંદીની ખરીદી શુકનવંતી ગણાય છે. આ દિવસે દિપદાન એટલે કે દિવડાઓનું દાન કરવાનું પણ મહત્ત્વ છે.
કાળી ચૌદસને માતાજીના મહાકાળી સ્વરૂપ સાથે સાંકળીને ઉજવવામાં આવે છે. કાળી ચૌદસને નરક ચતુર્દશી પણ કહેવામાં આવે છે, અને રૂપ ચૌદશ પણ કહેવાય નરકાસુરના વધ પછી ભગવાન શ્રીકૃષ્ણે ૧૬૧૦૮ બંદીવાન કન્યાઓને છોડાવ્યા પછી આ દિવસે તેની સાથે લગ્ન કર્યા હોવાની પણ કથા છે. આ દિવસે સૂર્યોદય પહેલા સ્નાનનું મહત્ત્વ છે.
દિવાળીના દિવસે ચોપડાપૂજન અને લક્ષ્મીપૂજન પણ થાય છે. ભગવાન રામ ૧૪ વર્ષનો વનવાસ પૂર્ણ કરીને અયોધ્યા પરત ફર્યા, તે દિવસ અયોધ્યાવાસીઓએ ઘેર-ઘેર દીપ પ્રાગટાવ્યા હતાં, તેના સંદર્ભે આ તહેવારને દિપાવલી પણ કહે છે. જહાંગીરે બંદીવાન બનાવેલ ગુરૂ હરગોવિંદસિંહને મૂકત કર્યા, તેની સ્મૃતિમાં શીખો દિવાળી ઉજવે છે, તો નેપાળમાં નેવાર બૌદ્ધધર્મના લોકો આ ઉત્સવ ઉજવે છે.
કારતક સુદ એકમથી સંવતઃ ર૦૧૮૧નો પ્રારંભ થશે, જે નૂતન વર્ષ તરીકે તથા બીજા દિવસે યમરાજા તથા યમુના મહારાણી સાથે સંકળાયેલી ભાઈબીજ ઉજવાશે. લાભપાંચમથી કામબંધ પુનઃ શરૂ થશે અને મંગલકાર્યોનો પ્રારંભ થશે. આ તહેવારો અગિયારસ સુધી ઉજવાશે અને દેવદિવાળીના સંપન્ન થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રામે રામ રમાડ્યા... રામે રામ રમાડ્યા...
આ વર્ષે ૧ર ઓક્ટોબર અને શનિવારે દશેરાની ઉજવણી કાંઈક અલગ જ છે. વિશ્વકક્ષાએ યુદ્ધો અને દેશમાં ચૂંટણી પરિણામોની અસરો વચ્ચે અને નવરાત્રિના સમાપન સમયે દશેરા અથવા વિજ્યાદશમીની ઉજવણી પછી હવે શરદપૂર્ણિમા અને તે પછી દિવાળીના તહેવારોની કતાર લાગશે. આસો વદ-અગિયારસથી કારતક સુદ અગિયારસ વચ્ચે શ્રેણીબદ્ધ તહેવારો ઉજવાશે.
નવરાત્રિમાં મા આદ્યશક્તિની આરતીમાં પણ ગાઈએ છીએ તે મુજબ દશેરાના દિવસે થતો રાવણવધનો પ્રસંગ સાંપ્રત સમયમાં પણ એટલો જ પ્રસ્તુત છે, બસ રામ અને રાવણના વિવિધ સ્વરૂપોને ઓળખવા પડે તેમ છે.
રાવણના દસ મસ્તક છેદાયા નહીં, તેથી તેની નાભિ પર પ્રહાર કરીને રાવણનો વધ કરાયો હતો. રાવણના દસ મસ્તકોને ઘણાં લોકો મદ, મોહ, લોભ, લાલચ, વિકૃતિ, ક્રૂરતા, ક્રોધ, જીદ, આસક્તિ અને અનૈતિક્તા તરીકે વર્ણવે છે. આ દેસેય મસ્તકવાળા રાવણને મારવા મસ્તકો છેદવાથી સફળતા મળતી નથી, કારણ કે તે પુનઃ પ્રગટે છે. આ દસેય દુર્ગણોને દૂર કરવા માટે રાવણની નાભિ પર ભગવાન શ્રીરામના તીરથી પ્રહાર કરવો પડે... અને આ માટે (ભગવાન) શ્રીરામને રિઝવવા જ પડે, ખરૃં ને?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
શરદ પૂનમની રાતડીને... ચંદ્ર ચડ્યો આકાશ રે...
શરદપૂર્ણિમાના દિવસે ચંદ્ર સોળે કલાએ ખીલી ઊઠતો હોય છે. એવું મનાય છે કે આ દિવસે ચંદ્રના કિરણો ધરતી પર અમૃત વરસાવે છે. આસો મહિનાની પૂર્ણિમાના દિવસે ઘણાં લોકો કોજાગર વ્રત રાખે છે, જેને કૌમુદી વ્રત પણ કહે છે. એવી માન્યતા પણ છે કે આ દિવસે માતા મહાલક્ષ્મીજીનું પ્રાગટ્ય થયું હતું, જો કે શરદપૂર્ણિમાને સાંકળી અને કથાઓ અને વિવિધ માન્યતાઓ પ્રચલિત છે. દૂધ અને પૌઆની ખીર ચંદ્રનારાયણને ધરાવીને તેનો પ્રસાદ લેવાનું મહત્ત્વ છે. આમ પણ, શિતળ ચાંદનીમાંથી નૈસર્ગિક ઠંડક મેળવીને આ ખીર ઘણી જ મધૂર અને સ્વાદિષ્ટ બની જતી હોય છે.
શરદપૂર્ણિમાના દિવસે ઠેર-ઠેર રાસ અને દાંડિયારાસ રમવાના કાર્યક્રમો યોજાય છે. શરદપૂર્ણિમાને સાંકળતી ઘણી વ્રતકથાઓ પણ પ્રચલિત છે. શરદપૂર્ણિમાને દિવાળીના તહેવારોના રંગભર્યા ધમાકેદાર પ્રારંભના ઉત્સવ તરીકે પણ વર્ણવવામાં આવે છે. 'શરદપૂનમની રાતડી ને કાંઈ ચંદ્ર ચડ્યો આકાશ રે...' એ ગીત શરદપૂર્ણિમાનું મુખ્ય હાર્દ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આવતીકાલે તા. ૬ ઓક્ટોબરે વર્લ્ડ સેરેબ્રલ પાલ્સી ડે
આવતીકાલે તા. ૬ ઓક્ટોબરે વર્લ્ડ સેરેબ્રલ પાલ્સી પિડીત હરિયાણાના સેવાભાવી ડો. રિતેશ સિંહાએ આ રોગ અંગે વિસ્તૃત વિગતો ઉજાગર કરી છે.
૬ ઓક્ટોબરે, આપણે વૈશ્વિક સ્તરે મળીને વર્લ્ડ સેરેબ્રલ પાલ્સી ડે ઉજવીએ છીએ, જે જાગૃતિ ફેલાવવાની, સમાવેશિતાને પ્રોત્સાહન આપવાની અને સેરેબ્રલ પોલ્સી (સીપી) ધરાવતા વ્યક્તિઓને સહાયતા પૂરી પાડવાના ઉદ્દેશ્ય માટેનું આંદોલન છે. આ દિવસ લાખો લોકો દ્વારા સામનો કરાયેલા પડકારોનું પ્રતીક છે અને સીપી ધરાવતા લોકો માટે વધુ સારૂ અને સર્વસમાવેશક વિશ્વ બનાવવાના પ્રયત્નોને ઉજાગર કરે છે.
સેરેબ્રલ પાલ્સી એ એક ન્યુરોલોજિકલ પરિસ્થિતિ છે, જે મસલ્સના સંકલન અને શરીરના હલનચલનને અસર કરે છે. તે બાળપણમાં સૌથી સામાન્ય શારીરિક અક્ષમતા છે, છતાં આ સ્થિતિ વિશેની જાગૃતિ અને આ અસરગ્રસ્ત લોકોની જરૂરિયાતો વિશે સમજવણ હજુ મર્યાદિત છે. શિક્ષણ અને વકતૃત્વ દ્વારા, આપણે સીપી ધરાવતા લોકોને સક્ષમ બનાવી શકીએ છીએ અને તેમને તેમના જીવનને પૂર્ણ રીતે જીવવા માટે અનુકૂળ વાતાવરણ આપી શકીએ છીએ. સીપી એટલે 'કેપેબલ પર્સન' છે. 'સેરેબ્રલ પક્ષ' નહિં, અને સીપી ધરાવતો વ્યક્તિ તે બધું કરી શકે છે, જે અન્ય (સોકોલ્ડ) બીજા લોકો કરી શકે છે. આપણે એવી દુનિયા બનાવી શકીએ જ્યાં દરેક સેરેબ્રલ પોલ્સી ધરાવતા વ્યક્તિને માન અપાય, તેમને સામેલ કરવામાં આવે અને તેમને તેમના જીવનને પૂર્ણ રીતે જીવવાની તક આપવામાં આવે.
ડો. રિતેશ સિંહા, સીપી જાગૃતિ માટેના સમર્પિત પ્રવક્તા, સર્વસમાવેશક હેલ્થકેર, પ્રારંભિક હસ્તક્ષેપ અને સમુદાયના સપોર્ટની મહત્ત્વની બાબતો પર ભાર મૂકે છે. તેઓ માને છે કે સામાજિક અવરોધોનોે દૂર કરવું અને સીપી ધરાવતા લોકો માટે સમાન તક સુનિશ્ચિત કરવી જરૂરી છે, જે વધુ સર્વસમાવેશક સમાજ તરફ અગ્રેસર થવા માટે મહત્ત્વપૂર્ણ છે.
ચાલો, આપણે એક એવી ભવિષ્ય તરફ કામ કરીએ જ્યાં વૈવિધ્યનો ઉત્સવ ઉજવાય અને દરેક વ્યક્તિ, તેમના ક્ષમતાના આધારે, સમાજમાં અર્થપૂર્ણ યોગદાન આપી શકે.
ડો. રિતેશ સિંહા (ઈમેઈલઃ જૈહરટ્ઠ.િૈંીજરજ્રખ્તદ્બટ્ઠૈઙ્મ.ર્ષ્ઠદ્બ)
જલ્પા જે. મચ્છર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જલતો જલતો જાય... આજે માં નો ગરબો જલતો જાય...
નવરાત્રિનો પ્રારંભ થતાં જ ગુજરાતમાં તો કાંઈક અલગ જ માહોલ સર્જાતો હોય છે, અને ખેલૈયાઓમાં થનગનાટ વધી જાય છે પરંતુ સાથે સાથે નવરાત્રિના અનુષ્ઠાનો, તપશ્ચર્યા, અને વિશેષ પૂજન-અર્ચન પણ શરૂ થ જતા હોય છે. નવરાત્રિને લઈને અનેકવિધ માન્યતાઓ પ્રવર્તે છે.
દેવી દુર્ગા અને રાક્ષસ મહિષાસુર સાથે નવ દિવસ સુધી યુદ્ધ ચાલ્યુ અને મહિષાસુર પર વિજય પ્રાપ્ત થયો, તેના સંદર્ભે નવરાત્રિના ગરબા ગવાય છે, તેવી માન્યતા છે, બીજી માન્યતા મુજબ રામ-રાવણના યુદ્ધ પછી દશેરાના દિવસે રાવણ હણાયો, તેની સ્મૃતિમાં આ ઉજવણી થતી હોવાની પણ એક માન્યતા છે.
એવું પણ કહેવાય છે કે વિશ્વપ્રખ્યાત બનેલા દાંડિયારાસ અથવા ડાંડિયારાસનો ગુજરાતથી પ્રારંભ થયો હતો અને તેનું વિસ્તરણ ભગવાન શ્રીકૃષ્ણના પરિવારમાંથી જ થયું હતું.
નવરાત્રિનું મૂળ મહાત્મય તો ધાર્મિક, આધ્યાત્મિક અને સાંસ્કૃતિક છે, અને માતાજીના ગરબા તથા કૃષ્ણલીલાના રાસની સાથે દાંડિયા રાસનો પવિત્ર ત્રિવેણી સંગમ સર્જાય છે. જેમાં માતૃભક્તિ, તપ, આરાધના, અનુષ્ઠાન અને યજ્ઞયજ્ઞાદિ જેવા પાવનકાર્યો પણ સંકળાયેલા છે. આ એક પ્રકારની નૃત્યભક્તિનું પર્વ છે, જેમાંથી આધ્યાત્મિક આનંદ પણ પ્રાપ્ત થતો હોય છે. આ પ્રકારના લાંબા સમૂહનૃત્યના તહેવારને વિશ્વના લાંબા સમૂહનૃત્યના તહેવારને વિશ્વના દેશો અચંબિત થઈને નિહાળે છે, ત્યારે તેના ભારતીય સંસ્કૃતિના મૂળ સ્વરૂપને જાળવી રાખવાની જવાબદારી પણ આપણી બધાની જ છે ને ?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ચોથી ઓકટોબરઃ વર્લ્ડ એનિમલ્સ ડે
દર વર્ષે ચોથી ઓકટોબરે વિશ્વ પશુ દિવસ અથવા વર્લ્ડ એનિમલ્સ ડે મનાવાય છે. પશુઓના રક્ષણ અને કલ્યાણ માટે આ ઉજવણી થાય છે, કારણ કે આપણું જીવન મોટાભાગે પશુ-પંખી તથા પ્રકૃતિ પર જ આધારિત છે. મનુષ્યની જેમ પશુ-પંખી સહિતની જીવસૃષ્ટિને પણ કેટલાક હક્કો હોવા જોઈએ પરંતુ મુંગા પશુ-પંખીઓ પોતાના હક્કો માટે અવાજ ઉઠાવી શકતા નહીં હોવાથી પશુપ્રેમીઓ, જીવદયા પ્રેમીઓ તથા પ્રકૃતિ પ્રેમીઓ તથા તેની સંસ્થાઓ પશુઓના રક્ષણ-કલ્યાણ માટે દુનિયાભરમાં પ્રવૃત્તિઓ કરે છે, જેનું વિસ્તૃતિકરણ દર વર્ષે આ ઉજવણી દરમિયાન થતું રહે છે.
સેન્ટ ફ્રાન્સીસના જન્મદિવસને સાંકળીને થતી આ ઉજવણીની બુનિયાદ ભારતીય સંસ્કૃતિમાં તો હજારો વર્ષ પહેલાથી રચાયેલી છે અને હિન્દુ દેવી-દેવતાઓના જીવન સાથે પશુ-પંખીઓ સંકળાયેલા હોવાથી તેની પણ પૂજા થાય છે, પરંતુ જર્મનીના સિનોલોજીસ્ટ હેનરીક જિમર્મનની પહેલ પર ર૪ માર્ચ-૧૯ર૮ માં આ કોન્સેપ્ટ અમલી બન્યો, તે પછી વર્ષ ૧૯ર૯ થી દર વર્ષે ચોથી ઓકટોબરે વિશ્વ પશુ કલ્યાણ દિવસ ઉજવાઈ રહ્યો છે.
માનવી દ્વારા પશુ-પંખીઓ પ્રત્યે ક્રૂરતા આચરવામાં ન આવે, તેનું શોષણ ન થાય કે તેના પ્રત્યે દયાભાવ અને સન્માન સાથેનો વ્યવહાર થાય, તે માટે વિશ્વભરમાં થતી આ ઉજવણી દરમિયાન દર વર્ષે નવા નવા વિષયો ચર્ચાતા હોય છે. આ અંગે ભારત સહિત વિશ્વના ઘણાં દેશોમાં કાયદાઓ પણ ઘડાયા છે, પરંતુ સ્વયં લોકો જ જાગૃત રહે, તે પણ અનિવાર્ય જ ગણાય ને?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભારત રત્ન સ્વ. લાલબહાદુર શાસ્ત્રીજી "વામન સ્વરૃપ અને વિરાટ વ્યક્તિત્વ"
જય જવાન જય કિસાનનું સૂત્ર આપ્યું હતુંઃ
ભારત આજે રાષ્ટ્રપિતા મહાત્મા ગાંધીજીની ૧૫૫મી જન્મ જયંતીની ઉજવણી કરી રહ્યું છે ત્યારે ભારતની સ્વતંત્રતાની લડાઈમાં અને રાજકીય ઈતિહાસમાં મહત્ત્વ પૂર્ણ યોગદાન આપનાર એક એવી વ્યકિતની પણ જન્મ જયંતી પણ સાથોસાથ આવે છે જે અનેક મોટા રાજકીય સિતારાઓના આભામંડળમાં એક નાનકડા દિવડા સમાન રહીને ક્યારેક વિસરાઈ જાય છે.વામન સ્વરૃપ-વિરાટ વ્યક્તિત્વ ધરાવનાર આ માનવી એટલે ભારતના વડાપ્રધાન તરીકે ટૂંકા ગાળામાં પણ જવલંત સિદ્ધિઓ પ્રાપ્ત કરીને ભારત રત્ન તરીકે માન-સન્માન મેળવનાર સ્વ. લાલ બહાદુર શાસ્ત્રીજી.આજે એમની ૧૨૦મી જન્મ જયંતી પ્રસંગે નમ્ર શ્રદ્ધાંજલિ અર્પણ કરતાં દરેક ભારતીય ગૌરવ અનુભવે છે.
તા.૨ઓક્ટોબર,૧૯૦૪ના ઉત્તરપ્રદેશના વારાણસી પાસેના એક નાના રેલવે ટાઉન, મુગલસરાયમાં લાલબહાદુર શાસ્ત્રીનો જન્મ થયો હતો.તેઓના પિતાનું નામ શારદા પ્રસાદ અને એમના માતાનું નામ રામદુલારી દેવી. તેમના પિતા એક સ્કૂલ શિક્ષક હતા. જ્યારે તેઓ માત્ર દોઢ વર્ષના હતા ત્યારે તેમન પિતાનું દેહાંત થઇ ગયું હતું. તેમની માતા તેમના ત્રણેય સંતાનો સાથે પોતાના પિતાના ઘરે જઇને વસ્યા હતા. લાલબહાદુર શાસ્ત્રી બ્રિટિશ શાસનની અવજ્ઞામાં સ્થાપિત કરાયેલી ઘણી રાષ્ટ્રીય સંસ્થાનોમાંથી એક કાશી વિદ્યાપીઠમાં સામેલ થયાં હતા. અહીં તેઓ મહાન વિદ્વાનો તેમજ દેશના રાષ્ટ્રવાદીઓના પ્રભાવમાં આવ્યા. વિદ્યાપીઠ દ્વારા તેમને પ્રદત્ત સ્નાતકની ડિગ્રીનું નામ શાસ્ત્રી હતું. પરંતુ લોકોના મનમાં તે તેમના નામના એક ભાગરૃપે વસી ગયું. અહિંયાથી જ એમને *શાસ્ત્રી* તરીકેની ઉપાધિ પ્રાપ્ત થઇ જે એમના નામ સાથે જીવનપર્યંત જોડાયેલી રહી.તેમના લગ્ન લલિતા દેવી સાથે ૧૬-૫-૧૯૨૮ ના થયા હતાં.
શાસ્ત્રીજી વિશુદ્ધ ગાંધીવાદી હતા. તેઓ આખું જીવન સાદગીથી રહ્યા અને ગરીબોની સેવામાં પોતાની આખી જિંદગી સમર્પિત કરી દીધી.ભારતીય સ્વાધીનતા સંગ્રામના દરેક મહત્ત્વપૂર્ણ કાર્યક્રમોમાં એમની ભાગીદારી રહી, અને જેલોમાં રહેવું પડ્યું.૧૯૩૦માં મહાત્મા ગાંધીએ મીઠાનો કાયદો તોડીને દાંડી યાત્રા કરી હતી. લાલબહાદુર શાસ્ત્રી જોશભેર સ્વતંત્રતાના સંઘર્ષમાં સામેલ થયાં. ગાંધીજી જેવી જ સાદગી અપનાવવાનું પણ શરૃ થયું અને સરળ સ્વભાવના શાસ્ત્રીજી એ જન માનસમાં એક અલગ છાપ ઉપસાવી દીધી હતી. કોંગ્રેસ સરકારનું ગઠન થયું તો આ નાના કાર્યકરને દેશના શાસનમાં રચનાત્મક ભૂમિકા નીભાવવાની જવાબદારી અપાઇ.ભારત દેશને સ્વતંત્રતા પ્રાપ્ત થયા બાદ શાસ્ત્રીજીને ઉત્તર પ્રદેશ રાજ્યના સંસદીય સચિવ તરીકે નિયુક્ત કરવામાં આવ્યા હતા. ત્યારબાદ તેઓ ગોવિંદ વલ્લભ પંતના મુખ્યમંત્રી તરીકેના કાર્યકાળ દરમિયાન પ્રહરી તેમજ યાતાયાત મંત્રી બન્યા હતા. યાતાયાત મંત્રી તરીકેના સમય દરમિયાન એમણે પ્રથમ વાર મહિલાને બસ-સંવાહક (બસ-કંડક્ટર) તરીકેના પદ પર નિયુક્ત કરી નવો ચીલો ચાતર્યો હતો.
ઈ.સ.૧૯૫૧ના વર્ષમાં, જવાહરલાલ નેહરૃના નેતૃત્વમાં તેઓને અખિલ ભારત કોંગ્રેસ કમિટીના મહાસચિવ તરીકે નિયુક્ત કરવામાં આવ્યા હતા.ત્યાર બાદ તેઓને તેમજ કેન્દ્રીય મંત્રીમંડળના ઘણાં વિભાગોનો પ્રભાર સંભાળ્યો- રેલ મંત્રી, પરિવહન તથા સંચાર મંત્રી, વાણિજ્ય તેમજ ઉદ્યોગમંત્રી,ગૃહમંત્રી તેમજ નહેરુજીની બીમારીના સમયે વિભાગ વગર મંત્રી રહ્યા હતા. તેમની પ્રતિષ્ઠા સતત વધી રહી હતી. એક રેલવે દુર્ઘટના, જેમાં ઘણાં લોકો માર્યા ગયા હતા,તેમાટે પોતાને જવાબદાર ઠેરવતા જાતે જ રેલવે મંત્રીના પદેથી રાજીનામું આપી દીધું હતું. દેશ તેમજ સંસદે તેમની આ અભૂતપૂર્વ પહેલને બિરદાવી હતી. તત્કાલિન પ્રધાનમંત્રી પંડિત નહેરૃએ આ ઘટના અંગે સંસદમાં બોલતા લાલબહાદુર શાસ્ત્રીની ઇમાનદારી તેમજ ઉચ્ચ આદર્શોની ખૂબ પ્રશંસા કરી હતી. તેમણે કહ્યું કે તેમણે લાલબહાદુર શાસ્ત્રીનું રાજીનામું એટલા માટે સ્વીકાર્યું નથી કે જે કંઇ પણ થયું છે તેમના માટે એ જવાબદાર છે પરંતુ એટલા માટે સ્વીકાર્યું છે કે એનાથી બંધારણીય મર્યાદામાં એક દાખલો બેસશે. રેલવે દુર્ઘટના પર લાંબી ચર્ચાનો જવાબ આપતા લાલબહાદુર શાસ્ત્રીએ કહ્યું કદાચ હું લંબાઇમાં ટૂંકો હોવાથી તેમજ નમ્ર હોવાને કારણે લોકોને લાગે છે કે હું બહુ દૃઢ નથી થઇ શકતો. જોકે શારીરિક રીતે હું મજબૂત નથી પરંતુ મને લાગે છે કે આંતરિક રીતે હું એટલો પણ કમજોર નથી.
પંડિત જવાહરલાલ નહેરૃના અચાનક થયેલ નિધન ૫છી તા.૯-૬-૧૯૬૪ ના લાલબહાદુર શાસ્ત્રીજી ભારતના વડાપ્રધાનપદે નિયુકત થયાં હતાં. તેઓએ આ સમય દરમ્યાન દેશમાં સફેદ ક્રાંતિ-દૂધની ઉત્પાદકતા વધારવા માટે પહેલ કરાવી અને સાથો સાથ હરીત ક્રાંતિ-ખેતઉત્પાદનની પણ વિશિષ્ટ રીતે શરુઆત કરાવેલ.બંને બાબતો માટે ભારતને વિશ્વ ફલક પર આગળ લઈ જવા માટે તેઓના આ પ્રયાસો ખૂબ જ અસરદાર બનેલ છે.
સોવિયત રશિયા સાથે તેઓએ ગાઢ મિત્રતા કેળવવામાં મહત્ત્વપૂર્ણ ભૂમિકા અદા કરી હતી, જે આજે પણ યાદગાર છે.ઈ.સ.૧૯૬૫માં તેઓ એ બર્મા-રંગુનની પણ મુલાકાત લઈને જનરલ ને-વિન સાથે મુલાકાત કરી બંને દેશો વચ્ચેના સંબંધો વિકસાવ્યા હતા.શાસ્ત્રીજીના જીવનની અને ભારતદેશ માટે પણ સૌથી મોટી જો ઘટના હોય તો તે છે ૧૯૬૫નું પાકિસ્તાન સાથેનું ભારતનું યુદ્ધ. ભારતના જવાનોને જુસ્સાભેર લડવાની પ્રેરણા આપી અને યુદ્ધમાં જીત મેળવવા માટેનો મહામંત્ર ભારતવાસિઓને આપ્યો. દેશ જયારે લડાઈ લઈ રહ્યુ હતું ત્યારે જ ભારતના લોકોને અઠવાડીયે એક વખત ઉપવાસ કરવાનું આહવાહન કર્યુ હતું અને ત્યારથી સોમવારના વ્રતનું મહત્વ પણ લોકોને સમજાયું-દેશના વીર-જવાનો અને લોકોનું પેટ ભરનારા ખેડૂતો માટે અદમ્ય ભાવનાના ફલસ્વરુપ જ મહામંત્રનો જન્મ થયો-જય જવાન-જય કિસાન.
ભારત પાકિસ્તાનની લડાઈનો અંત તા.૨૩-૯-૧૯૬૫ના થયો અને ત્યાર પછી ૧૦ જાન્યુઆરી-૧૯૬૬ના રશિયાના તાશકંદમાં તત્કાલિન પ્રધાનમંત્રીની મધ્યસ્થતા દ્વારા બંને દેશોના વડાપ્રધાન લાલબહાદુર શાસ્ત્રીજી અને અયુબખાન વચ્ચે સમજુતિ થઈ-જે તાશકંદ સમજુતી તારીખે જગવિખ્યાત બની ગઈ-અને એ એટલા માટે પણ કે, ત્યાર પછી તા. ૧૧-જાન્યુઆરી-૧૯૬૬,ના ભારતના લાલએ આપણાં સૌ વચ્ચેથી પરદેશમાંથી અચાનક વિદાય લઈ લીધી.વિદેશમાં નિદ્રાધીન અવસ્થામાં જ મૃત્યુની ગોદમાં સમાઈ ગયા.ભારતે પોતાના એક વિશિષ્ટ તારલાંને આકાશમાં પ્રસ્થાપિત થતો જોયો. વિનમ્ર, દૃઢ, સહિષ્ણુ તેમજ જબરદસ્ત આંતરિક શક્તિવાળા શાસ્ત્રીજી લોકો વચ્ચે એવા વ્યક્તિ બનીને ઉભર્યા જેમણે લોકોની ભાવનાઓને સમજી. તેઓ દૂરદર્શી હતા કે જેથી દેશને પ્રગતિના માર્ગે લઇ આવ્યા. લાલબહાદુર શાસ્ત્રી મહાત્મા ગાંધીની રાજનૈતિક શિક્ષાઓથી અત્યંત પ્રભાવિત હતા. પોતાના ગુરૃ મહાત્મા ગાંધીના લયમાં જ તેમણે એક વખત કહ્યું હતું કે મહેનત પ્રાર્થના કરવા બરાબર છે. મહાત્મા ગાંધી જેવા જ વિચાર ધરાવનારા લાલબહાદુર શાસ્ત્રી ભારતીય સંસ્કૃતિની શ્રેષ્ઠ ઓળખ છે તેઓને ૧૯૬૬ની સાલમાં જ મરણોપરાંત ભારત રત્નથી સન્માનિત કરવામાં આવ્યા હતા તે બાબત જ દર્શાવે છે કે તેઓ કેટલા વિરાટ હતા. આજે જ્યારે સમગ્ર વિશ્વ મહાત્મા ગાંધીજીની જન્મ જયંતીની ઉજવણી કરી રહ્યું છે ત્યારે તેઓની સાથે જ કદમાં વામન પણ વિરાટ વ્યકિતત્વ-યુક્ત એવા લાલબહાદુર શાસ્ત્રીજી જેવા મહામાનવને પણ તેઓની જન્મ જયંતી પ્રસંગે નમન.
કિરીટ બી. ત્રિવેદી, "નિમિત"
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વિશ્વ પ્રવાસન દિવસઃ સૌરાષ્ટ્ર દેશ-વિદેશના સહેલાણીઓના પ્રવાસનું ડેસ્ટીનેશન
સૌરાષ્ટ્રના દરિયા, પર્વતો, જંગલો, રણની ભૌગોલિક વિરાસતો, સ્થાપત્યો, અને ઐતિહાસિક સ્થળો પ્રવાસીઓમાં હોટ ફેવરિટઃ
સૌરાષ્ટ્ર એક વિશાળ અને આગવી ખાસિયતો ધરાવતો પ્રદેશ છે. સૌરાષ્ટ્ર પાસે ગૌરવ લઇ શકાય તેવા અનેક દર્શનીય સ્થળો અને પ્રવાસન સ્થળોની કુદરતી વિરાસત છે. સૌરાષ્ટ્રમાં દેશનો સૌથી મોટો દરિયો, પર્વતો, જંગલો અને રણ પ્રદેશ, ઐતિહાસિક સ્થળો આવેલા છે. સૌરાષ્ટ્રમાં બે મહત્વના યાત્રાધામો દ્વારકા અને સોમનાથ પણ છે. છેલ્લા એક દાયકામાં રાજ્ય સરકારની આવકારદાયક પ્રવાસન નીતિને કારણે અનેક લોકો સૌરાષ્ટ્રના પ્રવાસે આવી રહ્યા છે. ગુજરાત ટુરીઝમ ડિપાર્ટમેન્ટ દ્વારા દર વર્ષે આવા ગુજરાતના મહત્વના પ્રવાસન સ્થળોમાં વિવિધ મેળા તેમજ અનેક કાર્યક્રમો યોજવામાં આવે છે. ગુજરાતની સફરે આવતા પર્યટકો માટે ુુુ.ખ્તેદ્ઘટ્ઠટ્ઠિંંર્ેિૈજદ્બ.ર્ષ્ઠદ્બ ઉપર વિવિધ વિસ્તારોની માહિતી, જોવા અને માણવા લાયક સ્થળો, વિશેષતા જોવા મળશે.
દર વર્ષે બહારથી આવતા લાખો પ્રવાસીઓ ગુજરાતની ખાનપાન, પરંપરા, પ્રતિષ્ઠાને જાણે અને માણે છે. પર્યટન ક્ષેત્ર માટે અંદાજપત્રમાં દર વર્ષે વિશેષ જોગવાઈ કરવામાં આવે છે તેમજ તેના વિકાસ માટે ગુજરાત સરકાર સતત મુખ્યમંત્રી ભૂપેન્દ્રભાઇ પટેલના નેતૃત્વમાં અને પ્રવાસન મંત્રી મૂળુભાઇ બેરાના માર્ગદર્શન હેઠળ કાર્યરત છે જેના માટે વિશેષ રીતે હેરિટેજ પોલિસી જેવી અનેક પોલિસીઓ કાર્યરત છે. તો આવો આ ઇતિહાસ અને અધ્યાત્મની ધરા જોડાયેલા ગુજરાતના અનેકાનેક સ્થળોની માહિતી જોઇએ.
રાજકોટ
સૌરાષ્ટ્રના મુખ્ય શહેર રાજકોટ કે જે કાઠિયાવાડ તરીકે પણ પ્રસિદ્ધ છે તેને ૮ જિલ્લાની બોર્ડેર સ્પર્શે છે. રાજકોટમાં મહાત્મા ગાંધી જ્યાં ૮ વર્ષ અભ્યાસ કર્યો તે આલ્ફ્રેડ સ્કૂલ હવે વૈશ્વિક કક્ષાના ગાંધી મ્યુઝિયમમાં પરિવર્તિત થઇ ચૂકી છે. ગાંધીજીનું નિવાસ્થાન કબા ગાંધીનો ડેલો કે જયા ગાંધીજીના લગ્ન થયા હતા તેઓના બે બાળકોના જન્મ પણ આ જ ઘરમાં થયા હતા.
રાજકોટનો અનળગઢ, દરબાર ગઢ, રણજીત વિલાસ પેલેસ, સ્વયંભૂ રામનાથ મહાદેવ મંદિર, ઈશ્વરીયા પાર્ક, અતિ અદ્યતન રીજીયોનલ સાયન્સ સેન્ટર, રામ વન, પ્રદ્યુમન પાર્ક, અંગ્રેજોના શાસનકાળમાં રાજકુમારોના શિક્ષણ માટે શરૂ કરેલ રાજકુમાર કોલેજ, ખાદી સહિતની રચનાત્ક ગાંધીજી સ્થાપિત રાષ્ટ્રિય શાળા, રાંદરડા તળાવ, આજી અને ન્યારી ડેમ, બાલભવન, રેસકોર્ષ, જયુબેલી ગાર્ડન સહિતના અનેક પર્યટક સ્થળો આવેલ છે. જયારે જિલ્લામાં આવેલ વિવિધ સ્થળોમાં ઘેલા સોમનાથ, ઓસમ ડુંગર, સંત શિરોમણિશ્રી જલારામ બાપાનું વીરપુર, રાજા સિદ્ધરાજના માતા મીનળદેવીએ બંધાવેલ મીનળ વાવ, શક્તિવન, કાગવડ, ખંભાલીડાની બૌદ્ધ ગુફાઓ, ઘેલા સોમનાથ, હિંગોળગઢ, જેતપુર પાસેનો ભાદર ડેમ, ગોંડલનું સ્વામિનારાયણ મંદિર, ભૂવનેશ્વરી મંદિર, નાથાભાઇ જોષી સ્થાપિત રમાનાથ મંદિર, હિંગોળગઢ અભ્યારણ્ય અને કિલ્લો, દેશ-વિદેશની ઢીંગલીઓનું ડોલ્સ મ્યુઝિયમ, ઇ.સ. ૧૮૫૬માં સ્થાપાયેલી ૧૬૦ વર્ષ જૂની લેંગ લાઇબ્રેરી સહિતના સ્થળો અહીં આવેલા છે. રાજકોટ, ઘેલા સોમનાથ અને ઓસમ પાટણવાવમાં ભરાતા લોકમેળા પણ સુપ્રસિદ્ધ છે.
મોરબી
દેશ અને દુનિયામાં સિરામિક, ઘડિયાળ, બરફના ગોલાથી સુપ્રસિદ્ધ મોરબી જિલ્લામાં આર્ય સમાજના સ્થાપક મહર્ષિ દયાનંદ સરસ્વતીનું જન્મ સ્થળ ટંકારા આવેલ છે. જયા વૈદિક ધર્મનું અભ્યાસ કેન્દૃ્ ચાલે છે. મહાત્મા ગાંધીના ગુરૂ શ્રીમદ રાજચન્દ્રાચાર્યનું જન્મ સ્થળ વવાણીયા આવેલ છે. મોરબીના મહારાજા લખધીરસિંહે ૧૯૪૬માં બંધાવેલુ પિતૃ તર્પણ માટે જાણીતુ રફાળેશ્વર મંદિર, શ્રી ખોડિયાળ માતાનું મંદિર માટેલ, રતનપરમાં આવેલ શ્રી રામચરિત માનસ મંદિર વગેરેના દર્શન કરવા શ્રધ્ધાળુઓ અવિરત આવતા રહે છે, વાંકાનેર નજીકના તીથવા ગામના ડુંગર ઉપર આવેલ સ્વયંભૂ જડેશ્વર મંદિર, તત્કાલીન રાજવીઓનો વાંકાનેર પેલેસ, નવલખી બંદર વગેરે પણ જાણીતા પ્રવાસન સ્થળો છે. મોરબીમાં રફાળેશ્વર, રતનપર વગેરેમાં ભરાતા લોકમેળા સુપ્રસિદ્ધ છે.
કચ્છ
તત્કાલીન મુખ્યમંત્રી નરેન્દ્રભાઈ મોદીએ લોકપ્રિય અભિનેતા અમિતાભ બચ્ચન પાસે કચ્છના રણને પ્રસિદ્ધિ અપાવી હતી, જેને લીધે આજે દેશ-દુનિયામાંથી લોકો કચ્છ જોવા માટે આવી રહ્યા છે તેમજ રાજ્ય સરકાર દ્વારા પ્રતિ વર્ષ ભુજથી ૬૦ કિમી દૂર આવેલ ધોરડોમાં રણ ઉત્સવ યોજાય છે, જેની દેશ અને દુનિયાના પ્રવાસીઓ મુલાકાત લેતા હોય છે. રાજ્ય અને કેન્દ્ર સરકાર દ્વારા અહી સમીટ યોજાઈ છે. કચ્છમાં સુપ્રસિદ્ધ માં આશાપુરાનો માતાનો મઢ, નારાયણ સરોવર, કોટેશ્વર મહાદેવ મંદિર, હાજી પીરનો મેળો પણ અનેક શ્રદ્ધાળુઓને આસ્થાનું કેન્દ્ર છે. માંડવી અને મુન્દ્રાના પોર્ટ, અંજારમાં જેસલ તોરલની સમાધિ, ધોળા વીરાની પ્રાચીન સંસ્કૃતિના પુરાવા સમૂહ, માંડવીમાં દરિયા ઉપરાંત રાજ્ય સરકાર દ્વારા નિર્મિત શ્યામાપ્રસાદ વર્મા સ્મૃતિ સ્મારક તેમજ ભુજમાં સ્મૃતિ વન, ભુજીયો, કાળો ડુંગર, હમીરસર તળાવ, આયના મહેલ, વિજય વિલાસ પેલેસ, સહિતના સ્થળો આવેલ છે.
જામનગર
ભારતીય સેનાની ત્રણેય પાંખો(નેવી, આર્મી, એરફોર્સ) આવેલી છે એવા છોટી કાશી, બ્રાસ સિટી અને બાંધણીના નગર તરીકે ઓળખાતા આ જિલ્લામાં બાલા હનુમાન, રણજીત સાગર ડેમ, વિકિયા વાવ, મોડપર કિલ્લો, જોડિયા, મરીન નેશનલ પાર્ક ખીજડીયા પક્ષી અભ્યારણ, રણજીત સાગર ડેમ, પીરોટન ટાપુ, નરારા ટાપુ સહિતના વિવિધ પ્રાકૃતિક અને જીવસૃષ્ટીને માણવાલાયક સ્થળો આવેલા છે. ધ્રોલમાં ભૂચર મોરીનું મંદિર, બાલાચડી સૈનિક સ્કૂલ વગેરે પણ આવેલા છે.
દેવભૂમિ દ્વારકા
દેશના ચાર ધામ પૈકી એક ધામ તથા ૧૨ જ્યોર્તિલિંગમાંથી એક એવું નાગેશ્વર જ્યોતિર્લિંગ, શારાદાપીઠ, દાંડી હનુમાન, બ્લુ ફ્લેગ ધરાવતો શિવરાજપુર બીચ, તેમજ ડન્ની પોઈન્ટ , ગોમતી ઘાટ, પીંડારા, દ્વારકાનો દરિયા કિનારો, બેટ દ્વારકા, સુદર્શન સેતુ, પવિત્ર ગોમતી તટ પર આવેલ ભગવાન શ્રીકૃષ્ણનુ અતિ લોકપ્રિય અને ૧૪૦૦૦ વર્ષની તવારીખ ધરાવતુ ભગવાન શ્રી દ્વારકાધીશનું મંદિર, રૂકમણી દેવીનું મંદિર પણ લોકો માટે આસ્થાનું કેન્દ્ર ગણાય છે. હર્ષદનું હરસિદ્ધિ મંદિર, કોસ્વલો ડુંગર, બરડો ડુંગર, નવલખી ઘુમલી મહેલ, વિર માંગડા વાળાની જગ્યા, કિલ્લેશ્વર મહાદેવ, ગોપનાથ મંદિર, હાથલામાં શનિદેવ મંદિર, સિદસર ઉમિયા મંદિર, ઇન્દ્રેશ્વર મંદિર વગેરે આવેલા છે.
જુનાગઢ
સંત, શુરા અને સિંહને લીધે વૈશ્વિક ફલક પર જાણીતો આ જિલ્લો ભક્ત કવિ નરસિંહ મહેતાના ગામ તરીકે ઓળખાય છે જ્યાંના ગરવા ગઢ ગિરનારમાં મહાશિવરાત્રિ તથા લીલી પરિક્રમાના મોટા મેળા ભરાય છે. ગિરનારમાં માં અંબા, દતાત્રેય તથા જૈન મંદિરો આવેલા છે જ્યાં હાલમાં જ રાજ્ય સરકાર દ્વારા રોપ-વેનું નિર્માણ કરાતા પ્રવાસનને પણ વેગ મળ્યો છે. જૂનાગઢમાં આવેલ સક્કરબાગ, અશોકનો શિલાલેખ, ઇન્દ્રેશ્વર મહાદેવ, સાસણ ગીર, કનકાઈ, બાણેજ, તુલસીશ્યામ, સરકડીયા હનુમાન જેવા જંગલોમાં આવેલા પ્રાચીન મંદિરો આસ્થાના કેન્દ્ર બિંદુ છે. તો સાસણ ગીરના દેવળિયા પાર્કમાં લાખોની સંખ્યામાં પર્યટકો એશિયાટિક સિહોને નિહાળવા આવે છે.
ગીર-સોમનાથ
૧૨ જ્યોતિર્લીંગમાનુ સૌ પ્રથમ તથા ચંદ્રએ આરાધેલા સોમનાથ મહાદેવ જ્યાં બિરાજમાન છે તે સુપ્રસિધ યાત્રાધામ ગીર સોમનાથ જિલ્લામાં ભગવાન શ્રી કૃષ્ણએ અંતિમ શ્વાસ ભાલકા તીર્થમાં લીધા હતા તો પિતૃ શ્રાદ્ધ માટે જાણીતા પ્રભાસ પાટણ ઉપરાંત વિશાળ દરિયા-કિનારો હોવાથી સોમનાથ, ચોરવાડ, માંગરોળ, આદ્રી, વેરાવળ વગેરે પણ પ્રવાસીઓમાં આકર્ષણનું કેન્દ્ર બન્યા છે.
પોરબંદર
ભગવાનશ્રી કૃષ્ણના બાલ સખા એવા સુદામાની આ નગરીમાં દેશના રાષ્ટ્રપિતા પૂજ્ય ગાંધીજીનું જન્મસ્થળ છે કીર્તિ મંદિર તેમજ દરિયા કાંઠે વિકસેલું આ શહેર સુપ્રસિદ્ધ ભાગવત આચાર્ય ભાઈશ્રી રમેશભાઈ ઓઝાનો સાંદીપની આશ્રમ આવેલો છે. ભારત મંદિર, તારા મંદિર તા રાજાશાહીની વિરાસતસમાં ઘણાં સ્થળો આવેલા છે. દરિયા ઉપરાંત બરડા ડુંગરથી છવાયેલા આ જિલ્લામાં આવેલ માધવપુરમાં ભગવાન શ્રી કૃષ્ણના વિવાહ રૂકમણી માતા સાથે થયા હતા તે જગ્યા પર પ્રતિ વર્ષે રાજ્ય સરકાર દ્વારા અંતરરાષ્ટ્રીય કક્ષાનો મેળો યોજાય છે, જેમાં દેશભરથી પર્યટકો આવે છે. વિસાવાડામાં મૂળ દ્વારકા, માધવપુરમાં ઓશો આશ્રમ પણ આવેલ છે. મોચા હનુમાન, બરડા અભ્યારણ, ગોકરણ તેમજ બિલેશ્વર મહાદેવ જેવા સ્થળો અહીં આવેલ છે.
સુરેન્દ્રનગર
પાંચાલની આ ભૂમિ તરણેતરના સુપ્રસિદ્ધ લોકમેળાથી જાણીતી બની છે. આ જિલ્લામાં ઘુડખર અભયારણ્ય, ચોટીલાના ડુંગર ઉપર માતા ચામુંડાનું મદિર, હવા મહેલ, માધા વાવ, રાણકદેવી મંદિર, મીનળ વાવ, સેજકેરનો નવલખો, જગદીશ આશ્રમ, ભીમોરની ગુફા, ત્રિનેત્રેશ્વર મહાદેવનો લોકપ્રિય મેળો, કબીર આશ્રમ, નળ સરોવર, માંડવ વિડ સહિતના સ્થળો પર્યટકો માટે આકર્ષણનું કેન્દ્ર છે.
અમરેલી
આ જિલ્લાના ધારીમાં આવેલ જંગલ એશિયાટિક સિંહો માટે જાણીતું સ્થળ છે. તેમજ અહીં રાજ મહેલ, ગીરધરભાઈ સંગ્રહાલય, પાંડવ કુંડ, ભગવાન શ્રી હનુમાનજીનું પ્રસિદ્ધ સ્થળ ભુરખિયા હનુમાન, સરકેશ્વર, દીવાદાંડી, કલાપી તીર્થ અને વારાહી માતાનું મંદિર અહીં આવેલ છે.
સંકલનઃ ૫ારૂલ આડેસરા, સહાયક માહિતી નિયામક, રાજકોટ-મોરબી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રર સપ્ટેમ્બર ગુરૂ નાનકદેવની પુણ્યતિથિ
ગુરૂનાનક દેવનું વર્ષ ૧પ૩૯ માં રર સપ્ટેમ્બરે કરતારપુરમાં નિધન થયું હતું. આથી દર વર્ષે રર સપ્ટેમ્બરે ગુરુનાનક દેવની પુણ્યતિથિ મનાવાય છે.
ગુરુનાનક દેવે શિખ સંપ્રદાયની સ્થાપના કરી હતી. તેઓ નાનકદેવ, ગુરુનાનક, બાબા નાનક વગેરે નામોથી ઓળખાય છે. તેઓ દાર્શનિક, ગૃહસ્થ, યોગી, સમાજસુધારક, ધર્મસુધારક, કવિ અને પ્રખર દેશભક્ત હતાં. તેઓની સમાધિ અત્યારે પાકિસ્તાનના કરતારપુરમાં છે.
નાનપણથી જ પ્રખર બુદ્ધિનો પરિચય આપી તેઓએ આધ્યાત્મિક ચિંતન અને સત્સંગમાં રૂચિ દાખવી હતી. વર્ષ ૧પ૦૭ માં તેઓ પોતાના બન્ને પુત્રો અને પરિવારની જવાબદારી પોતાના સસરાને સોંપીને તેઓ ઉદાસી સંપ્રદાયના પ્રવર્તક બન્યા અને શિખ ધર્મના સંસ્થાપક બન્યા તેવો ઉલ્લેખ ઈતિહાસમાં જોવા મળે છે, જો કે કેટલાક મન-મતાંતરો પણ છે, પરંતુ આજે વિશ્વભરમાં શિખ સમુદાયના અનુયાયીઓ પથરાયેલા છે. બોલો, ગુરૂનાનક દેવની જય...
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૧ સપ્ટેમ્બર આંતરરાષ્ટ્રીય શાંતિ દિવસ
આંતરરાષ્ટ્રીય શાંતિ દિવસ દર વર્ષે ર૧ સપ્ટેમ્બરે મનાવાય છે અને વિશ્વ સમજ અને શાંતિદિન દર વર્ષે ર૩ ફેબ્રુઆરીના મનાવાય છે. આંતરરાષ્ટ્રીય શાંતિ દિવસની ઉજવણી સંયુક્ત રાષ્ટ્રસંઘ દ્વારા થાય છે. વર્ષ ૧૯૯૯ માં સંયુક્ત રાષ્ટ્ર સંઘ દ્વારા આ અંગેની ઘોષણા કરી હતી. આ વર્ષે 'શાંતિની સંસ્કૃતિનો વિકાસ કરવો' એ થીમ પર ઉજવણી થઈ રહી છે.
આજે જ્યારે વિશ્વ અનેક પ્રકારની કુદરતી આફતોનું ઉપરાંત યુદ્ધો અને અશાંતિનો સામનો કરી રહ્યું છે, ત્યારે વિશ્વ શાંતિની દિશામાં આગેકૂચ માટે ભારતની ભૂમિકા પણ મહત્ત્વની છે. સંયુક્ત રાષ્ટ્ર સંઘમાં અઢી દાયકા પહેલા જ્યારે આંતરરાષ્ટ્રીય શાંતિ દિવસ મનાવવા અંગે ચર્ચા થઈ હતી. ત્યારે એવું કહેવાયું હતું કે યુદ્ધો માનવીના દિમાગમાંથી જ જન્મે છે, અને ત્યાંથી જ એટલે કે માનવીના દિમાગમાંથી જ શાંતિનો સંદેશ વહેતો થવો જોઈએ. આજે રશિયા-યુક્રેન, ઈઝરાયેલ, હમાસ, હીઝબુલ્લાહ વચ્ચે યુદ્ધ, બાંગ્લાદેશમાં આંતરવિગ્રહ તથા ઈરાન-અમેરિકા તંગદિલીના કારણે ઊભી થયેલી તંગદિલી નિવારવા આજથી સઘન પ્રયાસો શરૂ થાય તેવું ઈચ્છીએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
અગ્રપૂજય આદિદેવશ્રી ગણેશ...
સમગ્ર ભારતમાં જ નહીં પરંતુ વિશ્વમાં ભગવાન ગણેશ આદિદેવ તરીકે સૃષ્ટિના આરંભથી જ સન્માન અને સ્વીકૃતિ પામ્યા છે. ભારતીય ધર્મ પરંપરામાં ભગવાન ગણેશ સદા આદિદેવ અને અગ્રપૂજય રહ્યા છે.
સૂર્ય, ગણેશ, દેવી (પછી કોઈપણ દેવીનું સ્વરૂપ), શિવ અને વિષ્ણુને પંચદેવ કયા છે. આ પંચદેવોની સર્વકર્મોમાં પ્રથમ પૂજા કરવી જોઈએ તેમજ આ દેવોનું પ્રકૃતિના એક એક તત્વ પર આધિપત્ય છે. આ પંચદેવોની ઉપાસના સમગ્ર જગતની ઉત્પતિના કારણભૂત્ પાંચ મહાભુતો સાથે સંબંધિત છે. પૃથ્વી, જળ, અગ્નિ, વાયુ અને આકાશ આ પાંચ મહાભુતો કહેવાયા છે.
સમગ્ર જગત પંચભૂતાત્મક છે. તેથી તેમને સંબંધિત પંચેદેવ ઉપાસના સર્વ માટે અનિવાર્ય છે. આ પંચદેવ પૂજનમાં પણ ગણેશની પૂજા કરાય છે અને તેમની પૂજાથી જ મનુષ્ય સર્વ વિઘ્નો, સર્વ પાયો અને સર્વદોષોથી મુકત થઈ સર્વજ્ઞ બને છે.
આ આદિદેવ ગણેશ આર્યાવ્રતમાં સર્વત્ર સર્વ પૂજય બન્યાં અને એક ગણપતિ સંપ્રદાયના પરમ ઉપાસ્ય દેવ તરીકે આદર પામ્યા, આમ્, ભારત વર્ષમાં વૈદિક, પૌરાણિક, માંત્રિક અને તાંત્રિક પૂજાઓમાં ભગવાન ગણેશ સ્થાન પામ્યા એટલું જ નહીં પરંતુ આદિદેવ હોવાથી અગ્રપૂજાના પણ અધિકારી બન્યાં.
ભગવાન ગણેશજીનું અગ્રપૂજન દેવ, દાનવ, ગંધર્વ અને મનુષ્યો અનાદિ કાળથી કરતાં આવ્યા છે. બ્રહ્માંડના સર્વ મહાન કાર્યો કરવા માટે ભગવાન ગણેશનું અગ્રપૂજન દરેક દેવોએ કરેલ છે.
મધુ અને કૈતભને યુદ્ધમાં વિષ્ણુ ભગવાન જ્યારે પરાજીત કરી શકયા ત્યારે ભોળાનાથ પાસે તેમના વધ માટેનો ઉપાય પૂછયા ત્યારે ભોળાનાથે કહ્યું. 'તમે યુદ્ધની શરૂઆતમાં ગણેશ પૂજન નથી કર્યું, તેથી તમને વિજયની પ્રાપ્તિ ન થઈ' ભગવાન શંકરના આદેશ પ્રમાણે શ્રી હરિ વિષ્ણુએ અનુષ્ઠાન કરવા માટે સિદ્ધ ક્ષેત્ર માટેનું સ્થળ પસંદ કર્યું અને ત્યાં સિદ્યી મેળવી અને મધુ અને કૈતભને પરાજીત કરી શકયા આમ ગણેશજીની પૂજા કરીને, શિવપુત્ર શ્રી સ્કન્દે 'બેરૂલ ક્ષેત્ર' માં આવીને તારકાસુરને મારી શકયા હતાં, શંકર ભગવાને ત્રિપુરાસુરને પણ સંકટ નાશક સ્ત્રોતની પૂજા કરીને ત્રિપુરારી કહેવાયા. આદ્યશક્તિ દેવીએ વિંધ્યાચલ ક્ષેત્ર માં આવીને મહિષાસુર રાક્ષસનો વધ કરેલ. થેઉર ક્ષેત્રમાં શ્રી બ્રહ્માજીએ સૃષ્ટિ કાર્યમાં સિદ્યિ પ્રાપ્તિ માટે શ્રી ગણેશજીની જ ઉપાસના કરેલ.
આ ઉપરાત મહાભારતના યુદ્ધના આરંભ પહેલા યુધિષ્ઠિરે ભગવાન કૃષ્ણને પૂછયું કે, આ મહાયુદ્ધમાં વિજય પ્રાપ્ત કરવા કયા દેવની સર્વ પ્રથમ આરાધના કરવી. ત્યારે ભગવાન કૃષ્ણે કહ્યું કે યુધિષ્ઠિર ! ભગવાન ગણેશની તમે પૂજા કરો, એમના સંપૂજનથી તમે નિશ્ચિતરૂપે રાજયને પ્રાપ્ત કરશો.
બ્રહ્માંડના સર્વે મહાન કાર્યો માટે દેવાધિદેવ ભગવાન ગણેશજીનું અગ્રપૂજન ભગવાન શંકર, વિષ્ણુ, બ્રહ્મા, જગદંબા, પાર્વતી, શેષનાગ વગેરેએ કર્યુ અને મહાન કાર્યો સિદ્ધ કર્યા. આમ, ભગવાન ગજાનન આદિદેવ અને અગ્રપૂજય હોય એમાં શું આશ્ચર્ય હોય !
-આલેખનઃદિલીપ ધ્રુવઃ જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગર જિલ્લાની બબરઝર વાડી પ્રાથમિક શાળાના શિક્ષિકા રામીબેન કનારા વિદ્યાર્થીઓને પોતાનું સંતાન માનીને કેળવે છે
દિવ્યાંગ હોવા છતાં દિલથી બાળકોને ભણાવતા
જામનગર તા. પઃ જેઓએ આપણને લખતા શીખવાડ્યું તેમના માટે તો જેટલું લખીએ તેટલું ઓછું છે. અને તે છે શિક્ષક. ભારતમાં દર વર્ષે તા.૫ સપ્ટેમ્બરના દેશના ભૂતપૂર્વ રાષ્ટ્રપતિ ડૉ. સર્વપલ્લી રાધાકૃષ્ણનના જન્મદિવસ ૫ સપ્ટેમ્બરને શિક્ષકદિન તરીકે ઉજવવામાં આવે છે.
આપી જ્ઞાનનો ભંડાર અમને, કર્યા ભવિષ્ય માટે તૈયાર અમને' છીએ આભારી એ ગુરૂઓના અમે, જેમણે કર્યા કૃતજ્ઞ અપાર અમને. શિક્ષકને લગત આ પંક્તિ જામનગર જિલ્લાના લાલપુર તાલુકામાં બબરજર વાડીશાળા -૨માં પ્રાથમિક શિક્ષિકા તરીકે ફરજ બજાવતા રામીબેન કનારાને ખરા અર્થમાં લાગુ પડે છે. કારણકે દિવ્યાંગ હોવા છતાં રામીબેન એક નાનકડા એવા ગામમાં ખેત મજૂરો અને પરપ્રાંતીયોના બાળકોને શિક્ષકની સાથે એક સાચા માર્ગદર્શકની પણ ગરજ સારે છે. તેઓ છેલ્લા ૧૪ વર્ષથી આ શાળામાં નોકરી કરે છે.
વિદ્યાર્થીઓને જ્ઞાન સાથે ગમ્મતથી ભણાવવાની તેમની પદ્ધતિથી દર વર્ષે તેમના ૫૦% વિદ્યાર્થીઓ કૉમન એન્ટ્રન્સ ટેસ્ટમાં ઉત્તિર્ણ થાય છે. અને કોઈપણ જ્ગ્યાએ ટ્યૂશન રાખ્યા વગર માત્ર રામીબેન દ્વારા આપવામાં આવતા શિક્ષણથી વિદ્યાર્થીઓનો પાયો મજબૂત બનતા જવાહર નવોદયની પરીક્ષામાં પણ ઉત્તિર્ણ થઈ ત્યાં અભ્યાસ અર્થે જઈ શક્યા છે. શાળાએ જતા વિદ્યાર્થીઓના શિક્ષક નહીં પરંતુ એક માં પોતાના બાળકનો ઉછેર કરવા માટે જેટલો પરિશ્રમ કરે છે તેવી રીતે રામીબેન પણ દરેક વિદ્યાર્થીને પોતાનું બાળક સમજીને અંગત ધ્યાન આપી જ્ઞાન આપે છે.
રામીબેન કનારા જણાવે છે કે, તેઓને વર્ષ ૨૦૦૪માં નોકરી મળી હતી. છેલ્લા ૧૪ વર્ષથી બબરઝર પ્રાથમિક શાળામાં ફરજ બજાવે છે. વિદ્યાર્થીઓને શાળાકીય અભ્યાસની સાથે સાથે મોડેલ સ્કૂલ્સમાં અભ્યાસ માટેની અને જવાહર નવોદય વિદ્યાલય પરીક્ષાની પણ તૈયારીઓ કરાવે છે. અને વિદ્યાર્થીઓ સારું પરિણામ લાવતા સિલેકટ પણ થયા છે. ૧૫કિમી દૂરથી અપડાઉન કરીને બાળકોનું ભવિષ્ય સુધરે તે માટે મહેનત કરે છે. આ શાળામાં બાળક અભ્યાસ પૂર્ણ કરી લે પછી પણ તેમના માતાપિતા બાળકોના ઉચ્ચ અભ્યાસ માટે શાળાએ આવીને માર્ગદર્શન મેળવે છે. શિક્ષકદિન નિમિત્તે તમામ શિક્ષકોને સંદેશો આપતા રામીબેન જણાવે છે, શાળાના વિદ્યાર્થીને પોતાનું બાળક માનીને શિક્ષણ આપવું જોઈએ. કર્મ કરતાં રહો, તેનું ફળ ચોક્કસ મળે છે. દિવ્યાંગ હોવા છતાં હિમ્મત હાર્યા વગર હું મારી ફરજ બજાવી રહી છું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
કુરંગાની પ્રાથમિક શાળાના આચાર્ય તન્વીબેન કાસુન્દ્રાનું બાળકોના શિક્ષણ માટે શ્રેષ્ઠ પ્રદાન
દેવભૂમિ દ્વારકા જિલ્લા શિક્ષણજગતનું ગૌરવ-સન્માન
દ્વારકા તા. પઃ દેવભૂમિ દ્વારકા જિલ્લાની શ્રી કુરંગા પ્રાથમિક શાળામાં આચાર્ય તરીકે ફરજ બજાવતા તન્વીબેન અરવિંદભાઈ કાસુન્દ્રા એ શિક્ષણક્ષેત્રના ખુબ ટૂંકા સમયગાળામાં શિક્ષણક્ષેત્રમાં ઉત્તમ કામગીરી કરી રહ્યા છે. દ્વારકા તાલુકાના દરિયાકાંઠાના ગામ કુરંગામાં આધુનિક શાળા સાથે મુલ્ય લક્ષી ઉત્તમ શિક્ષણ બાળકો મેળવી રહ્યા છે. જેની નોંધ રાજ્યકક્ષા સુધી લેવાઈ રહી છે. શાળામાં પ્રવેશતા જ આંખો સામે દ્વારકાધીશનું મોરપીંછ દૃશ્યમાન થાય છે, જેમાં શાળાનુ સ્લોગન 'સા-વિદ્યા યા વિમુક્તયે' એટલે કે મુક્તિ અપાવે તે વિદ્યા.
શાળામાં અભ્યાસ સાથે બાળકોનો સર્વાંગી વિકાસ થાય તે પર વધુ ભાર મુકાઇ રહ્યો છે. શાળાના બાળકો રમતગમત, ગાયન, વાદન, લેખન, વક્તૃત્વ, ચિત્ર વગેરે ક્ષેત્રોમાં પણ પોતાનું શ્રેષ્ઠ પ્રદાન કરે તેવા પ્રયાસો થઈ રહ્યા છે.
શાળાની સિદ્ધિઓ પણ અનેક છે,છેલ્લા વર્ષોમાં રાજ્ય પરીક્ષા બોર્ડ દ્વારા લેવાયેલી ચિત્ર પરીક્ષામાં ૧૨ બાળકો ઉત્તિર્ણ થયા હતા. વિજ્ઞાનમેળામાં જિલ્લા કક્ષા સુધી કૃતિ પસંદગી પામેલી હતી, જિલ્લા કક્ષાની તમામ ૧ થી ૧૨ ધોરણ સુધીની સરકારી- ખાનગી શાળાઓમાંથી પ્રથમ ક્રમાંકે શાળા સ્વચ્છતા પુરસ્કાર શાળાને પ્રાપ્ત થયો હતો, પુરસ્કાર માં મળેલી ધનરાશી માંથી બાળકના વિકાસ હેતુ ડમ્બલ્સ - લેઝીમ બાળકો માટે છે. ગુજરાત રાજ્યના ધોરણ ૮ થી ૧૨ ના કુલ ૨૦ વિધાર્થીઓ ફીટ ઈન્ડીયા ક્વિઝ માં ઉત્તિર્ણ થયા જેમાં કુરંગા પ્રાથમિક શાળાની વિદ્યાર્થીની ધોરણ -૮ માંથી ઉત્તિર્ણ થયેલ હતી. આ સાથે જ ખેલમહાકુંભ માં વિવિધ વ્યક્ત ગિત એથલેટિક માં બાળકો સિદ્ધ મેળવી રહ્યા છે, સાથે જ ખેલ સાથે કલા મહાકુંભમાં પણ બાળકો પોતાની કલામાં ઉત્કૃષ્ટ પ્રદર્શન કરી રહ્યા છે.
શાળા સાથે જ શાળા આચાર્યા તન્વીબેન કાસુન્દ્રા એ પણ અનેક વ્યક્તિગત એવોર્ડ મેળવેલાં છે. તેમજ એક શિક્ષક હોવા સાથે તેઓ એક સારા લેખક, કવિ, ગાયક, અને ચિત્રકાર પણ છે. બાળકો માટે વધારે સારું શું થઈ શકે તેવા સતત ચિંતન સાથે તેઓ બાળકો માટે બાળગીતો લખી , શિક્ષણને વધું રસપ્રદ બનાવી રહ્યા છે. "સમય હોય કે મુડી, બાળકોમાં રોકાણ કરવા જેવું શ્રેષ્ઠ રોકાણ બીજું કોઈ નથી. " તેમનું આ વાક્ય શિક્ષણ માટેના તેમના પ્રયાસો વિશે ઘણું સુચકાર્થ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જિંદગી કે સાથ ભી... જિંદગી કે બાદ ભી..
અત્યારે તો ભારતમાં ઘણી બધી વીમા કંપનીઓ છે અને ઘણી પ્રચલીત પણ છે, પરંતુ આપણે એલઆઈસી તરીકે ઓળખીએ છીએ તે જીવન વીમા નિગમની સ્થાપના પહેલી સપ્ટેમ્બર ૧૯૫૬ના દિવસે થઈ હતી. જેનું સૂત્ર 'જિંદગી કે સાથ ભી, જિંદગી કે બાદ ભી' હતું.
ભારત સરકાર અંતર્ગત આ કંપનીનું હેડકવાર્ટર મુંબઈમાં છે જેની આઠ મુખ્ય શાખાઓ તથા ૧૦૧ વિભાગીય શાખાઓ હેઠળ દેશમાં બે હજારથી વધુ ઓફિસ છે.
ભારત સરકારે ૧૯ જૂન ૧૯૫૬ના દિવસે સંસદમાં ભારતીય જીવન વીમા નિગમ વિધેયક પસાર કર્યું જેના આધારે ૧ સપ્ટેમ્બર ૧૯૫૬થી ભારતીય જીવન વીમા નિગમ અસ્તિત્વમાં આવ્યું હતું. ભારતીય જીવન વીમા નિગમની સહાયક કંપનીઓમાં આઈડીબીઆઈ બેંક, એલઆઈસી હાઉસીંગ ફાયનાન્સ, એલઆઈસી પેન્શન ફંડ લિ., એલઆઈસી ઈન્ટરનેશનલ, એલઆઈસી કાર્ડ સેવા, એલઆઈસી મ્યુચ્યુઅલ ફંડ વગેરે છે.
જીવન વીમા નિગમમાં પ્રિમિયમ ભરવાથી વીમા રક્ષણનું કવચ મળે છે અને તેની ઘણી બધી પ્રચલિત યોજનાઓ છે. એવી જ રીતે દેશમાં અન્ય પણ ઘણી વીમા કંપનીઓ જીવન રક્ષા કવચને સાંકળીને જુદી જુદી યોજનાઓ જાહેર કરે છે. દેશની વિશ્વાસપાત્ર ગણાતી આ વીમા કંપની ભારત સરકારની માલિકીનું છે.
હકીકતે વર્ષ ૧૮૧૮માં કોલકાત્તામાં ઓરિયેન્ટલ લાઈફ ઈન્સ્યુરન્સ કંપનીની સ્થાપના થઈ હતી જેની સાથે ભારતમાં જીવન વીમા વ્યવસાયનું આગમન થયું હતું, જે અત્યારે ખૂબજ વિરાટકાય બન્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રાષ્ટ્રીય પોષણ સપ્તાહની ઉજવણી
દર વર્ષે ભારતમાં પહેલી સપ્ટેમ્બરથી ૭મી સપ્ટેમ્બર સુધી રાષ્ટ્રીય પોષણ સપ્તાહ ઉજવાય છે. દેશમાં કૂપોષિત બાળકોની સંખ્યાનું આંકલન કરીને તેઓને પોષણ આહાર પૂરો પાડવાની યોજનાઓ અંગે માર્ગદર્શનથી, જીવનશૈલીમાં સુધારણા, પોષણનું મહત્ત્વ અને પોષણયુક્ત આહારની જરૂર અંગે લોકોને જાગૃત કરવામાં આવે છે.
વર્ષ ૧૯૭૩માં અમેરિકન ડાયટેટિક એસોસિએશન જે અત્યારે પોષણ અને આહાર વિજ્ઞાન અકાદમી તરીકે ઓળખાય છે, તેના દ્વારા રાષ્ટ્રીય પોષણ સપ્તાહની ઉજવણી શરૂ થઈ હતી. વર્ષ ૧૯૮૦માં તેનો વ્યાપ વધ્યો અને વર્ષ ૧૯૮૨માં ભારત સરકારે રાષ્ટ્રીય પોષણ સપ્તાહની ઉજવણીનો પ્રારંભ કર્યાે.
આ વર્ષ (૨૦૨૪)માં ભારતમાં રાષ્ટ્રીય પોષણ સપ્તાહની ઉજવણી દરમિયાન વિશેષ લક્ષ્યો નક્કી થનાર હોવાની ચર્ચા ચાલી રહી છે. અલ્પ પોષણ, અતિપોષણ, સુક્ષ્મ પોષક તત્ત્વોની શરીરમાં કમી (ઘટ)ના કારણે ઉભી થતી કૂપોષણની સમસ્યા ઘેરી બની છે અને દેશમાં ૭૪ ટકા જેટલા લોકો જુદા જુદા કારણે પોષક આહાર લઈ શકતા નથી તેમાં બદલાવેલી જીવનશૈલી, કામનું ભારણ, ખાન-પાનની બદલતી આદતો અને આર્થિક સ્થિતિ પણ કારણભૂત ગણાય છે.
રાષ્ટ્રીય પોષણ સપ્તાહ દરમિયાન, આરોગ્ય તપાસણી પોષણનું મહત્ત્વ સમજાવવા વિવિધ કાર્યક્રમોનું આયોજન, ધાત્રી, પ્રસૂતા બહેનો, ગર્ભવતી બહેનોના આરોગ્યની વિશેષ તકેદારી વગેરે પ્રવૃત્તિઓ યોજાય છે.
પહેલા પોષણ મિશન તરીકે ઓળખાતું રાષ્ટ્રીય પોષણ સપ્તાહ દરમિયાન ૬ વર્ષ સુધીના બાળકોના પોષણમાં સુધારણા વિશે કાર્યક્રમો તથા પ્રવૃત્તિઓ પણ યોજવામાં આવે છે અને પોષણ આહારનું વિતરણ પણ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામસતાજીના વિશ્વાસુ સાથીદારોના વિશ્વાસઘાત થકી પરાજીત થયું હતું ભુચરમોરી મહાયુદ્ધ
માત્ર અડધી સદી પૂર્વે જ સૌરાષ્ટ્રમાં આવતા હાલાર પ્રદેશમાં પોતાનું નવાનગર (જામનગર) રાજ્ય ઊભું કરનારા જામ રાવળના વંશના રાજવીઓની રાજસત્તા સૌરાષ્ટ્ર પ્રાંતમાં પડકારી ન શકાય તેવી બળવાન રાજસત્તા તરીકે ઉભરી આવી હતી. ત્રીજા રાજવી જામ સતાજી (પહેલા)ના શાસન કાળમાં આ રાજસત્તાએ જુદા જુદા યુદ્ધોમાં પરાક્રમો કરી ઝળહળતા વિજયો મેળવ્યા હતા. જેને કારણે જામનગરના આ રાજવી જામસતાજીને પશ્ચિમ ભારતના બાદશાહ તરીકે લોકોમાં ઓળખ ઊભી થઈ હતી. તેમની આ ઓળખ તે સમયે દિલ્હીના મોગલ બાદશાહ સમ્રાટ અકબર સુધી પહોંચી હતી. કારણ કે જામનગરના આ રાજવીની સેનાએ બબ્બે વખત બાદશાહ અકબરના ગુજરાતમાં નિમેલા સુબાના લશ્કરને પરાજ્ય આપેલ હતાં. આ ઉપરાંત અકબરના દુશ્મન એવા પદ્ભ્રષ્ટ સુબા મુઝફફર શાહને જામ સતાજીએ રાજ્યાશ્રય આપ્યો હતો.
આવા બધા જ કારણો જામ સતાજી અને સમ્રાટ અકબર વચ્ચે દુશ્મની અને યુદ્ધ સર્જાવા માટે પૂરતા હતા. તેથી તે સમયે દિલ્હીના આ સમ્રાટના આદેશથી એક વિશાળ શાહી સેના તેના વિશ્વાસુ સુબા મીરઝા આઝમ કોકલતાશના નેતૃત્વ હેઠળ જામનગર ઉપર ચઢાઈ કરવા મોકલી જેમાં ગુજરાતના સુબાનું લશ્કર પણ ભળતા એકઅપાર સેનાએ જામ સતાજી ઉપર ચઢાઈ કરી.
જામનગરના રાજવી જામસતાજી તરફથી પણ આ વિશાળ સેનાનો સજ્જડ મુકાબલો કરી શકે તેવું વિશાળ લશ્કર જામનગરમાં ઊભું કરાયું. જેમાં સેનાપતિ જેશાવજીરના નેતૃત્વ હેઠળ પાટવી કુંવર જામ અજાજી તોગાજી ડાયાજી, લડાયક મેરામણજી ડુંગરાણી, ભાણજી દલ, પરબતજી વરસોડા, ગોપાલ બારોટ, પીંગળસી આહિર વિગેરે અનેક વીરપુરૂષો તથા બીજી લડાયક પ્રજાના વીરપુરૂષો, નાગા બાવાઓની એક જમાત વિગેરે અંદાજે એક લાખ જેટલું સૈન્ય ઊભું કરી દીધેલ હતું. જામસતાજીની આ બહાદુર સેના દ્વારા શાહી મોગલ સેનાને ધ્રોલ નજીક ભુચરમોરીના અફાટ મેદાનમાં જ રોકી દેવામાં આવી હતી.
અહિં જ સામસામા મોરચા મંડાયા અને ભિષણ સંગ્રામ બન્ને સેના વચ્ચે શરૂ થઈ ગયો. જેમાં બંન્ને પક્ષના દરરોજ સેંકડો યોદ્ધાઓ તેમજ તેમના હાથી, ઘોડા, ઊંટ વિગેરે પશુઓની કતલો થઈ જતી હતી. આવો રકતપાત બેથી અઢી મહિના સુધી ચાલુ રહ્યો હતો.
શ્રાવણ માસના અનરાધાર વરસાદ વચ્ચે લડાતા આ મહાયુદ્ધમાં શાહી સેનાનો પુરવઠો કે મદદ પણ મળી શકતી ન હોવાથી જામ સતાજી સામે સુબાને યુદ્ધમાં ટકી રહેવું પણ શકય ન બનતાં શાહીસુબા અજીજ કોકતલાશને જામસતાજી સામે શરણાગતી સ્વીકારવી પડી. જામનગરના રાજવી જામ સતાજીનો આ ભુચરમોરી મહાયુદ્ધમાં પણ જવલંત વિજય થયો હતો.
પરંતુ આ વિજય જામ સતાજીના લશ્કરમાં સાથ આપતા ખરેડીના રાજવી લોમા ખુમાણ તથા જુનાગઢના નવાબને પસંદ નહીં આવતા તેમણે કાવત્રા તથા વિશ્વાસઘાત કરી આ મહાયુદ્ધમાં વિજયની જગ્યાએ જામ સતાજીનો ઘોર પરાજય કરાવી દીધો. જેના વિનાશમાં જામનગરના લશ્કરના બધા જ આગેવાન વીરપુરૂષો તથા પાટવી કુંવર જામ અજીજ પણ વિરગતિ પામ્યા. સામા પક્ષે મુખ્ય સુબા મીરઝા અજીજ કોકતલાશનો પણ વધ થઈ ગયેલ. અજીજ કુંવરના રાણી સૂરજ કુંવરબા પોતાના બંન્ને કુંવરોને દાદાના હાથમાં સોંપીને ભુચરમોરીમાં આવીને પોતાના પતિ પાછળ સતી થયા હતાં.
આમ ભુચર મોરીનો આ ભિષણ સંગ્રામ વિ.સં. ૧૬૪૮ ના શ્રાવણ વદ સાતમને બુધવારના પૂરો થયો હતો.
આજે પણ ધ્રોલ પાસે આવેલું ભુચરમોરી મેદાનની માટી લોહી જેવો લાલ રંગ (રકતવર્ણી) ધરાવતી માટી જોવા મળે છે. જે અહીં થયેલા ભયંકર રકતપાતની સાક્ષી પૂરે છે. જામનગરના રાજવી પરિવાર તરફથી અહિં બધાયેલા યુદ્ધ સ્મારકમાં વીરપુરૂષોના પાળીયાઓ તથા આ મહાયુદ્ધનો ચિતાર રજુ કરે તો પ્રાચીન શિલાલેખ પણ અહીં મોજુદ જોવા મળે છે. ભુચર મોરી મહાયુદ્ધ એ આપણા જામનગરના ઈતિહાસની ગૌરવ ગાથા છે. જે ઈતિહાસનું એક સુવર્ણપૃષ્ઠ સમાન છે.
ભૂપતસિંહ ચૌહાણ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
તારીખ ર૬ ઓગષ્ટ : જન્માષ્ટમી અને શ્રાવણીયો સોમવારઃ સુભગ સમન્વય
આ વર્ષે શ્રાવણ મહિનામાં રક્ષાબંધન અને જન્માષ્ટમીના દિવસો વિશેષ છે, કારણ કે શ્રાવણના સોમવારે આવે છે. આ વર્ષે ગુજરાતમાં ઉજવાતા શ્રાવણ મહિનામાં પાંચ સોમવાર છે, અને છેલ્લો સોમવાર સોમવતી અમાસ છે. શુક્રવારથી જ સાતમ-આઠમના પર્વનો પ્રારંભ થયો છે અને નાગપાંચમી, રાંધણછઠ્ઠ, શિતળા સાતમ, જન્માષ્ટમી અને પારણાનોમના તહેવારો ચાલી રહ્યા છે. આ વખતે ભગવાન શ્રીકૃષ્ણના પરપ૧નો જન્મદિવસ હોવાથી તેની વિશેષ રીતે ઉજવણી ઘણી જગ્યાએ થઈ રહી છે.
યાત્રાધામ દ્વારકામાં જન્માષ્ટમી પર્વે હજારો ભકતો ઉમટી પડ્તા હોય છે. આ વખતે તો બેટ-દ્વારકામાં પણ સુદર્શન સેતુનો લાભ લઈને જન્માષ્ટમી પર્વે ભકતોને પ્રવાહ અનેક ગણો વધવાની સંભાવના છે, ત્યારે તે મુજબની તૈયારીઓ, વ્યવસ્થાઓ તથા બંદોબસ્ત પણ થવા લાગ્યા છે.
ભગવાન શ્રીકૃષ્ણની જન્માષ્ટમી અને શિવજીના સોમવારનો સંગમ થયો હોવાથી દ્વાદશ જયોતિલિંગમાં મનાતા નાગેશ્વર ઉપરાંત હવે બેટ દ્વારકાના વિખ્યાત શિવમંદિરે પણ ભકતોનો પ્રવાહ ઉમટશે, તો દ્વારકાના દરિયાની વચ્ચે આવેલા ભડકેશ્વર તથા યાત્રાધામ સોમનાથમાં પણ ભકતોનો પ્રવાહ ઉમટશે. યાત્રાળુઓ માટે વિશેષ વ્યવસ્થાઓ થઈ રહી છે. વરસાદની આગાહીઓ વચ્ચે જન્માષ્ટમી પર્વ ઉજવાઈ રહ્યું હોવાથી ત્રિવેણી સંગમ રચાયો છે. સૌ કોઈને જન્માષ્ટમી પર્વની શુભેચ્છાઓ... જયશ્રી કૃષ્ણ... જય દ્વારકાધીશ...
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
યુક્રેન સ્વાતંત્ર્ય દિવસ-ર૪ ઓગષ્ટ
યુક્રેન-રશિયા યુદ્ધને બે વર્ષથી વધુ યુદ્ધ વચ્ચે તા. ર૪ ઓગસ્ટે યુક્રેનનો સ્વાતંત્ર્ય દિન મનાવાઈ રહ્યો છે. જો કે, કીવમાં રશિયાના હૂમલાના ભયથી આ વખતે સ્વાતંત્ર્ય પર્વની ઉજવણી માટે કોઈ સમારોહ યોજાશે નહીં, તેવું પહેલાથી જાહેર થયું હતું, ર૪ ઓગષ્ટ-૧૯૯૧ ના યુક્રેન સોવિયેત સંઘમાંથી છૂટો પડીને સ્વતંત્ર દેશ બન્યો હતો. યુક્રેનનું આ વખતેનું સ્વાતંત્ર્ય પર્વ માત્ર કાગળ પર ત્યાંની સરકાર મનાવી રહી છે, કારણ કે યુ-ક્રેન-રશિયા જંગમાં યુક્રેનના સેંકડો જવાનો માર્યા ગયા છે તો અડધાથી વધુ વસ્તી પલાયન કરી ચૂકી છે. ગયા વર્ષે પણ ભયના ઓથાર નીચે સ્વાતંત્ર્ય પર્વે સૈન્ય પરેડ યોજાઈ નહોતી અને રાષ્ટ્રપતિ ઝેલન્સ્કીએ રાષ્ટ્રને સંબોધન પણ કર્યું હતું. આ વખતે તેના કરતા પણ વધુ બિહામણી સ્થિતિમાં યુક્રેનનું સ્વાતંત્ર્ય પર્વ સુમસામ જણાય છે.
રશિયાના રાષ્ટ્રપતિ વ્લાદિમીર પુતિનની મુલાકાત પછી વડાપ્રધાન નરેન્દ્ર મોદીની યુક્રેનના રાષ્ટ્રપતિ ઝેલેન્સ્કીની મુલાકાત અંગે ઘણી ચર્ચાઓ થઈ રહી છે, તો બીજી તરફ યુક્રેનને યુદ્ધમાં મદદ કરતું અમેરિકા અને યુરોપીયન દેશોની પણ આ મુલાકાત પર નજર હતી. યુક્રેન-રશિયાનું આ યુદ્ધ ખતમ થાય અને શાંતિ સ્થપાય, તે દિશામાં સકારાત્મક પ્રગતિ ઈચ્છનીય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સિંહ હંમેશાં પરિવાર સાથે અથવા જોડીમાં જ જોવા મળે છેઃ એકલવાયો સિંહ ભાગ્યે જ જોવા મળે છે
આજે તા. ૧૦-ઓગસ્ટઃ વિશ્વ સિંહ દિવસ
ગીર એ વિશ્વભરમાં એશિયાઈ સિંહોના અંતિમ નિવાસ તરીકે જાણીતું છે. હાલ આફ્રિકા અને આપણું ગીર એમ બે જ જગ્યાએ સિંહોનો મુક્ત વસાવટ છે. ગીર માટે ગર્વ લેવા જેવી વાત એ છે કે, વર્ષોની નોંધપાત્ર મહેનત અને પ્રયત્નો પછી આજે સિંહોની વસ્તી ૬૭૪ જેટલી થઈ ચૂકી છે. ત્યારે વિશ્વ સિંહ દિવસ નિમિત્તે સિંહો વિશે કેટલીક વાતો જાણીએ.
ગીર અને ગીરની બહાર રહેતા સિંહો (બૃહદ ગીર) ની સંખ્યા દર વર્ષે વધતી જાય છે. સામાન્ય રીતે એક સિંહને તેના શાસન માટે ૪૦ કિ.મી. જેટલો વિસ્તાર જોઈએ, જે ગીરમાં ટૂંકો પડતા અનેક સિંહો ગીરની આજુબાજુમાં જિલ્લામાં વસવાટ કરી રહ્યાં છે. ગીરમાં આવેલ સિંહોની ત્રણ પ્રજાતિ છે. જે વેલર, ગધિયો અને કેસરી તરીકે ઓળખાય છે. પણ તેને સિંહના અનુભવી નિષ્ણાત જ પારખી શકે છે. બિલ્લી કુળનું આ પ્રાણી વજનદાર હોવા છતાં એક રામાં ૪૦ થી પ૦ માઈલ જેટલું અંતર કાપી શકે છે. સિંહ પ્રતિભાવંત અને ખુમારીવાળું પ્રાણી છે. જેનો વિશ્વાસ પણ થઈ શકે અને તે પણ અન્યનો વિશ્વાસ કરે છે. નર સિંહનું વજન ૧૮૦ થી ર૦૦ કિલો અને માદા સિંહણનું ૧૬૦ થી ૧૭૦ કિલો હોય છે. આયુષ્ય ૧પ થી ર૦ વર્ષ ગણાય છે. પુખ્ત સિંહને એક દિવસમં ૩૦ થી ૩પ કિલો ખોરાક જોઈએ છે. સિંહના સામ્રાજ્યમાં સિંહણનો અલગ પેટા વિસ્તાર હોય છે. બન્નેના ગ્રુપ (પ્રાઈડ) અલગ હોય છે. સિંહ ગરમી અને તડકાથી દૂર રહે છે. ગરમીના સમયે આખો દિવસ કરમદાના ઢુંઆમાં અથવા પાણી નજીક આરામ કરે છે અને રાત્રે જ બહાર વિચરે છે. ચોમાસામાં મચ્છરના ત્રાસથી ખૂલ્લા વિસ્તાર અથવા રોડ પર આવી જાય છે.
શાંત વાતાવરણમાં તેની ત્રાડ કે ડણક ત્રણ કિ.મી. સુધી સંભાળય છે. નર અને માદાની ડણકમાં ફેર હોય છે. એકબીજાને બોલાવવાની તેમની ભાષા અહીંના સ્થાનિકો જાણે છે. સામાન્ય રીતે શિકારને ચારે તરફથી ઘેરવાની પ્રયુક્તિથી સપડાવે છે. શિકાર મોટે ભાગે સિંહણ જ કરે પણ ખાવાની શરૃઆત સિંહ કરે છે.
સિંહ હંમેશાં પરિવાર અથવા જોડીમાં જ રહે છે. સાવ એકલવાયો સિંહ ભાગ્યે જ જોવા મળે. ભારતીય સિંહ અને આફ્રિકન સિંહ વચ્ચે થોડો ફેર છે. આફ્રિકન પાસે ગીરનો સિંહ થોડો કદથી નાનો લાગે. આફ્રિકનની કેશવાળી મોટી ભરાવદાર હોય છે. જ્યારે ગીરના સિંહની થોડી નાની હોય છે. ગીરના સિંહના પેટ નીચે ઝાલર જેવો પટ્ટો હોય છે, જે આફ્રિકનને હોતો નથી. સિંહનો સોનેરી ભૂખરો કેસરી રંગ તેને શિકાર કરતી વખતે ગીરના રાતડા ઘાસ જેવો રંગ હોવાથી છુપાઈ જવા માટે સારો રહે છે.
ગીરમાં રહેતા માલધારીઓ તથા જંગલખાતાના કર્મચારીઓ સિંહોને નામથી ઓળખે છે. જેમાં અકબર, સુલતાન, જય, વિજય, ધરમ, વીર, ઉભળો, ભિલિયો, ટીલિયો, જાંબો, રાજમાતા ખૂબ પ્રખ્યાત હતાં. તેમણે ક્યારેય માનવી પર હુમલો કર્યો ન હતો. બળદ ગાડું લઈને જતા ખેડૂત કે બળદ પર ક્યારેય હુમલો કરતા નથી. ગીરમાં માનવી અને સિંહો સદીઓથી પરસ્પરના સહકારથી જીવન જીવે છે, અને એ જ ગીરની આ બન્નેની સાચી ઓળખ બતાવે છે.
આલેખનઃ પારસ મકીમ, જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઓગસ્ટ મહિનો એટલે કાંતિ, આઝાદી અને સાર્વભૌમત્વ, એકતા, અખંડિતતાનો હિસ્ટ્રીમન્થ
ઓગસ્ટ મહિનો આઝાદ ભારતની બે સદી જેટલી સ્વાતંત્ર્ય ચળવળ અને આઝાદી પછીના ૭૫ વર્ષના ઈતિહાસને સાંકળતો ઐતિહાસિક મહિનો અથવા ઈન્ડિયન હિસ્ટ્રી મેમરી મન્થ...
ઓગસ્ટ મહિનાની વિશેષતા એ છે કે, તેના પ્રારંભે જ વૈશ્વિકકક્ષાએ હેલ્થ અને વિમેન-ચિલ્ડ્રનને સાંકળતા વિશ્વ સ્તનપાન દિવસ, ફેફસાના કેન્સર સાથે જાગૃતિનો દિવસ અને મુસ્લિમ મહિલા અધિકાર દિવસ જેવી ઉજવણીઓ પણ પહેલી ઓગસ્ટે થાય છે. બીજી ઓગસ્ટ આપણા રાષ્ટ્રધ્વજની ડિઝાઈનર પિંગલી વૈકેયા સાથે સંકળાયેલી છે તો ચાર ઓગસ્ટે રાષ્ટ્રીય અસ્થિ અને સાંધાને લગતી જાગૃતિ ફેલાવવા માટે નિર્ધારિત કરાયેલો છે. બીજી ઓગસ્ટે જ દાદરાનગર હવેલીનો મુક્તિ દિવસ ઉજવાય છે.
અમેરિકાએ અણુબોમ્બનો પ્રયોગ કરીને હિરોશીમા અને નાગાશાકિ ધ્વસ્ત કર્યું હતું. તે વસમી યાદો ૬ઠ્ઠી અને ૯ ઓગસ્ટે તાજી થાય છે. ૭ ઓગસ્ટને જવેલિન થ્રો ડે અથવા ભાલા ફેંંક દિવસ તરીકે મનાવાય છે. ભારતે ગત ઓલમ્પિકમાં પણ જેવલિન થ્રોમાં ગોલ્ડમેડલ મેળવ્યો હતો.
નવ ઓગસ્ટે જ ભારતમાં ઓગસ્ટ ક્રાંતિ દિવસ મનાવાય છે. તો સિંગાપુરનો સ્વાતંત્ર્ય દિન છે અને વિશ્વ આદિવાસી દિવસ અને સ્વદેશી લોકોનો ઈન્ટરનેશનલ ડે હોય છે. દર વર્ષે ૧૦ ઓગસ્ટે બાયોફ્યુઅલ ડે, ઈન્ટરનેશનલ લાયન ડે મનાવાય છે. ૧૧ ઓગસ્ટે વિશ્વ સ્ટીલપેન દિવસ, ૧૨ ઓગસ્ટે વિશ્વ યુવા દિવસ અને વિશ્વ હાથી દિવસ, ૧૩એ વિશ્વ સંગદાન દિવસ, ૧૪ના પાકિસ્તાનમાં સ્વાતંત્ર્ય દિવસ પછી ૧૫ ઓગસ્ટે આપણા દેશનો ગરિમામય સ્વાતંત્ર્ય દિવસ ઉજવાય છે. જ્યારે બાંગ્લાદેશમાં ૧૫ ઓગસ્ટે રાષ્ટ્રીય શોક દિવસ મનાવાતો રહ્યો છે. ૧૯ ઓગસ્ટે વિશ્વ ફોટોગ્રાફી દિવસ, વિશ્વ માનવીય દિવસ, ૧૯ ઓગસ્ટથી ૨૫ ઓગસ્ટ સુધી સંસ્કૃત સપ્તાહ, ૨૦ ઓગસ્ટે અક્ષય ઉર્જા દિવસ અને સદ્ભાવના દિવસ, વિશ્વ મચ્છર દિવસ, ૨૧મીએ વિશ્વ સિનિયર સિટીઝન ડે, ૨૧મીએ જ આતંકવાદ પીડિત સ્મૃતિઓ તથા શ્રદ્ધાંજલિ દિવસ, ૨૨ ઓગસ્ટે ધર્મ-મત આધારિત પીડિતોની સ્મૃતિમાં ઈન્ટરનેશનલ ડે, ૨૩ ઓગસ્ટે ગૂલામી પ્રથા નાબૂદી દિવસ, ઈન્ટરનેટ દિવસ, રાષ્ટ્રીય આંતરિક દિવસ, ૨૬ ના મહિલા સમાનતા દિવસ, મધર ટેરેસા જયંતી, વિશ્વ શ્વાન દિવસ (ડોગ-ડે), ૩૦ ના પરમાણુ પરીક્ષણ વિરોધી દિવસ, વ્હેલ શાર્ક દિવસ, શ્રાવણી પૂનમે વિશ્વ સંસ્કૃત દિવસ, ૩૧મી આફ્રિકી મૂળના લોકો માટેનો આંતરરાષ્ટ્રીય દિવસ ઉજવાય છે.
આ ઉપરાંત પણ ઘણાં લોકલ, નેશનલ અને ઈન્ટરનેશનલ દિવસોની ઉજવણી નગરથી નેશની અને ઈન્ટરનેશનલ કક્ષા સુધી થતી હોય છે. આ તો મુખ્ય મુખ્ય મહત્વપૂર્ણ દિવસોની જ ઝાંખી કરી રહ્યા છીએ.
આપણાં દેશ માટે ગરિમામય ઉજવણીઓ
આપણો દેશ ૧૫મી ઓગસ્ટ ૧૯૫૭ના દિવસ આઝાદ થયો, તેને ૭૫ વર્ષ થયા હોવાથી આ વખતે સ્વાતંત્ર્ય દિન ખૂબજ મહત્ત્વપૂર્ણ છે. આખો ઓગસ્ટ મહિનો આઝાદ ભારત માટે ગૌરવશાળી સ્મૃતિઓ અને ઈતિહાસને સાચવી રહ્યો હોય તેવા વિશેષ દિવસો ધરાવે છે, જેવું વિડંગાવલોકના કરીએ.
દાદરાનગર હવેલી મુક્તિદિન
દાદરાનગર હવેલી પર પોર્ટુગલ શાસન હતું. મહત્તમ ટ્રાયબલ વસ્તી ધરાવતો આ પ્રદેશ ભારત આઝાદ થયા પછી વર્ષ ૧૯૫૪ની ૨૯મી જુલાઈના પોર્ટુગીઝોની પકડમાંથી છૂટ્યો અને વર્ષ ૧૯૬૧ સુધી દાદરાનગર હવેલી વરિષ્ઠ પંચાયત હેઠળ સ્વતંત્ર રહ્યો અને બીજી ઓગસ્ટે સ્વતંત્ર ભારતમાં વિલીન થયો જેનો લાંબો ઈતિહાસ છે.
ઓગસ્ટ ક્રાંતિ
નો પડકાર કરીને લોકોને ગાંધીજીએ અંગ્રેજોને વર્ષ ૧૯૪૨માં ક્વિટ ઈન્ડિયા, કરો યા મરોનો નારો આપ્યો હતો જેને ઓગસ્ટ ક્રાંતિ તરીકે પણ આપવામાં આ દિવસે અંગ્રેજોએ કોંગ્રેસને ગેરકાનૂની સંસ્થા જાહેર કરી હતી. તે ૯મી ઓગસ્ટ હતી. જેને ક્રાંતિ દિવસ તરીકે મનાવાય છે.
પાંચ ઓગસ્ટ
પાંચ ઓગસ્ટ ૨૦૨૧માં ભારતની હોકી ટીમે ટોક્યો ઓલિમ્પિકમાં કાંસ્યપદ જીત્યો હતો, તો ભારતના જમ્મુ-કાશ્મીરમાંથી વર્ષ ૨૦૧૯માં પાંચ ઓગસ્ટે કલમ ૩૭૦ હટાવાઈ હતી. જ્યારે વર્ષ ૨૦૨૦માં અયોધ્યામાં ભગવાન શ્રીરામની જન્મભૂમિ પર રામમંદિર માટે ભૂમિપૂજન કરાયું હતું.
ગાગરમાં સાગર
ઓગસ્ટ મહિનો આપણાં દેશમાં ઘણો જ મહત્ત્વપૂર્ણ છે, જે પૈકી આ માત્ર થોડા દૃષ્ટાંતો જ સંક્ષિપ્તમાં રજૂ થઈ શક્યા જે ગાગરમાં સાગર સમાન છે. જય હિન્દ, ભારત માતા કી જય.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભક્તિ-શક્તિ-મોક્ષના દેવ... સોમનાથ મહાદેવ
વોટ્સએપમાં ફરતી ફરતી શ્રાવણના વધામણા જેવી આ કવિતા જાણે શ્રાવણ માસમાં શિવના પ્રસાદરૂપે મળી... શિવ એટલે ? વિનાશના દેવ... કલાના દેવ... પ્રેમના દેવ... દેવોના દેવ... શિવ એ સનાતન છે, શિવ પરમ તેજ છે.. જેનો ન આરંભ છે, ન અંત. શિવનેે કાળો રંગ અપાયો, શિવને વિષ અપાયું.. પણ તેમણે દરેકનો સ્વીકાર કર્યો કહેવાય છે કે ભૂતોને પૂજનારા ભૂતોને પામે છે, પણ શિવને એવું નથી. તે વધારે વિશાળ અને ગહન છે,તેને પૂજનારા કે ન પૂજનારા દરેક શિવને પામે જ છે... જેનું કોઈ નથી તેના શિવ છે... ભોલેનાથ છે જ...
શ્રાવણ માસના પહેલા સોમવારે કથા સોમનાથ મહાદેવની..હિન્દુ માન્યતા મુજબ ભગવાન શિવ જયાં જયાં સ્વયં જયોતિ સ્વરૂપે પ્રગટ થયા છે એ ૧ર જગ્યાને જયોતિલિંગ સ્વરૂપે પૂજવામાં આવે છે. જેમાં સૌપ્રથમ સ્થાને સૌરાષ્ટ્રના સોમનાથ મહાદેવ બિરાજમાન છે. સોમનાથ મંદિર ભારતનું એક સૌથી આદરણીય અને પવિત્ર મંદિર માનવામાં આવે છે. સોમનાથ શબ્દનો અર્થ થાય છે ચંદ્ર ભગવાનના ભગવાન.. જે ભગવાન શિવનો ઉલ્લેખ છે, કારણ કે શિવજી તેમના માથા પર ચંદ્રને ધારણ કરે છે.
સોમનાથ મંદિરની પૌરાણિક કથા એવી છે કે પ્રજાપતિ દક્ષને ર૭ કન્યાઓ હતી. જેમના વિવાહ અત્રિ અને અનસૂયાના પુત્ર સોમ (ચંદ્ર) સાથે થયા હતા. ર૭ કન્યાઓમાં રોહિણી સુંદર અને ગુણવાન હતી. આથી ચંદ્રને વધુ પ્રિય હતી. જેના કારણે અન્ય પત્નીઓએ નારાજ થઈને પિતા દક્ષને પતિ દ્વારા થતાં પક્ષપાતની ફરિયાદ કરી દક્ષે સૌપ્રથમ ચંદ્રને દરેક પત્ની સાથે સમાન વર્તન કરવા સમજાવ્યા. પણ પરિણામ શૂન્ય આવતા, પ્રજાપતિ દક્ષે ક્રોધે ભરાઈને ચંદ્રને ક્ષય રોગ થવાનો શ્રાપ આપ્યો જેના કારણે ચંદ્ર પ્રતિદિન ક્ષીણ થવા લાગ્યા. જેના નિવારણ માટે બ્રહ્માજીએ ભગવાન શિવની આરાધના કરવાનું કહ્યું. આથી પ્રભાસ ક્ષેત્રમાં ચંદ્ર અને રોહિણી દ્વારા મંદિરની સ્થાપના કરી ભગવાન શિવની તપસ્યા કરવામાં આવી. તેમના આ તપથી પ્રસન્ન થઈને ભગવાન શિવના અનુગ્રહથી પ્રજાપતિ દક્ષ દ્વારા ચંદ્રને અપાયેલા શ્રાપમાંથી આંશિક છુટકારો થયો. એવું માનવામાં આવે છે કે ત્યારથી જ ભગવાન શિવની કૃપાથી ચંદ્ર ૧પ દિવસ વધે છે અને ૧પ દિવસ ઘટે છે. ત્યારબાદ આ જયોતિમાં લિંગ સોમનાથના નામથી પ્રસિદ્ધ થયું. સોમનાથ મંદિર ચંદ્રએ સોનાનું બનાવ્યું, રાવણે ચાંદીનું બનાવ્યું, શ્રીકૃષ્ણએ સુખડનું બનાવ્યું અને નાગભટ્ટ પ્રથમે પથ્થરનું બનાવ્યું, ઈતિહાસિક ઘટનાઓના આધારે કહી શકાય કે સોમનાથ મંદિર આશરે ૧૭ વખત નષ્ટ કરવામાં આવ્યું હતું. મંદિરનું વારંવાર પુનઃ નિર્માણ કરવામાં આવ્યું છે. અનેક મુસ્લિમ આક્રમણકારો અને શાસકો દ્વારા વારંવાર વિનાશ બાદ પુનઃ નિર્માણ કરાયું છે. ખાસ કરીને ૧૧ મી સદીમાં મહમુદ ગઝનીના હુમલાથી શરૂ થયું હતું.
મંદિર સૌપ્રથમ વખત કયારે બન્યું એ બાબતે કોઈ ઐતિહાસિક પ્રમાણ મળતા નથી. પરંતુ ઈ.સ. ૧૯૪૭ માં ભારત આઝાદ થયા બાદ ૧ર નવેમ્બર ૧૯૪૭ ના ભારતના ગૃહમંત્રી સરદાર વલ્લભભાઈ પટેલે સોમનાથની મુલાકાત લીધી. મંદિરની જીર્ણશીર્ણ દશા જોઈએ સરદાર પટેલે હાથમાં સમુદ્રનું પાણી લઈને મંદિરના નવનિર્માણની પ્રતિજ્ઞા લીધી. મંદિરની પુનઃ રચનાનું મૂર્ત સ્વરૂપ આપવાની સંપૂર્ણ જવાબદારી સરદાર પટેલે કનૈયાલાલ મુનશીને સોંપી, આ સાથે ગાંધીજીની સલાહથી સોમનાથ ટ્રસ્ટની પણ સ્થાપના કરવામાં આવી, સરદાર પટેલના સોમનાથ મંદિરના પુનઃ નિર્માણના સ્વપ્નના સાક્ષી કનૈયાલાલ મુનશીે સાચું જ કહ્યું છે કે, જો સરદાર આપણને મળ્યા ન હોત તો આપણને પુનઃ નિર્માણ થયેલું સોમનાથ મંદિર મળ્યું ન હોત. મંદિરના પુનઃ નિર્માણના પ્રણેતા સરદાર પટેલની સ્મૃતિમાં તેમના પ્રતિક સમાન કાંસ્ય પ્રતિમા આજે પણ ત્યાં સ્થાપિત છે. હાલમાં ટ્રસ્ટના અધ્યક્ષ ભારતના વડાપ્રધાન છે. મંદિર કેમ્પસના એક ટાવર પર સંસ્કૃતમાં લખેલા શિલાલેખ મુજબ, દક્ષિણ દિશામાં ટાવરથી સીધા માર્ગને અનુલક્ષીને કોઈ અવરોધ વિના દક્ષિણ ધ્રૃવ સુધી જઈ શકાય છે. સોમનાથમાં કપિલા, હિરણ અને સરસ્વતી નામની ત્રણ નદીઓના સંગમને કારણે હંમેશાં તીર્થસ્થળ રહ્યું છે.
દાયકાઓ પછી આવો સુયોગ આવ્યો છે કે શ્રાવણ માસનો પ્રારંભ સોમવારથી થશે અને સમાપન પણ સોમવારથી થશે. આ વર્ષે શ્રાવણ માસમાં પાંચ સોમવાર આવશે આથી આ વર્ષે મહાદેવની ભક્તિનું વિશેષ મહત્ત્વ રહેશે. આ શ્રાવણ માસમાં ભગવાનને એટલી જ પ્રાર્થના કે તમે અમારું માર્ગદર્શન કરો, નિત્ય સ્મરણમાં અમારી રૂચિ વધે તેવી બુદ્ધિ આપો. અમારી અશાંત સ્થિતિને શાંતિ આપો... શિવજીના ચરણોમાં નત મસ્તક વંદન...
તે શિવ છે...
તે જ આરંભ છે, તે જ અંત છે...
આરંભ અને અંત વચ્ચે જે જ્ઞાન છે...
તે શિવ છે....
તે નૃત્યમાં શૃંગાર છે...
તે વીણાના તાર છે...
તે પ્રેમનો રાગ છે...
તે સતિનો ઉપહાર છે...
તે શિવ છે..
તે કૈલાસનો બરફ છે...
તે તાંડવનો આતંક છે...
તે ગંગાનો પ્રવાહ છે...
તે નીલકંઠ છે...
તે શિવ છે...
તે દરેક શ્વાસમાં છે...
તે દરેક ચેતનામાં છે...
સર્જન અને વિસર્જન જેના હાથમાં છે...
તે શિવ છે..
દિપા સોની, જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૭ ઓગસ્ટઃ નેશનલ હેન્ડલૂમ દિવસ
દર વર્ષે ભારતમાં ૭ ઓગસ્ટે નેશનલ હેન્ડલૂમ ડે ઉજવાય છે, જેને રાષ્ટ્રીય હાથશાળ દિવસ તરીકે પણ ઓળખવામાં આવે છે. વર્ષ ૧૯૦પ માં સ્વાતંત્ર્ય ચળવળ દરમિયાન સ્વદેશી આંદોલન ૭ ઓગસ્ટે સ્વદેશી ઉદ્યોગોને પ્રોત્સાહિત કરવામાં આવ્યા હતાં, તેની સ્મૃતિમાં વર્ષ ર૦૧પ માં ભારત સરકારે આ ઉજવણી કરવાની જાહેરાત કરી હતી.
આ ઉજવણીનો ઉદ્દેશ્ય દેશમાં હેન્ડલૂમનું મહત્ત્વ સમજાવીને તેના દ્વારા રાષ્ટ્રીય કક્ષાએ કારીગરોના લાભાર્થે વિવિધ પ્રવૃત્તિઓ કરવા અને આર્થિક તથા સાંસ્કૃતિક ક્ષેત્રે હેન્ડલૂમને પ્રોત્સાહિત કરવાનો છે. હાથસાળના માધ્યમથી સ્વદેશીની ભાવનાને પુનઃ જાગૃત કરીને પરંપરાગત કલા અને સંસ્કૃતિની સાથે સાથે રોજગાર વૃદ્ધિનો ઉદ્દેશ્ય પણ આ ઉજવણી સાથે રહેલો છે.
હાથસાળ ઉદ્યોગ દ્વારા તૈયાર થતાં ઉત્પાદનો મશીન દ્વારા ઉત્પાદિત કરાતા ઉત્પાદનો કરતા વધું આકર્ષક અને સુંદર એટલા માટે હોય છે કે તેમાં આપણાં પરંપરાગત કારીગરોના કૌશલ્ય અને પરિશ્રમનું સિંચન થયેલું હોય છે.
જો કે, અદ્યતન ટેકનોલોજી અને આધુનિક યંત્રોના યુગમાં હાથસાળ ઉદ્યોગને ચલાવવા અઘરા પડી રહ્યા છે અને કૌશલ્ય ધરાવતા કારીગરો-વણકરો વગેરેની રોજગારીનો પ્રશ્ન પણ વિકટ બની રહ્યો છે, પરંતુ કેટલીક રાજ્ય સરકારો તથા કેન્દ્ર સરકારે આ ક્ષેત્રે કેટલીક યોજનાઓ પણ જાહેર કરી છે અને તેને પ્રોત્સાહિત કરવાના વિષયોને પણ આ ઉજવણીમાં સામેલ રાખવામાં આવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૭ ઓગસ્ટઃ રાષ્ટ્રીય ભાલા ફેંક દિવસ
દર વર્ષે ૭ ઓગસ્ટે રાષ્ટ્રીય ભાલા ફેંક દિવસ એટલે કે નેશનલ જેવલિન થ્રો ડે ઉજવવામાં આવે છે. અત્યારે ઓલિમ્પિકની સ્પર્ધાઓ ચાલી રહી છે અને તેમાં આ એ સ્પર્ધા છે, જેમાં ભારતે ગોલ્ડ મેડલ મેળવ્યો હતો. ટોક્યોમાં ઓલિમ્પિક સ્પર્ધાઓ દરમિયાન નિરજ ચોપડાએ આ ગોલ્ડ મેડલ મેળવ્યો હતો.
૭ ઓગસ્ટ-ર૦ર૧ ના દિવસે ફાયનલમાં પુરુષોની ભાલાફેંક સ્પર્ધામાં ટોક્યોમાં ૮૭.પ૮ મીટરના અંતરે ભાલો ફેંકીને સુવર્ણચંદ્રક મેળવ્યો હતો, જેથી ઈતિહાસ રચાયો હતો, કારણ કે ભારતે ઓલિમ્પિકમાં આ બીજો ગોલ્ડ મેડલ મેળવ્યો હતો. તે પહેલા ર૦૦૮ માં અભિનવ બિન્દ્રાએ બેઈજીંગમાં ગોલ્ડ મેડલ જીત્યો હતો.
એ.એફ.આઈ.ના અધ્યક્ષ આદિલ જે. સુમારીવાલાએ ૭ મી ઓગસ્ટે આ ઉજવણી માટે ભલામણ કરી હતી. સુવર્ણ પદક મેળવ્યા પછી પણ નિરજ ચોપડાએ જુલાઈ ર૦રર માં ૮૮.૧૩ મીટરના અંતરે ભાલો ફેંકીને વિશ્વ એથલેટિક્સ ચેમ્પિયનશીપમાં રજતપદક જીત્યો હતો. તે પછી જ્યુરિખમાં નિરજ ચોપડાએ ડાયમંડ લીગ ફાયનલમાં ૮૯.૦૯ ના અંતરે થ્રો ફેંકીને જીત મેળવી હતી.
એ પહેલા અભિનવ બિન્દ્રાએ રાયફલ શૂટિંગમાં વર્ષ ર૦૦૮ માં ઓલિમ્પિકમાં ગોલ્ડ મેડલ મેળવ્યો હતો, અને નિરજ ચોપડાએ વર્ષ ર૦ર૧ માં બીજો ગોલ્ડ મેડલ ભાલાફેંકમાં મેળવ્યો હતો, જો કે ભારતીય હોકી ટીમે આઝાદી પહેલા પુરુષ હોકીમાં ઘણાં બધા મેડલ્સ મેળવ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૭ જુલાઈ ડો. એ.પી.જે. અબ્દુલ કલામની પુણ્યતિથિ
આપણા દેશના પૂર્વ રાષ્ટ્રપતિ, મહાન વૈજ્ઞાનિક અને મિસાઈલમેન તરીકે ઓળખાતા ડો. એ.પી.જે. અબ્દુલ કલામની પુણ્યતિથિ દર વર્ષે તા. ર૬ જુલાઈના મનાવાય છે. તેઓ ભારતના ૧ર મા રાષ્ટ્રપતિ બન્યા હતાં. તેઓનો જન્મ ૧પ મી ઓક્ટોબર ૧૯૩૧ ના દિવસે રામેશ્વરમ્માં થયો હતો. તેઓનું પૂરૃં નામ ડો. અબુલ પાકિર જૈનુલાઅબદીન અબ્દુલ કલામ હતું, અને તેઓ ડો. એ.પી.જે. અબ્દુલ કલામ તરીકે પ્રચલિત થયા હતાં.
ડો. એ.પી.જે. અબ્દુલ કલામે વર્ષ ૧૯૬ર માં ઈસરોમાં જોડાયા પછી ભારતે પ્રથમ ઉપગ્રહ છોડ્યો હતો, જે સ્વદેશી હતો. ભારતે વર્ષ ૧૯૯૮ માં કરેલા પરમાણુ પરીક્ષણ પછી તેઓ મિસાઈલ મેન તરીકે પ્રચલિત થયા હતાં. તેઓ વર્ષ ર૦૦ર થી ર૦૦૭ સુધી રાષ્ટ્રપતિ પદે રહ્યા હતાં. તેઓ તા. ર૭ જુલાઈ ર૦૧પ ના દિવસે શિલોંગના આઈઆઈએમમાં વ્યાખ્યાન આપતા ઢળી પડ્યા હતાં અને તેઓનું નિધન થયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૬ જુલાઈઃ કારગીલ વિજય દિવસ
દર વર્ષે ર૬ જુલાઈના દિવસે કારગીલ વિજય દિવસ એટલા માટે મનાવાય છે કે આપણા બહાદુર જવાનોને પાકિસ્તાનના તત્કાલિન સરકારને સબક શીખવ્યો હતો અને પાકિસ્તાની પીઠુઓએ આપણાં દેશમાં ઘૂસીને દગાબાજીથી કબજામાં લીધેલી તમામ જમીન પાછી મેળવી હતી. આ દિવસે ભારતીય સેનાના શૌર્ય, બહાદુરી અને પરાક્રમને બીરદાવવામાં આવે છે.
કારગીલના યુદ્ધ વિષે ભાગ્યે જ કોઈ અજાણ્યું હશે. વર્ષ ૧૯૯૯ ની ર૬ મી જુલાઈના આપણી સેનાએ મેળવેલા ભવ્ય્ વિજયને રપ વર્ષ થયા છે. પાક.ની સેનાએ જમ્મુ અને કારગીલમાં ઘૂસણખોરી કરીને જે જમીન પર કબજો જમાવ્યો હતો, તેને તો પરત મેળવી જ લીધી હતી, પરંતુ પાકિસ્તાનની સેનાને ધોળા દિવસે તારા દેખાડી દેવાયા હતાં અને તેની ઓકાત કેટલી છે, તે પૂરવાર કરી દીધું હતું. કારગીલ યુદ્ધમાં શહીદ થયેલા તમામ બહાદુર જવાનોને ભાવભરી શ્રદ્ધાંજલિ અને જેટલા જવાનોએ તેમાં યુદ્ધ લડ્યું હતું તે તમામને કોટિ કોટિ સલામ...
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ચાંદીપુરા વાયરસથી બાળકોને કેવી રીતે બચાવી શકાય...? ગાઈડ લાઈન્સ
સામાન્ય રીતે ૧૪ વર્ષ સુધીના બાળકોમાં દેખાતા
જામનગર તા. ર૬: રાજ્યના કેટલાક જિલ્લાઓમાં ચાંદીપુરા વાયરસના કેસ જોવા મળી રહ્યા છે. આ રોગના સંક્રમણને પ્રસરાતું અટકાવવા માટે અગમચેતી એ જ સલામતી છે. આ વાયરલ ઈન્ફેક્શનનો પ્રથમ કિસ્સો ૧૯૬૫ માં મહારાષ્ટ્રના નાગપુર જિલ્લાના ચંદીપુરા ગામે નોંધાયો હતો જેથી તે ચંદીપુરા વાયરસ તરીકે ઓળખાય છે. ચંદીપુરા વાયરસ-વેસીક્યુલોવાયરસ-રર્હેબડો વાયરીડીયએ કુળનો છે. આકારમાં બંધુકની બુલેટ જેવો છે. ચંદીપુરા વાયરસના ફેલાવા માટે સેન્ડ ફ્લાય વાહક જવાબદાર છે.કેટલીક બાબતોની તકેદારી રાખીને બાળકો તેમજ પરિવારના સભ્યોને સલામત રાખી શકાય છે. ચાંદીપુરા એક વાયરસ છે જે મુખ્યત્વે સેન્ડ ફ્લાય (એક પ્રકારની રેતની માખી) દ્વારા પ્રસરે છે. સેન્ડ ફ્લાય મ ુખ્યત્વે કાચા મકાનોની દિવાલની તિરાડોમાં, મકાનના રેતી કે માટીના બનેલા ભાગોમાં રહેવાનું પસંદ કરે છે. ખાસ કરીને ગ્રામ્ય વિસ્તારોના ગાર લીપણવાળા ઘરોમાં દિવાલની તિરાડોમાં તેમજ દિવાલમાં રહેલા છિદ્રોમાં આ રેતની માખી રહે છે. આ સેન્ડ ફ્લાય ચાંદીપુરા અને કાલા અઝાર જેવા રોગોના ફેલાવા માટે જવાબદાર છે. આ રોગ સામાન્ય રીતે ૦ થી ૧૪ વર્ષના બાળકોમાં જોવા મળે છે.
સેન્ડ ફ્લાયની ઉત્પતિ
સેન્ડ ફ્લાય તેની ઉત્પતિ માટે ઈંડા મૂકે છે. તેમાંથી મચ્છરની જેમ ઈયળ, કોશેટો અને પુખ્ત માખી બને છે. આ સેન્ડ ફ્લાય નરી આંખે જોઈ શકાય તેવી સામાન્ય માખી કરતા ચાર ગણી નાની હોય છે, જે ખાસ કરીને ગ્રામ્ય વિસ્તારોનાં ગાર લીપણવાળા દિવાલોની તીરાડો તેમજ છિદ્રોમાં રહે છે.
ચાંદીપુરા રોગનાં લક્ષણો
ભારે તાવ આવવો, માખું દુઃખવું, ઉલટી થવી, ઝાડા થવા, અર્ભભાન થવું, ખેંચ આવવી, બેભાન થવું.
ચાંદીપુરા રોગથી બચવાના ઉપાયો
સેન્ડ ફ્લાય માખીથી બચવા ઘરની દિવાલોમાં અંદરના તથા બહારના ભાગમાં રહેલા છિદ્રો તેમજ તિરાડોને પૂરાવી દેવી જોઈએ. ઘરની અંદરના ભાગે શક્ય હોય ત્યાં સુધી હવા ઉજાસ (સૂર્ય પ્રકાશ) આવે તેવી વ્યવસ્થા કરવી જોઈએ. જંતુનાશક દવાયુક્ત મચ્છરદાનીમાં સુવાનો આગ્રહ રાખવો. બાળકોને શક્ય હોય ત્યાં સુધી ખુલ્લા શરીરે ઘરની બહાર આંગણમાં ધૂળમાં રમવા દેવા નહીં. લક્ષણો જણાય તો તાત્કાલિક સરકારી હોસ્પિટલનો સંપર્ક કરવો જોઈએ. આમ, ચાંદીપુરા વાયરસથી બચાવા માટે તકેદારી રાખવી અનિવાર્ય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
"માનવદેહ જેવું મોટું અને પવિત્ર મંદિર ક્યાંય નથી" સદ્ગુરૂ આરાધના આશ્રમધામ પાદરીયા
ગુરૂપૂર્ણિમાના પર્વે લોકોને પાવન સંદેશ
જુનાગઢ તા. ર૦: જુનાગઢના પાદરીયામાં આવેલ સદ્ગુરૂ આરાધના આશ્રમધામ દ્વારા આવતીકાલે ગુરૂપૂર્ણિમા પર્વ નિમિત્તે પાવન સંદેશ પ્રસ્તુત કર્યો છે.
માનવ મંદિર ધ્યાન સાધના કેન્દ્રનો અર્થ જ એ થાય છે કે માનવ દેહ એ જ ભગવાનનું કે પ્રભુ જે કહીએ તે તેનું કાયમી નિવાસસ્થાન છે આના જેવું બીજું કોઈ પવિત્ર અને મોટું મંદિર વિશ્વમાં ક્યાંય પણ નથી કેમકે આ દેહ દેવળમાં કાયમ માટે ઈશ્વર બિરાજમાન છે હર પલ હોકારા દે છે અને હર શ્વાસે શ્વાસે તે જ ધડકે છે એટલે આ મંદિર જેટલું સ્વચ્છ રહે નિરોગી રહે તેટલું સાધના કરવામાં સરળતા રહે બીજા અન્ય મંદિર તો માનવ સર્જિત છે જ્યારે આ દેહ રૂપી મંદિર તો ઈશ્વરે ખુદે બનાવ્યું છે એટલે એના જેટલું પવિત્ર મંદિર આ આખી દુનિયામાં ક્યાંય ન હોય જે બીજા મંદિરો છે તે માનવસર્જિત હોય તેમાં પ ધરાવેલા ઈશ્વરની મૂર્તિઓ ની સેવા પૂજા માટે પૂજારીઓ પણ રાખતા હોઈએ છીએ પરંતુ તે પુજારી રૂપી માનવદેહ માં કોઈ ખામી સર્જાય જાય કે કોઈ રોગ એવો થઈ જાય કે બીમારી આવી જાય તો તેની સેવા પૂજા પણ થઈ શકતી નથી કેમકે મુખ્ય મંદિર પોતે જ છે જેના દ્વારા બધા જ મંદિરો ધબકતાને ઉજળા દેખાય છે.
આ દેહ રૂપી મંદિરનું આરોગ્ય કેમ જળવાઈ રહે તે જોવાનો હેતુ માનવ મંદિર ધ્યાન સાધનાનો છે કેમ કે બીજા મંદિરો તો ફરીથી પણ બનાવી શકાય છે પરંતુ આ મંદિરને ફરીથી પુનર્જીવિત કરી શકાતું નથી કેમકે આ ઈશ્વર નું ખુદ સર્જન છે અને પોતે જ એમાં રહેવા આવ્યો છે માણસ અજાણ્યો રહીને બીજે ગોત તો ફરે છે અને તેમની સાધના દ્વારા ધ્યાન દ્વારા તેમાં રહેલા ઈશ્વરને કેમ પામી શકાય કેમ તેની સાથે નાતો જોડી શકાય તેની માટે અંતરનું ધ્યાન કરવું જરૂરી છે એટલે કે માનવીનું બહાર ભટકતું મન જ્યારે અંતરમાં વિરામ પામે શૂન્ય થઈ વીરમે તેમાં વિલન થઈ જાય ત્યારે તેમાં રહેલા ઈશ્વરને જોઈ શકાય છે માણી શકાય છે અનુભવી શકાય છે આજ સુધીમાં જે જે સંત મહાપ ુરુષોને આત્મ સાક્ષાત્કાર થયો ત્યારે આ દેહ મંદિરમાં જ થયો છે નરસિંહ મહેતા જેવા મહાપુરુષને પણ જ્યારે દામોદરદાસ જેવા સમર્થ ગુરુ મળ્યા ત્યારે બીજી, બધી અન્યોની સેવા પૂજા સાધનાઓ તેના માટે ફોક થઈ ગઈ અને તેમણે ગાયુ કે અખિલ બ્રહ્માંડમાં એક તું શ્રી હરિ જુજવે રૂપે અનંતભાસે દેહમાં દેવ તું તેજમાં તત્ત્વ તું શૂન્યમાં શબ્દ થઈ વેદ વાંચે એટલે આ દેહ દેવળનું આરોગ્ય કેમ જળવાઈ રહે માણસનું બહાર ભટકતું મન અંતર મુખી કેમ થાય અને પોતાનામાં રહેલા પ્રગટ પરમાત્માને કેમ મેળવી લેવા તેનું ધ્યાન ધરી લેવું તે આ સાધના કેન્દ્ર નો મુખ્ય હેતુ છે એટલે આ શરીરને આરોગ્યપ્રદ અને સ્વચ્છ કેમ રાખવું તેને માટે મફતમાં નાડી જોઈને તપાસ કરવી તે અંગેનું માર્ગદર્શન આપવું અને દેશી ઔષધો દ્વારા કેવી રીતે શરીર સુખ મય રહે તે બતાવવું તેમજ આજની તારીખમાં વૈજ્ઞાનિકો પણ કહે છે કે ૯૦% રોગો શારીરિક કરતા માનસિક વધારે છે તો તેના માટે માનવી મળીને તારા મનને ના શીર્ષક હેઠળ દસ દિવસીય ધ્યાન શિબિરો કરીને માનસિક આરોગ્ય કેમ કેળવાય તેનું માર્ગદર્શન તેમજ આ દેહમાં રહેલા ઈશ્વરને કેમ મળી લેવું અને આ જન્મારો કેમ સફળ થઈ જાય તે માટેનું આધ્યાત્મિક જગતમાં એક ડોક્યુ કરી લેવાની તમન્ના સાથે આ માનવ મંદિર ધ્યાન સાધના કેન્દ્ર ૨૦૦૯ થી ચાલુ છે.
માનવીનું મન સતત સ્વ કેન્દ્રીય બની રહે તે માટે દર ગુરુવારે રાત્રિના નવ થી ૧૧ સત્સંગ ભજનનો કાર્યક્રમ હોય છે તેમજ દર પુનમે સવારે ૯:૦૦ થી સાંજના છ સુધી ભજન સત્સંગ ધ્યાન રાસોત્સવ તેમજ બંને ટાઈમ ભોજન પ્રસાદ અને બટુક ભોજન નો કાર્યક્રમ રહે છે પહેલા અલગ અલગ જગ્યાએ પૂનમનો સત્સંગ થતો તેમજ ગુરુવારે સિધેશ્વર મહાદેવ મંદિર જોષીપરામાં સત્સંગ થતો હવે સદગુરુ આરાધના આશ્રમ ધામ પાદરીયા - માનવ મંદિર ધ્યાન સાધના કેન્દ્ર નંદકિશોર નર્સરી સામે ગુરૂવાર તેમજ પૂનમનો સત્સંગ ભજન અને ભોજન પ્રસાદ બધા સાથે મળીને થાય છે તેમજ સોમવારના દિવસો સિવાય સવારના ૯ થી ૧૧ સુધી આરોગ્ય અંગે માર્ગદર્શન એટલે કે શારીરિક માનસિક અને આધ્યાત્મિક ના ત્રિવેણી સંગમમાં નાહીને પાવન થઈ અને પોતાનામાં રહેલા પ્રભુના દર્શન કરીને જ આ દુનિયામાંથી અલવિદા થાય માંડ કરીને દેવોને પણ દુર્લભ મનુષ્ય અવતાર મળ્યો છે તેને સફળ કરીને પરત ફરવું તેની ચાદર જરા પણ મેલી કર્યા વગર હતી તેવી સ્વચ્છ કરીને સોંપીએ તેવા શુભ ચિંતનથી આ સૂક્ષ્મ અને આધ્યાત્મિક સંદેશ સાથે માનવ મંદિર ધ્યાન સાધના કેન્દ્ર બીજી અનેક પ્રવૃત્તિ સામાજિક પ્રશ્નોના નિરાકરણ, વિદ્યાર્થીઓ માટે માર્ગદર્શક થઈને અવિરત સેવામાં હંમેશાં હાજર રહે છે જય ગુરૂદેવ. સ્થળઃ જુનાગઢથી બીલખા રોડથી પાંચ કિલોમીટરના અંતરે વિજાપુર પાટીયા પાસે, નંદકિશોર નર્સરી સામે, રજવાડું હોટલની બાજુમાં.. *સદગુરૂ આરાધના આશ્રમ ધામ, પાદરીયા જુનાગઢ. (મો. ૯૭૨૬૫૧૪૯૨૨).
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૦ જુલાઈ-વિશ્વ શતરંજ દિવસની શતાબ્દી
દર વર્ષે ર૦ જુલાઈના દિવસે આંતરરાષ્ટ્રીય (વિશ્વ) શતરંજ દિવસ ઉજવાય છે. પેરિસમાં વર્ષ ૧૯ર૪ માં આંતરરાષ્ટ્રીય શતરંજ મહાસંઘની સ્થાપના ર૦ જુલાઈના થઈ હતી, તેના સંદર્ભે આ ઉજવણી થઈ રહી છે. શતરંજ એ બૌદ્ધિક વિકાસનું માધ્યમ છે, અને તેની ઉજવણીના કારણે સાંસ્કૃતિક આદાન-પ્રદાન થાય છે, જે વૈશ્વિક શાંતિની જાળવણીમાં ખૂબ જ ઉપયોગી પણ બને છે.
વર્ષ ૧૯૬૬ માં યુનેસ્કો દ્વારા વિશ્વ શતરંજ દિવસની દર વર્ષે ર૦ જુલાઈના ઉજવણીનો પ્રસ્તાવ મૂક્યો હતો. સેંકડો વર્ષ જુના આ બૌદ્ધિક ખેલની શોધ પણ પ્રાચીન ભારતમાં થઈ હતી, અને તે પ્રકારનો ઉલ્લેખ પણ પ્રાચીન શાસ્ત્રો અને ગ્રન્થોમાં મળે છે. વર્ષ ૧૯ર૪માં અર્જેન્ટિના, ચેકોસ્લોવાકિયા, ફ્રાન્સ, પોલેન્ડ, રોમાનિયા, સ્પેન, સ્વીટઝર્લેન્ડ અને યુગોસ્લોવાકિયાના શતરંજ સંગઠનો દ્વારા ફ્રાન્સના પેરિસમાં ગ્લોબલ ચેસ એલાયન્સની સ્થાપના થઈ હતી, જેને ફાઈડ (એફઆઈડીઈ) તરીકે પણ ઓળખવામાં આવે છે.
આમ જુઓ તો આ વર્ષે વિશ્વ શતરંજ દિવસની શતાબ્દી છે, કારણ કે વર્ષ ૧૯ર૪થી ઉજવાતો આ દિવસ સતત ૧૦૦ વર્ષોથી ઉજવાતો રહ્યો છે, અને બાળવયથી જ અનેક પ્રતિભાઓ આપણાં જામનગર અને હાલારમાંથી પણ રાજ્ય અને રાષ્ટ્રીય કક્ષાએ ઉભરી રહી છે, જે ચેસની શતરંજની રમતમાં માહીર હોય.
શતરંજની રમત ધીરજ, બુદ્ધિ, વિચારશક્તિ, નિપુણતા અને ચતૂરતા જેવા સદ્ગુણોનો વિકાસ તો કરે જ છે, સાથે સાથે લોકોને પરસ્પર સન્માનપૂર્વક જોડે પણ છે. તે ઉપરાંત ગણિત, વિજ્ઞાન, રાજ્યશાસ્ત્ર, તર્કશાસ્ત્ર જેવા વિષયોમાં પણ આ નિપુણતા ખૂબજ ઉપયોગી બનતી હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૧ જુલાઈ ગુરુપૂર્ણિમા
અષાઢ મહિનાની પૂનમ એટલે ગુરુપૂર્ણિમા... વેદવ્યાસજીએ ચાર વેદ અને પૂરાણો લખ્યા. ભગવાન બ્રહ્માજીના મૂખે સાંભળેલા વેદોને કલમના સહારે લખીને વેદવ્યાસજીએ ગુરુપદ નિભાવ્યું અને તેની સ્મૃતિમાં ગુરુપૂર્ણિમા ઉજવાતી રહી છે. ગુરુપૂર્ણિમાના મહત્ત્વ, ઈતિહાસ અને પૌરાણિક સંદર્ભો ઘણાં જ વિશાળ અને ગહન છે, પરંતુ આજના યુગમાં આપણે ગુરુપૂર્ણિમાના દિવસે ધર્મગુરુઓ, ગુરુજનો તથા શિક્ષકો-અધ્યાપકો-પ્રાધ્યાપકો વિગેરે આદરણિય વ્યક્તિ વિશેષોને નમન અને પૂજન કરીએ છીએ.
ગુરુ-શિષ્ય પરંપરાને સાંકળતા ઘણાં કાવ્યો, શ્લોકો અને પદ્યો-ગદ્યો પ્રચલિત છે. તેમાંથી કેટલાક દૃષ્ટાંતો પ્રસ્તુત છે.
ગુરુબ્રહ્મા, ગુરુવિષ્ણુ, ગુરુ દેવો મહેશ્વર...
ગુરુ સાક્ષાત પરબ્રહ્મ, તસ્મૈશ્રી ગુરુવે નમઃ
૦ ૦ ૦
ગુરુ ગોવિન્દ દોઉ ખડે, કાકે લાગુ પાય...
બલિહારી ગુરુ આપને ગોવિન્દ દિયો બતાય...
૦ ૦ ૦
કબીરા તે નર અંધ હૈ, ગુરુ કો કહતે ઔર,
હરિ રૂઠે ગુરુ ઠૌર હૈ, ગુરુ રૂઠે નહીં ઠૌર...
૦ ૦ ૦
વસુદેવસુતં દેવમ્, કંસ ચાણુરર્મદનમ્,
દેવકી પરમાનંદમ્, કૃષ્ણમ્ વંદે જગતગુરુમ્...
ગુરુ-શિષ્ય વચ્ચેના પવિત્ર અને સન્માનીય સંબંધોને આ દિવસ સમર્પિત હોય છે અને ભારતીય સંસ્કૃતિની વિશેષતા જ એ છે કે શિષ્યો તેઓના ગુરુજનોના આજના દિવસે આશીર્વાદ મેળવે છે, તેમજ લોકો ધર્મ ગુરુઓના આશીર્વાદ મેળવે છે. જુના જમાનામાં ગુરુજનો તેના આશ્રમોમાં શિષ્યોને ભણાવતા અને આજે શાળા-કોલેજોમાં જ્ઞાન, શિક્ષણ અને સંસ્કારો પ્રાપ્ત થતા હોવાથી શિક્ષકો-અધ્યાપકો, પ્રાધ્યાપકોને વિદ્યાર્થી ભાઈ-બહેનો પ્રણામ કરીને આશીર્વાદ મેળવતા હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
કલાત્મક તાજિયા અને મોહર્રમ
ઈસ્લામ ધર્મમાં મોહર્રમનો મહિનો પવિત્ર અને મહત્ત્વપૂર્ણ માનવામાં આવે છે. એવું કહેવાય છે કે, ઈમામ હુશેન અને તેના સાથીઓની શહીદીનો શોક મનાવવા માટે આ મહિનામાં 'આસુરા' ઉજવાય છે, તે દિવસે પયગમ્બર હઝરત મોહમ્મદના નાના પૌત્ર હઝરત ઈમામ હુસેન કરબલાના યુદ્ધમાં શહીદ થઈ ગયા હતાં.
આસુરાના દિવસે રંગબેરંગી તાજિયાના જુલુસ જાહેર માર્ગો પર નીકળે છે, જેમાં મુસ્લિમ બિરાદરો શોક મનાવે છે અને તાજિયા જુલુસ દરમિયાન હિન્દુ-મુસ્લિમ એક્તાના દર્શન પણ દેશભરમાં થતા હોય છે. તાજિયાના જુલુસ માટે વિશેષ તૈયારીઓ થતી હોય છે, તથા ચૂસ્ત બંદોબસ્ત પણ ગોઠવાતો હોય છે, તથા વિવિધ પ્રકારની વ્યવસ્થાઓ પણ ગોઠવાતી હોય છે.
તાજિયા સામાન્ય રીતે વાંસમાંથી સ્ટ્રક્ચર બનાવીને તેને કપડા, રંગીન કાગળો, અબરખ, પીઓપી વિગેરેથી શણગારવામાં આવે છે, તે ઉપરાંત કાચ, રંગીન રોશની વિગેરે દ્વારા તાજિયાને કલાત્મક રીતે સુશોભિત કરવામાં આવે છે. સમયાંતરે કલાત્મક તાજિયા બનાવવાની પદ્ધતિ અને મટિરિયલ્સ બદલાતા પણ હોય છે.
જામનગરના જગમશહુર તાજિયા
જામનગરમાં પણ કલાત્મક, આકર્ષક અને રંગબેરંગી-ઝળહળતા તાજિયા બની રહ્યા છે. આ તાજિયા છેલ્લા એક-દોઢ મહિનાથી બની રહ્યા છે.
આ તાજિયા સરઘસ સ્વરૂપે નીકળતા હોય છે. જામનગરના તાજિયા ઘણાં જ આકર્ષક, કલાત્મક અને સુશોભિત હોય છે અને તે વિશ્વવિખ્યાત હોવાનો દાવો પણ થતો હોય છે. મોહર્રમથી જ ઈસ્લામિક નવા વર્ષની શરૂઆત પણ થતી હોય છે, અને તેમાં તાજિયાનું આકર્ષણ પણ અલગ જ ભાત પાડતું હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૧પ જુલાઈઃ વિશ્વ યુવા કૌશલ દિવસ
દર વર્ષે ૧પ જુલાઈના દિવસે વિશ્વ યુવા કૌશલ દિવસની ઉજવણી થાય છે. યુવાનોના શાંતિ તથા સંઘર્ષના સમાધાનમાં યોગદાનને સાંકળીને સમગ્ર વિશ્વમાં આ ઉજવણી થાય છે. આ વર્ષે 'શાંતિ અને વિકાસ માટે યુવા કૌશલ'ના થીમ પર આ ઉજવણી થઈ રહી છે.
વર્ષ ર૦૧૪ માં સંયુક્ત રાષ્ટ્ર મહાસભાએ એક પ્રસ્તાવ પસાર કરીને ૧પ જુલાઈને વિશ્વ યુવા કૌશલ દિવસના સ્વરૂપમાં મનાવવાની ઘોષણા કરવામાં આવી હતી.
યુવાનોને માત્ર રોજગારી જ નહીં, પરંતુ તેના વ્યક્તિગત વિકાસ અને ઉજ્જવળ કારકિર્દી માટે પણ યુવા કૌશલ દિવસની ઉજવણી મહત્ત્વપૂર્ણ છે. આ માટે યુવાનોને કૌશલ્યવાન બનાવવાના ઉદ્દેશ્યથી વિશ્વભરમાં વિવિધ માર્ગદર્શક કાર્યક્રમો, સેમિનારો, વર્કશોપ, જુથચર્ચાઓ, પરિસંવાદો તો યોજાય જ છે, સાથે સાથે યુવાવર્ગના કૌશલ્યવર્ધન માટે અદ્યતન ટેકનોલોજીનો ઉપયોગ કરીને પણ વિવિધ પ્રવૃત્તિઓ કરવામાં આવે છે. હવે તો યુવાવર્ગ પોતે જ પોતાના વ્યવસાયો શરૂ કરે અને નોકરી કરનાર નહીં, પણ અન્ય યુવાવર્ગને નોકરી આપનાર, એટલે કે 'જોબગીવર' બની શકે, તે પ્રકારની તકો પણ ઉપલબ્ધ થવા લાગી છે, અને તેના ઘણાં દૃષ્ટાંતો આપણી વચ્ચે જ હોય છે, જેઓ મન હોય તો માળવે જવાયની કહેવતને સાર્થક કરી શકે છે.
યુવા કૌશલ દિવસની સાથે સાંકળીને આપણા કેટલાક વિસરાતા જતા ભારતીય ગરિમા સમા કૌશલ્યોને પુનઃ સ્થાપિત કરવાની પણ જરૂર છે. ભારતના ઘણાં કૌશલ્યો પ્રેરક અને પ્રોડક્ટીવ છે, પરંતુ તેને જરૂરી માર્કેટીંગ, બેકીંગ અને ફાયનાન્સીંગ મળતું હોતું નથી અથવા પૂરેપૂરી જરૂરિયાતો સંતોષાતી હોતી નથી. આ દિશામાં પણ સૌએ સાથે મળીને ઘનિષ્ઠ પ્રયાસો કરવાની જરૂર છે, તેમ નથી લાગતું?
દર વર્ષે ૧પ જુલાઈના દિવસે વિશ્વ યુવા કૌશલ દિવસની ઉજવણી થાય છે. યુવાનોના શાંતિ તથા સંઘર્ષના સમાધાનમાં યોગદાનને સાંકળીને સમગ્ર વિશ્વમાં આ ઉજવણી થાય છે. આ વર્ષે 'શાંતિ અને વિકાસ માટે યુવા કૌશલ'ના થીમ પર આ ઉજવણી થઈ રહી છે.
વર્ષ ર૦૧૪ માં સંયુક્ત રાષ્ટ્ર મહાસભાએ એક પ્રસ્તાવ પસાર કરીને ૧પ જુલાઈને વિશ્વ યુવા કૌશલ દિવસના સ્વરૂપમાં મનાવવાની ઘોષણા કરવામાં આવી હતી.
યુવાનોને માત્ર રોજગારી જ નહીં, પરંતુ તેના વ્યક્તિગત વિકાસ અને ઉજ્જવળ કારકિર્દી માટે પણ યુવા કૌશલ દિવસની ઉજવણી મહત્ત્વપૂર્ણ છે. આ માટે યુવાનોને કૌશલ્યવાન બનાવવાના ઉદ્દેશ્યથી વિશ્વભરમાં વિવિધ માર્ગદર્શક કાર્યક્રમો, સેમિનારો, વર્કશોપ, જુથચર્ચાઓ, પરિસંવાદો તો યોજાય જ છે, સાથે સાથે યુવાવર્ગના કૌશલ્યવર્ધન માટે અદ્યતન ટેકનોલોજીનો ઉપયોગ કરીને પણ વિવિધ પ્રવૃત્તિઓ કરવામાં આવે છે. હવે તો યુવાવર્ગ પોતે જ પોતાના વ્યવસાયો શરૂ કરે અને નોકરી કરનાર નહીં, પણ અન્ય યુવાવર્ગને નોકરી આપનાર, એટલે કે 'જોબગીવર' બની શકે, તે પ્રકારની તકો પણ ઉપલબ્ધ થવા લાગી છે, અને તેના ઘણાં દૃષ્ટાંતો આપણી વચ્ચે જ હોય છે, જેઓ મન હોય તો માળવે જવાયની કહેવતને સાર્થક કરી શકે છે.
યુવા કૌશલ દિવસની સાથે સાંકળીને આપણા કેટલાક વિસરાતા જતા ભારતીય ગરિમા સમા કૌશલ્યોને પુનઃ સ્થાપિત કરવાની પણ જરૂર છે. ભારતના ઘણાં કૌશલ્યો પ્રેરક અને પ્રોડક્ટીવ છે, પરંતુ તેને જરૂરી માર્કેટીંગ, બેકીંગ અને ફાયનાન્સીંગ મળતું હોતું નથી અથવા પૂરેપૂરી જરૂરિયાતો સંતોષાતી હોતી નથી. આ દિશામાં પણ સૌએ સાથે મળીને ઘનિષ્ઠ પ્રયાસો કરવાની જરૂર છે, તેમ નથી લાગતું?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૧૧ જુલાઈઃ વિશ્વ જનસંખ્યા દિવસ
દર વર્ષે ૧૧, જુલાઈના દિવસને વિશ્વ જનસંખ્યા દિવસ તરીકે ઉજવવામાં આવે છે. આ ઉજવણી વિશ્વમાં વસ્તી વધારાની સમસ્યા પ્રત્યે લોક-જાગૃતિ આવે તે માટે કરાય છે. આ ઉજવણીની શરૂઆત સંયુકત-રાષ્ટ્રસંઘના સંયુકતરાષ્ટ્ર વિકાસ કાર્યક્રમની સંચાલન પરિષદ દ્વારા ૧૯૮૯ માં કરવામાં આવી હતી. ઈતિહાસ મુજબ જુલાઈ-૧૧, ૧૯૮૭ ના દિવસે વિશ્વની જનસંખ્યા પ અબજ ને પાર કરી ગયેલ તેથી આ દિવસ પાંચ અબજ દિન તરીકે ઓળખાવાયો અને આ દિવસથી પ્રેરીત થઈ જનહીતમાં ૧૧ જુલાઈ-૧૯૯૦ ની સાલથી દર વર્ષે વિશ્વ જનસંખ્યા દિવસની ઉજવણી કરવામાં આવે છે. આપને જાણીને ખૂબ જ નવાઈ લાગશે કે છેલ્લા ઘણાં વર્ષોમાં જનસંખ્યાનો વધારો કેવી રીતે થયેલ-વિશ્વની વસ્તી ૧ અબજ સુધી પહોંચાડવામાં બે લાખ વર્ષ લાગ્યા અને આજે સાત અબજથી વધુ પહોંચવામાં લગભગ ર૦૦ વર્ષ જેટલો સમય લાગ્યો હતો. ગણિત આંકડાથી સમજીએ.
જેમાં ઈ.સ. ૧૮૦૪ એક અબજ, ઈ.સ.૧૯ર૭ બે અબજ, ઈ.સ. ૧૯૬૦ ત્રણ અબજ, ઈ.સ. ૧૯૭૪ ચાર અબજ, ઈ.સ. ૧૯૮૭ પાંચ અબજ, ઈ.સ.ર૦૦૦ છ અબજ, ઈ.સ.ર૦૧૧ સાત અબજ, ઈ.સ. ર૦ર૪ આઠ અબજ-અંદાજે.
આ આંકડાઓ પરથી અનુમાન કરીએ તો પણ દુનિયામાં ઈ.સ.ર૦૩૦ માં કુલ જનસંખ્યા ૮.પ૦ અબજ, ર૦પ૦માં ૯.૮ અબજ અને ર૧૦૦ ની સાલમાં ૧૦.૯ અબજ જેટલી થઈ જશે. જનસંખ્યા ગણના માત્ર આંકડાઓમાં જ કેદ નથી થતું તેના આધારે જ દરેક દેશ પોતાની જન સંખ્યાની રફતાર-વૃદ્ધિ વિશે જાણકારી મેળવે છે અને તેના અનુસંધાને જરૂરી પગલાં લેવા લાગે છે.
આપણે જાણીએ છીએ એમ વિશ્વમાં સૌથી ઓછી વસ્તી પારસી લોકોની છે જે આજે લગભગ બે લાખથી પણ ઓછી છે જેમાં ભારતમાં અંદાજે ૬૦,૦૦૦ પારસી વસવાટ કરે છે. જેમાં પણ હવે ઘટાડો થતો જાય છે. આ બાબત માત્ર પારસી સમાજ માટે જ નહીં પણ સમગ્ર વિશ્વ માટે ચિંતાનું કારણ છે કારણ કે, જો તેઓની જનસંખ્યામાં આ પ્રમાણે જ નિરંતર ઘટાડો નોંધાતો ગયો તો વર્ષો બાદ પારસી લોકોની સંખ્યા નામશેષ થઈ જશે. એક આખી જાતિ આપણને કયાંક જ કદાચ જોવા મળે. આના માટે ઘણાં બધાં સામાજિક અને ધાર્મિક કારણો છે. વાસ્તવિકતા ખૂબ જ ચિંતા ઉપજાવે છે આવું જ પછી કદાચ અન્ય જાતિના લોકો માટે પણ બને. આ ખૂબ જ દુઃખદાયક હશે એટલે જ વિશ્વમાં જનસંખ્યા ગણના અને તેના માટે નિર્ધારિત આ દિવસનું મહત્ત્વ ઘણું બધું વધી જાય છે.
ભારત અને જનસંખ્યા ગણતરીઃ
કોઈપણ દેશના સર્વાગિણ વિકાસ અને પ્રગતિ તેમજ લોકોની સુખાકારી માટે જનસંખ્યા અને તેને સંપૂર્ણ ગણિત-માહિતીઓ ખૂબજ અગત્યના છે. આપણાં દેશની વાત કરીએ તો સૌ પ્રથમ વખત જનસંખ્યા ગણતરી અંગ્રેજોના જમાનામાં ઈસ ૧૮૭૧ ની સાલથી શરૂ થઈ હતી. આઝાદી બાદથી સ્વતંત્ર ભારતમાં જનસંખ્યા ગણતરીની પ્રક્રિયા ચાલુ જ છે. દર દસ વર્ષે જનસંખ્યા ગણનાના કાર્યક્રમો ખૂબજ ચિવટપૂર્વક અને ગંભીરતાથી કરવામાં આવે છે. આજની તારીખે વિશ્વની વસ્તી અંદાજે ૮.૧ર અબજથી વધારે છે. ભારત દુનિયામાં ૧૪૪.ર૧ કરોડ લોકોની વસ્તીની દૃષ્ટિએ ચીનની ૧૪ર.પર કરોડની વસ્તીથી આગળ થઈ પ્રથમ ક્રમે આવે છે.
ડેમોગ્રાફીક એજ્યુકેશન-અભ્યાસ તરફ પણ હવે લોકોનો ઝુકાવ વધ્યો છે સામાજિક, ઐતિહાસિક, આર્થિક, સાયકોલોજી-વિજ્ઞાન, ભવિષ્યના પ્લાનીંગ-આયોજનની દૃષ્ટિએ દર દસ વર્ષના જનસંખ્યાની માહિતીનો ગહન અભ્યાસ દરેક સ્તરે કરવામાં આવતા હોય છે જે મુજબ ભારતમાં વસતા લોકો વિશે વિસ્તૃત જાણકારી મળે છે અને તેનું યોગ્ય રીતે વિવિધ પાસાઓને ધ્યાને રાખી વર્ગીકરણ કરવામાં આવતું હોય છે. આ બધી જ મહત્ત્વની બાબતોનું સંકલન કરી એક રિપોર્ટ તૈયાર થાય છે, જે આપણાં સૌ માટે મહત્ત્વનો દસ્તાવેજ બને છે. ભારતના સર્વાંગિકરણ વિકાસયાત્રાના દરેક ક્ષેત્રે આ ખૂબ જ અગત્યનું છે. ઈ.સ. ર૦ર૧ ની નિયત વસ્તી ગણતરી હવે કોરોના કાળ અને અન્ય મુશ્કેલીઓ બાદ હવે આ વર્ષે આગામી થોડા મહિનાઓમાં શરૂ થશે ત્યારે ડીઝીટલ યુગની પદ્ધતિ મુજબ આંગળીના ટેરવે અને આપણે જરૂરી માહિતી જે તે સ્વરૂપમાં આરામથી પ્રાપ્ત થશે એવી આશા છે. વિશ્વ જનસંખ્યાના આજના દિવસે સૌનું આરોગ્ય તંદુરસ્ત રહે તેવી ઈશ્વર પાસે પ્રાર્થના સહ અસ્તુ.
આલેખન : કિરીટ બી. ત્રિવેદી : ગાંધીનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
અષાઢી બીજ અને ભગવાન જગન્નાથજીની રથયાત્રાઓ...
યાત્રાધામ જગન્નાથપુરીમાં જગન્નાથજીની રથયાત્રાને તો સેંકડો વર્ષો થયા છે, પરંતુ અમદાવાદમાં નીકળતી રથયાત્રને હવે દોઢસો વર્ષ થશે. અમદાવાદમાં ૭ મી જુલાઈની રથયાત્રા ૧૪૭ મી છે. આ બન્ને રથયાત્રાઓના ઈતિહાસ, મહત્ત્વ અને ભાવિકોની શ્રદ્ધાના ત્રિવેણી સંગમમાંથી ઘણું જ પ્રેરણાત્મક ભાથું બાંધી શકાય તેમ છે. દર વર્ષે અષાઢી બીજના દિવસે નીકળતી આ બન્ને રથયાત્રાઓ અંગે આપણે ઘણું બધું પહેલેથી જ જાણીએ છીએ, અને તેની વિશાળતા, મહાત્મય તથા તંત્રો-સરકારોની વ્યવસ્થાના વિવરણો દર વર્ષે રિપિટ થતા જ હોય છે.
અમદાવાદમાં યોજાયેલી રથયાત્રામાં ગયા વર્ષ પછી થ્રીડી મેપીંગ અને એન્ટી ડ્રોન પ્રણાલિની સિસ્ટમથી નિગરાની કરાઈ હતી, તેમાં આ વખતે હેલિકોપ્ટરથી નિરીક્ષણમાં અદ્યતન ટેકનોલોજીનો ભરપૂર ઉપયોગ થયો હોવાનું કહેવાય છે.
આ રથયાત્રામાં જે ત્રણ રથ જોડાય છે, તેમાં ભગવાન જગન્નાથજીનો રથ નંદીઘોષ કહેવાય છે. અનુષ્ઠાન મુજબ જગન્નાથજી એટલે કે ભગવાન શ્રીકૃષ્ણના મોટાભાઈ બલભદ્રજીના રથને તલધ્વજ કહેવામાં આવે છે અને બહેન સુભદ્રાજીના રથને દર્પદલન કહેવામાં આવે છે.
ભગવાન જગન્નાથજીના રથને નંદીઘોષ ઉપરાંત ગરૂડધ્વજ તરીકે પણ ઓળખવામાં આવે છે. આ રથ પર લગાવાયેલા ધ્વજને ત્રિલોક્યમોહિની તરીકે પણ ઓળખવામાં આવે છે.
જગન્નાથજીના મંદિરમાં ભગવાન શ્રીકૃષ્ણનું દિલ સ્વરૂપની એક છડી પણ પૂજાય છે, તેવી જ રીતે અમદાવાદના જગન્નાથ મંદિરની ઘણી વિશેષતાઓ હંમેશાં ચર્ચામાં રહેતી હોય છે, જે હવે ઘણી જ પ્રચલિત અને લોકપ્રિય બની ગઈ છે.
જગન્નાથપુરી અને અમદાવાદની જગન્નાથજીની યાત્રાઓ મુખ્ય છે, અને દ્વારકા, જામનગર સહિત ઘણાં બધા શહેરોમાં ભગવાન જગન્નાથજીની રથયાત્રાઓ અષાઢી બીજે નીકળે છે. બોલો, ભગવાન જગન્નાથજીની જય... બલભદ્રજીની જય... સુભદ્રાજીની જય...
અષાઢી બીજ
આપણા દેશમાં અષાઢીબીજનું મહાત્મય ઘણું જ વિશાળ અને વ્યાપક છે. અષાઢનો મહિનો આપણે ત્યાં મેઘરાજાની કૃપા અને ખેતીવાડી માટે પણ મહત્ત્વપૂર્ણ હોય છે. અષાઢ મહિનાની ઘણી વિવિધ તિથિઓએ દેશના જુદા જુદા રાજ્યોમાં વિવિધ ઉજવણીઓ થતી હોય છે, અને તેના વિવિધાસભર મહાત્મયો પણ છે. આ વર્ષે પણ અષાઢ મહિનામાં ભરપૂર વરસાદ થઈ જાય, ખેતી ફળદાયી બને, નદી, નાળા, તળાવો, જળાશયો છલકાઈ જાય અને દેશમાં સુખ, શાંતિ, સમૃદ્ધિ અને સંસ્કારોની સંગાથે સાર્વત્રિક પ્રસન્નતા વ્યાપે તેવું પ્રાર્થીએ.
અષાઢી બીજે કચ્છી માડુઓ નવું વર્ષ ઉજવે છે. વિશ્વભરમાં જ્યાં જ્યાં કચ્છીઓનો વસવાટ હોય ત્યાં આ ઉજવણી ખૂબ જ ધામધૂમથી થાય છે. અષાઢી બીજે ખેતીના હળ જોડવા, દરિયામાંથી સાગરખેડુઓનું દરિયાકિનારે આગમન અને ચોમાસાની ધમાકેદાર મેઘવૃષ્ટિનો ત્રિવેણીસંગમ રચાતો હોય છે.
એવી કથા છે કે વિક્રમ સંવત ૧ર૩૧ માં જામ રાયઘણરાયજીએ કચ્છનું શાસન સંભાળ્યું હતું, ત્યારથી આ તિથિને જ કચ્છના નૂતન વર્ષ તરીકે ઉજવવાની જે પરંપરા શરૂ થઈ હતી તે આજપર્યંત જળવાઈ રહી છે. એવું પણ કહેવાય છે કે કચ્છના રાજવી ખેંગારજીએ પોતાની જન્મતિથિથી આ ઉજવવી શરૂ કરાવી હોય, જે હોય તે ખરૂ... પરંતુ અષાઢી બીજે તમામ કચ્છી માડુઓને નવા વર્ષના અભિનંદન સાથે સૌ કોઈને શુભેચ્છાઓ...
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
નગરચર્યાએ નીકળશે જગતના નાથ
આવતીકાલે અષાઢી બીજ... જગન્નાથજીની રથયાત્રાનો દિવસ... આવો ભગવાન અને રથયાત્રા વિશે વાતો જાણીએ
અષાઢી બીજ... ભગવાન જગન્નાથજીની રથયાત્રાનું પાવક સ્મરણ દેશભરમાં ઉજવાતા મહાઉત્સવોમાં જગનનાથજીની રથયાત્રાનું આગવું મહત્ત્વ છે. આ પરંપરાગત રથયાત્રા માત્ર ભારતમાં જ નહીં, પણ દુનિયાભરમાં આગવી લોકપ્રિયતા ધરાવે છે. અષાઢ સુદ બીજના ભારતના નાના-મોટા શહેરોમાં યોજાતી જગન્નાથજીની રથયાત્રાનું મૂળ ઓડિશાના જગન્નાથજીના મંદિર સાથે જોડાયેલું છે જે વિશાળ અને અતિ પ્રાચીન છે. આ મંદિર સાથે રથયાત્રા ઉત્સવ જોડાયેલ છે.
સામાન્ય રીતે ભક્તો ભગવાનના દર્શન માટે મંદિરમાં જતા હોય છે, પરંતુ અષાઢી બીજે ભગવાન જગન્નાથજી ખુદ તેમના ભાઈ-બહેન સાથે રથમાં બેસીને નગરજનોના ખબરઅંતર જાણવા રથમાં બેસીને જાતે નીકળે છે. જગન્નાથજી મંદિરમાં રથયાત્રા મહોત્સવ દસ દિવ્સ ઉજવાય છે. આ સમયે લાખો શ્રદ્ધાળુઓ ભગવાનની રથયાત્રામાં સામેલ થવા પૂરી પહોંચે છે. આ દિવસે ભગવાન કૃષ્ણ ભાઈ બલરામ અને બહેન સુભદ્રાને અલગ અલગ રથોમાં બેસાડી ગુંડીચા મંદિરમાં લાવવામાં આવે છે. એવું મનાય છે કે જગન્નાથ રથયાત્રા દરમિયાન ભગવાન નવ દિવસ અહીં રહે છે. શ્રી જગન્નાથજીની રથયાત્રાનું પુણ્ય ૧૦૦ યજ્ઞા બરાબર માનવામાં આવે છે. રથયાત્રા દરમિયાન ભક્તોને સીધા જ ભગવાન સુધી પહોંચવાનો અવસર મળે છે. જગન્નાથ પૂરીની રથયાત્રા પછી બીજા ક્રમે અમદાવાદની રથયાત્રાનું સ્થાન આવે છે.
પૂરીનું જગન્નાથજીનું મંદિર સૈકાઓ પૂરાણું છે. તેનું પહેલું પ્રમાણ મહાભારતના વનપર્વમાંથી મળે છે. કહેવાય છે કે સૌથી પહેલા સબર આદિવાસી વિશ્વવસુએ નીલમાધવના રૂપમાં ભગવાનની પૂજા કરી હતી. આ કથા ઉપરાંત રાજ ઈન્દ્રધ્રુમને આ મંદિર બનાવડાવ્યું હોવાની ઐતિહાસિક વાતો પણ જાણીતી છે. માળવાના રાજા ઈન્દ્રધ્રુમનને એક રાત્રે સ્વપન આવ્યું. જેમાં શ્રીકૃષ્ણની પરલોકગમન પછી તેમના પાર્થિવ શરીરને દ્વારકા લાવવામાં આવ્યા, તેનો આઘાત બલરામથી સહન ન થયો, તેઓ કૃષ્ણના પાર્થિવ દેહને લઈને સમુદ્રમાં કૂદી પડ્યા. તેમની પાછળ સુભદ્રા પણ કૂદી પડ્યા. સ્વપનમાં રાજાને એ પણ દેખાયું કે ભગવાનનું શરીર સમુદ્રમાં તરી રહ્યું છે. આથી તેમણે નક્કી કર્યું કે અહીં કૃષ્ણનું મંદિર બનવું જોઈએ. સ્વપ્નમાં દેવદૂત રાજાને આદેશ આપ્યો છે કે કૃષ્ણ સાથે બલરામ અને સુભદ્રાની મૂર્તિ પણ સાથે હોવી જોઈએ.
સવારે ઊઠ્યા પછી રાજા સ્વાન વિશે વિચારે છે કે 'હવે આ તમામ મૂર્તિનું નિર્માણ કોણ કરશે?' ત્યારે ભગવાન વિશ્વકર્મા એક મૂર્તિકારના રૂપે પ્રગટ થયા અને મૂર્તિ ઘડતા પહેલા એક શરત રાખી કે મૂર્તિ ઘડાતી હોય ત્યારે કોઈએ જોવા આવવું નહીં અને કોઈ પ્રકારની પૂછપરછ ન કરવી. નહીં તો તેઓ અધવચ્ચે કામ છોડી દેશે. શરત માન્ય રાખીને મૂર્તિનું કામ શરૂ થયું. મૂર્તિ લાકડામાંથી બનાવવાની હતી. મૂર્તિકાર લાકડું લઈને રૂમ બંધ કરીને મૂર્તિના ઘડતરમાં લાગી ગયા. ઘણાં દિવસ થયા ત્યારે રાજાને મનમાં શંકા ગઈ કે, 'આ વૃદ્ધ મૂર્તિકાર ખાધા-પીધા વિના સતત કામ કેમ કરી શકતા હશે?' બસ, આ શંકા જતા તમામ શરતો ભૂલાઈ ગઈ અને રાજાએ મૂર્તિકારને મળવા ગરવાજો ખોલી નાખ્યો. દરવાજો ખૂલતા જ મૂર્તિકાર અદૃશ્ય થઈ ગયા, અને ત્રણેય મૂર્તિનું કામ અધુરૂ રહી ગયું. ભગવાન કૃષ્ણ અને બલરામના નાના-નાના હાથ-પગ બન્યા હતાં, પણ રાજાએ આને જ ભગવાનની ઈચ્છા માનીને એ જ સ્વરૂપે મૂર્તિની સ્થાપના કરી. ત્યારથી આજ સુધી આ ત્રણેય મૂર્તિ આ જ સ્વરૂપમાં જોવા મળે છે.
અહીં પ્રસાદને મહાપ્રસાદમ્ ગણવામાં આવે છે. એવું કહેવાય છે કે શ્રી જગન્નાથજીના પ્રસાદને મહાપ્રસાદ સ્વરૂપ મહાપ્રભુ વલ્લભાચાર્ય દ્વારા આપવામાં આવ્યું છે. મહાપ્રભુ વલ્લભાચાર્ય એકાદશીના દિવસે પુરી પહોંચ્યા હતાં. ત્યાં તેમની નિષ્ઠાની પરીક્ષારૂપે કોઈએ તેમના હાથમાં પ્રસાદનો પડિયો પકડાવ્યો પણ મહાપ્રભુજીએ પ્રસાદ હાથમાં લઈ સ્તવન કરતા કરતા દિવસ અને રાત્રિ વિતાવી દીધી અને બીજા દિવસે એટલે કે બારસના પ્રસાદ ગ્રહણ કર્યો. ત્યારથી આ પ્રસાદને મહાપ્રસાદમ્ કહેવાય છે. પ્રસાદમાં કોપરૃં, ફણગાવેલા મગ, માલપૂડા, જાંબુ હોય છે. કહેવાય છે કે જગન્નાથજીના મંદિરમાં બનાવેલો પ્રસાદ ક્યારેય ઘટતો પણ નથી અને વ્યર્થ પણ જતો નથી.
હવે કેટલીક વાત જગન્નાથજીના મંદિર વિશે... ઓડિશામાં પૂરીમાં આવેલું આ મંદિર કૃષ્ણ ભક્તોની આસ્થાનું કેન્દ્ર તો છે જ સાથે સાથે વાસ્તુકળાનું પણ એક કેન્દ્રિત બિંદુ છે. અહીં મંદિરની ધજા રોજ બદલવામાં આવે છે. માન્યતા છે કે જો ધજા બદલવાનું ચૂકી જવાય તો મંદિર ૧૮ વર્ષ માટે બંધ થઈ જાય. મંદિરની ધજા પવનની વિરૂદ્ધ દિશામાં ફરફરે છે. મંદિરના શિખર સાથે એક ટન વજનનું, ર૦ ફૂટ ઊંચુ સુદર્શન ચક્ર જોડાયેલું છે. સમગ્ર પુરીમાંથી આ ચક્રના દર્શન થઈ શકે છે. એક નવાઈની વાત એ છે કે મંદિર પરથી વિમાન તો ઠીક, પક્ષી પણ ઊડતા નથી. જાણે 'નો ફ્લાય ઝોન' હોય તેવું લાગે. મંદિરનું બાંધકામ એ રીતનું છે કે સમુદ્રનો ઘુઘવાટ પણ મંદિરમાં સંભળાતો નથી. દિવસના કોઈપણ સમયે તેનો પડછાયો જોઈ શકાતો નથી. આ બધી મંદિરની વાતો વિજ્ઞાનની સમજની બહાર છે. તેને આપણે દિવ્ય શક્તિ અને આસ્થા કહી શકીએ.
તો આવો... આપણા ઘર સુધી, આપણા આંગળા સુધી આવતા... આપણને મળવા, દર્શન આપવા આવતા ભગવાનને વધાવીએ... જય જગન્નાથ...
- દિપા સોની - જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પહેલી જુલાઈઃ રાષ્ટ્રીય ચિકિત્સક દિવસ
દર વર્ષ પહેલી જુલાઈના ભારતમાં રાષ્ટ્રીય ચિકિત્સક દિવસ ઉજવાય છે. પ.બંગાળના દ્વિતીય મુખ્યમંત્રી અને પ્રસિદ્ધ ચિકિત્સક ડો. બિધાનચંદ્ર રોયની સ્મૃતિમાં આ ઉજવણી દેશભરમાં દર વર્ષે થાય છે.
ડો. બિધાનચંદ્ર રોય 'મન હોય તો માળવે જવાય'નું ઉત્તમ દૃષ્ટાંત પણ ગણાય, તેઓને તબીબ શ્રેષ્ટની સેવાઓ તથા ચિકિત્સા ક્ષેત્રે ઉત્તમ યોગદાન બદલ ભારત સરકારે વર્ષ ૧૯૬૧ માં ભારત રત્નથી સન્માનિત કર્યા હતાં.
ડો. બિધાનચંદ્ર રોયનો જન્મ પહેલી જુલાઈ-૧૮૮ર ના દિવસે થયો હતો. દેશમાં તબીબી શિક્ષણ અને આરોગ્ય સેવાઓને સંકલિત કરીને તેનો સેવા પ્રક્રિયાના સ્વરૂપમાં વિસ્તારવામાં તેઓનું મહત્ત્વપૂર્ણ યોગદાન રહ્યું હતું.
ડો. બિધાનચંદ્ર રોયને ડો. બી.સી. રોય તરીકે વધુ ઓળખવામાં આવતા હતા. તેઓનું નિધન પણ વર્ષ ૧૯૬ર માં પહેલી જુલાઈના દિવસે જ થયું હતું. જેથી તેઓની જન્મતિથિ અને પુણ્યતિથિ એક જ દિવસે આવે છે. તેઓ બહુમુખી પ્રતિભાના ધણી હતા, અને માત્ર ચિકિત્સા જ નહીં, શિક્ષણ, સમાજ સેવા અને રાજનીતિમાં પણ તેઓનું મહત્ત્વપૂર્ણ યોગદાન રહ્યું હતું.
ભારતમાં પહેલો રાષ્ટ્રીય ચિકિત્સક દિવસ વર્ષ ૧૯૯૧ માં મનાવાયો હતો. આ દિવસે દેશભરમાં ચિકિત્સકોનું સન્માન, તબીબી સેવાઓની પ્રશંસા માટે ઘણાં સ્થળે સેમિનારો, વર્કશોપ, પુરસ્કાર વિતરણ સમારોહો, નિઃશૂલ્ક ચિકિત્સા શિબિરો વગેર યોજાયા છે. આવો, તબીબી જગતના યોગદાનને બીરદાવીએ અને સાચા, નિષ્ઠાવાન સેવાભાવી ચિકિત્સકોનું સાચા હૃદયથી સન્માન કરીએ....
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પહેલી જુલાઈઃ ચાર્ટર્ડ એકાઉન્ટસ દિવસ
દર વર્ષે પહેલી જુલાઈના ભારતમાં ચાર્ટર્ડ એકાઉન્ટન્ટ દિવસ અથવા સી.એ. ડે મનાવાય છે. દેશમાં વર્ષ-૧૯૪૯ માં ઈન્સ્ટિટ્યુટ ઓફ ઈન્ડિયાની સ્થાપના થઈ હતી, તેના સંદર્ભે આ ઉજવણી થઈ રહી છે.
આ દિવસે ચાર્ટર્ડ એકાઉન્ટન્ટસને બિરદાવવામાં આવે છે. ચાર્ટર્ડ એકાઉન્ટ્ન્ટનું સમાજ વ્યવસ્થા અને અર્થવ્યવસ્થામાં મહત્ત્વપૂર્ણ યોગદાન હોય છે. નાણા સલાહકાર, ટેકસ, કન્સલ્ટન્ટ, ઓડિટર, કોર્પોરેટર મેનેજમેન્ટ, એકાઉન્ટ્સ ના વિશેષક તરીકે ચાર્ટર્ડ એકાઉન્ટ્ન્ટસ (સી.એ.) સેવાઓ મહત્ત્વપૂર્ણ હોય છે.
ઈન્સ્ટિટ્યુટ ઓફ ચાર્ટર્ડ એકાઉન્ટ્ન્ટસ ઓફ ઈન્ડિયાની સ્થાપના પહેલી જુલાઈ-૧૯૪૯ ના દિવસે ભારતીય સંસદમાં પસાર થયેલા એક એકટ દ્વારા થઈ હતી.
આ દિવસે ચાર્ટર્ડ એકાઉન્ટ્ન્સની મહેનત તથા સિદ્ધિઓનો પ્રશંસા કરવાનો છે, અને દેશની અર્થનીતિમાં ચાર્ટર્ડ એકાઉન્ટ્ન્ટસની ભૂમિકાની સરાહના વિવિધ પ્રવૃત્તિઓ તથા કાર્યક્રમોના માધ્યમથી કરવામાં આવે છે.
આ માટે પુરસ્કાર સમારોહ, નેટવર્કીંગ ઈવેન્ટ્સ જનજાગૃતિ અભિયાનો, સ્પર્ધાઓ, જૂથચર્ચાઓ તથા સેમિનારો વગેરેનું આયોજન થાય છે.
આઈસીએઆઈ ભારતનું મહત્ત્વપૂર્ણ વ્યવસાયિક સંસ્થાન છે, જેની આ દિવસે માન-સન્માન અને ગૌરવપૂર્વક દર વર્ષે પહેલી જુલાઈના દિવસે ઉજવણી થતી રહી છે. જો કે ચાર્ટર્ડ એકાઉન્ટ્ન્ટનો અભ્યાસક્રમ અઘરો ગણાય છે, એ તેમાં ઉત્તીર્ણ થવાની ટકાવારી પણ ઓછી રહેતી હોય છે, તેમ છતાં ઘણાં યુવક-યુવતીઓ તેમાં સફળ પણ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ર૧ જૂન વિશ્વ યોગ દિવસ, વિશ્વ સંગીત દિવસ, વિશ્વ માનવતા વાદી દિવસ, વિશ્વ હાઈડ્રોગ્રાફી દિવસ
વિશ્વભરમાં ર૧ જૂન ખૂબ જ મહત્ત્વપૂર્ણ અને વિવિધ લક્ષી ઉજવણીઓનો દિવસ છે. આ દિવસે થતી ઉજવણીઓ સંક્ષિપ્તમાં જોઈએ.
વિશ્વ યોગ દિવસ
પહેલો આંતરરાષ્ટ્રીય યોગા દિવસ ર૩ મી જૂન ર૦૧પ ના દિવસે સમ્ર વિશ્વમાં મનાવાયો હતો. ભારતના વડાપ્રધાન નરેન્દ્ર મોદીના પ્રસ્તાવ તથા તે પહેલા થયેલી રજૂઆતો મુજબ વર્ષ ર૦૧૪ માં ૧૧ ડિસેમ્બરે સંયુક્ત રાષ્ટરના ૧૭૭ દેશોએ આ ઉજવણીને માન્યતા આપી હતી. વર્ષ ર૦૧૧ માં શ્રી શ્રી રવિશંકર મહારાજ, તે પછી સ્વામી રામદેવ અને અન્ય યોગગ્રુપની રજૂઆતોને અનુમોદન આપીને ભારતના વડાપ્રધાનની અપીલ પછી વિશ્વભરમાં આ દિવસ દર વર્ષે ર૧ મી જૂને ઉજવાય છે.
આંતરરાષ્ટ્રીય સંગીત દિવસ
આંતરરાષ્ટ્રીય અથવા વિશ્વ સંગીત દિવસ સંગીત દ્વારા સ્વાસ્થ્ય અને સદ્ભાવ વધારવાના ઉદ્દેશ્યથી ઉજવાય છે. વર્ષ ૧૮૯ર માં ફ્રાન્સના સાંસ્કૃતિ મંત્રી અને પત્રકાર જૈક બંગ અને રેકિયો નિર્માતા મોરિસ ફ્લૂરેટ દ્વારા રજૂ થયેલી કલ્પના મુજબ ધીમે ધીમે આ ઉજવણી વિશ્વ વ્યાપી બની ગઈ છે. ચાલુ વર્ષ વૈશ્વિક ઘોંઘાટ સામે સંગીતના પ્રયોગના વિષય પર ચર્ચાઓ થઈ રહી છે.
વિશ્વ હાઈડ્રોગ્રાફી દિવસ
દર વર્ષે ર૧ મી જૂને વિશ્વ હાઈડ્રોગ્રાફિક સંગઠન દ્વારા દરિયામાં દિશાસૂચક પ્રણાલિ ઉપરાંત દરિયાઈ પર્યાવરણની જાળવણી માટે જાગૃતિના પ્રયત્નો થાય છે, અને તદ્વિષયક સેમિનારો, જુથચર્ચાઓ, ડેમોસ્ટ્રેશન વગેરે પ્રવૃત્તિઓ થાય છે. આ વર્ષે અસ્ટેનેબલ બ્લ્યૂ ઈકોનોમીના વિષય પર વૈશ્વિક કાર્યક્રમો યોજાઈ રહ્યા છે, અને આજીવિકા તથા પર્યાવરણમાં સમતુલન માટે જાગૃતિ ફેલાવાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ગુજરાતમાં એનિમિયા નિયંત્રણ કાર્યક્રમ હેઠળ એક કરોડથી વધુ લોકોનું સ્ક્રીનીંગ
વર્ષ-ર૦૪૭ માંથી સિકલ સેલ એનિમિયાને દેશવટો આપવાનું પીએમનું લક્ષ્યઃ
સિકલ સેલ એનેમિયા એ એક આનુવંશિક રક્ત વિકૃતિ (જિનેટિક બ્લડ ડિસઓર્ડર) છે, જે મુખ્યત્વે આદિવાસી સમુદાયના લોકોને અસર કરે છે. સમગ્ર વિશ્વમાં આ બીમારી પ્રત્યે જાગૃતિ વધારવાના ઉદ્દેશથી ૧૯ જૂનના રોજ વિશ્વ સિકલ સેલ દિવસની ઉજવણી કરવામાં આવે છે. ગુજરાતમાં સિકલ સેલ એનેમિયાનો રોગ મુખ્યત્વે અંબાજીથી લઇને ઉમરગામ સુધીના પટ્ટામાં વસતા આદિજાતિ સમુદાયના લોકોમાં જોવા મળે છે, જેમાં અરવલ્લી, બનાસકાંઠા, સાબરકાંઠા, ભરૂચ, છોટા ઉદેપુર, દાહોદ, મહીસાગર, પંચમહાલ, નર્મદા, સુરત, તાપી, નવસારી, ડાંગ અને વલસાડ એમ ૧૪ જિલ્લાઓનો સમાવેશ થાય છે.
ગુજરાતના તત્કાલીન મુખ્યમંત્રી શ્રી નરેન્દ્ર મોદીના નેતૃત્વમાં વર્ષ ૨૦૦૬માં રાજ્યમાં સિકલ સેલ એનેમિયાના દર્દીઓની સંખ્યામાં ઘટાડો કરવા અને આ રોગ પર નિયંત્રણ માટે સિકલ સેલ એનેમિયા નિયંત્રણ કાર્યક્રમની શરૂઆત કરવામાં આવી હતી. આ કાર્યક્રમ શરૂ કરનાર ગુજરાત દેશનું પ્રથમ રાજ્ય હતું. આ કાર્યક્રમ હેઠળ અત્યારસુધીમાં રાજ્યના કુલ ૧ કરોડથી વધુ લોકોનું સ્ક્રીનિંગ કરવામાં આવ્યું છે. છેલ્લા પાંચ વર્ષોમાં જ આ કાર્યક્રમ હેઠળ કુલ ૧૭,૬૯,૮૬૩ લોકોનું સ્ક્રીનિંગ કરવામાં આવ્યું છે. ઉલ્લેખનીય છે કે, વર્ષ ૨૦૦૯-૧૦માં તત્કાલીન કેન્દ્ર સરકારે ગુજરાતના સિકલ સેલ એનેમિયા નિયંત્રણ કાર્યક્રમને પુરસ્કૃત કર્યો હતો.
સિકલ સેલ એનેમિયાના નિયંત્રણ માટે રાજ્ય સરકારે ઉઠાવેલા પગલાં
મુખ્યમંત્રી ભૂપેન્દ્ર પટેલના નેતૃત્વમાં, રાજ્ય સરકારે ખાસ કરીને આદિજાતિ વિસ્તારોમાં જોવા મળતા આ રોગની નાબૂદી પર ખાસ ધ્યાન આપ્યું છે. સરકારે આ રોગ અંગેના જાગૃતિ અભિયાનને વેગ આપવાની સાથે જ તેના નિદાન અને સારવારની વ્યવસ્થા તેમજ દવાઓની ઉપલબ્ધતા પર ભાર મૂક્યો છે.
રાજ્ય સરકારે સામૂહિક સ્ક્રીનિંગ કાર્યક્રમનું આયોજન કરવા ઉપરાંત, લગ્ન પહેલા જિનેટિક કાઉન્સેલિંગ અને ટેસ્ટિંગ પર પણ ભાર મૂક્યો છે. સાથે જ, રાજ્ય સરકારે આ રોગ માટે મોટા પાયે જાગૃતિ અભિયાન અને કોમ્યુનિટી આઉટરીચ પ્રોગ્રામ્સનું પણ આયોજન કર્યું છે. એટલું જ નહીં, પરંતુ સિકલ સેલ કાઉન્સેલર દ્વારા આદિજાતિ જિલ્લાઓમાં રહેતા લોકોમાં આ રોગનું નિદાન કરવામાં આવે છે, જેથી આવનારી પેઢીમાં આ વારસાગત રોગને ફેલાતો અટકાવી શકાય. આ માટે, પ્રાથમિક તપાસ તરીકે લાભાર્થીનો ડીટીટી ટેસ્ટ (ટર્બિડિટી ટેસ્ટ) કરવામાં આવે છે, અને ત્યારબાદ સચોટ નિદાન માટે હાઇ પર્ફોર્મન્સ લિક્વિડ ક્રોમેટોગ્રાફી ટેસ્ટ કરવામાં આવે છે. રાજ્ય સરકારે દ ક્ષિણ ગુજરાતના વલસાડ અને ડાંગ જિલ્લામાં સિકલ સેલને સમર્પિત ડે કેર સેન્ટર પણ ખોલ્યા છે.
રાજ્ય સરકાર દ્વારા સિકલ સેલના દર્દીઓને વિકલાંગતાનું પ્રમાણપત્ર પણ આપવામાં આવે છે, જેથી તેઓ સામાજિક સુરક્ષા યોજનાઓનો લાભ મેળવી શકે. જરૂરી દવાઓ અને સારવાર સુવિધાઓ સુનિશ્ચિત કરવા ઉપરાંત, વર્ષ ૨૦૨૪-૨૫થી રાજ્ય સરકાર દ્વારા રૂ. ૬ લાખ સુધીની વાર્ષિક આવક ધરાવતા પરિવારના દર્દીઓને દર મહિને જે રૂ. ૫૦૦ની આર્થિક સહાયતા આપવામાં આવતી હતી, તેને હવે વધારીને રૂ.૨૫૦૦ કરવામાં આવી છે.
સિકલ સેલ એનેમિયાને ખતમ કરવાનું લક્ષ્ય
વડાપ્રધાન શ્રી નરેન્દ્ર મોદીએ ૧ જૂલાઈ, ૨૦૨૩ના મધ્યપ્રદેશના શહડોલ જિલ્લાથી રાષ્ટ્રીય સિકલ સેલ એનેમિયા નાબૂદી મિશન ૨૦૪૭નો શુભારંભ કરાવ્યો હતો. આ પ્રસંગે તેમણે કહ્યું હતું કે સરકાર વર્ષ ૨૦૪૭માં ભારતના અમૃતકાળનો ઉત્સવ ઉજવતા પહેલા આ બીમારીને ખતમ કરવા માટે પ્રતિબદ્ધ છે. આ મિશનનો લક્ષ્યાંક ગુજરાત સહિત સમગ્ર દેશના ૧૭ ઉચ્ચ જોખમવાળા રાજ્યોમાં ૦-૪૦ વર્ષની વયજૂથના લગભગ ૭ કરોડ લોકોનું સ્ક્રીનિંગ કરવાનો છે. સરકાર આ રોગની સારવાર પણ ઉપલબ્ધ કરાવશે.
જાણો, શું છે સિકલ સેલ એનેમિયા
સિકલ સેલ એનેમિયા એ રક્ત સંબંધિત આનુવંશિક વિકાર છે. સામાન્ય રીતે લાલ રક્તકણો ગોળાકાર અને લચીલા હોય છે, પરંતુ આ રોગમાં લાલ રક્તકણોનો આકાર બદલાઇને અંગ્રેજી અક્ષર સી (સિકલ) જેવો થઈ જાય છે અને આ રક્તકણો એકબીજા સાથે ચોંટી જાય છે, જેના કારણે લોહીનો પ્રવાહ અને ઓક્સિજન શરીરના તમામ અંગો સુધી યોગ્ય રીતે પહોંચતા નથી. પરિણામે, સિકલ સેલ એનેમિયાના દર્દીઓને ઘણા પ્રકારની આરોગ્ય સંબંધિત મુશ્કેલીઓનો સામનો કરવો પડે છે.
સિકલ સેલ એનેમિયાના લક્ષણો
શરીર નબળું થઈ જવું, સતત તાવ આવવો અને કમળો થઇ જવો, સાંધા અને હાડકાંઓમાં સોજો, પેટમાં દુઃખાવો, સગર્ભા મહિલાઓમાં કસુવાવડ થવાની શક્યતાઓ અને ચેપી રોગો ખાસ કરીને ફેફસાંના રોગોનો સરળતાથી શિકાર થઈ જવું, વગેરે સિકલ સેલ એનેમિયા રોગના મુખ્ય લક્ષણો છે.
સિકલ સેલ એનેમિયાના દર્દીઓએ રાખવાની સાવચેતીઓ
સિકલ સેલ એનેમિયાના દર્દીઓએ નિયમિત રીતે હોસ્પિટલમાં ડોક્ટર પાસે તપાસ કરાવવી જોઇએ. આ ઉપરાંત, દર્દીઓએ દિવસમાં ઓછામાં ઓછું ૧૦-૧૫ ગ્લાસ પાણી પીવું જોઇએ, પૂરતો આરામ કરવો જોઇએ, તણાવમુક્ત રહેવું જોઇએ, દારૂ અથવા અન્ય નશીલા પદાર્થોનું સેવન ટાળવું જોઇએ, ધૂમ્રપાનથી બચવું જોઇએ, વધુ ઊંચાઇ વાળા સ્થળોએ ન જવું જોઇએ, વધુ પડતી ઠંડીથી બચવું જોઇએ, વધુ શારીરિક શ્રમ ટાળવો જોઇએ અને આકરા તાપમાં બહાર ન નીકળવું જોઇએ.
સિકલ સેલ એનેમિયાના રોગને લઇને લોકોમાં જાગૃતિ લાવવાની જરૂર છે. સિકલ સેલ એક વારસાગત રોગ હોવાને કારણે તે માતા-પિતાથી તેમના સંતાનો સુધી પહોંચે છે, એટલે જો લગ્ન પહેલા યુવક-યુવતી સિકલ સેલની તપાસ કરાવી લે તો આ રોગને ફેલાતો અટકાવવો શક્ય છે. સરકાર પણ આ રોગની ગંભીરતાને ધ્યાનમાં રાખીને તપાસ અને જાગૃતિની વ્યૂહરચના સાથે સિકલ સેલને નાબૂદ કરવાનો પ્રયાસ કરી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
