બિહાર મેં ફીર જંગલરાજ ? જાયે તો જાયે કહાઁ ? હમામ મેં સબ નંગે હૈ... ક્રાઈમ ટોપ પર હૈ જ્હાઁ?
ચિરાગ પાસવાને નીતિશકુમાર સામે સવાલો ઊઠાવતા રાજનીતિ ગરમ !
નવી દિલ્હી તા. ર૯: બિહારમાં ફરીથી જંગલરાજ આવી યગું હોય તેમ જણાય છે, અને પોતાને સુશાસનબાબુ ગણવાતા નીતિશકુમારના રાજમાં જ બીમાર મહિલા હોમગાર્ડ પર એમ્બ્યુલન્સમાં સામૂહિક બળાત્કારની ઘટના બની, અને તે પહેલા હોસ્પિટલમાં જઈને પાંચ હત્યારાઓ ખુલ્લેઆમ એક દર્દીની હત્યા કરી ગયા, તે પછી નીતિશકુમારના શાસન સામે જ સવાલો ઊઠી રહ્યા હતાં, અને તેજસ્વી યાદવ, પપ્પુ યાદવ અને પ્રશાંત કિશોર સહિતના વિપક્ષના નેતાઓએ નીતિશ સરકાર અને એનડીએના નેતૃત્વ અને આક્ષેપો તથા સવાલોની ઝડી વરસાવી, ત્યાં સુધી તો ઠીક હતું, પરંતુ જ્યારે મોદી સરકારના મંત્રી સામે એનડીએના સાથીદાર પક્ષ એલજેપીના વડા ચિરાગ પાસવાને જ એવું કહ્યું હોય કે તેની મજબૂરી છે કે નીતિશકુમાર જેવી સરકારને સમર્થન આપવું પડી રહ્યું છે. નીતિશ સરકાર કાયદો-વ્યવસ્થા જાળવી શકી નથી, તેવા મતલબના ચિરાગ પાસવાનના નિવેદન પછી બિહારમાં તો ખળભળાટ મચી જ ગયો છે, પરંતુ રાષ્ટ્રીય કક્ષાએ ભાજપનું નેતૃત્વ પણ હલબલી ઊઠ્યું હોય, તેવા એંધાણ જોવા મળી રહ્યા છે.
વિપક્ષોએ ચિરાગ પાસવાન સામે પણ સવાલો ઊઠાવ્યા છે અને મોદીના હનુમાન હોવાનો વ્યંગ્ય કર્યો છે. તેજસ્વી યાદવે તીખા શબ્દોના બદલે કટાક્ષમય આકરા શબ્દપ્રયોગો કર્યા, તો પપ્પુ યાદવે તો મોદી મંત્રી મંડળમાંથી રાજીનામું આપીને ચિરાગ પાસવાનને પોતાની ૫ાર્ટી સાથે વિપક્ષની ગઠબંધનમાં જોડાઈ જવાનું આમંત્રણ આપ્યું. કેટલાક લોકો પ્રશાંત કિશોર અને ચિરાગ પાસવાનને મજબૂત કરીને ભાજપ બિહારમાં જેડીયુ અને આરજેડીને નબળું પાડવાની ંઊંડી રાજનીતિ હોવાનું વિશ્લેષણ પણ કરી રહ્યા છે.
એવું વિશ્લેષણ પણ થઈ રહ્યું છે કે, ચિરાગ પાસવાન અને પ્રશાંત કિશોરનો ઉપયોગ કરીને ભાજપ નીતિશકુમારને કમજોર કરીને બિહારમાં ભાજપના મુખ્યમંત્રી મૂકવા માંગે છે, અને નીતિશકુમારની મહારાષ્ટ્રના એકનાથ શિંદે જેવી દશા થવાની છે. એવું પણ કહેવાય છે કે વાસ્તવમાં નીતિશકુમારને વ્યક્તિતગત રીતે કમજોર ઠરાવીને બિહારમાં એનડીએનું નેતૃત્વ ચિરાગ પાસવાનને સુપ્રત કરવાની ગુપ્ત રણનીતિ છે અને જો એનડીએને ફરીથી જનાદેશ મળે અને ભાજપ સૌથી મોટો પક્ષ બને તથા ચિરાગ પાસવાનની એલજેપીને નોંધપાત્ર બેઠકો મળી જાય તો નીતિશકુમારને હટાવીને ચિરાગ પાસવાનને જ બિહારના મુખ્યમંત્રી બનાવી દેવાય તો નવાઈ નહીં હોય.
બીજી તરફ જેડીયુના નેતાઓનો એવો દાવો છે કે, આરજેડી-કોંગ્રેસ સહિતનું વિપક્ષી ગઠબંધન હકીકતે જીતી શકે તેમ જ નથી અને હાર ભાળી ગયું હોવાની વિવિધ અફવાઓ ફેલાવી રહ્યું છે. બીજી તરફ ચિરાગ પાસવાનના નિવેદનને તોડી મરોડીને બતાવાયું હોવાનો લૂલો બચાવ પણ કરા રહ્યો છે.
બિહારમાં લાલુપ્રસાદ યાદવના શાસન સમયે હતું, તેવું જ જંગલરાજ છે. તેવું પૂરવાર કરવા કેટલાક ચોક્કસ દૃષ્ટાંતો પણ અપાઈ રહ્યા છે, જેમાં બીમાર હોમગાર્ડ મહિલા કેડેટ પર એમ્બ્યુલન્સમાં ગેંગરેપ અને હોસ્પિટલમાં હત્યા ઉપરાંત અરરિયામાં થાંભલા સાથે બાંધીને એક યુવક અને મહિલાને ઢોરમાર મારવાની ઘટના, હિસુઆમાં વેપારી પર બાઈક સવારોનું અંધાધૂંધ ફાયરીંગ વગરે તાજેતરની ઘટનાઓ વર્ણાવાઈ રહી છે.
બીજી તરફ લાલુપ્રસાદ યાદવે પાર્ટીમાંથી કાઢી મૂક્યા પછી તેજપ્રતાપ યાદવે પોતે વિધાનસભામાં અપક્ષ ઉમેદવારી નોંધાવશે, તેવી જાહેરાત કરી તે અંગે તેજસ્વી યાદવે કહ્યું કે તેઓ તો 'રીલ' બનાવી રહ્યા છે!
આજે સંસદમાં ઓપરેશન સિંદૂરની ચર્ચાની પહેલેથી જાહેરાત થઈ હતી, પરંતુ સંસદ અને બિહારની વિધાનસભામાં જે હોબાળા ગયા અઠવાડિયે થયા અને આજની સ્થિતિ જોતા એવું કહીં શકાય કે અત્યારે દેશની રાજનીતિ બિહારની ચૂંટણીમાં જ કેન્દ્રિત થઈ ગઈ છે!
રાજ્યની મતદારયાદીમાં ૬પ લાખ મતદારોના નામ કમીઃ
બિહારમાં ચૂંટણીઓના અક્ષેપો વચ્ચે ચૂંટણીપંચના આંકડાઓની જોરદાર ચર્ચા
બિહારમાં પણ મહારાષ્ટ્રની જેમ ચૂંટણીપંચ દ્વારા ભાજપના ઈશારે ચુંટણીચોરી થઈ રહી હોવાના રાહુલ ગાંધીના આક્ષેપો છે, તો બીજી તરફ ચૂંટણી પંચે રાજ્યની મતદારીયાદી સુધારવાની એસઆઈઆર પ્રક્રિયા હેઠળ ૬પ લાખ નામો કમી કરવાની કાર્યવાહી કરી હોવાનું બહાર આવ્યું છે. ચૂંટણી પંચની ર૭ જૂનથી રપ જુલાઈની કાર્યવાહી હેઠળ સ્પેશ્યલ ઈન્સેન્ટિવ રિવિઝન અંતર્ગત પ્રથમ તબક્કાના રાજ્યના ૭.ર૪ કરોડ (૯૧.૬૯ ટકા) મતદાતાઓએ પોતાના ફોર્મ જમા કરાવી દીધા છે. આ પ્રક્રિયા હેઠળ થતી ચકાસણી દરમિયાન રર લાખ મૃત મતદાતાઓના નામ, બબ્બે કે તેથી વધુ સ્થળે મતદાર યાદીમાં નામ હોય તેવા ૭ લાખ મતદારોના વધારાના નામ અને ગુમનામ અથવા લાપત્તા જણાવેલા ૩૬ લાખ મતદાર સહિત ૬પ લાખ નામો પ્રથમ તબક્કામાં મતદારયાદીમાંથી કમી કરવાનો મુદ્દો ટોક ઓફ ધ બિહાર સ્ટેટ બન્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પ્લાસ્ટિકનો કચરો જીવલેણ પ્રદૂષણ ફેલાવે છેઃ સમગ્ર જીવસૃષ્ટિ પર ઝળુંબતો ખતરો નિવારીએ...
વિશ્વ પર્યાવરણ દિવસ-૨૦૨૫ની થીમઃ 'એન્ડીંગ પ્લાસ્ટિક પોલ્યુશન ગ્લોબલી'
પ્લાસ્ટિક આપણા રોજબરોજનાં જીવનમાં વણાઈ ગયેલું છે. આપણા ઉપયોગમાં આવતી અનેક વસ્તુઓ પ્લાસ્ટિકની બનેલી છે. પ્લાસ્ટિક તેના હળવા વજન, મજબૂતાઈ, ટકાઉપણું, ઉચ્ચ થર્મલ અને ઇલેક્ટ્રિકલ ઇન્સ્યુલેશન, કાટ સામે પ્રતિકાર અને ઓછો ખર્ચ જેવા સહજ ગુણધર્મોને કારણે અનેક ક્ષેત્રોમાં ખૂબ ઉપયોગી સાબિત થયું છે અને લોકપ્રિય બન્યું છે. પ્લાસ્ટિકના વધતા ઉપયોગને કારણે તેનું વૈશ્વિક ઉત્પાદન પણ સતત વધી રહૃાું છે. મોટા ભાગની પ્લાસ્ટિકની વસ્તુઓ (જેવી કે થેલીઓ ખાણીપીણીના પેકેટ તેમજ ડિસ્પોઝેબલ ગ્લાસ-ડીશ-ચમચીઓ) એક વખત ઉપયોગ માટે બનાવવામાં આવે છે અને તેથી તે અંતે પ્લાસ્ટિકના કચરામાં પરીણમે છે. આ પ્લાસ્ટિક કચરો અન્ય કચરા(જેવા કે કાપડ, ખાદ્ય કચરો, બગડેલ ખેતપેદાશો)ની માફક સમય સાથે પ્રાકૃતિક રીતે સડીને વિઘટન પામતો નથી, આથી પ્લાસ્ટિક કચરાનો ભરાવો અને તેનાથી થતું પ્રદૂષણ એ પર્યાવરણ માટે એક ગંભીર સમસ્યા બની છે.
આ વર્ષે થીમ 'એન્ડીંગ પ્લાસ્ટિક પોલ્યુશન ગ્લોબલી' (સમગ્ર વિશ્વમાં પ્લાસ્ટિક પ્રદૂષણ નાબુદી) આધારિત 'વિશ્વ પર્યાવરણ દિવસ ૨૦૨૫'ની ઉજવણી કરવામાં આવી રહી છે. પ્લાસ્ટિક પ્રદૂષણની નાબુદી માટે પ્લાસ્ટિક પ્રદૂષણ તેમજ પર્યાવરણ પર તેની હાનિકારક અસરને જાણવી જરૂરી બની છે. પ્લાસ્ટિક પ્રદૂષણ જાગૃતિ કેળવીએ તો જ તેની ગંભીરતા સમજી શકાય તેમ છે. પ્લાસ્ટિક કચરો પર્યાવરણને અનેક રીતે નુકસાન કરે છે અને પ્રદૂષણ ફેલાવે છે. પ્લાસ્ટિક પ્રદૂષણ જમીન, પાણી તેમજ વન્યજીવોને માટે ખૂબ હાનિકારક અસરો પેદા કરે છે.
પ્લાસ્ટિક ઉત્પાદન વખતે કાર્બન મોનોક્સાઈડ, ફોર્માલડિહાઇડ જેવા વિવિધ હાનિકારક વાયુઓનું ઉત્સર્જન થાય છે. પ્લાસ્ટિક બાળવાથી કાર્બન મોનોક્સાઇડ, ક્લોરિન, હાઇડ્રોક્લોરિક એસિડ, ડાયોક્સિન, ફ્યુરાન્સ, એમાઇન્સ, નાઇટ્રાઇડ્સ, સ્ટાયરીન, બેન્ઝીન, ૧, ૩- બ્યુટાડીન, સીસીઆઈ૪ અને એસિટાલ્ડીહાઇડ જેવા ઝેરી તત્ત્વોનું ઉત્સર્જન થાય છે. કેટલાક ખાસ પ્રકારના પ્લાસ્ટિકમાં ઉમેરાતા સીસા અને કેડમિયમ જેવાં અત્યંત નુકસાનકારક દ્રવ્યો છુટાં પડી વાતાવરણમાં ભળે છે. આ તમામ વાયુઓ અને રસાયણો જીવસૃષ્ટીને ગંભીર નુકસાન પહોંચાડે છે.
એવું માનવામાં આવે છે કે પ્લાસ્ટિકને વિઘટિત થવામાં હજારો વર્ષ લાગે છે. આથી આડેધડ ફેંકવાથી પ્લાસ્ટિક કચરો જમીન પર એકત્ર થતો જાય છે. આ પ્લાસ્ટિક જમીનનો બાહરના વાતાવરણ સાથે સંપર્ક તોડી અવરોધક બને છે અને તે જમીનને બિનઉપજાઉ બનાવે છે. કેટલાંક કિસ્સાઓમાં પાણી અથવા ખોરાકમાં માઈક્રોપ્લાસ્ટિકનું અસ્તિત્વ માનવ શરીરમાં પ્લાસ્ટિકની હાજરી અને નવી આરોગ્ય સમસ્યાઓ તરફ દોરી રહૃાું છે. પોલેથીન ખાવાથી પશુઓના મૃત્યુ થયાના પણ દાખલા સામે આવેલા છે.
નોન રિસાયકલેબલ પ્લાસ્ટિકના ઉપયોગને લીધે તેના નિકાલની સમસ્યા ઊભી થાય છે. હલકી ગુણવત્તાવાળા પ્લાસ્ટિક કેરી બેગ, પેકેજિંગ ફિલ્મ વગેરે એકત્ર કરવામાં અને રિસાયક્લિંગ કરવા મુશ્કેલ હોય છે. પ્લાસ્ટિક કચરો શહેરોમાં પાણી નિકાલના નાળા કે ગટર બ્લોક કરી દે છે, જેનાથી ચોમાસામાં પાણી ભરાવાની સમસ્યા ઊભી થાય છે. પ્લાસ્ટિક સાથે અન્ય કચરો મિશ્રિત થઈ જવાથી તેના પ્રોસેસીંગ કે રિસાયકલિંગમાં સમસ્યાઓ ઉભી થાય છે.
પ્લાસ્ટિકનો કચરો શહેરની શોભા બગાડે છે અને તે પર્યટન પર નિર્ભર દેશોના (જીડીપી) પર અસર કરવાની સંભાવના ધરાવે છે. મહાસાગરોમાં પ્લાસ્ટિક પ્રદૂષણની પર્યટન, શિપિંગ અને માછીમારી ઉદ્યોગો પર મોટી આર્થિક અસર પડે છે.અયોગ્ય વિસ્તારોમાં કાર્યરત રિસાયકલિંગ ઉદ્યોગો અયોગ્ય રિસાયક્લિંગ પ્રથાઓને કારણે પર્યાવરણ માટે જોખમ ઊભું કરે છે.
આમ, પ્લાસ્ટિક હવા, પાણી અને જમીન ઉપરાંત સ્વાસ્થ્ય અને ઈકોનોમી ઉપર હાનિકારક અસર કરતું હોવાથી પ્લાસ્ટિક પ્રદૂષણથી જાગૃતિ કેળવી પ્લાસ્ટિકની જગ્યાએ બાયો ડીગ્રેડેબલ ઉપાયો અપનાવવા, બને ત્યાં સુધી સિંગલ યુઝ પ્લાસ્ટિક્નો ઉપયોગ ટાળી તેમજ પ્લાસ્ટિક કચરો અલગ કરી રિસાયકલિંગ માટે સહકાર આપી આપણે પ્લાસ્ટિક પ્રદૂષણ નાબુદીમાં આપણું યોગદાન આપી શકીએ છીએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ખીજડીયા અભયારણ્ય એટલે વૈવિધ્યસભર પક્ષીઓ સાથે પ્રકૃતિનો દુર્લભ નજારો...
વર્ષ-૨૦૨૧માં રામસર સાઈટ તરીકે જાહેર થયેલા આ સ્થળેને વર્ષ-૨૦૨૩માં બેસ્ટ ટુરિઝમ વિલેજનો એવોર્ડ મળ્યો છે
ખીજડીયા પક્ષી અભયારણ્ય ગુજરાત રાજ્યના સૌરાષ્ટ્ર પ્રદેશના જામનગર જિલ્લામાં આવેલું પક્ષી અભયારણ્ય છે. આશરે ૬૦૫ હેક્ટર વિસ્તારમાં ફેલાયેલું આ અભયારણ્ય તેના વૈવિધ્યસભર પક્ષીઓને કારણે સમગ્ર ભારતમાં આગવું સ્થાન ધરાવે છે.
ખીજડીયા વેટલેન્ડ દરિયાઈ પાણીની ખારાશને રોકવા તેમજ મીઠા પાણીને દરિયામાં ભળી જતું અટકાવવા સને ૧૯૨૦ માં જામનગરના રાજવી શ્રી જામ રણજીતસિંહજી દ્વારા ઓખા થી નવલખી સુધીનો બંધ બનાવ્યો હતો. જે બંધમાં કાલિંદી તથા રૂપારેલ નદીના પાણીનો સંગ્રહ થતા ધીરે ધીરે આ સ્થળે દેશ-વિદેશના પક્ષીઓ આવવા લાગ્યા હતા અને સમય જતાં યાયાવર પક્ષીઓ માટે આ સ્થળ પસંદગીનું સ્થળ બન્યું હતું અને વર્ષ ૧૯૮૧-૧૯૮૨ માં આ સ્થળને રાજ્ય સરકાર દ્વારા અભ્યારણ તરીકે જાહેર કરાયું. આ અભ્યારણ વ્યુહાત્મક રીતે યાયાવર પક્ષીઓના ઇન્ડો-એશિયાન ઉડ્ડયન માર્ગમાં આવતું હોવાથી અહીં ૨૨ થી વધારે દેશોમાંથી પક્ષીઓ અહીં મહેમાન બને છે. પક્ષીઓ માટે સ્વર્ગ સમાન તેમજ બેનમૂન પ્રાકૃતિક સૌંદર્ય ધરાવતા આ સ્થળની ખ્યાતિ તેમજ અહીંનું જૈવ વૈવિધ્ય દેશ-વિદેશના પક્ષી પ્રેમીઓ માટે આકર્ષણનું કેન્દ્ર છે.
અહીં જૈવ વૈવિધ્ય ખૂબ જ દુર્લભ છે. પક્ષીઓ માટે આ સ્થળ સ્વર્ગ સમાન સાબિત થયું છે. અહી ૩૦૦થી વધુ પ્રકારના પક્ષીઓ અને ૪૦ જેટલી દુર્લભ ગણાતી પ્રજાતિઓ તેમજ વન્ય પ્રાણીઓનો લ્હાવો મળે. આ અભયારણ્યને ૨૦૨૧ મા રામસર સાઈટ તરીકે જાહેર કરાવામાં આવેલ છે. તથા ખીજડીયા પક્ષી અભયારણ્યને બેસ્ટ ટુરીઝમ વિલેજ-૨૦૨૩ ભારત સરકાર દ્વારા સન્માનિત કરવામાં આવેલ હતું.
અભયારણ્યની આસપાસના વન્યજીવ આવાસના પ્રકારો
૧.મીઠા પાણીના તળાવ, ૨.ખારા પાણીના તળાવ, ૩.ચેરના જંગલ, ૪.નોમલ જંગલ, ૫.મીઠાના અગરો ૬.ખેતીવાડીની જમીન, ૭. દરિયા કિનારો, ૮. ઘાસીયા મેદાનો,
અભયારણ્યમાં રહેતા તથા મહેમાન બનતા પક્ષીઓનું વર્ગીકરણ
૧. શીકારી પક્ષીઓ ગરૂડ, ૨. જમીન અને ધાસીયા મેદાનમાં રહેતા પક્ષીઓ ટીટોડી, બટાવડા ૩. લાંબા પગવારા પક્ષીઓ કાળી ડોક ઢોંક, હંજ, ૪. રાત્રિ દરમ્યાન સક્રિય થતા પક્ષીઓ ધુવડ, નાનું દશરથીયું, ૫. પાણીમાં રહેતા પક્ષીઓ બતક, ૬. દરિયાકાંઠા (પાણીના કિનારા)
પક્ષીઓ પ્લોવર્સ, સેન્ડપાઇપર્સ, ૭. ઝાડ આશ્રય લેતા પક્ષીઓ ૮. વોટરપ્રૂફ વગરના પક્ષી સર્પગીવ, કાજીયા, કબૂતર અને કેટલાક પોપટ.
ખીજડીયા પક્ષી અભયારણ્ય આસપાસના પક્ષીઓના માળાના પ્રકારો ૧. 'કપ માળો' પક્ષી તેના કપ અથવા વાટકાના આકારનો હોય બુલબુલ ૨. 'પોલાણ માળો' ઝાડમાં પોલાણ લક્કડખોદ ૩. 'લટકતો માળો' ડાળી પર લટકતો હોય (સુગરી) ૪. 'પ્લેટફોર્મ માળો' જે તેના મોટા, મજબૂત સપાટ અને પહોળા હોય છે કાળી ડોક ઢોંક ૫. 'સંલગ્ન માળો' કાદવ અથવા લાળથી બનાવવામાં આવે તારોડીયું પક્ષી ૬. તરતો માળો ''જે પાણીની ઉપર બાંધવામાં આવે છે. ગ્રીબ્સ, કૂટ્સ ૭. 'દર વારો માળો' ટનલ અથવા ખાડો ખોદીને બનાવવામાં આવે છે, કલકલીયા ૮. સ્ક્રેપ માળો સૌથી સરળ માળો બાંધકામ સ્ક્રેપ છે, જે ફક્ત માટી અથવા વનસ્પતિમાં છીછરા ખાડા છે. ટીટોડી ૯. માળાઓ વગર વન્યજીવનના સંદર્ભમાં કોયલ જેવા કેટલાક પક્ષીઓ પોતાના માળામાં માળો બનાવતા નથી.
અભયારણ્યમાં રહેતા
તથા મહેમાન બનતા વન્યપ્રાણીઓ
૧.દીપડો, ૨.ઝરખ, ૩.શીયાળ, ૪.સસલા, ૫.વણીયાર, ૬.જંગલી બીલાડી, ૭. નીલ ગાય, ૮. ભૂંડ વગેરે
અભયારણ્ય આસપાસમાં રહેતા-મહેમાન બનતા સાપ
૧. ઇન્ડિયન કોબ્રા, ૨. કોમન ક્રેટ, ૩. રસેલ્સ વાઇપર, ૪. સો-સ્કેલ્ડ વાઇપર વગેરે ઝેરી ઉપરાંત બીજા બીનઝેરી સાપો અને પતંગીયા કરોડીયા તથા અનેક સુક્ષ્મ જીવજંતુ.
કયા રસ્તે આવેલું છે ?
ખીજડીયા પક્ષી અભયારણ્ય જામનગર-રાજકોટ હાઇવેથી ૩ કિ.મી. દૂર આવેલુ છે. ખીજડીયા ગામ જવાના રોડથી અહીં સરળતાથી પહોંચી શકાય છે. જામનગર શહેરથી તેનું અંતર ૧૨ કિ.મી. જેટલું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વનતારાના સહયોગથી વન વિભાગે બન્નીના ઘાસના મેદાનોમાં ૨૦ ચિત્તલ વસાવ્યાઃ અનોખી પહેલ
કચ્છ જિલ્લામાં ૨૬૧૮ ચો.કિ.મી.માં ફેલાયેલુ એશિયાનું સૌથી મોટુ ઘાસનું મેદાન છે
ભુજ તા. ૧૬: કચ્છના બન્નીના ઘાસના મેદાનોમાં વન્યજીવનના વૈવિધ્યને સહાયરૂપ બનવા માટે એક મહત્વપૂર્ણ પગલું ભરતાં ગુજરાત વન વિભાગે જેના નેજા હેઠળ ગ્રીન્સ ઝૂઓલોજિકલ, રેસ્ક્યુ એન્ડ રિહેબિલિટેશન સેન્ટર કાર્યરત છે તેવી અનંત અંબાણી દ્વારા સ્થાપિત વન્યજીવન બચાવ અને સંરક્ષણ માટેની પહેલ 'વનતારા'ના સહયોગથી ૭૦ હેક્ટરના સંરક્ષિત વિસ્તારમાં ૨૦ ચિતલ (સ્પોટેડ ડિયર)ને આયોજનબદ્ધ રીતે વસાવ્યા છે. આ સહયોગી પહેલનો ઉદ્દેશ્ય એશિયાના સૌથી મોટા ઘાસના મેદાનોમાંના એક એવા બન્નીમાં જૈવ વિવિધતાને મજબૂત કરવાનો છે.
જામનગરમાં આવેલી વનતારાની અલાયદી સંરક્ષિત ફેસિલિટીમાંથી સ્થળાંતરિત કરાયેલા હરણોને ખાસ ડિઝાઇન કરેલી એમ્બ્યુલન્સમાં કચ્છ લાવવામાં આવ્યા હતા. સંરક્ષિત વિસ્તારમાં આ હરણોને છોડવાની પ્રક્રિયા વન વિભાગના સીધા નિરીક્ષણ અને નિર્દેશન હેઠળ કરવામાં આવી હતી, જેમાં વનતારા દ્વારા સ્થાપિત સંરક્ષણ નિયમો અનુસાર પ્રક્રિયાને સરળ બનાવવા માટે તકનીકી અને સંસાધનોની સહાય પૂરી પાડવામાં આવી હતી.
તેની તૈયારીના ભાગરૂપે ગુજરાત વન વિભાગ અને વનતારાની ટીમો દ્વારા તાજેતરમાં એક સંયુક્ત ક્ષેત્રીય મૂલ્યાંકન કરવામાં આવ્યું હતું. આ મૂલ્યાંકનનો હેતુ હરણોના નિવાસસ્થાનની યોગ્યતાનું મૂલ્યાંકન કરવાનો અને ભવિષ્યમાં આ પ્રજાતિના પુનર્સ્થાપનના પ્રયાસો માટે મુખ્ય પર્યાવરણીય પગલાં ઓળખવાનો હતો. આ સહયોગી સમીક્ષામાં વન અધિકારીઓ, વનતારાના વન્યજીવ જીવ વિજ્ઞાનીઓ અને પશુચિકિત્સકો સામેલ હતા અને તેનો ઉદ્દેશ્ય રાજ્યના વ્યાપક સંરક્ષણ આયોજનોને મદદ પૂરી પાડવાનો હતો.
ગ્રીન્સ ઝીઓલોજિકલ, રેસ્ક્યૂ એન્ડ રેહાબિલિટેશન સેન્ટરના ડિરેક્ટર ડો. બ્રિજ કિશોર ગુપ્તાએ જણાવ્યું કેઃ આ પહેલ સંરક્ષણ માટેનો સહયોગી અભિગમ દર્શાવે છે, જ્યાં બન્નીના ઘાસના મેદાનોમાં જૈવવિવિધતાને મજબૂત કરવા માટે વૈજ્ઞાનિક નિપૂણતા અને સંસાધનને લગતી સહાયનું સંયોજન કરવામાં આવે છે. સરકારની આગેવાની હેઠળના પ્રયાસોમાં સહયોગ આપતી વેળા સમાન ઉદ્દેશ્યો પર આધારિત ભાગીદારી થકી સાર્થક સંરક્ષણના પરિણામો પ્રાપ્ત કરવા પર સંપૂર્ણ ધ્યાન કેન્દ્રિત રહે છે.
ગુજરાતના કચ્છ જિલ્લામાં ૨૬૧૮ ચોરસ કિલોમીટરમાં ફેલાયેલા બન્નીના ઘાસના મેદાનો એશિયાના સૌથી મોટા અને પર્યાવરણીય રીતે સૌથી મહત્વપૂર્ણ ઘાસના મેદાનોમાંનું એક છે. સર્વેક્ષણોમાં આ પ્રદેશમાં સસ્તન પ્રાણીઓની ૧૨ પ્રજાતિઓ નોંધવામાં આવી છે, જેમાં છ માંસાહારી અને બે શાકાહારી પ્રાણીઓનો સમાવેશ થાય છે. મુખ્ય પ્રજાતિઓમાં ચિંકારા (ઇન્ડિયન ગઝેલ), ભારતીય વરુ, ગોલ્ડન શિયાળ, નીલગાય, પટ્ટાવાળા ઝરખ અને શિયાળનો સમાવેશ થાય છે. બન્નીના પર્યાવરણીય વ્યવસ્થાપનમાં ગુજરાત વન વિભાગ મહત્વપૂર્ણ ભૂમિકા ભજવવાનું ચાલુ નિરંતર જારી રાખતાં ક્ષતિગ્રસ્ત વિસ્તારોને પુનર્સ્થાપિત કરવા, આક્રમક પ્રજાતિઓને નિયંત્રિત કરવા અને સ્થાનિક વન્યજીવનને ટકાવી રાખવા માટે મહત્વપૂર્ણ એવા સ્થાનિક ઘાસના વિકાસને પ્રોત્સાહિત કરવા પર કેન્દ્રિત પ્રયાસો કરવામાં આવી રહૃાા છે.
ચિતલને બન્નીમાં લાવવામાં પરિસ્થિતિનું સંતુલન પુનર્સ્થાપિત કરવાના ચાલી રહેલા પ્રયાસોમાં એક મુખ્ય સીમાચિન્હ છે. વનતારાની ભૂમિકા એક પ્રતિબદ્ધ ભાગીદાર તરીકેની જ રહે છે, જેમાં સરકારની આગેવાની હેઠળના સંરક્ષણ લક્ષ્યોની સેવામાં વૈજ્ઞાનિક સમજ, પશુચિકિત્સાની કુશળતા અને તકનીકી માળખાકીય સુવિધાઓના યોગદાનનો સમાવેશ થાય છે. સાથે મળીને આ સહયોગી પ્રયાસો ઇકો સિસ્ટમને મજબૂત કરવામાં અને ભારતના કુદરતી વારસાના ભવિષ્યને સુરક્ષિત કરવામાં મદદ કરી રહૃાા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સુપ્રસિદ્ધ યાત્રાધામ દ્વારકા બનશે પશ્ચિમ ભારતનું સૌથી મોટું ધાર્મિક કેન્દ્ર
દ્વારકા કોરીડોરના નિર્માણ સાથે
દ્વારકા તા. ૧૪ઃ કેન્દ્રીય ટુરીઝમ મીનીસ્ટ્રી તથા ગુજરાત ટુરીઝમ વિભાગના આગામી મહાત્વાકાંક્ષી પ્રોજેકટ પૈકીના મુખ્ય એવા દ્વારકા કોરીડોર પ્રોજેકટના શ્રીગણેશ ટૂંક સમયમાં થાય તેવા અહેવાલો સાંપડી રહ્યા છે ત્યારે મહદ્અંશે દ્વારકા, બેટ દ્વારકા, નાગેશ્વર જયોતિર્લિંગ, શિવરાજપુર બીચને સાંકળતા કોરીડોર પ્રોજેકટનો આગામી ઓગસ્ટ માસમાં વડાપ્રધાન નરેન્દ્ર મોદી હસ્તે શિલાન્યાસ થાય તેવી સંભાવનાઓ જોવાઈ રહી છે. આ યોજના અંતર્ગત દ્વારકાધીશ જગતમંદિર આસપાસના વિસ્તારને વિવિધ સુવિધાઓ સાથેના ટેમ્પલ સ્કવેર આકારમાં ડેવલોપમેન્ટ કરવામાં આવનાર છે.
ટેમ્પલ સ્કવેર બનશે
કેન્દ્રીય ટુરીઝમ વિભાગ તથા રાજ્યના ટુરીઝમ વિભાગ દ્વારા અમદાવાદની ખાનગી કાું.ને દ્વારકા કોરીડોર પ્રોજેકટ અંગેની થ્રી-ડી ડિઝાઈન તથા વ્યાપક રૃપરેખાની જવાબદારી સોંપાયેલ હોય જેમના દ્વારા રજૂ કરાયેલ પ્રેઝન્ટેશન તથા હૃદય યોજના અંતર્ગત પ્રોજેકટ રિપોર્ટમાં ફર્સ્ટ ફેઈઝમાં દ્વારકાધીશ જગતમંદિર આપાસના ૧૦૦ મીટરના વિસ્તારનો વિકાસ થશે. જેને ટેમ્પલ સ્કવેર તરીકે ઓળખવામાં આવશે. જેમાં મંદિર પરિસર સાથે સાથે ભવ્ય કોરીડોર પણ સમાવિષ્ટ હશે.
સુદામા સેતુ
દ્વારકા ક્ષેત્રના સર્વાંગી વિકાસ હેતુ દ્વારકાધીશ મંદિરની સાથે સાથે દ્વારકા તેમજ આસપાસના ધાર્મિક અને ટુરીઝમ કેન્દ્રોનો પણ વિકાસ કરવામાં આવનાર હોય જેના ભાગરૃપે દ્વારકાના ગોમતી નદીને સામે ઘાટે આવેલ પંચનદતીર્થ સાથે જોડતાં સુદામા સેતુનું પણ નવીનીકરણ કરવામાં આવનાર છે. આ સાથે દ્વારકાથી ૧૬ કિમી દૂર આવેલ દ્વાદશ જયોતિર્લિંગને પણ નાગેશ્વર જયોતિર્લિંગ કોરીડોરને 'લાઈવ ઓફ શિવા'ની વિશેષ થીમ હેઠળ વિકાસાવવામાં આવી રહેલ છે. સાથોસાથ સુદર્શન સેતુના નિર્માણ બાદ યાત્રાધામ બેટ દ્વારકા રોડ રસ્તે જોડાઈ જતાં ત્યાં યાત્રાળુઓના પ્રવાહમાં સતત વૃદ્ધિ જોતાં બેટ દ્વારકાનો માળખાગત રીતે વિકાસ કરી સુવિધાઓ ઉપલબ્ધ થશે.
દ્વારકાધીશ મંદિરની ભવ્યતામાં અનેકગણો વધારો થશે
દ્વારકા યાત્રાધામ ચાર ધામો પૈકીનું એક ધામ, સપ્તપુરી પૈકીની એક દ્વારકાપુરી તેમજ ચાર શંકરાચાર્ય પીઠ પૈકીની શારદાપીઠ ધરાવતું અદ્વિતીય અને મહત્ત્વપૂર્ણ તીર્થક્ષેત્ર હોવાની સાથે દ્વારકા કોરીડોરના નિર્માણ સાથે પશ્ચિમ ભારતના આ તીર્થસ્થાનની ભવ્યતામાં અનેકગણો વધારો થશે. વૈશ્વિક ઓળખ ધરાવતા તીર્થધામમાં વૈશ્વિક શ્રેણીની આધુનિક યાત્રીકલક્ષી સુવિધાઓ પણ ઉપલબ્ધ થશે. હાલમાં યાત્રીકોને ભારે ભીડભાડવાળી સ્થિતિ જોવા મળી રહી છે ત્યારે કોરીડોર નિર્માણથી ભાવિકોને શ્રીજીના દર્શન કરવા વધુ સરળ બનશે. આ અંગે પ્રોજેકટ અને ટેન્ડરીંગ પ્રક્રિયા અંગે ટૂંક સમયમાં જાહેરાત થઈ શકે છે.
ગોમતી ઘાટનો વિકાસ અદ્યતન પાર્કિંગ સુવિધા
દ્વારકામાં આવેલ પવિત્ર ગોમતી નદીમાં સ્નાનનું અનેરૃં મહત્ત્વ રહેલું હોય દર માસે પૂનમ ભરવા તેમજ પૂનમ, અમાસ, અગિયારસ જેવી મહત્ત્વની તિથિઓ પર તેમજ વાર તહેવારોએ તેમજ પવિત્ર પુરૃષોત્તમ માસ દરમ્યાન કિડિયારૃ ઉભરાય તે રીતે માનવ મહેરામણ ગોમતી નદીમાં સ્નાન કરી જગતમંદિરે દર્શન કરવાની પરંપરા ઉપરાંત વર્તમાન સમયમાં યાત્રાળુઓના પ્રવાહમાં સતત વધારો જોતાં આ ૧૬ જેટલા જૂના ગોમતી ઘાટોના વિસ્તૃતીકરણની જરૃરિયાત જણાતી હોય આ ગોમતી ઘાટોના વિસ્તૃતીકરણ સાથે ભવ્ય ઘાટોનું નિર્માણ કરવાનું પ્રસ્તાવિત છે. આ સાથે મંદિરમાં સરળ પ્રવેશ માટે નજીકમાં જ વિશાળ પાર્કિંગ સુવિધા ઊભી કરવામાં આવશે.
જગતમંદિર નજીકના રહેણાંક તથા દુકાનનું થશે રીલોકેશન
દ્વારકા કોરીડોર પ્રોજેકટ અંતર્ગત મંદિર આસપાસ વિસ્તૃતીકરણના ભાગરૃપે મંદિર તરફ જતાં મુખ્ય રસ્તાને પહોળા કરી આધુનિક બનાવવા રહેણાંક મિલકતો તથા દુકાનદારોનું સ્થાનાંતર કરવામાં આવશે જેમાં જગ્યાના ભૂમિધારકો તથા દુકાનદારોને યોગ્ય વળતરના ચૂકવણા સાથે સમગ્ર પ્રક્રિયા શાંતિપૂર્ણ રીતે અમલમાં આવે તે માટે વહીવટી તંત્ર વિવિધ વિકલ્પો અંગે અભ્યાસ કરી રહયુ છે.
દ્વારકા કોરીડોર પ્રોજેકટ અંતર્ગત દ્વારકામાં શ્રીકૃષ્ણ ભગવાનની વિશ્વની સૌથી ઊંચી પ્રતિમાનું નિર્માણ થશે. આ સાથે શહેરમાં પ્રમુખ જગ્યાઓ પર યાત્રાળુઓને ૩-ડી ઈમર્સિવ ભાગવત ગીતાજીના શ્લોકની અનુભૂતિ કરાવાશે. આ સિવાય સમુદ્રમાં ડૂબેલી સુવર્ણ દ્વારકા જોવા માટે ગેલેરીનું પણ નિર્માણ કરાશે.
૧૦૦ ટકા સૌરઊર્જા
કેન્દ્ર તથા રાજ્ય સરકારના મહત્ત્વપૂર્ણ દ્વારકા કોરીડોર પ્રોજેકટના ભાગરૃપે દ્વારકા તથા પાલીતાણા જેવા પ્રવાસન સ્થળોને મોઢેરાની જેમ ૧૦૦ ટકા સૌર ઉર્જાથી ચાલતા સ્થળોમાં રૃપાંતરીત કરવામાં આવશે.
આલેખનઃ ચંદુભાઈ બારાઈ, તસ્વીરઃ રવી બારાઈ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પ્રાકૃતિક ખેતી અને સેન્દ્રીય કાર્બન બને છે ટકાઉ ખેતીનો આધારઃ કાર્બનચક્ર એટલે શું?
જમીનની ફળદ્રુપતા સતત ઘટી રહી છે. ત્યારે
આપણે વારંવાર એક વાક્ય જરૂર સાંભળીએ છીએ કે, જમીનની ફળદ્રુપતા સતત ઘટી રહી છે. પ્રાકૃતિક કૃષિમાં સેન્દ્રીય કાર્બનનું શું મહત્ત્વ છે? જમીનમાં સેન્દ્રીય કાર્બન જમીનના સારા સ્વાસ્થ્યનું એક મુખ્ય તત્વ છે. અને આબોહવા પરિવર્તન, ખોરાક અને પોષણની અસુરક્ષાઓ અને અન્ય પર્યાવરણીય ચિંતાઓ સામે લડવા માટેનું એક નવું શસ્ત્ર છે. પાકની ઉત્પાદકતા અને જમીનની ફળદ્રુપતા વધારવામાં સેન્દ્રીય કાર્બનનું મુખ્ય યોગદાન હોય છે.
સેન્દ્રીય કાર્બન એ કાર્બન છે જે સજીવો દ્વારા ઉત્પાદિત કોઈપણ સામગ્રીના આંશિક વિઘટન પછી જમીનમાં રહે છે. તે જમીનના કાર્બનિક પદાર્થોનો મુખ્ય ઘટક છે. એવી ધારણા છે કે, તે જમીનના ઘણાં કાર્યો અને અતાર્કિક ગુણધર્મો માટે નિર્ણાયક ભૂમિકા ભજવે છે.સેન્દ્રીય કાર્બનનું પ્રમાણ, સ્થાનિક ઇકોલોજી, આબોહવાની સ્થિતિ, જમીનનો ઉપયોગ અને વ્યવસ્થાપન પર આધાર રાખે છે. ઓર્ગેનિક કાર્બન મુખ્યત્વે ટોચની જમીનમાં વધારે હોય છે. જમીનમાં રહેલા કાર્બનનું પ્રમાણ વાતાવરણમાં રહેલા કાર્બનની માત્રા કરતા બમણું હોય છે.
તમામ છોડ પોતાનું અસ્તિત્વ ટકાવી રાખવા અને વૃદ્ધિ પામવા માટે તેમના પર્ણ મારફત સુર્યપ્રકાશ અને વાતાવરણમાંથી કાર્બન ડાયોક્સાઇડ લઈને પોતાના માટે ખોરાક (સ્ટાર્ચ) ઉત્પન્ન કરે છે. જમીનમાં રહેલ સેન્દ્રીય કાર્બન ટકાઉ ખેતીનો આધાર છે. જમીનમાં ફળદ્રુપતા જાળવવામાં સેન્દ્રીય કાર્બનની મુખ્ય ભૂમિકા છે. સેન્દ્રીય કાર્બન જમીનમાં વાયુ, પાણીની જાળવણીની ક્ષમતા, ડ્રેનેજ અને સુક્ષ્મ જીવાણુઓની વૃદ્ધિમાં સુધારો કરે છે. જેમ જેમ જમીનમાં સંગ્રહિત કાર્બન વધે છે તેમ તેમ લીચિંગ અને ધોવાણ દ્વારા પોષક તત્વોના નુકસાનનું જોખમ ઘટે છે. જ્યારે જમીનમાં કાર્બનનું પ્રમાણ વધે છે ત્યારે તે વાતાવરણમાં રહેલા કાર્બન ડાયોક્સાઇડનું પ્રમાણ ઘટાડે છે. જે છોડના વિકાસ માટે વધુ સારી આબોહવાની સ્થિતિ પૂરી પાડે છે. જમીનમાં સેન્દ્રીય કાર્બનમાં વધારો થવાથી વધુ સ્થિર કાર્બન ચક્રનું નિર્માણ થાય છે અને એકંદરે કૃષિ ઉત્પાદકતામાં વધારો થાય છે.
પ્રાકૃતિક કૃષિમાં સેન્દ્રીય કાર્બન વધારવાના ઉપાયોમાં જીવામૃત અને ઘન જીવામૃતનું યોગ્ય પ્રમાણમાં અને સમયસર ઉપયોગ કરવાથી સોઇલ સેન્દ્રીય કાર્બનમાં વધારો થાય છે, વધુ બાયોમાસ ધરાવતા પાકો ઉગાડવાથી પણ કાર્બનનો સંગ્રહ વધારવામાં મદદ મળે છે, જમીનમાં આચ્છાદનનો વધારે ઉપયોગ કરવાથી જમીનમાં સેન્દ્રીય કાર્બનમાં વધારો કરી શકાય છે. પાકની ફેરબદલી, સંકલિત ખેતી પદ્ધતિ, કૃષિ વનીકરણની પદ્ધતિઓ પણ સેન્દ્રીય કાર્બન વધારવામાં મદદરૂપ નિવડે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આગામી શાળા પ્રવેશોત્સવમાં ૧.૬૮ લાખ બાળકોને શાળા છોડતા અટકાવવા પ્રયાસ કરાશે
એ.આઈ. અંતર્ગત અર્લી વોર્નિંગ સિસ્ટમ હેઠળ ઓળખ કરાયેલા
ગાંધીનગર તા. ૨૫: ડિજિટલ ગુજરાતઃ પ્રાથમિક શાળાના વિદ્યાર્થીઓને શાળા શિક્ષણ છોડતા અટકાવવા અગમચેતીના પગલાં માટે ગુજરાતમાં એઆઈનો ઉપયોગ કરીને શાળાઓમાંથી સંભવિત ડ્રોપઆઉટ થનારા વિદ્યાર્થીઓની ઓળખ માટે શિક્ષણ વિભાગે અર્લી વોર્નિંગ સિસ્ટમ હેઠળ સંભવિત ડ્રોપઆઉટનું જોખમ ધરાવતા લગભગ ૧,૬૮,૦૦૦ વિદ્યાર્થીઓની ઓળખ કરવામાં આવી છે. જેમના પર વિશેષ ધ્યાન અપાશે અને શાળા પ્રવેશોત્સવ ૨૦૨૫ દરમિયાન ઓળખ કરાયેલ વિદ્યાર્થીઓ અને તેમના વાલીઓને આમંત્રિત કરવામાં આવશે તથા બાળકની પ્રગતિ માટે શાળાકીય શિક્ષણના મહત્ત્વની સમજણ આપવામાં આવશે.
ગુજરાતના મુખ્યમંત્રી તરીકે નરેન્દ્ર મોદીએ પ્રાથમિક શાળાઓમાં પ્રવેશપાત્ર એકપણ બાળક શિક્ષણનાં અધિકારથી વંચિત ન રહે તે હેતુસર વર્ષ ૨૦૦૨-૦૩થી શાળા પ્રવેશોત્સવ અને કન્યા કેળવણી રથયાત્રા કાર્યક્રમની શરૂઆત કરાવી હતી. આ કાર્યક્રમના પરિણામે આજે ગુજરાતની શાળાઓમાં પ્રાથમિક શિક્ષણ મેળવતા વિદ્યાર્થીઓના સ્કૂલ ડ્રોપઆઉટ રેશિયોમાં નોંધપાત્ર ઘટાડો જોવા મળ્યો છે. વર્ષ ૨૦૦૧-૦૨ જ્યાં ધો ૧ થી ૮માં વિદ્યાર્થીઓનો સ્કૂલ ડ્રોપઆઉટ રેશિયો ૩૭.૨૨ ટકા હતો, તે વર્ષ ૨૦૨૩-૨૪માં ઘટીને ૨.૪૨ ટકા થયો છે, તેમ છતાં પરંતુ, ગુજરાત સરકાર પ્રાથમિક, માધ્યમિક અને ઉચ્ચતર માધ્યમિક શિક્ષણના સ્તરે સ્કૂલ ડ્રોપઆઉટ રેશિયો લગભગ શૂન્ય ટકા કરવાનો લક્ષ્યાંક ધરાવે છે. આ લક્ષ્યાંક હાંસલ કરવા માટે, મુખ્યમંત્રી ભૂપેન્દ્ર પટેલના નેતૃત્વમાં ગુજરાત સરકારના શિક્ષણ વિભાગ દ્વારા વિદ્યાર્થીઓમાં સ્કૂલ ડ્રોપઆઉટને અટકાવવા માટે આર્ટિફિશિયલ ઇન્ટેલિજન્સ આધારિત અર્લી વોર્નિંગ સિસ્ટમ લાગૂ કરવામાં આવી છે.
આ સિસ્ટમ શાળા છોડીને જઇ શકે તેવા સંભવિત બાળકોની અગાઉથી જ ઓળખ કરી લે છે, જેથી તેઓને શાળા છોડતા અટકાવી શકાય અને તેઓ પોતાનું શિક્ષણ પૂર્ણ કરે તે સુનિશ્ચિત કરી શકાય. ગુજરાતની સરકારી પ્રાથમિક શાળાઓ (ધો. ૧ થી ૮)માં આજે લગભગ ૧ કરોડ જેટલા વિદ્યાર્થીઓ ભણી રહૃાા છે, અને આ વિદ્યાર્થીઓમાંથી ઈડબલ્યુએસ થકી અત્યારસુધીમાં લગભગ ૧,૬૮,૦૦૦ એટલે કે ૨%થી પણ ઓછા વિદ્યાર્થીઓની ઓળખ કરવામાં આવી છે, જેઓ સંભવિત ડ્રોપઆઉટનું જોખમ ધરાવે છે. રાજ્ય સરકાર સુનિશ્ચિત કરશે કે ઈડબલ્યુએસ દ્વારા ઓળખી કાઢવામાં આવેલ સંભવિત ડ્રોપઆઉટ થવાનું જોખમ ધરાવતા આ ૧,૬૮,૦૦૦ બાળકો તેમનું શાળાકીય શિક્ષણ ચાલુ રાખે. આ માટે આ બાળકો અને તેમના વાલીઓને શાળા પ્રવેશોત્સવ કાર્યક્રમમાં આમંત્રિત કરવામાં આવશે, અને બાળકના વિકાસ અને પ્રગતિ માટે શાળાકીય શિક્ષણ પૂર્ણ કરવું કેટલું મહત્વપૂર્ણ છે, તેની સમજ આપવામાં આવશે. આમ, સ્કૂલ ડ્રોપઆઉટ રેશિયો લગભગ શૂન્ય ટકા કરવાનો લક્ષ્યાંક હાંસલ કરવા રાજ્ય સરકાર સક્રિયપણે કાર્યરત છે.
અર્લી વોર્નિંગ સિસ્ટમ એટલે શું?
સંપૂર્ણપણે વૈજ્ઞાનિક અભિગમ ધરાવતી એઆઈ આધારિત અર્લી વોર્નિંગ સિસ્ટમ પ્રાથમિક શાળામાં (ધો- ૧ થી ૮) ભણતા પ્રત્યેક વિદ્યાર્થીના રેકોર્ડ (ઉંમર, જાતિ, વિકલાંગતા વગેરે), શાળા પ્રદર્શન, હાજરી અને મૂલ્યાંકન જેવા ડેટાનો ઉપયોગ કરીને વિદ્યાર્થીના સંભવિત ડ્રોપઆઉટ થવાની અગાઉથી આગાહી કરે છે અને તેને અટકાવવા માટેના પગલાં લેવા માટે એલર્ટ આપે છે.
આ સિસ્ટમમાં એલ્ગોરિધમ્સ દ્વારા ડેટાની પેટર્નની ઓળખ કરીને સંભવિત ડ્રોપઆઉટ લેનારા બાળકની ઓળખ કરવામાં આવે છે, જેથી ડ્રોપઆઉટનું જોખમ ધરાવતા વિદ્યાર્થીઓ પર વિશેષ ધ્યાન આપીને ડ્રોપઆઉટ થયા પહેલા જ સમયસર પગલાં લઇ શકાય. વિદ્યાર્થીઓના ડ્રોપઆઉટ માટેના મુખ્ય પરિબળોમાં શાળામાં તેમની સતત ગેરહાજરી, શાળા શિક્ષણમાં નબળું પ્રદર્શન, બાળકની તંદુરસ્તી અને શારીરિક વિકલાંગતા, બાળકની વર્તણૂંક વગેરેનો સમાવેશ થાય છે. આ ઉપરાંત, વિદ્યાર્થીઓની શાળા સંબંધિત માહિતી જેમકે, વિદ્યાર્થીની શાળાનો પ્રકાર (સરકારી, સહાયિત, ખાનગી વગેરે), મલ્ટિગ્રેડ વર્ગખંડો, શાળામાં ઇન્ફ્રાસ્ટ્રક્ચરની સુવિધાઓ, તેમજ વિદ્યાર્થીઓના પરિવાર અંગેની માહિતી જેમકે, પરિવારની આર્થિક સ્થિતિ, પરિવારનું સ્થળાંતર, ઘરમાં શિક્ષણ અંગેના વિચારો અને ધારણા, પરિવારમાં બાળકોની સંખ્યા, વસ્તી વિષયક માહિતી વગેરેનો પણ સંભવિત ડ્રોપઆઉટ બાળકની ઓળખ કરવા માટે ઉપયોગ કરવામાં આવે છે.
આમ, આ સિસ્ટમનો ઉદ્દેશ મુખ્ય સૂચકાંકોના આધારે શાળા છોડી દેવાનું જોખમ ધરાવતા બાળકોની ઓળખ કરવાનો છે. આવા બાળકોની ઓળખ થઈ ગયા પછી તેમની ચોક્કસ જરૂરિયાતોને પૂર્ણ કરવા માટે, નિવારક પ્રતિભાવ વ્યૂહરચનાઓ અને હસ્તક્ષેપોના માધ્યમથી તેમને શાળામાં ટકી રહેવા માટે સહયોગ પૂરો પાડવામાં આવશે.
સંભવિત ડ્રોપઆઉટનું જોખમ ધરાવતા વિદ્યાર્થીઓની થઈ ઓળખ
અત્યાર સુધીમાં ઈડબલ્યુએસ દ્વારા સંભવિત ડ્રોપઆઉટનું જોખમ ધરાવતા લગભગ ૧,૬૮,૦૦૦ બાળકોની ઓળખ કરવામાં આવી છે. રાજ્યની તમામ સરકારી અને અનુદાનિત શાળામાં અભ્યાસ કરતાં અને ડ્રોપઆઉટ થવાનું જોખમ ધરાવતા વિદ્યાર્થીઓની યાદી તમામ શાળાઓને ચાઇલ્ડ ટ્રેકિંગ સિસ્ટમ (સીટીએસ)ના લોગઇનમાં ઉપલબ્ધ કરાવવામાં આવી છે. આ યાદી મુજબના બાળકોને શાળા છોડતા અટકાવવા માટે શાળા પ્રવેશોત્સવ અને કન્યા કેળવણી મહોત્સવ-૨૦૨૫ દરમિયાન બ્લોક રિસોર્સ સેન્ટર (બીઆરસી) કો-ઓર્ડિનેટર, ક્લસ્ટર રિસોર્સ સેન્ટર (સીઆરસી) કો-ઓર્ડિનેટર અને શાળાના મુખ્ય શિક્ષક/આચાર્ય તેમજ શાળા વ્યવસ્થાપન સમિતિ (એસએમસી) મારફતે કાર્યવાહી હાથ ધરવામાં આવશે. આ ઉપરાંત, વિદ્યાર્થીઓનો સંભવિત ડ્રોપઆઉટ અટકાવવા માટે અગમચેતીના જરૂરી પગલાં લેવા માટે જિલ્લા કક્ષાએથી યોગ્ય આદેશ, સમીક્ષા અને મોનિટરીંગ હાથ ધરવામાં આવશે.
ઈડબલ્યુએસ દ્વારા ઓળખી કાઢવામાં આવેલ સંભવિત ડ્રોપઆઉટ થવાનું જોખમ ધરાવતા બાળકો અને તેમના વાલીઓને આગામી શાળા પ્રવેશોત્સવ કાર્યક્રમમાં આમંત્રિત કરવામાં આવશે.
બાળકના વિકાસ અને પ્રગતિ માટે શાળાકીય શિક્ષણ પૂર્ણ કરવું કેટલું મહત્વપૂર્ણ છે, તેની વાલીઓને સમજણ આપવામાં આવશે. આ ઉપરાંત, આ બાળકોના વાલીઓને કોઇ જ પ્રકારની નકારાત્મક કે શરમજનક લાગણીનો અનુભવ ન થાય તેની પણ સંપૂર્ણ તકેદારી રાખવામાં આવશે.
સંભવિત ડ્રોપઆઉટ થનારા વિદ્યાર્થીઓના ડ્રોપઆઉટ સંબંધિત પરિબળોની ઓળખ કર્યા પછી, તેમને શાળા છોડતા અટકાવવા માટે તેમના વાલીઓ સાથે ચર્ચા કરીને બાળકો શાળા શિક્ષણ પૂર્ણ કરે અને તેમનું શાળામાં સ્થાયીકરણ સુનિશ્ચિત થાય તે અંગે શાળા વ્યવસ્થાપન સમિતિની બેઠકમાં ચર્ચા કરવામાં આવશે. નવું શૈક્ષણિક વર્ષ શરૂ થાય ત્યારે ડ્રોપઆઉટ થવાની સંભાવના ધરાવતા બાળકો અચૂક શાળા પ્રવેશ મેળવે અને નિયમિતપણે શાળાએ આવે તે શાળા વ્યવસ્થાપન સમિતિ મારફત સુનિશ્ચિત કરવામાં આવશે.
આમ, અર્લી વોર્નિંગ સિસ્ટમ થકી સંભવિત ડ્રોપઆઉટ થનારા વિદ્યાર્થીઓની ઓળખ કર્યા પછી લોકજાગૃતિ, વાલીસંપર્ક અને સામુદાયિક સહયોગ થકી બાળકોને શાળા છોડતા અટકાવવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભગવાન શ્રી જગન્નાથજીની ભવ્ય રથયાત્રા
તારીખ ૩૦ જૂનના શહેરના વિવિધ માર્ગો પર પરિભ્રમણ કરશેઃ
જામનગર તા.૧૯: જામનગર શહેરમાં ઈસ્કોન દ્વારા ૩૦ જૂન, સોમવારે ભગવાન શ્રી જગન્નાથજીની ભવ્ય ૧૮મી રથયાત્રાનું આયોજન કરવામાં આવ્યું છે. આ પ્રસંગે જામનગર-રાજકોટ હાઈવે ધુંવાવ રોડ પહેલા ઈસ્કોન મંદિરમાં સવારે મંગળા આરતી, પ્રવચન, છપ્પન ભોગ વિગેરે ધાર્મિક કાર્યક્રમો થશે
જામનગરમાં ઈસ્કોન પરિવાર દ્વારા ભગવાન શ્રી જગન્નાથજીની સત્તરમી રથયાત્રાનું આયોજન કરવામાં આવ્યું છે. જેમાં જામનગર-રાજકોટ હાઈવે, ધુંવાવ રોડ, ઈસ્કોન મંદિરમાં તા. ૩૦-૦૬-૨૦૨૫ (સોમવાર)ના દિને સવારે ૪-૩૦ વાગ્યે મંગલા આરતીના દર્શન સાથે કાર્યક્રમનું મંગલાચરણ થશે. એ પછી સવારના સાડાસાત વાગ્યે શ્રૃંગાર દર્શન, આઠ વાગ્યે તથા અગિયાર વાગ્યે ધાર્મિક પ્રવચન, બપોરે સાડાબાર વાગ્યે વિશેષ આરતી-છપ્પનભોગ દર્શન થશે. સર્વે ભક્તોને રથયાત્રા તેમજ દર્શનનો લાભ લેવા અનુરોધ કરાયો છેેે.
ભગવાન જગન્નાથજી (જગન્નાથજી-શુભદ્રા-બલરામના વિગ્રહ) ની રથયાત્રાનો આરંભ હરે કૃષ્ણ હરે કૃષ્ણ કૃષ્ણ કૃષ્ણ હરે હરે, હરે રામ હરે રામ રામ રામ હરે હરે-જય જગન્નાથજીના નાદ સાથે બપોરે ૩:૩૦ વાગ્યે નગરના મહાનુભાવોની અને કૃષ્ણભક્તોની ઉપસ્થિતિમાં પહિંદ વિધિ પછી સુમેર ક્લબ પાસે, સાત રસ્તા પાસેથી પ્રારંભ થશે અને રથયાત્રા ત્યાંથી ઓશવાળ હોસ્પિટલ રોડ, ખંભાળીયા ગેઈટ, હવાઈ ચોક, સેન્ટ્રલ બેંક, ચાંદીબજાર, સજુબા હાઈસ્કૂલ, બેડીગેઈટ, કે.વી. રોડ, ત્રણ દરવાજા, સુભાષબ્રીજ, રાજપાર્ક, ગુલાબનગર, કાર શો-રૂમ રોડ થઈ ઈસ્કોન મંદિરમાં રથયાત્રાની પૂર્ણાહુતિ થશે.
રથયાત્રા દરમ્યાન વિવિધ મંડળો દ્વારા દરેક રૂટ પર સ્વાગત થશે તેમજ પ્રસાદ, ફ્રૂટ્સ, ઠંડા પાણી, સરબતનું વિતરણ થશે. અને દરેક રૂટ ઉપર બરોડા, વલ્લભ વિદ્યાનગર, ભરૂચ, સુરત, પોરબંદરથી પધારેલ કૃષ્ણ ભક્તો સંકીર્તન, હરે કૃષ્ણ ના મંત્રોનો નાદ કરી રમઝટ બોલાવશે.
રાત્રે ૭-૩૦ વાગ્યે પૂર્ણાહુતિ પછી રાત્રે ૮ વાગ્યે દરેક કૃષ્ણ ભક્તો માટે ઈસ્કોન મંદિર પાસેના મેદાનમાં પ્રસાદમ્ની વ્યવસ્થા રાખવામાં આવેલ છે.
વધુ વિગત માટે મુરલીધરદાસ (મો. ૯૪ર૮૯ ૦૧૮૯૬) તથા મો. ૯૮૬૦૯ ૬૧૭૦૭), મો. ૯૪૨૭૪ ૫૯૬૪૫ તેમજ (મો. ૯૪૨૬૯ ૧૮૭૫૫) એડવોકેટ દિલીપ ભોજાણીનો સંપર્ક કરવો.
ઈસ્કોનના શ્રી ચૈતન્ય મહાપ્રભુજી દ્વારા
શ્રીમદ્ ભગવદ્ ગીતા પર વિશેષ પ્રવચન
ઈસ્કોન-જામનગર કેન્દ્ર દ્વારા તારીખ ૨૯ જૂન, રવિવાર સાંજના ૭-૩૦ વાગ્યે કૃષ્ણપાર્ક સામે, જામનગર રાજકોટ હાઈવે, ધુંવાવ પહેલા, ઈસ્કોન મંદિરમાં ઈસ્કોનના વલ્લભ વિદ્યાનગરના શ્રી ચૈતન્ય મહાપ્રભુજી દાસ શ્રીમદ્ ભગવદ્ ગીતા તેમજ જગન્નાથજી પર ખાસ પ્રવચન આપશે. ત્યારપછી ભગવાન શ્રી જગન્નાથ લીલાનું નાટકનો કાર્યક્રમ રાખેલ છે. જેમાં કૃષ્ણ ભક્તોને પધારવા શ્રી મુરલીધર દાસ (મો. ૯૪ર૮૯ ૦૧૮૯૬) અનુરોધ કર્યો છે. પ્રવચન પછી રાત્રે ૯ વાગ્યે મહાપ્રસાદમ્ની કૃષ્ણ ભક્તો માટે વ્યવસ્થા રાખેલ છે. તેમ રમારમણદાસ પ્રભુ (મો. ૯૪૨૯૦ ૭૧૫૧૪)એ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જીએસટીના કાયદામાં ઈનપુટ ટેક્ષ ક્રેડિટ બની શિરદર્દઃ વેચનારના વાંકે ખરીદનાર દંડાય તો તે કયાંનો ન્યાય?
નિયમિત કરચોરી કરતા મોટાભાગના લોકો એફિડેવિટ આપીને છટકી જાય છે, જયારે પ્રામાણિક વેપારીઓને તેનો ભોગ બનવું પડે છે
માલ અને સેવાના આગલા સ્તરેથી મળતી ઈનપુટ ટેક્ષ ક્રેડિટ હવે જીએસટીના કાયદામાં રજીસ્ટર વેપારીઓ માટે શિરદર્દ બની ગયેલ છે. માલ વેચનારા વેપારીએ કોઈ કસૂર કર્યો હોય તેના પરિણામો જામનગર સહિત સમગ્ર દેશના વેપારીઓએ ભોગવેલ છે. અનેક કિસ્સામાં તો એવું પણ બન્યું છે કે માલ જે વેપારી પાસેથી ખરીદ કરાયેલ છે તે વેપારીએ જે વેપારી પાસેથી માલ ખરીદ કરેલ છે તેઓના કસૂર તેની નીચેની શ્રેણીમાં પડતાં અનેક વેપારીઓએ ભોગવેલ છે.
આજના સમયમાં વેવાઈના બાપાના બાપા શું કરતાં હતા તે બાબતની ચકાસણી થતી નથી તેવામાં મેં જે વેપારી પાસેથી માલ ખરીદ કર્યો તેઓએ જેની પાસેથી માલ ખરીદ કર્યો છે અને તે વેપારીએ ક્યા ક્યા વેપારીઓ પાસેથી માલ ખરીદ કર્યો છે તે ચકાસવું કેટલી મારા માટે કેટલી હદે પ્રેક્ટિકલ છે તેની ચર્ચામાં પડ્યા વગર આ બાબત કાયદો શું કહે છે તે બાબત ચર્ચા કરવાનો હેતુ છે.
કાયદો જો એક લીટીમાં વાંચીએ તો એ બાબત સ્પષ્ટ થશે કે માલ વેચનાર વેપારીનો કસૂર માલ ખરીદનાર માથે આવી જ જાય છે પરંતુ કાયદાના પાલન કરવાવાળા માત્ર માલ વેચનારનો જ કસૂર નહીં પરંતુ તેઓએ જેઓ પાસેથી માલ ખરીદ કર્યો છે તેઓના કસૂરને પણ ત્રીજા સ્ટેજના ખરીદનાર પર નાખે છે. આવું કરવા પાછળ તેઓનું કહેવું એવું છે કે કૂવા માં નથી એટલે હવેડામાં ન આવે અને હવેડામાં ન આવે તો પછી ઢોરને ક્યાથી મળે?? આમ જેમ કૂવાના કસૂરે ઢોર હેરાન થાય તેમ જ કોઈ એવા વેપારી કે જેઓને આપણે ઓળખાતા પણ નથી તેવાના કસૂરે આપણાં વેપારીઓ હેરાન થાય છે અને આવું જ્યારે બને છે ત્યારે ''અંધેર નગરી અને ગંડુ રાજા''ની વાર્તા યાદ આવે છે જેમાં ગાળાનો ફાસો મોટો બન્યો તો ફાસો જેને ફિટ બેસે તેને આરોપી બનાવ્યો હતો. આજે જે વેપારીઓ કરની ચોરી કરે છે તેઓ માથી બહુધા લોકો માત્ર એક એફિડેવિટ કરીને છટકી જાય છે અને જે લોકો કાયદેસરનો ધંધો કરે છે તેઓ પાસેથી પેલા વેપારીએ કરેલ ચોરીનો બદલો લેવામાં આવે છે. આ બાબતનું કારણ પૂછતા ખંતીલા અધિકારીઓએ કહે પણ છે કે સાહેબ રેવન્યુ લીકેજ છે તે બાબત તો સાચી પરંતુ જેની પાસેથી વસૂલ કરી શકાય તેની પાસે જ કરીએ કે એવા કોઈ પાસે જેની પાસે નથી ગળિયું કે નથી છાજલી??!!! આજે એક ન્યાયસંગત, બંધારણીય વ્યવસ્થામાં એવો દૃષ્ટિકોણ યોગ્ય ગણાય નહિ. આજે જ્યારે કાયદેસર ધંધો કરનારા વેપારીઓ સામે આઈટીસીના ફંડામેન્ટલ હક માટે લડવું પડે છે
મિત્રો, કાયદો એક લીટીમાં વાંચવા માટે નથી બનતો પરંતુ કાયદો હંમેશાં શબ્દોની આંટીઘુંટી વચ્ચે ઘટનાઓની સંદર્ભતા અને રાષ્ટ્રીય સામ્યતાના ખ્યાલને પરિપૂર્ણ કરવા હક્કદાર અદાલતોના અર્થઘટનોથી વિસ્તારતો જતો ખ્યાલ છે. આ ખ્યાલને માત્ર એક શબ્દ, એક લીટી કે એક કલમથી વંચાતો ગ્રંથ નથી તેની પરિપેક્ષતા બંધારણીય ખ્યાલ, કુદરતી ન્યાય, વાસ્તવિકતા, અનુકરણ કરવા જવાબદાર વ્યક્તિઓ, પાલન કરાવવા સમર્થ વહીવટીતંત્રના અનુભવ અને દૃષ્ટિકોણ જેવી એક બાબતો પર આધારિત બાબત છે.
આ દૃષ્ટિકોણને ભારતના સુપ્રીમ કોર્ટે અનેક ચુકાદાઓમાં સમજાવ્યો છે. જેમ કે, State of Madras v. V.G. Row (AIR 1952 SC 196) માં, સુપ્રિમ કોર્ટે કહૃાું કે કાયદાનું વિધાન એ કોઈ યાંત્રિક પઠનથી નક્કી થતું નથી, પણ તેના પાત્ર અને સંદર્ભ મુજબ બંધારણીય ન્યાયના ધોરણ પર વ્યાખ્યાયિત થવું જોઈએ.
આ ઉપરાંત, R.M.D. Chamarbaugwala v. Union of India (1957 SC 628) માં, કોર્ટએ કહૃાું હતું કે કાયદાની જોગવાઈઓનું અર્થઘટન એ તેના વ્યાપક વ્યાવસાયિક સંદર્ભોને ધ્યાનમાં રાખીને થવું જોઈએ. આ બાબત *વેપારની વાસ્તવિકતાની સમજણ વિના કાયદાની જોગવાઈઓનું અપલાયમેન્ટ વેપારીઓ માટે દંડરૂપ બને છે* તે તર્કને સમર્થન આપે છે.
ભારત દુનિયાની સૌથી મોટી લોકશાહી હોવાનું ગૌરવપ્રાપ્ત દેશ છે અને દેશનું સંચાલન દેશના લોકોએ ચૂંટેલ રાજનેતાઓ ભારતીય બંધારણના આધારે કરે છે અને ભારતના બંધારણમાં દરેક ''નાગરિકો માટે સમાન કાયદા''નો એક ખ્યાલ અને ભારતના બંધારણમાં અનુચ્છેદ ૧૪ દ્વારા દરેક નાગરિકોને સમાન ન્યાયનો હક્ક એનાયત કરવામાં આવેલ છે અને જે હિસાબે અદાલતોના હુકમોના પાલન કરવા સમગ્ર વહીવટીતંત્રની એક જવાબદારી હોય છે અને તેવું કરીને તેઓ કોઈ ઉપકાર નથી કરતાં પરંતુ અદાલતોના ચુકાદાઓ માનીને તેઓ નાગરિકોને તેઓના સમાન ન્યાયના હક્ક ભોગવવાનો મોકો આપે છે અને આથી આદાલતોના ચુકાદાઓ માનવા અને તેનું પાલન કરવું સમગ્ર વહીવટીતંત્રની ફરજ છે. અનુચ્છેદ ૧૪ના વ્યાખ્યાનોમાં, E.P. Royappa v. State of Tamil Nadu (AIR 1974 SC 555) કેસમાં, સુપ્રિમ કોર્ટે એવો અભિપ્રાય આપ્યો હતો કે સમતા એ સ્ટેટિક ખ્યાલ નથી એ જીવંત અને ગતિશીલ છે જે અહીં પ્રસ્તુત દલીલમાં સંપૂર્ણપણે લાગુ પડે છે.
ઉપરોક્ત પ્રસ્તાવના સાથે નીચે એવી ચર્ચાઓ મુકેલ છે જેના અભ્યાસથી જીએસટી કાયદાની અટપટી જોગવાઇઓનું કઈ રીતે પાલન થવું જોઈએ તે બાબતે આ સંદર્ભે અદાલતોના કેટલાક મહત્ત્વપૂર્ણ ચુકાદાઓનું અવલોકન કરવા યોગ્ય રહેશે.
અલહાબાદ હાઇકોર્ટ દ્વારા R.T. Infotech v. Additional Commissioner કેસમાં અદાલતે મહત્ત્વપૂર્ણ નિર્ણય આપ્યો છે કે ખરીદનાર ડીલર પાસે ઇન્વોઇસ, બેંકિંગ દસ્તાવેજો અને માલની હિલચાલના પુરાવા હોય તો માત્ર એના વેચનારના રિટર્ન ન ભરવા કે ટેક્સ ન ચુકવવા જેવા ડિફોલ્ટના આધારે આઈટીસી નકારી શકાય નહી. કોર્ટે સ્પષ્ટ કર્યું કે જો ખરીદનારની ભૂમિકા બોનાફાઇડ છે, તો વહીવટીતંત્રએ ખરીદનાર નહીં પરંતુ વેચનાર સામે પગલાં લેવાની ફરજ છે.
એ જ અનુસંધાનમાં મદ્રાસ હાઇકોર્ટના D.Y. Beathel Enterprises v. STO કેસમાં પણ અદાલતે એટલું સ્પષ્ટ કર્યું છે કે જ્યારે કોઈ વિવાદ ઊભો થાય ત્યારે માત્ર ખરીદનાર વિરૂદ્ધ નહીં પણ વેચનાર સામે પણ સમાનપણે કાર્યવાહી થવી જોઈએ. આ કેસમાં પણ આઈટીસી નકારવામાં આવ્યા બાદ વેચનાર સામે કોઈ કાર્યવાહી થઈ ન હતી, જેને અદાલતે ગેરવાજબી ગણાવી.
આપણે અહીં વધુ એક મહત્ત્વપૂર્ણ ચુકાદાની ચર્ચા કરીએ તો Ecom Gill Coffee Trading Pvt. Ltd. v. State of Karnataka કેસમાં સુપ્રિમ કોર્ટે કડક ધોરણ નક્કી કર્યું હતું. કોર્ટે કહૃાું કે, આઈટીસી મેળવવા ઇચ્છનાર વ્યક્તિએ ટ્રાન્ઝેક્શનના તમામ તટસ્થ પુરાવા આપવાનું ફરજિયાત છે જેમ કે વેચનારનું નામ અને સરનામું, ટ્રાન્સપોર્ટ વિગતો, acknowledgement, ટેક્સ ઇન્વોઇસ અને બેંકિંગ દસ્તાવેજો. પરંતુ જો તે બધી બાબતો પુરવાર થાય તો અધિકારીઓ આઈટીસી નકારી શકે નહીં.
અંતે, Shiv Trading v. State of UP કેસમાં અલહાબાદ હાઇકોર્ટ અને ત્યારબાદ સુપ્રિમ કોર્ટે પણ એ કહૃાું કે જ્યારે ખરીદનાર ટ્રાન્ઝેક્શનના મૂળભૂત તત્ત્વો સાબિત કરવામાં નિષ્ફળ જાય, ખાસ કરીને માલની હિલચાલ કે માલની ડિલિવરીનો કશું સ્પષ્ટ પુરાવો રજૂ ન થાય ત્યારે આઈટીસી નકારી શકાય છે. આથી, જ્ઞાતવ્ય છે કે ખરીદનારની બોનાફાઇડીટિ સાબિત થવી જરૂરી છે.
આ તમામ ન્યાયિક દૃષ્ટાંત આપણા માટે સ્પષ્ટ સંદેશ આપે છે કે બોનાફાઇડ ખરીદનાર જે પોતાની ફરજ નિષ્ઠાપૂર્વક બજાવે છે અને વ્યવસાયિક રીતે યોગ્ય દસ્તાવેજી વ્યવસ્થા રાખે છે તો માત્ર વેચનારના ડિફોલ્ટના કારણે તેના આઈટીસી પર છાંટો ન પડી શકે. જો આવા વેપારીઓના સામે આઈટીસી નકારી લેવાશે તો તે બંધારણીય ન્યાયના મૂળભૂત હક્કોનો ઉલ્લંઘન ગણાશે. હકીકતે દરેક તપાસ અધિકારીને અંતઃકરણથી ખબર હોય છે કે તેઓ જેની તપાસ કરે છે તે બાબતની હકીકત શું છે અને આમ કરીને તેઓ તપાસને એક રસ્તો આપે જ છે અને તેવી રીતે દરેક વેરા અધિકારીઓને વેરાની આકારણી કરતાં પહેલા ખબર હોય છે કે તેઓ સાચું કરી રહૃાા છે કે નિર્દોષને દંડી રહૃાા છે પરંતુ દેશના વિકાસમાં સિહફાળો આપનાર વેપારીઓ ચોર જ છે તેવી માનસિકતા ધરાવતા અમુક અધિકારીઓ પોતાની અંતઃ સ્ફૂરણાને અવગણે છે તો કેટલાક ઉપરથી આવેલ સૂચનાઓનું પાલન કરે છે તો બહુ થોડાક મોટી મોટી ડિમાન્ડ ઉપસ્થિત કરીને મોટી કરચોરીઓ બહાર પાડીને પ્રમોશન કરાવે છે. આ હકીકતો હોવાથી સાચા અને વડાપ્રધાન મોદીના સ્વપ્નમાં આવતા કર્મયોગી અને કર્મનિષ્ઠ અધિકારીઓ દબાતા રહે છે અને વેપારીઓ સાથે અન્યાય થતાં રહે છે.
સરકારે આવા મામલાઓમાં સ્પષ્ટતા કરવી જોઈએ કે કેવી રીતે ખરીદનાર પોતાની બોનાફાઇડતાની પુષ્ટિ આપી શકે અને એક વખત એ થઈ જાય તે બાદ કોઈ સાચા અધિકારીઓ વેપારીઓને તેઓના હક્ક મુજબની આઈટીસી આપવામાં વિલંબ કે વાંધો નહીં લે અને વેપારીઓમાં ડરનો નાશ થશે અને નિર્ભિક વેપારીઓ વેરાની આવકમાં પણ વધારો કરશે કારણ કે ન્યાય એ છે કે જો ખરીદદાર એ ખરેખર માલ ખરીદ્યો છે, માલ મળ્યો છે, ચૂકવણી બેંક દ્વારા થઈ છે, અને ટેક્સ ઇન્વોઇસ છે તો આઈટીસી મળવું એ તેનો હક છે, એ લાભ નહીં.
આલેખનઃ- એડવોકેટ અક્ષત વ્યાસ
સ્વાસ્થ્યપ્રદ આયુર્વેદિક પીણાં પીવાથી ઘટી શકે છે ચરબી
હાલમાં ગુજરાત સરકારે મેદસ્વિતા મુક્ત ગુજરાત અભિયાન શરૂ કર્યું છે જે અંતર્ગત આજે આપણે એવાં દેશી પીણાંઓ વિશે વાત કરીશું જે ચરબી ઓછી કરવા માટે ખૂબ જ ફાયદાકારક છે. દરેક વ્યક્તિ પેટની ચરબીને ઓછી કરવામાં માંગે છે, પણ આ હઠીલી ચરબી જલદીથી ઓછી થતી નથી પણ જો તમે તમારી જીવનશૈલી અથવા આહારમાં ઘણાં બધાં ફેરફારો કર્યા વિના ફેટ ઘટાડવા માંગતાં હો, તો તમારે અમુક દેશી અને આયુર્વેદિક પીણાં સવારે પીવા જોઈએ જે ચરબી ઘટાડી શકે છે.
ગ્રીન ટી
ગ્રીન ટી ચરબી ઓછી કરવા માટે જાણીતી છે. તેમાં ઉચ્ચ એન્ટીઑકિસડન્ટ હોય છે. ભોજન પછી અને સવારે તેનું સેવન કરવાથી ચરબી ઓછી કરવામાં તે મદદ કરે છે. તેનાં એન્ટીઑકિસડન્ટ ગુણધર્મો ચયાપચયમાં સુધારો કરે છે.
તજની ચા
તજની ચા એ શરીરની ચરબી ઓછી કરવાની એક સરસ રીત છે. સાંજે તજની ચા પીવાથી તે તમારાં ચયાપચયને વધારવામાં મદદ કરી શકે છે. તેનાં એન્ટીબેક્ટેરિયલ અને એન્ટી ઑકિસડન્ટ ગુણધર્મોને કારણે તે શરીરમાંથી ઝેરી તત્ત્વોને પણ દૂર કરે છે અને લીવરને સ્વસ્થ રાખે છે.
છાશ
જો તમે વજન ઘટાડવા માટે કેટલાક સ્વાદિષ્ટ અને સ્વસ્થ વિકલ્પોની શોધમાં છો, તો છાશ એ શ્રેષ્ઠ વિકલ્પ છે. છાશને એક શ્રેષ્ઠ પીણાં તરીકે માનવામાં આવે છે જે પેટની ચરબી ઘટાડે છે. છાશમાં પ્રોબાયોટિક્સ હોય છે, જે પાચનમાં સુધારો કરે છે. તે વિટામિન બી ૧૨, અને પોષક તત્ત્વોના શોષણમાં વધારો કરે છે.
જીરાનું પાણી
જીરામાં થાઇમોસિનોન નામનું એક તત્ત્વ હોય છે, જે વજન ઘટાડવામાં મદદરૂપ થાય છે. આ ઉપરાંત, જીરામાં એન્ટીઑકિસડન્ટ ગુણધર્મો છે જે પાચન અને ચયાપચયમાં વધારો કરે છે. શ્રેષ્ઠ બાબત એ છે કે તે બનાવવું પણ સરળ છે. તમારે એક ગ્લાસ પાણીમાં એક ચમચી જીરું અથવા જીરા પાઉડર ઉમેરી તેને હલાવીને પીવાનું હોય છે.
મધ અને લીંબુને
ગરમ પાણી સાથે લેવું
વજન ઘટાડવા માટે લીંબુની ચા પ્રખ્યાત છે. જ્યારે પેટની ચરબી ઘટાડવાની વાત આવે છે, ત્યારે લીંબુને ગરમ પાણી સાથે એક શ્રેષ્ઠ ઉપાય માનવામાં આવે છે. લીંબુ શરીરને સાફ કરે છે, જે ચયાપચયમાં વધારો કરે છે અને ચરબીને ઓગાળવામાં મદદરૂપ થાય છે. તેનો સ્વાદ વધારવા માટે, તમે તેમાં થોડું મધ ઉમેરી શકો છો. મધ વજન ઘટાડવામાં પણ મદદરૂપ માનવામાં આવે છે. એક કપ ગરમ પાણીમાં અડધો ચમચી મધ અને એક ચમચી લીંબુનો રસ મિક્સ કરો અને તેને સવારે ખાલી પેટે પર પીવાથી વજન નિયંત્રિત રહે છે.
આમ કસરતની સાથેસાથે અમુક દેશી અને આયુર્વેદિક પીણાં થકી તમે પેટની ચરબી ઓછી કરી શકો છો અને સાથે સાથે લીવર અને લોહીમાંથી ઝેરીલા તત્ત્વોને પણ દુર કરી શકો છો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મોક્ષ એટલે શું?
'મોક્ષ' પ્રાપ્તિની અભિલાષા પ્રત્યેક જીવોને અને મનુષ્યને હોય છે અને તેના માટે દરેક પોતાની સમાજ મુજબ દાન, પુણ્ય, પૂજા, વગેરે આદિ કર્યા કરે છે. પરંતુ અધિકાંશ લોકો એ નથી જાણતા કે મોક્ષ એટલે શું? સામાન્ય પણે લોકોની એવી સમાજ છે કે મોક્ષ એટલે જીવન અને મરણના ચક્રમાંથી છૂટી જવું અથવા તો આત્માનું પરમાત્મામાં વિલીન થવું.
કર્મના સિદ્ધાંતો મુજબ જોઈએ તો, આપણે બધા માતૃઋણ અને પિતૃઋણથી બંધાયેલા છીએ અને આ ઋણ ઉતારવા માટે ફરીથી જન્મ લેવો પડશે. અને ફરીથી જન્મ લેતા ફરીથી આપણે માતૃઋણ અને પિતૃઋણથી બંધાઈ જઈશું આમ કર્મનું બંધન જન્મોજન્મ ચાલતું જ રહે છે ભગવાન શ્રી વિષ્ણુને પણ કર્મનો ભાર ઉતારવા માટે અવતરવું પડે છે તો સામાન્ય જીવોની શું વિષાત છે.
હકીકતમાં મોક્ષ બાબતે અનેકો ભ્રમ પ્રવર્તે છે. એક માન્યતા મુજબ એકાદશીની તિથિ પર મૃત્યુ થાય તો મૃતકને મોક્ષ મળે છે. કાશીમાં અગ્નિદાહ દેવાથી મૃતકને મોક્ષ મળે છે વગેરે પરંતુ જો આ જ આ હકીકત હોય તો. એકાદશી ના લોકો આત્મહત્યા કરવા લાગે અને સૌ કાશીમાં જ અગ્નિદાહ માટે આગ્રહ રાખે અને તેનાથી પણ વધુમાં જોઈએ તો આ આ પૃથ્વી પર મનુષ્યોને સંખ્યા વધતી જાય છે જો લોકોને મોક્ષ મળતો હોય તો આ સંખ્યા વધવાને બદલે ઘટતી જવી જોઈએ પરંતુ આમ થતું નથી એનો સીધો અર્થ એ છે કે જન્મ મરણના ચક્રમાંથી છૂટી શકાતું નથી તો શું મોક્ષ પણ નથી? ના એવું પણ નથી.
હકીકતમાં દરેક જીવોને ભગવાન તરફથી ચાર પ્રકાર ના દુઃખો મળેલા છે જેનું શ્લોક માં પણ વર્ણન મળે છે
ઁ મૃત્યુંજય મહાદેવ, ત્રાહિમામ શરણાંગતમ
જન્મ, મૃત્યુ, જરા, વ્યાધિ પીડિતં કર્મ બંધનઃ
અર્થાત, જન્મ, મૃત્યુ, જરા અને વ્યાધી આ તમામ દુખો થી છુટકારો મળે તેને જ મોક્ષ કહેવાય છે. આપણો જન્મ સામાન્ય રીતે થાય અને મૃત્યુ પણ કોઈપણ જાતની અભિલાષા અને વેદના રહીત થાય તથા આપણું જીવન કોઈપણ જાતની ઉપાધિ કે સંઘર્ષ વગર આરામદાયક રીતે ઈશ્વર ના સાંનિધ્ય માં પસાર થાય તેને જ મોક્ષ કહેવાય છે.
ઉદારણ રૂપે પક્ષીઓ પોતાના ઈંડાનું સેવન કરી બચ્ચાને જન્મ આપે છે આથી પક્ષીઓને પ્રસૂતિની વેદના સહન કરવી પડતી નથી બાકી પક્ષીએ મનુષ્યની માફક માળો પણ બાંધે છે અને પરિવાર પણ રચે છે આમ તેને જન્મ ના દુઃખમાંથી મુકિત મળી છે અને આને જ મોક્ષ કહેવાય છે કર્મ સારા હોય તો પક્ષીની યોનિમાં જન્મ મળે છે તેવું ડોંગરેજી મહારાજ રચિત ભગવદ ગીતામાં કહેલું છે. આમ કર્મ અનુસાર ઉપરોક્ત દૂઃખોમાંથી કમ અનુસાર છુટકારો મળે તેનેજ મોક્ષ કહેવાય છે.
આલેખનઃ યજ્ઞેશ દવે
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પ્લાસ્ટિક બેગ્સના અન્ય ઈકો ફ્રેન્ડલી વિકલ્પો અપનાવીએ :પ્લાસ્ટિકના પ્રદૂષણને હરાવીએ
પ્લાસ્ટિક બેગ્સ સ્વાસ્થ્ય-પર્યાવરણ માટે ગંભીરઃ
૫ જૂન, વિશ્વ પર્યાવરણ દિવસ, પર્યાવરણ સંરક્ષણ પ્રત્યે જાગૃતિ લાવવાનો અને કાર્યવાહી કરવા પ્રેરવાનો એક મહત્ત્વપૂર્ણ દિવસ છે. આ વર્ષે 'વિશ્વ પર્યાવરણ દિવસ ૨૦૨૫' ની થીમ 'પ્લાસ્ટિક પ્રદૂષણને હરાવીએ છે.
આ થીમ અંતર્ગત, પ્લાસ્ટિકના ઉપયોગથી પર્યાવરણને થતા નુકસાન વિશે લોકોને માહિતગાર કરવા અને હાનિકારક પ્લાસ્ટિકનો વપરાશ ઘટાડવા માટેના પ્રયાસો કરવામાં આવશે. કેન્દ્ર અને રાજ્ય સરકાર દ્વારા પર્યાવરણ પખવાડિયાની ઉજવણી પણ કરવામાં આવી રહી છે, જે આ પ્રયાસોને વધુ વેગ આપશે.
રોજિંદા જીવનમાં પ્લાસ્ટિક પ્રદૂષણના સૌથી મોટા વાહકોમાંની એક છે પ્લાસ્ટિક બેગ્સ. આ થેલીઓ આપણા સ્વાસ્થ્ય અને પર્યાવરણ માટે ગંભીર જોખમ ઊભું કરે છે. ત્યારે સ્વાભાવિક રીતે પ્રશ્ન થાય કે પ્લાસ્ટિક બેગ્સનો ઉપયોગ ન કરવો હોય તો તેના બદલે શું વાપરી શકાય? ચાલો આજે આપણે સિંગલ યુઝ પ્લાસ્ટિક બેગ (પોલી ઇથીલીન અથવા પોલીથીન બેગ્સ) ના એવા વિકલ્પો વિશે જાણીએ જે પર્યાવરણ માટે ફાયદાકારક હોવા ઉપરાંત પ્લાસ્ટિક બેગ જેટલા જ ઉપયોગી છે.
રિ-યુઝેબલ કોટન બેગ્સઃ સંપૂર્ણપણે બાયોડિગ્રેડેબલ અને પુનઃવપરાશ કરી શકાય તેવી. કુદરતી અને નવીનીકરણીય સ્ત્રોતોમાંથી બનેલી, પર્યાવરણ માટે અત્યંત લાભદાયી. ગ્રોસરી, શાકભાજી અને ઘરગથ્થુ વસ્તુઓ માટે ઉત્તમ, સ્લીવ સાથેની બેગ્સ બોટલ કે બરણીના સંગ્રહ માટે પણ અનુકૂળ.
પેપર બેગઃ સંપૂર્ણપણે બાયોડિગ્રેડેબલ, રિયુઝેબલ અને રિસાયકલેબલ વિકલ્પ. ખાતર તરીકે પણ ઉપયોગ કરી શકાય છે. સૌથી સસ્તો અને ઇકો-ફ્રેન્ડલી વિકલ્પ, સ્ટોરેજ માટે સરળ. વિવિધ રંગો અને ડિઝાઇનમાં સરળતાથી ઉપલબ્ધ, ગ્રોસરી, લંચ અને મર્ચંડાઈઝ બેગ્સ માટે શ્રેષ્ઠ.
શણ/જ્યુટ/હેમ્પ બેગ્સઃ સંપૂર્ણપણે બાયોડિગ્રેડેબલ અને નેગેટિવ કાર્બન એમિશન ધરાવતી. કિંમતમાં સસ્તી, સરળતાથી ઉપલબ્ધ, અને ટકાઉ. સરળતાથી ડિઝાઇન કરી શકાય તેવી, દરેક ક્ષેત્ર માટે અનુકૂળ અને પોલીપ્રોપિલિન કરતાં વધુ મજબૂત.
કમ્પોસ્ટેબલ બેગ્સઃ શેરડી, પોટેટો સ્ટાર્ચ, બાયોલોજિકલી સોર્સ્ડ પોલીમર જેવા કુદરતી અને નવીનીકરણીય પદાર્થોમાંથી બનેલી. કુદરતી ખાતર તરીકે વિઘટિત થઈ શકે છે, જે જમીન માટે લાભદાયી છે. લેન્ડફિલ કચરો ઘટાડવામાં મદદરરૂપ
મસ્લીન ક્લોથ બેગઃ કોસ્ટ-ઇફેક્ટિવ, સસ્ટેનેબલ અને રિયુઝેબલ. ગ્રોસરી, શાકભાજી અને ઘરગથ્થુ વપરાશ માટે ઉપયોગી. સરળતાથી ધોઈ શકાય તેવી. લીનન બેગઃ ખાસ કરીને બેકરી આઇટમો માટે ઉપયોગી.
અન્ય ટકાઉ વિકલ્પોઃ સિલિકોન બેગ્સ (ખાદ્ય પદાર્થો અને કપડાં માટે), રિયુઝેબલ, સલામત અને ટકાઉ. પર્યાવરણ-મિત્ર, લિક-પ્રૂફ, અને સાફ કરવામાં સરળ. હીટ રેઝિસ્ટન્ટ, ફ્રીઝર સેફ, હળવા, કોમ્પેક્ટ અને બહુમુખી. રસોડાના વપરાશ માટે અત્યંત યોગ્ય.
પોલી પ્રોપિલિન બેગ્સઃ કિંમતમાં સસ્તા અને ટકાઉ. રિયુઝેબલ બેગ્સ તરીકે પણ વાપરી શકાય. સામાન્ય પ્લાસ્ટિક્સમાં સૌથી ઓછો કાર્બન ઉત્સર્જન દર ધરાવે છે. પોલીથીન બેગની સરખામણીએ ટૂંકો વિઘટન સમય. સંપૂર્ણપણે રિસાયકલેબલ અને રિસાઇક્લિંગ પ્રક્રિયા દરમિયાન પર્યાવરણમાં હાનિકારક રસાયણો ઉત્સર્જિત કરતા નથી.
સિન્થેટિક પ્લાસ્ટિક બેગ્સ
નાયલોન બેગઃ ક્રૂડ ઓઇલમાંથી બનેલી, રિયુઝેબલ, ટકાઉ, મજબૂત, હળવી અને વોટર રેઝિસ્ટન્ટ. પોલીથીન બેગ કરતાં ઓછું પ્રદૂષણ ફેલાવે છે અને લાંબા ગાળે સારો વિકલ્પ બની શકે છે.
પોલિએસ્ટર બેગ્સઃ પેટ્રોલિયમમાંથી બનેલી, પોર્ટેબલ શોપિંગ બેગ માટે ઉત્તમ વિકલ્પ. વજનમાં હળવી, પાતળી અને ટકાઉ. બનાવટ દરમિયાન સૌથી ઓછું પ્રદૂષણ ફેલાવતું પ્લાસ્ટિક.
શા માટે પ્લાસ્ટિક બેગ્સના
આ વિકલ્પો ફાયદાકારક છે?
પર્યાવરણ સુરક્ષાઃ જમીન અને પાણીનું પ્રદૂષણ ઘટાડે છે. ઓછું કાર્બન ઉત્સર્જનઃ પર્યાવરણ પર સકારાત્મક અસર કરે છે. વન્યજીવોને થતું નુકસાન અટકાવે છે. આર્થિક ફાયદાઃ લાંબા ગાળે કિંમતમાં સસ્તાં સાબિત થાય છે. પર્યાવરણીય દ્દષ્ટિએ વધુ ટકાઉ વિકલ્પો છે.
આ વિશ્વ પર્યાવરણ દિવસે આપણે સૌ પ્લાસ્ટિકના ઉપયોગને ઘટાડવાનો અને આ પર્યાવરણ-મિત્ર વિકલ્પો અપનાવવાનો સંકલ્પ લઈએ. ચાલો સાથે મળીને 'પ્લાસ્ટિક પ્રદૂષણને હરાવીએ' !
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
બે મહિનાની બાળકીના ત્રાંસા પગનું જી. જી. હોસ્પિટલમાં સફળ ઓપરેશન
રાષ્ટ્રીય બાળ સ્વાસ્થ્ય કાર્યક્રમે ખુશીને આપી 'ખુશી'
જામનગર તા. ૪: જામનગર જિલ્લાના જોડિયા તાલુકાના બાલંભા ગામમાં ખેતીકામ કરતા પ્રવીણભાઈ જાદવના ઘરે ૨૪ જૂન, ૨૦૨૪ના દીકરી ખુશીનો જન્મ થયો હતો. જન્મ સમયે તેનું વજન ૨.૮ કિલોગ્રામ હતું. બાળકીને જન્મથી જ જમણા પગમાં ક્લબ ફૂટ એટલે કે જન્મજાત પગની ખોડખાંપણ હતી. ધ્રોલની રાષ્ટ્રીય બાળ સ્વાસ્થય કાર્યક્રમની ટીમ દ્વારા બાળકની પ્રાથમિક મુલાકાત લેવામાં આવી હતી. ત્યારબાદ જિલ્લા વિકાસ અધિકારી વિકલ્પ ભારદ્યાજ, મુખ્ય જિલ્લા આરોગ્ય અધિકારી અને જોડિયાના તાલુકા હેલ્થ ઓફિસર ડો.સંજય સોમૈયાના માર્ગદર્શન હેઠળ આરબીએસકે ટીમના ડો.સેજલ કરકર અને તેમની ટીમે બાળકીની ગૃહ મુલાકાત લીધી.પરિવાર ખુબ જ ચિંતિત હતો, પરંતુ ડોક્ટરોએ તેમને સમજાવ્યું કે આ જન્મજાત ખામીની સારવાર શક્ય છે અને ગભરાવાની જરૂર નથી. તેમણે ખાતરી આપી કે બાળક અન્ય બાળકોની જેમ ચાલી શકશે.
વિનામૂલ્યે સારવાર મળતા ખુશીને મળ્યું ઉજ્જવળ ભવિષ્ય
રાષ્ટ્રીય બાળ સ્વાસ્થ્ય કાર્યક્રમની ટીમ દ્વારા સંદર્ભ કાર્ડ ભરીને જામનગરની જી.જી. હોસ્પિટલ બાળકીને રિફર કરવામાં આવી. ડોક્ટરો દ્વારા સારવાર વિશે સમજાવવામાં આવ્યું, સારવાર અંતર્ગત બે મહિના સુધી દર અઠવાડિયે પ્લાસ્ટર કરવામાં આવ્યું. આ સારવાર ૦૯ જુલાઈ, ૨૦૨૪ થી ૨૬ ઓગસ્ટ, ૨૦૨૪ સુધી ચાલી. ત્યારબાદ નિષ્ણાત ડોકટરો દ્વારા ખૂબ જ કુનેહથી ટીનોટોમી (પગની સર્જરી) કરવામાં આવી. બે દિવસ દાખલ રાખીને બાળકીને રજા આપવામાં આવી અને પગના શુઝ આપવામાં આવ્યા, તેમજ સમયાંતરે ફોલોઅપ અને તપાસ કરવામાં આવી.
ઓપરેશન બાદ આરબીએસકે ટીમ, જેમાં ડો.સેજલ કરકર, ડો. દેવજી નકુમ, એફ.એચ.ડબલ્યુ બંસી ડાંગર, એમ.પી.ડબલ્યુ આનંદભાઈ અને ગામના આશા વર્કર દિવ્યાબેનનો સમાવેશ થાય છે, કે જેઓએ વારંવાર બાળકીની મુલાકાત લીધી અને તેના માતા-પિતાએ જણાવ્યું કે બાળકને ખૂબ સારું છે અને ઓપરેશન તથા સારવાર બાદ બાળકના પગમાં નોંધપાત્ર સુધારો જોવા મળ્યો છે. ખાનગી હોસ્પિટલમાં ટીનોટોમી ઓપરેશનનો અંદાજિત ખર્ચ ૨૫,૦૦૦ રૂપિયા, એક પ્લાસ્ટરનો ખર્ચ ૨ થી ૩ હજાર રૂપિયા અને પગના શુઝનો ખર્ચ ૪ થી ૫ હજાર રૂપિયા જેટલો થતો હોય છે. જો કે, જી.જી.હોસ્પિટલ રાષ્ટ્રીય બાળ સ્વાસ્થ્ય કાર્યક્રમના સંદર્ભ કાર્ડ હેઠળ સમગ્ર ઓપરેશન અને સારવાર વિનામૂલ્યે કરવામાં આવી.આ પહેલથી ખુશીને સામાન્ય જીવન જીવવાની તક મળી છે, જે તેના પરિવાર માટે અનમોલ ભેટ સમાન છે.
ખુશીના સફળ ઓપરેશન થકી આરબીએસકે કાર્યક્રમની સફળતા એ દર્શાવે છે કે સરકારની આરોગ્ય યોજનાઓ ખરેખર જરૂરિયાતમંદ પરિવારો માટે કેટલી લાભદાયી છે. આ માત્ર એક બાળકીના જીવનમાં આવેલો સુધારો નથી, પરંતુ આવા અનેક બાળકો માટે આશાનું કિરણ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
બ્લેક આઉટ અને બાહ્ય કટોકટી
દ્વારકાના મંદિરનો ચમત્કારિક બચાવ
યુદ્ધ જાહેર થાય એટલે બાહ્ય કટોકટી લાગુ પડે, યુદ્ધના સમયના ઘણાં નિયંત્રણો પણ આવે. રાત્રિના સમયે બ્લેક આઉટ (અંધારપટ) રાખવો પડે. યુદ્ધના કારણે આયાત-નિકાસ પ્રભાવિત થાય, તેથી મોંઘવારી વધે. પરિવહન પ્રભાવિત થાય. બન્ને તરફ તબાહી અને નુક્સાન થાય. પાકિસ્તાને દ્વારકાના મંદિર પર બોમ્બવર્ષા કરી હતી અને ૧પ૬ બોમ્બ ફેંક્યા હતાં. ચામત્કારિક બચાવ થયો હતો, તેની સ્મૃતિમાં દર વર્ષે દ્વારકાના જગતમંદિર પર હજુ પણ ધ્વજારોહણ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વર્તમાન શિક્ષણ પ્રણાલી...
એક સમયે આપણાં ભૂતપૂર્વ રાષ્ટ્રપતિ ડો. અબ્દુલજી કલામે કહેલું કે, જો સમાજમાં કોઈ પરિવર્તન લાવી શકે તો તે શિક્ષક છે. અને રાજશાસ્ત્ર તથા ફૂટનીતિના વિદ્વાન શ્રી ચાણક્યએ પણ કહૃાું હતું કે *શિક્ષક કભી સાધારણ નહીં હોતા પ્રલય ઓર નિર્માણ દોનો ઉસકી ગોદ મે પલતે હૈ અર્થાત ભવિષ્યનું નિર્માણ જ શિક્ષક થકી થાય છે અને આ જ શિક્ષક અને શિક્ષણની ગરિમા દર્શાવે છે. ચાણક્યનું આ વાક્ય પોતાની અંદર જ ઘણું બધું કહી જાય .
આજે એક સૈનિક દેશહિત માટે પોતાની જાન પણ આપી દે છે કેટલાક વેપારી પોતાના નજીવા ફાયદા માટે દેશની સંપત્તિ લૂંટવામાં પણ વિચાર નથી કરતા. વિચારોની આ ભિન્નતા શિક્ષણને જ આભારી છે. સૈનિકને દેશ સર્વોપરી છે તેવું શિક્ષણ મળ્યું છે, જ્યારે તેનાથી વિપરીત કેટલાક વેપારીને ધન જ સર્વોપરી છે તેવું શિક્ષણ મળ્યું છે.
આજનું આપણું શિક્ષણ વ્યવસાયલક્ષી બની ગયું છે કે જે વાસ્તવમાં સમાજલક્ષી હોવું જોઈએ. આજે આપણે શિક્ષણ દ્વારા લોકોને ડોક્ટર્સ, ઇજનેર, ચાર્ટર્ડ અકાઉન્ટન્ટ વગેરે બનાવી શકીએ છીએ. પરંતુ એક સમાજ સેવક બનાવી શકતા નથી. આજના નવયુવકના માનસપટ પર માત્ર એ જ હોય છે કે શિક્ષણ મેળવ્યા બાદ હું સમાજ માંથી કેટલું કમાઈ શકીશ એવો વિચાર નથી આવતો કે શિક્ષણ મેળવ્યા પછી હું સમાજને શું આપી શકીશ? આ આપણું આજના શિક્ષણની સૌથી મોટી વિડંબણા છે.
મોંઘા બનેલા શિક્ષણને લીધે યુવાનોમાં સમાજસેવાની ભાવના રહેતી નથી અને તેઓ આપસેવાનું વલણ ધરાવતા થયા છે. આવનારા નજીકના ભવિષ્યમાં આ પ્રકારની શિક્ષણ પ્રણાલી એક જટિલ કોયડો બની રહેશે.
આપણે ભગવાન શ્રીકૃષ્ણ અને સુદામાની મિત્રતાના ઉદારણ આપીએ છીએ પરંતુ તેઓની મિત્રતાની શરૂઆત જ સાંદીપની ઋષિના આશ્રમમાંથી થઈ હતી આપણી ગુરુકૂલ અને આશ્રમની પ્રથા જ એવી હતી કે, રાજા હોય કે રંક, સૌને એક સમાન શિક્ષણ અપાતું હતું અને બધા સાથે મળીને શિક્ષણ મેળવતા અને સાથેજ રહેતા હતા.
આમ, તેઓના મનમાં વ્યકિત પ્રત્યે અને સમાજ પ્રત્યેના ઉમદા ભાવો વિકાસ પામતા હતા, જ્યારે આજના કહેવાતા આધુનિક યુગમાં દરેક દરેક વિદ્યાર્થી માત્ર ચાર પાંચ કલાકો જ સ્કૂલમાં સાથે હોય છે તે પછી બધાની દુનિયા અલગ થઈ જાય છે. કોઈ માતા-પિતા સાથે સમય વિતાવે છે, તો કોઈ મિત્રો સાથે રમત રમી સમય પસાર કરે છે તો કોઈ મોબાઈલ દ્વારા સમય પસાર કરે છે આમ તેઓમાં સમાજ પ્રત્યેની જવાબદારી સમજવાના ગુણોનો અભાવ રહે છે.
જ્યારે આપણે સમાજલક્ષી શિક્ષણ આપી શકીશું ત્યારેજ એક વિધાર્થી ભલે તે આઈ.એ.એસ. ઓફિસર બન્યો હોય તો પણ પોતાના સ્કૂલના મિત્રને મળવા માટે ભગવાન શ્રીકૃષ્ણની માફક દોડી આવશે અને ત્યારેજ સમાજમાં સમાજસેવકો ખરા અર્થમાં દેશનો સર્વાંગી વિકાસ કરી શકશે.
આલેખનઃ યજ્ઞેશ દવે
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
યુવાનોને વ્યવસાયલક્ષી તાલીમ આપીને ઉદ્યોગોમાં રોજગારીની વિપુલ તકો પૂરી પાડતી રાજ્ય સરકારની ઔદ્યોગિક તાલીમ સંસ્થાઓ
બ્લુ કોલર જોબ્સ ઈચ્છતા ધો. ૧૦-૧૨ના વિદ્યાર્થીઓને આગળની કારકિર્દી માટે આઈટીઆઈના કોર્સ એક સારો વિકલ્પ
વર્તમાન સમયમાં રાજય તથા રાષ્ટ્રમાં વિવિધ ક્ષેત્રોના ઔદ્યોગિકરણનો વ્યાપ વધી રહૃાો છે. આંતરરાષ્ટ્રીય કંપનીઓ પણ દેશમાં ઉદ્યોગો સ્થાપી રહી છે, નવા નવા ક્ષેત્રો ઉભરી રહૃાા છે. આથી, વ્યવસાયલક્ષી શિક્ષણ મેળવી વ્યવસાયિક કૌશલ્ય પ્રાપ્ત કરનાર ઉમેદવાર માટે રોજગારી / સ્વરોજગારી મેળવવાની ઉજળી તકો રહેલી છે. રાજય સરકારના શ્રમ,કૌશલ્ય વિકાસ અને રોજગાર વિભાગના નેજા હેઠળ રોજગાર અને તાલીમ ખાતાના નિયંત્રણ હેઠળ રાજયના તમામ તાલુકાઓમાં કાર્યરત સરકારી/ગ્રાન્ટ-ઈન-એઈડ/સ્વનિર્ભર ઔદ્યોગિક તાલીમ સંસ્થાઓમાં વ્યવસાયલક્ષી તાલીમ ઉપલબ્ધ કરાવવા માટે વિસ્તૃત અને વ્યાપક તાલીમ માટેની સુવિધાઓ ઉપલબ્ધ કરાવવામાં આવી છે.
આઇ.ટી.આઈ. એટલે ઈન્ડસ્ટ્રિયલ ટ્રેનિંગ ઇન્સ્ટિટ્યુટ અથવા ઔદ્યોગિક તાલીમ સંસ્થા. આ સંસ્થાએ ધોરણ ૧૦ કે ૧૨ સુધી ભણેલા વિદ્યાર્થીઓ માટે રોજગારની અનેક તકો પ્રાપ્ત કરાવતી સંસ્થા તરીકે રાજ્યના લોકોમાં ઓળખ મેળવી છે. ઈન્ડસ્ટ્રિયલ ટ્રેનિંગ ઇન્સ્ટિટ્યુટમાં ઔદ્યોગિક એકમોમાં કામ આવતા વિવિધ કૌશલ્ય માટે વ્યવસાયલક્ષી તાલીમ આપવામાં આવે છે. આઈ.ટી.આઈ.ની ખાસિયત એ છે કે તેમાં ધો.૧૦,૧૨ કે તેથી ઓછું ભણેલા યુવાનો પણ જરૂરી કૌશલ્ય પ્રાપ્ત કરી રોજગાર મેળવી શકે છે. વધુમાં માત્ર થિયરીટીકલ કોર્સની જગ્યાએ આઈ.ટી.આઈ.માં ઉદ્યોગોની હાલની જરૂરિયાત અનુસારની પ્રેક્ટિકલ સ્કિલ પર ભાર આપવામાં આવે છે. વિવિધ ટ્રેડમાં આવી તાલીમ પામેલ યુવાનોની નાના- મોટા ઔદ્યોગિક એકમોમાં મોટા પ્રમાણમાં કાયમી જરૂર હોય છે, આથી આઈ.ટી.આઈ. યુવાનોને ખુબ ઓછી ફીમાં તાલિમબદ્ધ કરીને સ્થાનિક ઉદ્યોગોમાં રોજગારી અને કારકિર્દી ઘડતર માટેના દ્વાર ખોલી આપે છે.
આઈ.ટી.આઈ.માં બે પ્રકારના તાલીમ તાલીમ સર્ટિફિકેટ કોર્સ ઉપલબ્ધ છે. ભારત સરકારની એન.સી.વી.ટી એટલે નેશનલ કાઉન્સિલ ઓફ વોકેશનલ ટ્રેનિંગના કોર્સ સમગ્ર દેશમાં માન્યતા પ્રાપ્ત હોય છે અને કોર્સ અંગ્રેજીમાં હોય છે. જી.સી.વી.ટી એટલે અને ગુજરાત સરકારની ગુજરાત કાઉન્સિલ ઓફ વોકેશનલ ટ્રેનિંગના કોર્સ પણ એન.સી.વી.ટી. જેટલી જ યોગ્યતા ધરાવે છે પરંતુ ગુજરાત રાજ્યમાં આવા કોર્સિસના માધ્યમથી રોજગાર સ્વરોજગાર પ્રાપ્ત કરવામાં સરળતા રહે છે.
ગુજરાત રાજ્ય ઔદ્યોગિક ક્ષેત્રે સતત પ્રગતિ કરી રહૃાું છે. તેને ધ્યાનમાં લેતાં આઈ.ટી.આઈ.ના ટ્રેડ જેવા કે ફીટર, ટર્નર, વેલ્ડર, મશીનિસ્ટ, ડીઝલ મિકેનિક, ઇલેક્ટ્રિશિયન, વાયરમેન,આર.એફ.એમ તેમજ અન્ય કેટલાક ટ્રેડ જેવા કે ઇન્સ્ટ્રુમેન્ટ મિકેનિક, કોમ્પ્યુટર પ્રોગામિંગ, સ્ટેનોગ્રાફીની લાયકાતવાળા અનેક કોર્સિસ રોજગાર ઈચ્છુકોમાં ખૂબ જ લોકપ્રિય બન્યા છે. આ એન્જીનિયરીંગ અને નોન એન્જીનિયરીંગ પ્રકારના કોર્સિસ ૬ મહિનાથી લઈને ૨ વર્ષ સુધીનાં હોય છે. આવાં લગભગ ૧૦૦થી વધુ અલગ- અલગ કોર્સ રાજ્યની વિવિધ આઈ.ટી.આઈ.માં ઉપલબ્ધ છે.
આમ, આઈ.ટી.આઈ. ઝડપથી રોજગારી મેળવવા માટે ઇચ્છતા યુવાનોને આકર્ષી રહી છે. ગુજરાતમાં આઈ.ટી.આઇ.એ રોજગાર મેળવવા માટે સૌથી લોકપ્રિય સર્ટિફિકેટ કોર્સ બનવા પામ્યું છે. રાજયમાં ઔદ્યોગિક તાલીમ સંસ્થાઓ મારફતે અપાતી વ્યવસાયલક્ષી તાલીમ દ્વારા કૌશલ્ય પ્રાપ્ત કરનાર ઘણા બધા ઉમેદવારો આજે માત્ર રાષ્ટ્રમાં જ નહીં પણ વિદેશમાં પણ સારી એવી રોજગારી મેળવી રહૃાા છે.
દેવભૂમિ દ્વારકા જિલ્લામાં ખંભાળિયા, ભાણવડ, કલ્યાણપુર અને દ્વારકા એમ ચારેય તાલુકામાં આઈ.ટી.આઈ. કાર્યરત છે. વધુ માહિતી તેમજ એડમિશન માટે આપની નજીકની ઔદ્યોગિક તાલીમ સંસ્થાનો રૂબરૂ સંપર્ક કરીને અથવા વેબસાઈટ દ્વારા માહિતી મેળવી શકાશે.
આઈ.ટી.આઈ. ની જેમ અનેક વિકલ્પો ધોરણ ૧૦ અને ૧૨ના વિદ્યાર્થીઓને આગળની કારકિર્દી માટે ઉપલબ્ધ છે. વિદ્યાર્થીઓને અવનવાં કોર્સિસ અને વિવિધ ક્ષેત્રોમાં કારકિર્દી અંગે પરિચય મળે, એડમિશન પ્રક્રીયા તેમજ અન્ય પ્રમાણભૂત માહિતી અને મળી રહે તે હેતુથી રાજ્ય સરકાર દ્વારા દર વર્ષે કારકિર્દી માર્ગદર્શન વિશેષાંક પ્રકાશિત કરવામાં આવે છે. વિદ્યાર્થી સમગ્ર વિકલ્પોનો અભ્યાસ કરીને સમજદારીપૂર્વક પોતાની રુચિ અને આવડત અનુસાર કારકિર્દી પસંદ કરે તે માટે આ અંક એક ઉપયોગી પ્રકાશન છે. 'કારકિર્દી માર્ગદર્શન વિશેષાંક-૨૦૨૫' ગુજરાતના માહિતી માધ્યમ પ્રકાશન વિભાગની વેબસાઈટ પરથી ડાઉનલોડ કરી શકાશે, તેને દરેક વિદ્યાર્થીએ કારકિર્દીની પસંદગી કરતા પહેલા જરૂર વાંચવો જોઈએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
દેશભરની બાર કાઉન્સીલો ઉપરાંત જનપ્રતિનિધિત્વના ક્ષેત્રે મહિલાઓની સહભાગિતાને મળશે વેગ
સુપ્રિમકોર્ટ બાર એસોસિએશનોમાં મહિલા વકીલો માટે ૩૦% અનામત મંજૂર કરતા વ્યાપક આવકારઃ
સુપ્રિમ કોર્ટે ગુજરાત રાજ્યના તમામ બાર એસોસિએશનો અને ગુજરાત બાર કાઉન્સિલમાં ૩૦% મહિલા અમાનતનો હુકમ કર્યો છે, જેને વ્યાપક આવકાર મળી રહ્યો છે. ગુજરાત હાઈકોર્ટના એક મહિલા વકીલે સુપ્રિમ કોર્ટમાં પિટિશન રજૂ કરીને બંધારણમાં મહિલાઓને સમાન અધિકારો મળ્યા હોવા છતાં ગુજરાતમાં બાર એસોસિએશનો તથા બાર કાઉન્સિલની ચૂંટણીઓમાં મહિલાઓ માટે યોગ્ય પ્રમાણમાં અનામત રાખવામાં આવતી નથી, અને જ્યાં આ પ્રકારની જોગવાઈ કરવામાં આવે છે, ત્યાં પણ પૂરતા પ્રમાણમાં મહિલા વકીલોને પ્રતિનિધિત્વ મળતું નથી. તેણીએ સુપ્રિમ કોર્ટના તદ્વિષયક ચૂકાદાના આધારે ૩૩ ટકા અનામતનો લાભ નહીં મળતો હોવાથી અન્યાય થઈ રહ્યો હોવાની રાવ કરી હતી, અને આ સંદર્ભે સુપ્રિમ કોર્ટ યોગ્ય આદેશ કરે, તેવી દાદ માંગી હતી. તેણીએ ભારતીય બંધારણ કલમ ૧૪ થી ૧૬ નો ભંગ થાય છે તેવું જણાવી ગુજરાતમાં મહિલા વકીલોની સંખ્યા વધી રહી છે, અને યુવતીઓ વધુને વધુ સંખ્યામાં લો નો અભ્યાસ કર્યા પછી એડવોકેટ તરીકે રજિસ્ટ્રેશન કરાવતી થઈ છે, ત્યારે તદ્વિષયક સંસ્થાઓમાં પણ મહિલા વકીલોને યોગ્ય પ્રતિનિધિત્વ મળવું જોઈએ, તેવી દલીલ રજૂ થઈ હતી.
મીડિયા અહેવાલો મુજબ આ કેસમાં રજૂ થયેલી દલીલોમાં પ્રાચીનકાળથી આપણાં દેશમાં મહિલાઓને દેવી કે શક્તિ તરીકે પૂજવામાં આવે છે, તેનો ધાર્મિક અને સાંસ્કૃતિક-વૈશ્વિક સંદર્ભોનો ઉલ્લેખ પણ થયો હતો, અને સુપ્રિમ કોર્ટે આ જ પ્રકારના કિસ્સાઓમાં બેંગ્લુરૃ અને દિલ્હી બાર એસોસિએશનો સહિતના કેસોમાં મહિલા અનામત માટે આવેલા આદેશોનો સંદર્ભ આપીને ગુજરાતમાં પણ વાજબી માગણી મુજબ યોગ્ય અને પર્યાપ્ત અનામતની જોગવાઈઓ કરવાનો આદેશ આપવાની જરૃર જણાવાઈ હતી.
જો કે, સુપ્રિમ કોર્ટે બાર એસોસિએશનોમાં ૩૦% અનામતની સાથે સાથે કોષાધ્યક્ષનો હોદ્દો પણ મહિલાઓ માટે અનામત રાખવાના મુદ્દે હકારાત્મક અભિગમ અપનાવ્યો હતો, પરંતુ બાર કાઉન્સિલમાં આ પ્રકારની અનામત આપવાનો મુદ્દો પેન્ડીંગ રાખ્યો હતો. અદાલતે આ મુદ્દે માત્ર ગુજરાત નહીં, પરંતુ દેશના તમામ રાજ્યોની બાર કાઉન્સિલોના સંદર્ભે બાર કાઉન્સિલ ઓફ ઈન્ડિયા સહિત વ્યાપકપણે વિચારણાનો સંકેત અદાલતે આપ્યો હતો.
સુપ્રિમ કોર્ટે એક અન્ય મુદ્દે પણ ગુજરાત હાઈકોર્ટ તથા સોલિસિટર જનરલને તાકીદ કરીને સુપ્રિમ કોર્ટમાં પહોંચેલા મુદ્દાઓને લઈને વિરોધાભાસ ઊભો નહીં કરવા સૂચવ્યું છે, અને એક કેસમાં મહિલા સૈન્ય અધિકારીઓને ફરજમુક્ત કરવાના મુદ્દે મહિલા સૈન્ય અધિકારી અને તાજેતરમાં ઓપરેશન સિંદૂર અંગે પ્રેસ બ્રિડીંગ કરીને લોકપ્રિય બનેલા કર્નલ સોફિયા કુરેશીનો પણ ઉલ્લેખ કર્યો હતો.
આ પહેલા જુલાઈના અંતિમ સપ્તાહમાં ગુજરાત બાર કાઉન્સિલ અને ગુજરાત લો હેરોલ્ડની નવી વેબસાઈટ અને મોબાઈલ એપ્લિકેશનનું લોન્ચીંગ થયું, ત્યારેેેેેેેેેેેેેેેેેેેેેગુજરાત હાઈકોર્ટના ચીફ જસ્ટિસ સુનિતાબેન અગ્રવાલે પણ એક માર્મિક ટકોર કરી હતી કે કોર્ટમાં ચાલતા કેસોમાં 'તારીખ પે તારીખ'નો ટ્રેન્ડ ખતમ થવો જોઈએ. તે સમયે પણ ઉપસ્થિત મહિલા વકીલોની સહભાગિતા વધારવા અંગે અનૌપચારિક ચર્ચાઓ થઈ હોવાનું કહેવાય છે.
તે પહેલા નવમી માર્ચે ઉન્સિલ ઓફ ગુજરાતના ઉપક્રમે અદાલતમાં યોજાયેલા શપથ ગ્રહણ સમારંભ દરમિયાન ૧૧,૩૦૦ વકીલોએ સામૂહિક શપથ લેવાયા હતાં, તેમાં પણ મહિલા વકીલો માતબર સંખ્યામાં જોડાયા હતાં.
સ્થાનિક સ્વરાજ્યની સંસ્થાઓ પછી જો હવે કાનૂની સંસ્થાઓ અને વકીલોના સંગઠનોમાં પણ મહિલાઓને ૩૦ ટકા અનામત અપાઈ રહી હોય, તો હવે વિધાનસભાઓ તથા સંસદમાં પણ વિવિધ વર્ગોની અનામત રખાતી બેઠકો સહિતની તમામ બેઠકો પૈકી ૩૦ થી ૩૩% મહિલા અનામત રાખવાની માંગણી પણ વધુ જોરશોરથી ઊઠશે તે નક્કી છે.
જો કે, આ મુદ્દે તમામ રાજકીય પક્ષો જે પ્રકારે વાતો કરે છે, તે પ્રકારે સક્રિયતા દાખવતા નથી, તેથી તમામ પક્ષોની મહિલા પાંખોએ પહેલા તો પોતપોતાના પક્ષના જ પ્લેટફોર્મ પર આ મુદ્દો ઊઠાવવો જોઈએ, અને તે ઉપરાંત વિધાનસભા અને લોકસભામાં પણ આ મુદ્દો પડઘાવો જોઈએ, તેમ નથી લાગતું?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વિકાસ ભી, વિરાસત ભીઃ જામનગરનો ભવ્ય ભુજીયો કોઠો રૂ. ૨૩ કરોડના ખર્ચે લઈ રહ્યો છે નવા રંગરૂપ
૧૮ એપ્રિલ- વર્લ્ડ હેરીટેજ ડે
ખંભાળિયાના દરવાજાથી ઉત્તરે ગઢની દીવાલ વચ્ચે તળાવના દક્ષિણ કિનારા પર વિરાટ અને ભવ્ય ભુજીયો કોઠો અતીતની યાદ સંઘરીને ઊભો છે. જામ રણમલજી બીજાના સમયમાં જામનગરમાં દુષ્કાળ પડયા હતા, તે દરમિયાન પ્રજાને રોજીરોટી આપવા તથા જળસંચયના હેતુથી જામ રણમલજીએ કેટલાંક બાંધકામ કરાવ્યા હતા. તેમાંથી એક છે ભુજીયો કોઠો. ઇ.સ.૧૮૩૯ થી ૧૮૫૨ વચ્ચે ગોળ બાંધણી વાળા કલાત્મક અને આકર્ષક ભૂજીયા કોઠાનું બાંધકામ થયેલ. આમ ભુજીયો કોઠો બંધાતા ૧૩ વર્ષનો સમય લાગ્યો હતો.
એવું માનવામાં આવે છે કે જામનગર અને ભુજના રાજા ભાઈઓ હતા જેમણે લગભગ ૩૦૦ કિમી દૂર પોતાના રાજ્યો સ્થાપ્યા હતા. તેમણે શહેરોની રચના પણ એ જ રીતે કરી હતી. ભુજિયો કોઠો કદાચ જામનગરથી ભુજ જવાના ગુપ્ત માર્ગનું પ્રવેશદ્વાર હતું. તેથી તેનું નામ ભુજીયો કોઠો હોવાનું માનવામાં આવે છે.
બાંધકામની દૃષ્ટિએ ભુજિયો કોઠો તેના ઘેરાવા અને ઊંચાઈના કારણે અજોડ છે. ૧૩૭ ફૂટની ઉંચાઈ ધરાવતું આ સ્ટ્રક્ચર તે સમયે સૌરાષ્ટ્રની સૌથી ઉંચી ઐતિહાસિક ઈમારત હતી. કોઠાના બાંધકામમાં કુલ ચાર લાખ પચીસ હજાર કોરીનું ખર્ચ થયું હતું. આ કોઠાનો ઉપયોગ 'હેલિયોગ્રાફી' પ્રકારના સંદેશા મોકલવાના કેન્દ્ર તરીકે થતો હતો. ભુજીયો કોઠો પાંચ માળનો છે. ૬૬ પગથિયાઓ ચડ્યા બાદ પ્રથમ માળે પહોચી શકાય છે. ભુજીયાકોઠામાં સિંહદ્વાર ઉપરાંત કાષ્ઠ થાંભલાની હાર અને મકરા કૃતિ કમાનોથી સુશોભિત ડાયમંડ અને લુમાઓના શણગાર સુશોભિત રંગમંડપ, સુંદર પડસાળ, ચોતરફ વર્તુળાકારે ફરતી અટારી આવેલી છે. ભુજીયા કોઠા પરથી નજર કરતા શહેરનું મનોહ૨ દૃશ્ય દેખાય છે.
આ ભવ્ય ઈમારતને ૧૭૩ જેટલા વર્ષો થયા છે. હાલ અંદાજીત રૂ.૨૩ કરોડના ખર્ચે તેનું રેસ્ટોરેશનનું કામ ચાલુ છે. જે વડપ્રધાન નરેન્દ્રભાઈ મોદીના વિકાસ ભી, વિરાસત ભી સુત્રને સાર્થક કરે છે. આ કામગીરીમાં ઉપરના ત્રણ માળનું રી-પ્રોડકશન વર્ક, સી આકાર ભાગનું રી-પ્રોડકશન વર્ક, ભુજીયા કોઠા સ્થાપત્યને ફોર્ટ વોલ પર ખંભાળિયા ગેઈટ તરફ આવતી ફોર્ટ વોલ સાથે જોડવા માટે નાશ પામેલ ભાગનું રી-પ્રોડકશન વર્ક, ઉપરના ત્રણ માળને જોડતા પેસેજનું રી-પ્રોડકશન વર્ક, બીજા માળ પર નાશ પામેલ રાઉન્ડ ગેલેરીનું રી-પ્રોડકશન વર્ક, સ્થાપત્યના તમામ બારી અને દરવાજાનું કન્સોલિડેશન વર્ક, લાકડાની છતનુંરી-પ્રોડકશન વર્ક, હયાત સ્ટોન સ્ટેરનું રેસ્ટોરેશન વર્ક, સ્થાપત્યના અંદર અને બહારના તમામ ભાગોનું રેસ્ટોરેશન વર્ક, બીજા માળ અને ઉપરના ભાગને જોડતી સીડીનુંરી-પ્રોડક્શન વર્ક, પ્રથમ માળ પર આવેલ મૂર્તિઓનું રી-પ્રોડકશન વર્ક, સ્થાપત્યનું તમામ ઈલેક્ટ્રીફીકેશન, કેબલિંગ, લાઈટીંગ, સી.સી.ટી.વી., સાઉન્ડ સીસ્ટમ, ઈન્ટરકોમ, સ્થાપત્યમાં લોક સુવિધા માટે ટોઇલેટ બ્લોક બનાવવાનું કામ, હયાત ફ્લોરિંગનું ડીસમેન્ટલિંગનું કામ તેમજ ફ્લોરિંગને લાઈમ સ્ટોન ફ્લોરિંગ કરવાનું કામ, છેલ્લા માળ ઉપર હેલીયોગ્રાફી યંત્ર ડિસ્પ્લેમાં મુકવાના કામનો સમાવેશ થાય છે.
ભુજીયા કોઠાના રેસ્ટોરેશનની કામગીરી હાલ ચાલુ છે. પ્રથમ તબ્બ્કાનું કામ જુન-૨૦૨૫ પહેલા પૂર્ણ થઇ જશે. તથા બીજા તબ્કકાનું કામ અંદાજે વર્ષ ૨૦૨૫ના અંતમાં પૂર્ણ થશે તેમ જામનગર મહાનગરપાલિકાના આસિસ્ટન્ટ કમિશનર ભાવેશ જાનીએ જણાવ્યું છે.
શા માટે ઉજવવામાં
આવે છે વર્લ્ડ હેરીટેજ ડે?
આપણી ભવ્ય વિરાસતોની જાળવણી અને રક્ષણ કરવું એ દરેક નાગરિકની ફરજ છે. વિશ્વ ધરોહર દિવસની ઉજવણીનો મુખ્ય હેતુ વિશ્વભરની ઐતિહાસિક ઇમારતો, સ્મારકો અને પુરાતત્વીય સ્થળોને બચાવવાનો છે. જેથી કરીને આવનારી પેઢીઓ માટે આ વારસાને સાચવી શકીએ. આ દિવસનો ઉદ્દેશ્ય વિશ્વની વિરાસત અને વિવિધતાને લોકો સુધી પહોંચાડવાનો છે. વર્લ્ડ હેરિટેજ ડે ના દિવસે લોકોને વારસા વિશે જાગૃત કરવામાં આવે છે. જેથી કરીને ઐતિહાસિક સ્થળોને સુરક્ષિત કરી શકાય. વિશ્વ ધરોહર દિવસ દર વર્ષે ૧૮ એપ્રિલે ઉજવવામાં આવે છે.
પ્રથમ વખત ૧૯૬૮માં, એક આંતરરાષ્ટ્રીય સંસ્થાએ વિશ્વભરની પ્રખ્યાત ઇમારતો અને પ્રાકૃતિક સ્થળોની સુરક્ષાનો પ્રસ્તાવ મૂક્યો હતો. જેને સ્ટોકહોમમાં યોજાયેલી આંતરરાષ્ટ્રીય પરિષદમાં પસાર કરવામાં આવ્યો. તે પછી યુનેસ્કો વર્લ્ડ હેરિટેજ સેન્ટરની સ્થાપના કરવામાં આવી. તે સમયે, ૧૮ એપ્રિલ ૧૯૭૮ના રોજ, આ દિવસને વિશ્વ હેરિટેજ દિવસ તરીકે ઉજવવાનું શરૂ કરવામાં આવ્યું હતું. બાદમાં ૧૮ એપ્રિલ ૧૯૮૨ના રોજ, ટ્યુનિશિયામાં ઇન્ટરનેશનલ કાઉન્સિલ ઓફ મોન્યુમેન્ટ્સ એન્ડ સાઇટ્સે પ્રથમ વિશ્વ ધરોહર દિવસની ઉજવણી કરી હતી. તેના એક વર્ષ પછી, નવેમ્બર ૧૯૮૩માં, યુનેસ્કોએ મેમોરિયલ ડેને 'વર્લ્ડ હેરિટેજ ડે' તરીકે ઉજવવાની જાહેરાત કરી હતી. ગુજરાતના ૪ સહીત ભારતમાં ૪૩ વિશ્વ ધરોહર સ્થળો છે, જેમાંથી ૩૫ સાંસ્કૃતિક છે, ૭ કુદરતી સ્થળો છે અને ૧ મિશ્રિત શ્રેણી છે.
ગુજરાત સરકારે હેરિટેજ પ્રવાસન નીતિ ૨૦૨-૨૫ જાહેર કરી છે, જે નાના ગામો અને નગરોમાં હેરિટેજ ઇમારતો અને સુવિધાઓને પ્રોત્સાહિત કરવાનો પ્રયાસ છે. આ નીતિ રાજ્યના પ્રાચીન અને ઐતિહાસિક વારસાને વધુ સુરક્ષિત અને જાળવણી કરવાની યોજના છે. આ વર્ષે વિશ્વ વારસા દિવસ ૨૦૨૫ના અવસરે, આઈસીઓએમઓએસ (ધ ઈન્ટરનેશનલ કાઉન્સીલ ઓન મોન્યુમેન્ટસ એન્ડ સાઈટ્સ) દ્વારા આપત્તિઓ અને સંઘર્ષોથી વારસાના સ્થળો સામે વધતા જોખમો પર ચિંતન કરવામાં આવશે. આ વર્ષની થીમ હેરીટેજ અન્ડર ફ્રોમ ડિઝાસ્ટર એન્ડ કોન્ફ્લીટસઃ પ્રીપર્ડનેસ એન્ડ લર્નીંગ ફોર્મ ૬૦ યર્સ ઓફ આઈસીઓએમઓએસ એક્શનસ છે.
પારૂલ કાનગડ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગરના ૫શુપાલન વિભાગ દ્વારા પશુઓને હીટવેવથી બચાવવા માર્ગદર્શિકા
જામનગર તા. ૯: સમગ્ર રાજયમા ઉનાળાના કારણે હિટવેવની શક્યતાઓ રહેલી છે.આ દરમિયાન જામનગર જિલ્લાના પશુઓને હિટવેવથી બચાવવા જિલ્લા પંચાયત જામનગરની પશુપાલન શાખા દ્વારા મહત્વપૂર્ણ સૂચનો કરાયા છે.ગ્રીષ્મ લહેરએ વાતાવરણીય તાપમાનની એવી સ્થિતિ છે જે ક્યારેક પશુઓ માટે જીવલેણ પણ બને છે.
પશુઓમાં ગરમીના કારણે ઉભી થતી સમસ્યાઓ અસરકારક નિવારક પગલાં, પ્રાથમિક ઉપચાર અને પશુચિકિત્સા દ્વારા નિવારી શકાય છે.તાપમાન વધુ હોય તે સમયે પશુઓને ઠંડા વાતાવરણમાંથી ગરમ વાતાવરણમાં સ્થળાંતર કરવાનું ટાળવુ જોઈએ.તેમના માટે પુષ્કળ પાણી ઉપલબ્ધ કરાવવુ જોઇએ. સંવેદનશીલ પશુઓ જેવા કે નાના બચ્ચાઓ, ઘાટા રંગની ચામડી ધરાવતા પશુઓ, શ્વસન, કિડની અને યકૃતના રોગો ધરાવતાં બીમાર પશુઓ, તાજેતરમાં ઉન કતરણ કરાવેલ ઘેટા, ગાભણ તથા દૂધ આપતા પશુઓને હિટ વેવનુ વધુ જોખમ રહેલું છે.
હિટ વેવના કારણે પશુમાં જોવા મળતા લક્ષણો
ગરમીના લીધે મુખ્યત્વે પશુઓમાં જોવા મળતા લક્ષણોમાં સુસ્ત થઈને પડ્યા રહેવું, સુકુ નાક, નબળાઈ, ધ્રુજારી, લાળ ઝરવી, બેભાન થઈ જવું, પેટ ફુલી જવુ, ઓછુ હલનચલન, હાવભાવમાં ફેરફાર, ધ્રુજારી, વધુ પાણી પીવું, ભૂખ ન લાગવી, હાંફવુ, પક્ષીઓમાં ખુલ્લી ચાંચ દ્વારા હાંફ ચઢવી, સતત છાયડો શોધવો, પાણીના સ્ત્રોત પર લાંબા સમય સુધી પડી રહેવું, પક્ષીઓના કિસ્સામાં પાંખો ફેલાવીને રાખવી, દૂધ ઉત્પાદનમાં ઘટાડાનો સમાવેશ થાય છે.
હિટ વેવ દરમિયાન પશુઓની કાળજી
હિટ વેવ દરમિયાન પશુઓને છાંયડો અથવા આશ્રયસ્થાન મળી રહે તેની ખાતરી કરવી. ગરમીના કલાકો (સવારે ૧૧ વાગ્યાથી ૪ વાગ્યા સુધી) પશુઓને આરામ કરવા માટે છાંયાવાળી અને પુરતી હવા ઉજાસવાળી જગ્યાએ રાખવા. પશુઓ માટે વિપુલ પ્રમાણમાં, તાજા અને સ્વચ્છ પાણીનો પુરવઠો નિયમિતપણે મળી રહે તે સુનિશ્ચિત કરવુ.જો પશુઓને ઘરની અંદર રાખવાનું શક્ય ન હોય તો દિવસના સૌથી ગરમ સમય દરમિયાન તેમના માટે પાણીની ઉપલબ્ધિ સાથે કામચલાઉ છાંયડાવાળા વિસ્તારની વ્યવસ્થા કરવી.વધારાની ઠંડક માટે મિલ્કીંગ શેડ જેવા વિસ્તારોમાં સ્પ્રિંકલર્સનો ઉપયોગ કરવો.ગરમ હવામાનમાં પશુઓ પાસેથી ભારે કામ કે કસરત ન કરાવવી અને હંમેશાં તેમને છાંયડો અને પાણી ઉપલબ્ધ કરાવવુ.દિવસના ઠંડકવાળા સમય દરમ્યાન પશુઓ પાસેથી કામગીરી લેવામાં આવે તે મુજબનું આયોજન કરવું. આ પશુઓએ પૂરતા પ્રમાણમાં પાણી અને ખોરાક લીધેલ હોવા જોઇએ.આ સમય દરમ્યાન તેઓને વચ્ચે થોડો વિરામ આપી પીવાનું પાણી અને લીલોચારો ઉપલબ્ધ કરાવી શકાય, પરંતુ દાણ આપવાનું ટાળવુ જોઇએ.ઠંડક મળી રહે તે માટે શણના કોથળાનો ઉપયોગ કરી શકાય. ઓછા છાંયડા અથવા વધુ હવાના પ્રવાહ ધરાવતા વિસ્તારોમાં પશુઓને બાંધવાનું ટાળવુ જોઇએ. તેમજ જો પશુની સ્થિતિમાં સુધારો ન થાય તો પશુચિકિત્સકની મદદ લેવી જોઇએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વૈશ્વિક અસંતુલિત ઉત્સર્જન છતાં ભારતે ક્લાઈમેટ એકશનની પ્રતિબ્ધતા વધારીઃ સાંસદ
મિશન લાઈફનું સાત મુખ્ય ક્ષેત્રો પર ફોકસઃ યુનોના પર્યાવરણ સંમેલનમાં મળ્યુ સમર્થન
વિશ્વમાં વધતા જતા ઉષ્ણતામાનની સમસ્યા આજે સૌથી મહત્ત્વપૂર્ણ વૈશ્વિક ચિંતાઓમાંની એક છે, જેના માટે મુખ્યત્વે વિકસિત દેશો દ્વારા વધતાં જતાં ઉત્સર્જનો કારણભૂત છે. ભારત વિશ્વની ૧૭% કરતાં વધુ જનસંખ્યા ધરાવે છે, અને તેમ છતાં વૈશ્વિક ગરમી વિરૂદ્ધની લડાઈમાં મહત્વપૂર્ણ ભૂમિકા ભજવી રહ્યું છે, ઐતિહાસિક કાર્બન ડાયોકસાઈડનું ઉત્સર્જન ભારતમાં ખૂબ ઓછું છે. ૧૮૫૦ થી ૨૦૧૯ સુધીના આંકડાઓ મુજબ, ભારતમાં ૪% કરતાં ઓછું વૈશ્વિક ઉત્સર્જનમાં યોગદાન છે, જ્યારે તેની આખી વિશ્વની જનસંખ્યામાં ૧૭ ટકા જેટલી મજબૂત ભાગીદારી છે.
એક વિકાસશીલ અર્થતંત્ર તરીકે, ભારતનું ગ્રીનહાઉસ ગેસ ઉત્સર્જન વધતું રહે છે, જો કે તે વિકસિત દેશોની સરખામણીમાં ઘણુંઓછું છે. એટલે, વિકાસ અને ગરીબી દૂર કરવા માટેના ધ્યેયોને ધ્યાનમાં રાખતાં ભારતના વૈશ્વિક ગરમી માટેની જવાબદારી મર્યાદિત રહી છે. ખરેખર, ભારતના પ્રતિ વ્યક્તિ ઉત્સર્જન વૈશ્વિક સરેરાશ કરતાં નોંધપાત્ર રીતે ઓછા છે. ૨૦૨૦માં, ભારતના પ્રતિ વ્યક્તિ ઉત્સર્જન ૧.૭૪ ટન સીઓ-ર સમકક્ષ હતું, જે વિકસિત દેશોની જેમ અમેરિકાની (૧૫.૮૪ ટન) અને ચીન (૮.૮૩ ટન) કરતાં ઘણું ઓછું છે. ૨૦૨૩ના આંકડાઓ પ્રમાણે, ભારતમાં પ્રતિ વ્યકિત ગ્રીનહાઉસ ગેસ (જીએચજી) ઉત્સર્જન લગભગ ૨ ટન છે, ચીનમાં તે ૧૧.૧૧ ટન છે અને યુનાઈટેડ સ્ટેટ્સમાં તે ૧૭.૬૧ ટન છે.
ભારતની ક્લાઈમેટ એક્શન માટેની પ્રતિબદ્ધતા વિવિધલક્ષી અને બહુ આયામી છે. આ ક્લાઈમેટ એક્શન કાર્યક્રમો વિવિધ કેન્દ્રીય મંત્રાલયો, વિભાગો અને રાજ્યો દ્વારા અમલમાં છે, અને તેમનાં પર્યાવરણીય લાભો ઊર્જા કાર્યક્ષમતાથી લઈને કચરો ઘટાડવા સુધીનાં ક્ષેત્રોમાં વ્યાપ્ત છે. તેમ છતાં, આ સંકલિત ક્લાઈમેટ એક્શન કાર્યક્રમોના કુલ નાણાંકીય ખર્ચની ગણતરી કરવી હાલ બહુ અઘરી છે, કારણ કે ઘણા પ્રોગ્રામોમાં પર્યાવરણીય લાભો પરોક્ષ હોય છે જેથી તેમને ગણતરીમાં લેવા મુશ્કેલ હોય છે.
ઓગસ્ટ ૨૦૨૨માં, ભારતે ૨૦૨૨માં ભારતે સંયુક્ત રાષ્ટ્ર જલ વાયુ પરિવર્તન માળખામાં સંશોધિત રાષ્ટ્રીય નિર્ધારિત લક્ષ્યો પ્રસ્તુત કર્યાં. તેમાં ભારતમાં ગ્રીન હાઉસ વાયુઓનું ઉત્સર્જન ઘટાડવા માટેનાં લક્ષ્યો રેખાંકિત કરવામાં આવ્યાં છે. વર્ષ ૨૦૩૦ સુધીમાં ખનિજ તેલ સિવાયની ઇંધણ ઊર્જા ક્ષમતા ૫૦% સુધી વધારવી તેવું પ્રમુખ લક્ષ્ય પણ નિર્ધારિત છે. વર્ષ ૨૦૦૫નાં ઉત્સર્જન સ્તરોની તીવ્રતાની સરખામણીમાં ઉત્સર્જનની તીવ્રતામાં ૪૫% ઘટાડો લાવવો, અને કાર્બનને શોષી લે તેવાં કાર્બન સિંક વધારવા માટે ૨.૫ થી ૩ બિલિયન ટન સમકક્ષ ર્ઝ્રં૨ને શોષી લે તેવાં વન અને વૃક્ષ કવર વિક્સિત કરવાની યોજના પણ છે. આ લક્ષ્ય ૨૦૩૦ સુધીમાં હાસિલ કરવાનું ધ્યેય છે.
ભારતની સ્થિર, ટકાઉ અને સમૃદ્ધ જીવનશૈલીમાં બચત, જાળવણી અને સંરક્ષણ પરંપરાગત રીતે અંતર્નિહિત છે, જે અમારી પ્રતિબદ્ધતામાં પરિલક્ષિત થાય છે. મિશન લાઇફ (લાઇફસ્ટાઇલ ફોર એન્વાયરમેન્ટ)માં પણ તેનો સમાવેશ છે. ભારત દ્વારા શરૂ કરાયેલી આ એક એવી વૈશ્વિક પહેલ છે, જેનો ઉદ્દેશ્ય પર્યાવરણ સાથે મૈત્રીપૂર્ણ અભિગમ અને સમજણપૂર્વકના ઉપભોક્તાવાદને પ્રોત્સાહિત કરવાનો છે. મિશન લાઇફ સાત મુખ્ય ક્ષેત્રોમાં ધ્યાન કેન્દ્રિત કરે છેઃ પાણીની બચત, ઊર્જા કાર્યક્ષમતા, કચરો ઘટાડવો, ઇ-કચરાનું સંચાલન, સિંગલ યુઝ પ્લાસ્ટિકને દૂર કરવું, સસ્તી ખાદ્ય વ્યવસ્થાઓ પ્રમોટ કરવી, અને સ્વસ્થ જીવનશૈલીઓ અપનાવવી. સંયુક્ત રાષ્ટ્ર પર્યાવરણ સંમેલન (યુએનઈએ) ના છઠ્ઠા સત્રમાં, સભ્ય દેશોએ ભારતના પ્રસ્તાવિત મિશન લાઇફને અનુમોદન આપ્યું અને ટકાઉ જીવનશૈલીઓ માટેના વચનને સમર્થન આપ્યું.
ભારતીય સરકાર ઘણા પ્રોગ્રામો અને યોજનાઓ મારફતે ક્લાઈમેટ ચેન્જને હરાવવા માટે પ્રતિબદ્ધ છે, જેમાં નેશનલ એક્શન પ્લાન પર ક્લાઈમેટ ચેન્જ સામેલ છે. એનએપીસીસી એ મિશનને સોલાર ઊર્જા, પાણી વ્યવસ્થાપન, ટકાઉ કૃષિ, અને ગ્રીન ઇન્ડિયાના ક્ષેત્રોમાં દર્શાવે છે. આ સંકલિત માળખું ભારતના રાષ્ટ્રીય સ્તરે ક્લાઈમેટ એક્શનનુ માર્ગદર્શન કરે છે. દેશનાં ૩૪ રાજ્યો અને સંઘીય પ્રદેશોએ પણ પોતપોતાની રાજ્ય ક્લાઈમેટ એક્શન યોજના વિકસાવી છે.
જ્યારે ભારત વિકાસ અને પર્યાવરણીય ટકાઉપણા વચ્ચેનું નાજુક સંતુલન જાળવવા માટે આગળ વધી રહ્યું છે, ત્યારે તેના વધતા જતા ક્લાઈમેટ એક્શન પ્રયત્નો વૈશ્વિક સ્તરે પર્યાવરણીય જાળવણી માટે થતા પ્રયાસોમાં મહત્વપૂર્ણ ભૂમિકા ભજવશે.
(આ લેખ મોટાભાગે ભારતના માથાદીઠ ઉત્સર્જન સ્તર વિશે મેં પૂછેલા પ્રશ્નના જવાબમાં રાજ્યસભામાં ૨૦ માર્ચ, ૨૦૨૫ના રજૂ કરાયેલી માહિતી આધારિત છે.)
આલેખન પરિમલ નથવાણી
રિલાયન્સ ઈન્ડસ્ટ્રીઝ લિમિટેડના સિનિયર ગ્રુપ પ્રેસિડેન્ટ અને રાજ્ય સભાના સાંસદ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
હિટવેવ સામે રક્ષણ મેળવવા અંગે જામનગર જિલ્લા તંત્રની ગાઈડ લાઈન્સ
લોકોને જાગૃત રહી જીવન સુરક્ષિત બનાવવા અનુરોધ
જામનગર તા. ર૬: જામનગર જિલ્લામાં હિટવેવની અસર વર્તાઈ રહી હોવાથી તેનાથી બચવા માટે સુરક્ષિત રહેવાના પગલાંઓ લેવા જરૂરી છે. માટે લોકોએ હીટવેવથી બચવા માટે શું કરવું અને શું ન કરવું તે માટે નીચે મુજબના પગલાં લેવા જિલ્લા વહીવટી તંત્ર જામનગર તરફથી અનૂરોઘ કરવામાં આવ્યો છે.
હિટવેવથી બચવા શું કરવું...?
સ્થાનિક હવામાનની આગાહી માટે રેડિયો સાંભળો, ટીવી જુઓ તથા અખબાર વાંચો. પુરતું પાણી પીવું તથા ર્ંઇજી, ઘરે બનાવેલા પીણાં જેવા કે લસ્સી, પાકી કેરીનો રસ(કાચી કેરી), લીંબુ પાણી,છાશ વગેરેનો ઉપયોગ કરવો, જે શરીરને ફરીથી હાઈડ્રેટ કરવામાં મદદ કરે છે. હળવા, હળવા રંગના, ઢીલા અને છિદ્રાળુ સુતરાઉ કપડાં પહેરવા. બને તેટલું ઘરની અંદર રહેવું તથા તડકામાં બહાર જતી વખતે ગોગલ્સ, શુઝ અથવા ચપ્પલનો ઉપયોગ કરવો. તમારા માથાને ઢાંકવા માટે કાપડ, ટોપી અથવા છત્રીનો ઉપયોગ કરવો. તમારા ઘરને ઠંડુ રાખો, પડદા, શટર અથવા સનશેડનો ઉપયોગ કરો અને રાત્રી બારીઓ ખોલવી. હિટ સ્ટ્રોક, હીટ રેશ અથવા હીટ કેમ્પ જેવા કે નબળાઈ, ચક્કર આવવાના સંકેતોને ઓળખો. તમે બેભાન અથવા બીમારી અનુભવો છો, તો તરત જ ડોક્ટરને મળો. પ્રાણીઓને છાંયડામાં રાખો અને તેમને પીવા માટે પુષ્કળ પાણી આપો. સગર્ભા, કામદારો અને તબીબી સ્થિતિ ધરાવતા કામદારો પર વધારે ધ્યાન આપવું.
હિટવેવથી બચવા શું ન કરવું
તડકામાં ખાસ કરીને બપોરે ૧૨ થી ૩ વાગ્યાની વચ્ચે બહાર જવાનું ટાળો. ઘાટા, ભારે અથવા ચુસ્ત કપડાં પહેરવાનું ટાળો. જ્યારે બહારનું તાપમાન વધારે હોય ત્યારે સખત પ્રવૃતિઓ ટાળો. બપોરે ૧૨ થી ૩ વાગ્યાની વચ્ચે બહાર કામ કરવાનું ટાળો. ખુલ્લા પગે બહાર ન જાવ. પીક અવર્સ દરમિયાન રસોઈ કરવાનું ટાળો. રસોઈ વિસ્તારને પૂરતા પ્રમાણમાં હવાની અવર-જવર માટે દરવાજા અને બારીઓ ખોલો. બાળકો અથવા પાલતુ પ્રાણીઓને પાર્ક કરેલા વાહનોમાં છોડશો નહીં - કારણકે તેઓ હિટવેવથી પ્રભાવિત થઈ શકે છે. આલ્કોહોલ, ચા, કોફી અને કાર્બોરેટેડ સોફટ ડ્રિકસ ટાળો, જે શરીરને ડીહાઈડ્રેટ કરે છે. ઉચ્ચ પ્રોટીન ખોરાક ટાળો અને વાસી ખોરાક ન ખાઓ. હાલ ઉનાળાની ઋતુમાં હિટવેવથી બચવા લોકોએ આ જાગૃતિના પગલાં લઈ પોતાનું જીવન સુરક્ષિત બનાવવા વહીવટી તંત્ર તરફથી અનુરોધ કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
કુરૂક્ષેત્રમાં શ્રી કૃષ્ણએ અર્જુનને બતાવેલું વિરાટ વિશ્વરૂપ પ્રગટ કરે છે દ્વારકાધીશની સર્વવ્યાપકતા
પૂર્ણ પુરૂષોતમ શ્રીકૃષ્ણની રાજધાનીના મહાત્મયને ઝાંખુ કરવાનું કોઈ સંપ્રદાય વિશેષનું ગજું નથી
તાજેતરમાં ચાર ધામ પૈકીનાં એક એવા યાત્રાધામ દ્વારકા લઇને સંપ્રદાય વિશેષનાં પુસ્તકમાં થયેલ વિવાદિત ઉલ્લેખનો સમગ્ર સનાતન હિન્દુ ધર્મમાં વિરોધ થઇ રહૃાો છે અને યાત્રાધામ દ્વારકામાં પણ પ્રચંડ આક્રોશ અને વિરોધનાં સૂરો વહી રહૃાા છે ત્યારે સમગ્ર વિશ્વના અદ્ભુત અને અનન્ય પુસ્તક તરીકે જે સર્વમાન્ય છે એવા શ્રીમદ્ ભગવદ્ ગીતામાં વર્ણવેલા ભગવાન શ્રી કૃષ્ણનાં વિરાટ વિશ્વરૂપ દર્શનને યાદ રાખવું જોઇએ.
શ્રી કૃષ્ણે અર્જુનનો વિષાદ દૂર કરવા વિરાટ વિશ્વરૂપ ધારણ કર્યુ ત્યારે તમામ દેવોનાં રૂપ તેઓમાં જ દેખાયા હતાં. શ્રી કૃષ્ણએ ગીતામાં કહૃાું છે કે તમે જે સ્વરૂપે મને પૂજો હું એ જ સ્વરૂપે તમને પ્રાપ્ત થાવ છું. અર્થાત કોઇપણ દેવની પૂજા કરો એ આખરે તો કૃષ્ણની જ આરાધના છે.
કોઇ સંપ્રદાય વિશેષ ભગવાનને પામવા પોતાનાં પુસ્તકમાં દ્વારકાને બદલે તેમનાં સંપ્રદાયનાં પ્રમુખ સ્થાને જવાનું સૂચવે તો એ સંપ્રદાયનાં મહંતો કે વિદ્ધાનોનાં સંકિર્ણ જ્ઞાન નો જ પુરાવો માની શકાય. ભગવાન શ્રી કૃષ્ણ સર્વ વ્યાપક છે એ ભગવદ ગીતામાં કહૃાું છે એ તો સૂક્ષ્મ અને આધ્યાત્મિક સ્તરનું સત્ય છે પરંતુ સ્થૂળ રૂપમાં પણ ચારધામ પૈકીનું એક ધામ દ્વારકા પાંચ હજાર વર્ષથી વધુ પ્રાચીન ઇતિહાસ ધરાવે છે. જ્યારે તેનાં વિશે સવાલો ઉઠાવનાર સંપ્રદાય વિશેષનો ઉદ્ભવ ૨૦૦-૨૫૦ વર્ષ પહેલા થયો છે, તે સર્વવિદિત છે.
રાજાધિરાજ ભગવાન શ્રી દ્વારકાધીશની રાજધાની દ્વારકાનાં સમુદ્રમાં ડૂબી ગયા પછી શ્રી કૃષ્ણનાં પ્રપૌત્ર વ્રજનાભ દ્વારા જગતમંદિરનું નિર્માણ કરાવવામાં આવ્યુ હોવાનો તથા એ પછી કાળક્રમે શંકરાચાર્યજી દ્વારા મંદિરમાં ભગવાનની મૂર્તિ સ્થાપિત કરવાનો વલ્લભાચાર્યજીનો તથા શારદાપીઠની સ્થાપના સહિતનો હજારો વર્ષોનો ઇતિહાસ છે.જે અંગે દ્વારકા પીઠાધીશ્વર શંકરાચાર્ય સ્વામી શ્રી સદાનંદ સરસ્વતીજી દ્વારા પણ પોતાનાં નિવેદનમાં ઉલ્લેખ કરવામાં આવ્યો છે.
દ્વારકાનાં અનન્ય મહત્ત્વને ધૂમિલ કરી પોતાનાં કે કોઈ સંપ્રદાયની પ્રસિદ્ધિ ચમકાવવાનો વ્યકતિ વિશેષ કે સંપ્રદાય વિશેષનો પ્રયાસ એ સૂર્યને ઝાંખો કહી કોઇ અન્ય જ્યોત કે તેજપૂંજને વધુ પ્રકાશવાન કહેવા જેવી હાસ્યાસ્પદ ચેષ્ટા જ કહી શકાય. દ્વારકાનું મહાત્મય અનેરૂ છે અને રહેશે કારણકે અહી શ્રી કૃષ્ણ રાજાધિરાજ તરીકે ભક્તોને આશીર્વાદ આપે છે.
સમગ્ર વિવાદને લઇને દ્વારકામાં વેપારી આગેવાનો પણ લડાયક મૂડમાં છે ત્યારે આ વિવાદ આગળ શું સ્વરૂપ ધારણ કરશે એ તો સમય જ કહેશે. કદાચ તાજેતરમાં વીરપુર શ્રી જલારામ મંદિર જેવી જ ઘટના બને અને દ્વારકા જગતમંદિરે આવીને સંપ્રદાય વિશેષનાં મહંતો માફી માંગે એવું પણ બની શકે. પરંતુ ભગવાન દ્વારકાધીશની રાજધાની દ્વારકાનાં મહાત્મયને ઘટાડવાનું કે તેનું આંકલન કરવાનું સામર્થ્ય કોઇ પણ વ્યક્તિ વિશેષ કે સંપ્રદાય વિશેષમાં નથી એ જ સર્વોપરી સત્ય છે કારણકે અહીં રાજાધિરાજ સ્વરૂપે બિરાજે છે.
આદિત્ય
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
હિટવેવથી બચવા અંગે જામનગરના ડિઝાસ્ટર મેનેજમેન્ટ સેલની ગાઈડ લાઈન્સ
માનવી, પશુ, પક્ષીઓને લૂ થી કેવી રીતે બચાવી શકાય ? :
હિટ વેવ દરમિયાન નાગરિકો પોતાના આરોગ્ય તથા પશુપક્ષીઓને લૂ થી બચાવવા કેટલાક ઉપાયો અપનાવે તે જરૂરી છે, તે અંગે ડિઝાસ્ટર મેનેજમેન્ટ સેલ દ્વારા ગાઈડલાઈન્સ જાહેર કરી છે.
ગુજરાતમાં આગામી દિવસો દરમ્યાન તાપમાન વધુ રહેવાની શકયતા છે. જેને અનુલક્ષીને નાગરિકો પોતાના આરોગ્ય તથા પશુપક્ષીઓને લૂ થી બચાવવા કેટલાક ઉપાયો અપનાવે તે જરૂરી છે.જિલ્લામાં હિટવેવ અંગેની અસરને ધ્યાને લેતા જાહેર જનતા માટે સાવધાની માટે કેટલાક સૂચનો અનુસરવા ડિસ્ટ્રીકટ ડિઝાસ્ટર મેનેજમેન્ટ સેલ દ્વારા અનુરોધ કરાયો છે.
લૂ ની માહિતી માટે, લૂ થી બચવા આટલું કરો
રેડિયો સાંભળો, ટી.વી જુઓ, હવામાન અંગેના સ્થાનિક સમાચાર માટે વર્તમાન પત્ર વાંચો અથવા હવામાન વિશેની માહિતી આપતી મોબાઇલ એપ્લિકેશન ડાઉનલોડ કરો.તરસ ના લાગી હોય તો પણ પૂરતા પ્રમાણમાં પાણી પીવો.
વાઈ, હ્ય્દય, કીડની કે યકૃત સંબધિ બીમારીથી પીડાતા વ્યક્તિઓ કે જેમને પ્રવાહીની માત્રા ઓછી લેવાની હોય તેમણે તેમજ જેમના શરીરમાં પ્રવાહીનો નિકાલ ઓછો થતો હોય તેમણે પ્રવાહી લેતા પહેલા ડોકટરની સલાહ લેવી.
શરીરમાં પ્રવાહીની માત્રા ઓછી ન થાય તે માટે ઓ.આર.એસ દ્રાવણ અથવા ઘરે બનાવેલા પીણા જેવા કે છાશ, લસ્સી, લીંબુ પાણી, ભાતનુ ઓસામણ, નાળિયેર પાણી વગેરેનો ઉપયોગ કરો.વજન તેમજ રંગમાં હળવા પ્રકારના સૂતરાઉ વસ્ત્રો પહેરો.જો તમે ઘરની બહાર હોવ તો, માથાનો ભાગ કપડા, છત્રી કે ટોપીથી ઢાંકી રાખો.આંખોના રક્ષણ માટે સન ગ્લાસીસ અને ત્વચાના રક્ષણ માટે સન સ્ક્રીન લગાવો.પ્રાથમિક સારવાર માટેની તાલીમ લો. બાળકો, વૃદ્ધો, બીમાર વ્યક્તિ અને વધુ વજન ધરાવતા વ્યક્તિ કે જેઓ લુ ના ભોગ બનવાની સંભાવના વધુ ધરાવે છે.તેમની વિશેષ કાળજી લો.
કામદાર અને નોકરીદાતા માટે શું કરવું ?
કાર્યના સ્થળે પીવાના ઠંડા પાણીની વ્યવસ્થા કરો.તમામ કામદાર માટે આરામની વ્યવસ્થા, શુદ્ધ પાણી, છાસ, ઓ.આર.એસ, બરફના પેક, પ્રાથમિક સારવારની પેટીની વ્યવસ્થા કરો. કાર્ય કરતી વખતે સીધો સૂર્ય પ્રકાશ આવે તેવી સ્થિતિને ટાળો, સખત મહેનતનું કામ દિવસના ઠંડા સમયે ગોઠવો.
બહારની પ્રવુત્તિઓ માટે વિશ્રાંતિ સમય અને તેની સંખ્યા વધારો. જે કામદાર વધુ ગરમી વાળા વિસ્તારમાં કાર્ય કરવા ટેવાયલ નથી તેમને હળવુ તેમજ ઓછી અવધી માટે કામ આપો. સગર્ભા સ્ત્રીઓ તેમજ શારીરિક નબળાઈ ધરાવતા કામદાર ઉપર વિશેષ ધ્યાન આપો.કામદારોને હીટ વેવ એલર્ટ વિશે માહિતગાર કરો.ઢીલા કપડા પહેરો.
આપના કાર્યાલય કે રહેઠાણના સ્થળે આવતા ફેરિયા કે ડિલિવરી માણસને પાણી પીવડાવો, કાર પુલીંગ અથવા તો જાહેર વાહન વ્યવહારના સાધનનો ઉપયોગ કરો.
જો તમને ચક્કર આવતા હોય કે બીમાર હોવ તો તબીબી સલાહ લો
ઘરને શીતળ રાખવા માટે : આટલું કરો
ઘરની દીવાલોને સફેદ રંગથી રંગો.ઘરમાં ઓછા ખર્ચે ઠંડક મેળવવા માટે ફુલ રુફ ટેક્નોલોજી, હવાની અવર જવર માટે ક્રોસ વેંટીલેશન અને થર્મોકુલ ઇન્સ્યુલેશનનો ઉપયોગ કરો. સૂકા ઘાસની ગંજી છત ઉપર રાખો અથવા શાકભાજી પણ ઉગાડી શકો. ઘરની બારીઓ ઉપર સૂર્યપ્રકાશને પરાવર્તિત કરવા માટે એલ્યુમિનિયમ ફોઇલ કવર વાળા પુંઠા લગાવો.ઘેરા રંગના પડદા, બારીઓને રંગીન કાચ લગાવો અથવા સનશેડ લગાવો અને ફક્ત રાત્રે બારીઓ ખોલો.બને ત્યા સુધી નીચેના માળ ઉપર રહો, લીલા રંગના છાપરા, ઈન્ડોર છોડ મકાનને કુદરતી રીતે ઠંડું રાખે છે અને એયર કંડીશનરનો ઉપયોગ ઘટાડે છે અને તેમાથી બહાર નીકળતી વધારાની ગરમીને ઓછી રાખે છે. એયર કંડીશનરનું તાપમાન ૨૪ ડીગ્રી કે તેનાથી વધુ રાખો. આને કારણે તમારૃં વીજળીનું બિલ ઓછું આવશે અને સાથે તમારી સ્વસ્થતાનું પણ ધ્યાન રાખશે. નવા ઘરના બાંધકામ વખતે રાબેતા મુજબની દીવાલને બદલે છીદ્રાળુ દીવાલ ચણતર કરો જે ગરમીને રોક્શે અને વધુ હવાને પરસ્પર થવા દેશે. દીવાલને રંગવા માટે ચુનો અથવા કાદવ જેવી કુદરતી સામગ્રીનો ઉપયોગ કરો.
લુ લાગેલ વ્યક્તિની સારવાર
ભીના કપડાનો ઉપયોગ કરો અથવા તેના માથા પર પાણી રેડો.શરીરમાં પાણીનું પ્રમાણ જળવાઈ રહે તે માટે ઓ.આર.એસ.અથવા લીંબુ સરબત જેવું પ્રવાહી આપો.વ્યક્તિને તાત્કાલિક નજીકના સ્વાસ્થ્ય કેંદ્ર પર લઈ જાવ.જો શરીરનુ તાપમાન એકધારૃં વધતું હોય, માથાનો અસહૃા દુખાવો હોય.ચક્કર આવતા હોય. નબળાઈ હોય, ઉલ્ટી થતી હોય તો તાત્કાલિક એમ્બ્યુલન્સ બોલાવો. હોસ્પિટલમાં દાખલ થાવ.
સ્વાસ્થ્ય જાળવવા શું ન કરવું ?
બપોર ના ૧૨ વાગ્યા થી ૩ વાગ્યા સુધી તડકામાં ન જાવ, જ્યારે તમે બપોરના બહાર હોવ ત્યારે શ્રમ પડે તેવી પ્રવૃત્તિ ન કરો. ઉઘાડા પગે બહાર ન જાવ.રસોડામાં હવાની અવર જવર માટે બારી બારણા ખુલ્લા રાખો. શરીરમાંથી પાણીનું પ્રમાણ ઘટાડે તેવા પીણા જેમકે શરાબ, ચા, કોફી, સોફટ ડ્રીંક્સ ન લો, પ્રોટીનની વધુ માત્રા વાળા, મસાલેદાર, તળેલા, વધુ પડતા મીઠા વાળા આહારને ત્યજો.
કૃષિ વિષયક માર્ગદર્શન
ઉભા પાકને હળવુ તેમજ વારવાર સિંચન કરો. પાક વિકાસની મહત્ત્વના સ્તરે સિંચાઈની માત્રા વધારો. નિંદામણ કરીને જમીનના ભેજનું પ્રમાણ જાળવો. વહેલી સવારે અથવા સાંજે સિંચાઈ કરો. જો તમારો વિસ્તાર હીટ વેવ કે લુ ફુંકાતા પવનમાં આવતો હોય તો સ્પ્રિક્લરથી સિંચાઈ કરો.
પશુપાલકોને માર્ગદર્શન
પશુઓને છાયડામાં રાખો અને તેમને શુદ્ધ અને ઠંડું પાણી પુષ્કળ પ્રમાણમાં આપો. તેમની પાસેથી સવારના ૧૧ વાગ્યાથી બપોરના ૪ વાગ્યા સુધી કામ ન લો. આશ્રય સ્થાનનું તાપમાન ઓછું કરવા માટે તેના છતને ઘાસની ગંજીથી ઢાંકો, અથવા તો છાણ કાદવ અથવા સફેદ રંગથી રંગો. આશ્રય સ્થાનમાં પંખા લગાવો, પાણીનો છટકાવ કરો કે, ફોગસ લગાવો.બહુ જ ગરમી હોય તેવા સંજોગોમાં પાણીનો છટકાવ કરો અથવા પશુને પાણીના હવાડા નજીક લઈ જઈ આહારમાં તેમને લીલો ચારો આપો.પ્રોટીન ચરબી વગરનો આહાર આપો, ખનીજ દ્રવ્ય યુક્ત ખોરાક આપો. જ્યારે બહુ ગરમી ન પડતી હોય એ સમયે ચરાવા લઈ જાવ.મરઘા ઉછેર કેંદ્રમાં પડદા લગાવો અને હવા ઉજાસની યોગ્ય વ્યવસ્થા કરો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જયાં પાણી ત્યાં મચ્છરઃ જયાં મચ્છર ત્યાં બીમારી
મેલેરિયાને નાથવા ઘર આંગણે તુલસીના છોડ રોપોઃ
માનવજાતને પીડનાર અને માનવીની જીવનીય શકિત (વાઈટાલીટી)ને કોરી ખાનાર મેલેરિયાને ઓછો કે નાબુદ કરવાની વિચારણામાં પ્રથમ મચ્છર વિશે વિચારવાનું છે. મચ્છરોનો નાશ એટલે મેલેરીયાનું નિવારણ ?
મચ્છરોનું જીવન પાણીમાં શરૂ થાય છે *જયા પાણી ત્યાં જ મચ્છર'' એ સુત્ર પ્રમાણે આપણા મકાનોની ખાળ, ખાળકુંડી, અને પાણી ભરાઈ રહેવાનાં ખાડા તદ્ સાફ અને પાણી વગરના રાખવા જોઈએ, ખાળના પાણી રસ્તા પર ફેલાઈ ગંદકી ન થાય એની ચોકસાઈ રાખવી જોઈએ. શહેર કે ગામની અંદર કે બહાર નાના મોટા ખાડા હોય છે, તેમાં ચોમાસનું પાણી ભરાઈ રહેવાથી મચ્છરોને ઉછેરવાનું સ્થાન મળી રહે છે. તેથી આવા ખાડાઓ પુરાવી દેવા કે તેમાં સમાયેલાં પાણીનો નિકાલ કરવાની વ્યવસ્થા કરવી જોઈએ. ઘરની આસપાસનું વાતાવરણ સારૂ રહે અને ઘરોની આસપાસ ફાલતું ઘાસ ન હો તો મચ્છરોનો ઉપદ્રવ ખૂબ જ ઓછો થાય છે.
વૈદકશાસ્ત્રનાં જાણકારોના માનવા મુજબ ઘર આંગણે ગાય પાળેલી હોય તો રોગ દાતા મચ્છરોના દંશમાથી માનવીને મુકિત મળે. એક જમાનામાં ગૌ-સેવાનો મહિમા ધર્મ હતો, સાથે સાથે ઘર આંગણે તુલસી ઉછેરવાનો પણ મહિમા હતો. તુલસીના છોડમાંથી પ્રાણવાયુ નીકળે છે. જેથી હવા ચોખ્ખી રહે છે. એવુ કહેવાય છે કે, તુલસી અને તેનાં વર્ગના છોડવાઓ રોપવાથી મચ્છરો દૂર ભાગે છે કે ત્યાંથી અદૃશ્ય થાય છે અને મેલેરિયાનો ફેલાવો ઓછો થાય છે. તેથી મેલેરીયા ગ્રસ્ત ક્ષેત્રમાં ઘરનાં ફાળિયામાં કે આંગણામાં તુલસીના છોડ રોપાવવા જોઈએ.
આયુર્વેદની ચરકસંહિતા, સુશ્રુત સંહિતા, ભાવપ્રકાશ વગેરે મહાન ગ્રંથોમાં વિષમે જવર (મેલેરિયા) થી બચવા માટે શું શું કરવુ જોઈએ, તેનો રોગચાળો ચાલતો હોય ત્યારે કઈ તકેદારી રાખવી, આહાર -વિહારમાં કેવી રીતે સાવધાની રાખવી, ઉપરાંત લસણ, જીરૂ, હરડે વગેરેના સરળ ઘરગથ્થુ ઉપાયો દર્શાવેલા છે. તેમજ મચ્છર વિરોધી ધૂપ-વજ, સરસવ, ગુગળ, લીમડાના પાન વગેરેનું પણ વર્ણન છે. આયુર્વેદ શાસ્ત્રમાં દર્શાવેલા આદેશોનું પાલન કરાય તો ચોકકસ એક દિવસ આદિકાળથી માનવીને પીડનાર અને માનવજાતના આરોગ્યનો મહાન શત્રુ મેલેરિયાનો તાવ અને આ તાવ ફેલાવનાર મચ્છરોને નાથી શકાશે કે કાબુમાં રાખી શકાશે ?.
સંકલનઃ વૈદ્ય ડી.પી. મહેતા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ડિલેઈડ સ્લીપ ફૈઝ સિન્ડ્રોમ : સતત રહેતી અનિદ્રાનું ઉકેલ માંગતું કારણ
સર્કેડિયન રિધમ મુજબ શરીરની અંદરની ઘડિયાળ મુજબ રોજિંદો શિડ્યુલ ગોઠવાતો હોય છે
શું નિંદર આવવામાં તકલીફ પડે છે? નિંદર મોડી આવે અને ઊઠવામાં મોડા થાય છે? શું દિવસ ભર સુસ્તી લાગે છે? તો તે ડિલેઈડ સ્લીપ ફૈઝ સિન્ડ્રોમના કારણે હોય શકે છે.
આ રોગને સામાન્ય વ્યવહારમાં અનિદ્રા જ કહેવામાં આવે છે પણ તેમાં કારણો અને ઉપાય કરવાથી લાભ થઈ શકે છે. આ રોગમાં રોગી માટે માનસિક અને શારીરિક રીતે પીડાકારક હોય છે અને ટ્રાન્કયુલાઇઝરના ઉપયોગ પછી પણ સમસ્યા રહી શકે છે. ડિલેઇડ સ્લીપ શું છે?
સામાન્ય રીતે વ્યક્તિને ૧૦.૩૦ નિંદર આવવા લાગે અને ૬ વાગ્યાની આસપાસ જાગે જેને સામાન્ય ક્રમ કહે છે. પણ જ્યારે આ ક્રમમાં ફેરફાર થાય અને નિંદરની માત્ર (નિંદરના કલાકમાં ફેરફાર થતો નથી) પણ નિંદર આવવાના સમયમાં ફેરફાર થાય છે એટલે કે નિંદર ૧૦.૩૦ અથવા ૧૧ વાગ્યે આવવાના બદલે ૧૨ અથવા ૧ અથવા ૨ વાગે આવે અને ઊઠવાનો સામે તે જ રીતે મોડો થાય. નિંદરના આ ક્રમનો ફેરફારને ડિલેઇડ સ્લીપ ફૈઝ સિન્ડ્રોમ કહે છે.
નિંદર, ભૂખ, મળ અને મૂત્રની હાજત વિગેરે એક ચોક્કસ પ્રકારના ઘટનાક્રમ પ્રમાણે અને ચોક્કસ સમયે થતા હોય છે જે શરીરની અંદરની ઘડિયાલને આભારી હોય છે જે એક રિધમ પ્રમાણે થતું હોય તેને સર્કેડિયન રિધમ કહે છે.
ડિલેઇડ સ્લીપના કારણો
આ રોગના અનેક કારણો હોય શકે છે જેમાંના અગત્યના કારણોમાં આનુવાંસીક (જીનેટિક વારસાગત), માનસિક તાણ, માનસિક વિકારો (ડિપ્રેશન, એન્ઝાઇટી, વિ.) જ્ઞાન તંતુના વિકારો (સ્ટ્રોક લકવા પછી જોવા મળે શકે), ઉંમર, કામ, વ્યવસાયના પ્રભાવ (શિફ્ટ જોબ, કોમ્પ્યુટર પર કામ કરનારા, વિદેશી કંપનીઓમાં ઓનલાઈન જોબ કરનારા વિ.), મોડે સુધી જાગવાની સતત ટેવ અને વધતી ઉંમર.
ડિલેઇડ સ્લીપના લક્ષણો
આ રોગના લક્ષણોમાં નિંદર આવવામાં મોડું થવું, દિવસ દરમ્યાન ઘેનની અસર રહેવી, કામ કરવામાં તકલીફ પડાવી, ખોરાકના પાચનમાં અનિયમિતતા થવી, પેટની તકલીફ થવી, અને સતત રીતે થતી નિંદરમાં ફેરફાર થવાના પરિણામે સતત માનસિક તાણની અનુભૂતિ થવી જે લાંબા સમયે સ્ટ્રેસના કારણે થતાં રોગો જેમ કે ડાયાબિટીસ, બીપી, હાર્ટ ડી સીઝ, વિગેરે.
શું ડિલેઇડ સ્લીપ અતિ ગંભીર રોગ છે?
આ રોગ માં જીવ નું જોખમ કે ઇર્મજન્સી નથી હોતી પણ જો રોગ લાંબા સમય સુધી તકલીફ આપતો હોય શકે. જેના પ રિણામ ગંભીર હોય શકે જેમ કે લાંબાગાળાના શારીરિક, માનસિક અને ઈમ્યુનોલૉજીક ફેરફાર કરી શકે છે.
ડિલેઇડ સ્લીપ ડીસીઝની
આયુર્વેદમાં સારવાર
આ રોગ સારવાર આયુર્વેદ વિજ્ઞાનમાં છે; આયુર્વેદ ના ગ્રંથો જેવા કે ચરક સંહિતા, સુશ્રુત સંહિતા વિગેરે ગ્રંથો માં રોગનું વિસ્તારપૂર્વક વર્ણન છે તેમ કહેવું અયોગ્ય નથી. રોગની ચિકિત્સા માટે આયુર્વેદ ચિકિત્સક રોગીને તપાસી અને રોગની ચિકિત્સાનું પ્લાન કરે. જેમાં દવાઓ, પંચકર્મ, મૂર્ધતૈલ ચિકિત્સા, આહાર ચિકિત્સા, લાઈફ સ્ટાઈલ ટ્રીટમેન્ટ હોય શકે.
આ રોગમાં વપરાતી મુખ્ય દવાઓમાં સર્પગંધા, બ્રાહ્મી, શંખપુષ્પી, અશ્વગંધા, નિદ્રોદય, જટામાંસી, તગર, ખુરાસાની અજમો, મુખ્ય છે. રોગીની તાસીર, રોગની ગંભીરતા, રોગીનું ટોલરન્સ વિગેરેના આધારે રોગીને દવાઓનો ઉપયોગ કરી શકાય.
ડિલેઇડ સ્લીપ ડીસીઝમાં
ખોરાક અને લાઈફ સ્ટાઈલ
આ રોગ સારવારમાં ખોરાક અને લાઈફ સ્ટાઈલનું વિશેષ મહત્ત્વ છે. ખોરાક માં ફાસ્ટ ફૂડ, પ્રોસેસ્ડ ફૂડ, તળેલો આઠેલો ખોરાક, પચવામાં સમય વધુ લાગતો હોય તેવો ખોરાક, અતિ મસાલાવાળો ખોરાક અને અતિશય માત્રામા લીધેલો ખોરાક રોગ ને વધારી શકે તેથી ન લેવો જોઈએ. તેમાં પણ વિશેષ કરીને સાંજના ખોરાકમાં ઉપરની વસ્તુઓ ન જ લેવી હિતાવહ છે. અમુક લોકો સાંજે મેજર મિલ લેતા હોય છે એટલે કે ડિનર હેવી લેતા હોય છે. જે ભારતીય પરંપરામાં પ્રદોષ સાથે સરખાવી શકાય જેમ પ્રદોષમાં સાંજના સંધ્યાના સમય (જેને પ્રદોષ કાળ પણ કહે છે) તેમાં ખોરાક લેવો જોઈએ (સાંજે ૭ વાગ્યા સુધી).
લાઇફ સ્ટાઈલમાં યોગ્ય ફેરફાર કરવો રોગની શાંતિ માટે અનિવાર્ય છે જેમાં રાત્રે ટીવી જોવું, બહાર ફરવું, ઇલેક્ટ્રોનિક માધ્યમનો અતિ ઉપયોગ વિગેરે ઓછું કરવું જોઈએ. નિંદરની રિધમમાં લાવવા સતત ૩-૪ પખવાડિયા સુધી રાત્રે વહેલા સૂવું, જો નિંદર ના આવે તો ઊંડા શ્વાસ લેવા, માથા-પગ પર માલીસ કરવું, આંખ બંધ કરી ધ્યાન કરવું, યોગ-યોગાસન શ્વસન કરવું વિગેરે.
ડિલેઇડ સ્લીપમાં ચિકિત્સા
કરવી જરૂરી શું કામ છે?
આ રોગ સારવારની જરૂરિયાત ખૂબ જ વધુ છે, રોગ પોતે ભલે જીવલેણ ના હોય પણ તેના પરિણામે ગંભીર માનસિક, શારીરિક, ઈમ્યુનોલૉજીક સમસ્યા, મેટાબોલિક ડીસીઝ થઈ શકે છે તેથી રોગની સારવાર જરૂરી હોય છે. સામાન્ય રીતે જે રોગમાં લાંબા સમય સુધી દવા લેવાની જરૂરી હોય તેમાં કુદરતી ઉપચાર આયુર્વેદનો ઉપયોગ કરવો જ વધુ હિતાવહ માનવામાં આવે છે જે વિશેષ માં.
વધુ માહિતી અને પરામર્શ માટે આયુર્વેદ ચિકિત્સકનો સંપર્ક કરવો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જો તમને તમારી મરજીની જિંદગી જીવવા મળે તો તમે શું બનવાનું પસંદ કરો ?
આજે આંતરરાષ્ટ્રીય મહિલા દિવસે જાણીએ નારીના મનની વાતઃ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ગુજરાતમાં વન્ય-જળચર પ્રાણીઓની વિવિધ પ્રજાતિઓની અંદાજે ૫.૬૫ લાખથી વધુની વસ્તી
વિશ્વમાં દર વર્ષે ત્રીજી માર્ચે વિશ્વ વન્યજીવન દિવસ ઉજવાય છે, ત્યારે ગુજરાતમાં થતી પ્રવૃત્તિઓનું વિહંગાવલોકન
ખંભાળિયા તા. ૨૮: ગુજરાતમાં વિવિધ પ્રજાતિઓની અંદાજે ૫.૬૫ લાખથી વધુ વસ્તી નોંધાઈ છે. રાજ્યમાં એશિયાઈ સિંહ, નીલગાય, વાંદરા, કાળીયાર, દિપડા, સાંભર, ચિંકારા, વરૂ, ધુડખર, ડોલ્ફિન, સર્પ જેવા અનેક વન્ય પ્રાણીઓને ભયમુકત વાતાવરણ મળી રહ્યું છે. રાજયમાં વન્ય-જળચર પ્રાણીઓનો સમૃદ્ધ વારસો જળવાયો છે. ગુજરાતમાં એશિયાઈ સિંહની સંખ્યા ૬૭૪થી વધુ નોંધાઈ છે.
ઇકોસિસ્ટમ, લુપ્તપ્રાય વનસ્પતિ, પ્રાણીસૃષ્ટિને બચાવવા અને પર્યાવરણનું જતન કરવા વડાપ્રધાન નરેન્દ્રભાઈ મોદી ગુજરાતના મુખ્યમંત્રી હતા ત્યારથી તેમણે કડક કાયદાઓ, નિયમો અને યોજનાઓ અમલમાં મૂકી છે. જેને મુખ્યમંત્રી ભૂપેન્દ્ર પટેલ સુપેરે આગળ ધપાવી રહૃાા છે. જેના ફળરૂપે છેલ્લા દોઢ દાયકાથી વન્ય પ્રાણીઓ માટે ગુજરાત વધુ સુરક્ષિત રાજ્ય બન્યું છે. આજે ગુજરાતમાં એશિયાઈસિંહ, નીલગાય, વાંદરા, કાળીયાર, દિપડા, સાંભર, ચિંકારા, વરૂ, ઘુડખર, ડોલ્ફિન, સર્પ જેવી વિવિધ પ્રજાતિઓની અંદાજિત ૫.૬૫ લાખથી વધુ વસ્તી નોંધાઈ છે, જે ગુજરાતીઓ માટે ગૌરવ સમાન છે.
ગુજરાત સહિત વિશ્વભરમાં દર વર્ષે તા. ૩ માર્ચના રોજ વિશ્વ વન્યજીવન દિવસ તરીકે ઉજવવામાં આવે છે. જે અંતર્ગત વિશ્વની વન્ય પ્રાણીસૃષ્ટિ અને વનસ્પતિઓ અંગે લોકજાગૃતની સાથે તેમનું સંરક્ષણ-સંવર્ધન થઈ શકે તેવી પ્રવૃત્તિઓ કરવામાં આવે છે.
વન અને પર્યાવરણ મંત્રી મૂળુભાઈ બેરા અને રાજ્ય મંત્રી શ્રી મુકેશ પટેલના માર્ગદર્શનમાં વન વિભાગ સહિત વિવિધ પ્રાણીપ્રેમી સંસ્થાઓ દ્વારા પ્રાણી સંવર્ધન અને સંરક્ષણની પરિણામલક્ષી કામગીરી કરવામાં આવી રહી છે. જેના પરિણામ સ્વરૂપ રાજ્યમાં છેલ્લે વર્ષ ૨૦૨૦માં થયેલી વન્યજીવ વસ્તી ગણતરી મુજબ એશિયાઈ સિંહની સંખ્યા ૬૭૪થી વધુ, જ્યારે વસ્તી અંદાજ - ગણતરી વર્ષ ૨૦૨૩ મુજબ નીલગાય ૨.૨૪ લાખથી વધુ, વાંદરા બે લાખથી વધુ તેમજ જંગલી સુવર અને ચિત્તલ એક લાખથી વધુ જોવા મળ્યા હતા. આ ઉપરાંત ૯,૧૭૦ કાળીયાર, ૮,૨૨૧ સાંભર, ૬,૨૦૮ ચિંકારા, ૨,૨૯૯ શિયાળ, ૨,૨૭૪ દિપડા, ૨,૨૭૨ લોંકડી, ૧,૪૮૪ વણીયર, ૧,૦૦૦થી વધુ ચોશીંગા તેમજ ૨૨૨વરૂ રાજ્યમાં નોંધાયા છે. ઉપરાંત ગત વર્ષ ૨૦૨૪માં યોજાયેલી ગણતરી મુજબ ૭,૬૭૨ જેટલા ઘુડખર, ભારતીય કોબ્રા, કોમન ક્રેટ, રસેલ્સ અને સો-સ્કેલ્ડ વાયપર જેવા ૩૦૦થી વધારે ઝેરી સર્પો અને ૬૮૦ જેટલી ડોલ્ફિન સહિત ગુજરાતમાં કુલ ૫.૬૫ લાખથી વધુ પ્રાણીઓ નોંધાયા છે. જે સમગ્ર રાજ્ય માટે વન્યજીવ પ્રાણી સંરક્ષણ ક્ષેત્રે વિશેષ સિદ્ધિ છે.
રાજ્ય સરકારે હર હંમેશ વન્યજીવ અને સમગ્ર પ્રાણીસૃષ્ટીની ચિંતા કરી અને તેમના જતન માટે અનેક પ્રયાસ કર્યા છે. રાજ્યના જંગલોમાં ઘણા દુલર્ભ અને સંવેદનશીલ પ્રાણીઓ જોવા મળે છે, જેમાં ભારતીય વરૂનો પણ સમાવેશ થાય છે. તાજેતરમાં વન વિભાગ અને ગુજરાત ઇકોલોજીકલ એજ્યુકેશન એન્ડ રિસર્ચ ('ગીર') ફાઉન્ડેશન દ્વારા મહત્વની પહેલ થકી વર્ષ ૨૦૨૩માં રાજ્યમાં વરૂ વસ્તી ગણતરી કરવામાં આવી હતી. જેમાં રાજ્યના ૧૩ જિલ્લામાં અંદાજે ૨૨૨ વરૂ નોંધાયા છે. જેમાં સૌથી વધુ ૮૦ વરૂ ભાવનગર જિલ્લામાં નોંધાયા છે. જ્યારે ૩૯ નર્મદા જિલ્લામાં, ૩૬ બનાસકાંઠામાં, ૧૮ સુરેન્દ્રનગરમાં, ૧૨-૧૨ જામનગર અને મોરબીમાં તેમજ ૦૯ કચ્છ જિલ્લામાં વરૂ જોવા મળ્યા છે. ઉપરાંત પોરબંદર, મહેસાણા, નવસારી, પાટણ, અરવલ્લી અને સુરત જિલ્લામાં પણ વરૂનું અસ્તિત્વ નોંધાયું છે.
દેશમાં એક માત્ર ગુજરાતમાં જોવા મળતા ઘુડખર એ રાજ્યનું ગૌરવ છે. ગુજરાત સરકારના અવિરત પ્રયાસ તેમજ વિવિધ જાગૃતતા અભિયાનોના પરિણામે રાજ્યમાં ૭,૬૭૨ જેટલી ઘુડખરની વસ્તીમાં નોંધાઈ છે, એટલે કે અંદાજે ૨૬.૧૪ ટકાનો વધારો થયો છે. ઘુડખર મુખ્યત્વે રાજ્યના ૬ જિલ્લાઓમાં જોવા મળે છે, જેમાં ૨,૭૦૫ ઘુડખર સૌથી વધુ સુરેન્દ્રનગર જિલ્લામાં વસવાટ કરે છે. જ્યારે ૧,૯૯૩ ઘુડખર કચ્છ જિલ્લામાં, ૧,૬૧૫ પાટણમાં, ૭૧૦ બનાસકાંઠામાં, ૬૪૨ મોરબીમાં તેમજ ૦૭ ઘુડખર અમદાવાદ જિલ્લામાં જોવા મળે છે. ઉલ્લેખનીય છે કે, ઘુડખર વસ્તી ગણતરી અંદાજ મુજબ વર્ષ ૧૯૭૬માં ૭૨૦ ઘુડખર, વર્ષ ૧૯૮૩માં હતી જેમાં વર્ષ ૨૦૨૪માં ઉત્તરોત્તર વધારો થઈને ગુજરાતમાં છેલ્લી ગણતરી મુજબ ૭,૬૭૨ જેટલા ઘુડખર નોંધાયા છે.
ગુજરાત સૌથી લાંબો સમુદ્રી કિનારો ધરાવતો હોવાના લીધે સમૃદ્ધ જળચર પ્રાણી વારસો એટલે કે, અનેક દુર્લભ જળચર પ્રાણીઓ જોવા મળે છે. જેમાં સૌથી સુંદર અને આકર્ષક પ્રાણી છે 'ડોલ્ફિન'. તાજેતરમાં ગુજરાત વન વિભાગ દ્વારા ગુજરાતમાં ડોલ્ફિનની વસ્તી ગણતરી કરવામાં આવી હતી. જળચર - વન્ય જીવ સંરક્ષણ અને સંવર્ધનના વિશેષ પ્રયાસોના પરિણામે ગુજરાતના ૪,૦૮૭ ચો. કિ.મી.ના દરિયાઈ વિસ્તારમાં અંદાજે ૬૮૦ ડોલ્ફિન નોંધાઈ છે. સ્વસ્થ ઇકોસિસ્ટમ માટે ડોલ્ફિન ખુબ જ મહત્વનું જળચર પ્રાણી છે. જે સમુદ્રી ઇકોસિસ્ટમમાં સંતુલન સુનિશ્ચિત કરવામાં પણ મદદ કરે છે. ગુજરાતના દરિયા કિનારે જોવા મળતી ડોલ્ફિન દેશ - વિદેશના પ્રવાસીઓ માટે નવું આકર્ષણ કેન્દ્ર બની છે.
કેન્દ્ર સરકાર દ્વારા કચ્છના બન્ની વિસ્તારમાં 'ચિત્તા કન્ઝર્વેશન બ્રિડીંગ સેન્ટર' પણ તૈયાર કરવા મંજૂરી મળી છે, જેનું કામ હાલ પ્રગતિમાં છે. જે ભવિષ્યમાં ચિત્તાના સંરક્ષણ અને સંવર્ધન માટે અગત્યનો ભાગ ભજવશે.
આ ઉપરાંત વર્લ્ડ હેલ્થ ઓર્ગેનાઈઝેશ - ઉઁર્ંની માર્ગદર્શિકા મુજબ રાજ્યમાં વલસાડ જિલ્લાના ધરમપુરમાં સૌપ્રથમ સર્પ સંશોધન સંસ્થાનની સ્થાપના કરવામાં આવી છે. જ્યાં સર્પદંશને લગતા સંશોધન, નિવારણ, નિદાન, સારવાર, પુનર્વસન તેમજ ગુજરાત અને પડોશી રાજ્યોના મેડિકલ અધિકારીઓને સર્પદંશના ઉપચાર તથા વ્યવસ્થાપન અંગે તાલીમ આપવાની કામગીરી કરવામાં આવે છે. આ સર્પ સંશોધન સંસ્થાનમાં હાલમાં લગભગ ૩૦૦થી વધારે ઝેરી સાપ રખાયા છે, જેની સંખ્યા ભવિષ્યમાં ૩,૦૦૦ સુધી લઈ જવામાં આવશે. અહીં ડબલ્યુએચઓની માર્ગદર્શિકા અનુસાર સાપમાંથી વેનમ કલેક્શનની કામગીરી પણ શરૂ કરવામાં આવી છે. ધરમપુર ખાતેના આ સર્પ સંશોધન સંસ્થાનમાં મુખ્ય ચાર ઝેરી સાપોને રાખવામાં આવે છે. જેમાં ભારતીય કોબ્રા, કોમન ક્રેટ, રસેલ્સ વાયપર અને સો-સ્કેલ્ડ વાયપરનો સમાવેશ થાય છે, એમ વન વિભાગની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આદિ શંકરાચાર્ય માત્ર શૈવ નહીં, પંચ દેવોપાસક હતાઃ સ્વામી સદાનંદજી
નમઃ શંકરાય ચ મયસ્કરાય ચ નમઃ
વિશ્વમાં ભારત જ એકમાત્ર ધર્મભૂમિ છે. ધર્મગ્લાનિને દૂર કરવા ઈશ્વર ભારત માં જ અવતાર લે છે આનાથી એ સિદ્ધ થાય છે ધર્મ ભારતમાં જ છે. જ્યાં ધર્મ હશે ત્યાં જ તો ગ્લાનિ પણ થશે અને અભ્યુત્થાન પણ થશે. વિશ્વમાં અન્ય જે કોઈ પણ ધર્મ તરીકે ઓળખવામાં આવે છે તે ખરેખર તો અલગ અલગ કાળાંતરે વ્યક્તિવિશેષ દ્વારા પ્રવર્તિત સંપ્રદાય કે પાર્ટીમાત્ર જ છે. ભારત માં પણ જ્યારે ધર્મ અનેક મત મતાંતરો માં વિભકત થઈને સંકીર્ણતા પ્રાપ્ત કરી સ્વયં ને જ ધર્મ નામથી ખ્યાપિત કરવા લાગે છે ત્યારે ઈશ્વર અવતાર ધારણ કરીને આ સંકીર્ણતાને દૂર કરી અભ્યુદય નિઃશ્રેયસકારી ધર્મની શુદ્ધિ કરે છે.
ભારતભૂમિમાં શિવ આરાધના અત્યંત પ્રાચીનકાળથી થતી આવી છે. આદિ શંકરાચાર્ય જ્યારે કાશ્મીરની યાત્રા પર ગયા હતા તે સમયે તે શિવઆરાધનાનું મુખ્ય કેન્દ્ર હતું. આદિ શંકરાચાર્યજીએ બોત્તેર મતોનું ખંડન કરીને અદ્વૈતમતની સ્થાપના કરી. બોત્તેર મતોમાંથી એક શૈવ સંપ્રદાય પણ હતો જેનું ખંડન કરીને આદિગુરૂએ શૈવ સંપ્રદાયનો વિલય પણ અદ્વૈતમતના અંતર્ગત કર્યો. ભારતમાં આજે પણ વિભિન્ન શૈવ સંપ્રદાય અસ્તિત્વમાં છે જે આગમથી સંચાલિત થાય છે. શૈવાગમના અનેક ગ્રંથ કાશ્મીર, દક્ષિણ ભારતમાં મળે છે. આજે દુર્ભાગ્યવશ દક્ષિણભારતના લિંગાયત શૈવ પોતાને હિન્દુ માન્યતાથી અલગ કરી અલપસંખ્યક થઈ ગયા છે. આ હિન્દુ ધર્મને દુર્બળ કરવાનું કાર્ય થયું છે. જો આવી જ રીતે વિભિન્ન સંપ્રદાય પોતપોતાની સ્વતંત્ર સત્તા બનાવવા લાગશે તો આજથી અઢી હજાર વર્ષ પહેલાવાળી પરિસ્થિતિ ફરીથી નિર્મિત થશે માટે આ ચિંતાજનક છે. શૈવ વૈષ્ણવ ભેદ આજે પણ અસ્તિત્વમાં છે.
ગોસ્વામી તુલસીદાસજીના ગ્રંથ રામચરિતમાનસને કારણે ઉત્તરભારતમાં ધર્મનું સંતુલન ટકી રહૃાું છે. રામચરિતમાનસમાં તેમણે શ્રીરામના મુખે કહેવડાવ્યું છે-
ઔરઉ એક ગુપુત મત
સબહી કહઉ કરજોરી ા
સંકર ભજન બીના
નર ભગતિ ન પાવઈ મોરી ાા
પરંતુ દક્ષિણભારતમાં આ વૈષ્ણવવાદ આજે ઉગ્રતા ધારણ કરી રહૃાો છે જે ચિંતાજનક છે. શંકરાચાર્ય પરંપરાને પણ શૈવ દૃષ્ટિકોણથી જોતાં મધ્વ સંપ્રદાય જે રીતે શંકરાચાર્યના પ્રત્યે વિષવમન કરે છે તે તેમના હૃદયની સંકીર્ણતા અને અપરાધિક કૃત્ય છે. શંકરાચાર્ય માત્ર શૈવ નહીં પરંતુ પંચદેવોપાસક હતા. તેમણે શિવ વિષ્ણુ ગણેશ દેવી સૂર્યની ઉપાસનાનો સમાનભાવથી પ્રચાર કર્યો. વેદમાં રૂદ્રાષ્ટાધ્યાયીના નમક ચમક અધ્યાયમાં ભગવાન શિવના વ્યાપક સ્વરૂપનું વર્ણન કરતાં કરતાં કણ કણમાં તેમની વ્યાપ્તિનું ગાન કરવામાં આવ્યું છે. વસ્તુતઃ આ જ વેદ પ્રતિપાદિત શિવ સ્વરૂપ આદિકાળથી ભારતમાં પૂજિત કરવામાં આવી રહૃાું છે નહીં કે સપ્રદાયગત શિવસ્વરૂપ.
ઉપાસનાના મહાપર્વ મહાશિવરાત્રિમાં બહુસંખ્યક ભારતવાસી વેદોક્ત શિવઆરાધના થકી નિઃશ્રેયસ અને અભ્યુદય પ્રાપ્ત કરે છે તો તે આદિ શંકરાચાર્યની પંચદેવોપાસનાનો જ પ્રચાર છે. શિવરાત્રિના યોજાયેલા પાવન અવસર પર ભગવાન ચંદ્રમૌલેશ્વરને ભારતના અભ્યુદયની કામના કરીએ છીએ.
:: આલેખન :: સ્વામી સદાનંદ સરસ્વતી
જગદગુરૂ શંકરાચાર્ય શારદાપીઠ, દ્વારકા (ગુજરાત)
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગરમાં મચ્છરજન્ય બીમારીઓ વધી, તેનું જવાબદાર કોણ ? નક્કર કદમ ઊઠાવાશે ખરા ?
નગરજનો કંટાળી ગયા છે તેથી હવે ક્યાંક એવો શંખનાદ્ સંભળાશે કે, "સિંહાસન ખાલી કરો, કી જનતા આતી હૈ..."
જામનગરની જી.જી. હોસ્પિટલમાં દર્દીઓની ભીડ વધી રહી છે અને કેસબારીના સ્ટાફ સાથે દર્દીઓ તથા તેના સગાઓનું ઘર્ષણ વધી રહ્યું છે, તેવા અહેવાલો નગરમાં વકરેલા રોગચાળાની તીવ્રતા પૂરવાર કરે છે અને આ રોગચાળો મુખ્યત્વે મચ્છરજન્ય હોવાના તારણો પણ નીકળી રહ્યાછે. જામનગરમાં મચ્છરોનો ઉપદ્રવ એટલો વધ્યો રહ્યો છે કે, તેનાથી ડોરપેક કમરાઓમાં એરકન્ડીશન્ડ માહોલમાં જીવતા ઉચ્ચ અધિકારીઓ, વીઆઈપી, ધનકુબેરો તથા સરકારી અતિથિઓમાં રાત્રિ નિવાસ કરતા મહાનુભાવો પણ ત્રાસી ગયા છે. આ સ્થિતિમાં ગરીબ, મધ્યમ વર્ગિય તથા ઉપર આભ અને નીચે ધરતીની સ્થિતિમાં જીવન ગુજારતા કમનસીબ લોકોની હાલત કેવી થતી હશે, તે સમજી શકાય તેવું છે, ખરૃં કે નહીં?
જામનગર મહાનગરપાલિકાની આરોગ્ય શાખા આરોગ્ય શાખાના સ્ટાફ દ્વારા ડોર-ટુ-ડોર સર્વે કરીને ૪૦૦ થી વધુ તાવ-શરદી-ઉધરસના દર્દીઓ નોંધવામાં આવ્યા હતાં. નગરના ૪૮ હજારથી વધુ ઘરોની મુલાકાત લઈને લોકોને જરૂરી માર્ગદર્શન આપવાની સાથે સાથે ચોખ્ખા પાણીના સંગ્રહમાં ઉત્પન્ન થતા મચ્છરોનો ઉપદ્રવ ઘટાડવા જરૂરી સાફસફાઈ વગેરે સાવચેતીના પગલાં લેવાની સમજ પણ આપવામાં આવી હતી. આરોગ્ય શાખાએ એક અખબારી યાદીમાં કરેલા દાવા મુજબ મચ્છરોના ઉપદ્રવને અંકુશમાં લેવા ફોગીંગ, જંતુનાશક દવાઓનો છંટકાવમાં આવ્યો હતો.
છેલ્લા કેટલાક દિવસોથી મિશ્ર ઋતુના કારણે મચ્યરનો ઉપદ્રવ વધ્યો છે, અને તેના કારણે રોગચાળાનું પ્રમાણ વધવા લાગ્યું છે, ત્યારે ચીલાચાલુ ઢબે કેટલાક કદમ ઊઠાવીને અને તેનો ઢંઢેરો પીટીને તથા નગરજનોને ઉંધા ચશ્મા પહેરાવીને તંત્રો ભલે પોતાની પીઠ થાબડતા હોય, પરંતુ જો નગરમાં રિયાલિટી ચેક કરવામાં આવે તો વાસ્તવિક્તા બહાર આવી જશે કે નગરના કેટલા વિસ્તારોમાં ફોગીંગ થયું છે અને જંતુનાશક દવાઓનો છંટકાવ કરવામાં આવ્યો છે તે....
જો કે, સવાસો જેટલા આરોગ્યકર્મીઓ દ્વારા હજારો ઘરોની ખરેખર મુલાકાત લેવામાં આવી હોય, તો તેની પ્રશંસા પણ થવી જ જોઈએ, પરંતુ રોગચાળો ફેલાયો જ કેમ? ગંદકી વધી જ શા માટે? મચ્છરો અંકુશમાં કેમ નથી આવી રહ્યા? રોગચાળો ફાટી નીકળ્યા પછી ફોગીંગ, દવા છંટકાવના નાટક કરવાના બદલે આ કામગીરી સઘનતાથી કાયમી કમ નથી કરવામાં આવતી? મચ્છર રખડતા ઢોર અને આવારા કૂતરાઓનો ત્રાસ કેમ વધી રહ્યો છે? નગરજનોને પરેશાન કરતી આ મૂળભૂત સમસ્યાઓ હોવા છતાં ફરી ફરીને જો વર્તમાન શાસનને જનાદેશ મળતો હોય, તો તે નગરના વિપક્ષી નેતાઓની પણ નબળાઈ નથી? ....કે પછી પડદા પાછળ કાંઈક બીજું જ રંધાઈ રહ્યું છે, મિલીભગત છે કે પછી તેરી બી ચૂપ... મેરી બી ચૂપ...!!?
ઘણાં વર્ષો પહેલા એક પ્રખ્યાત અભિનેતા જામનગરની મુલાકાતે આવ્યા હતાં, ત્યારે તેમને પણ જામનગરના મચ્છરો એટલા કનડ્યા હતાં કે તેમણે તેનો ઉલ્લેખ કદાચ જાહેરમાં કર્યો હતો, અને તે પછી ટાઉનહોલની તે સમયની હાલતની ચર્ચા પણ અલગથી શરૂ થઈ ગઈ હતી. વર્ષો વીતી ગયા, ઘણી ચૂંટણીઓમાં વાયદા થયા, પરંતુ જામનગરમાં મચ્છર, કૂતરા અને રખડુ ઢોરની સમસ્યા ઘટવાના બદલે વધતી જ રહી, તેનું જવાબદાર કોણ?
જો જામનગરના સત્તાવાળાઓ આ ત્રણેય સમસ્યાઓનું નિવારણ ન કરી શકતા હોય તો તેની સામે અવાજ ઊઠાવવો જ જોઈએ, અને સાથે સાથે આ સમસ્યાઓ નિવારવા માટે થોડા-ઘણાં પણ પ્રયાસો થતા હોય, તો તેની પણ નોંધ લેવી જ પડે. એવું નથી કે જામનગરના સ્થાનિક નેતાઓ કે તંત્રોમાં આ સમસ્યાઓનું નિવારણ કરવાની તાકાત જ નથી, પરંતુ જરૂર માત્ર તેમનામાં પ્રબળ ઈચ્છાશક્તિ જગાવવાની જ છે, નેતાગણ તથા સંબંધિત અધિકારીઓનો અંતરાત્મા જગાડવાની છે, પરંતુ તે જગાવવો કેવી રીતે?... જરા વિચારો... ક્યાંક નગરમાંથી એવો અવાજ ન ઊઠે કે, 'સિંહાસન ખાલી કરો, કી જનતા આતી હૈ...'
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મારી પરીક્ષા... મારૃં ઘડતર... મારૃં ભવિષ્ય...
ખુદમાં હોય દમ, તો સફળતા હર કદમ...
વિદ્યાર્થી મિત્રો ધોરણ ૧૦ અને ૧૨ ની પરીક્ષાની તૈયારી કરી રહૃાા હશે તો પરીક્ષા પ્રત્યે ક્યાંક તો ઘણા બધા પ્રશ્નો થતા હશે? કેમ કે ઘણા વિદ્યાર્થીઓ તમારા કરતા નિષ્ફળ જતા હશે જે થવાનું હતું એ થઈ ગયું. હવે બાકીના દિવસો એટલે કે દિવસ રાત ભેગા કરી સફળ થવું છે આ જ લક્ષ્ય સાથે કંઈક કરી બતાવવું છે કંઈક મેળવવું કંઈક બનવું છે તો વિદ્યાર્થી મિત્રો માટે કોઈ સૂચનાઓ, કંઈક ટીપ્સ, કાંઈક અનુભવી ભૂમિકા પ્રસ્તુત છે.
વિદ્યાર્થી મિત્રો... જેમ પરીક્ષા આપતા આવ્યા છે, તેમ જ પરીક્ષા આપવાની છે. માત્ર ફરક એટલો જ છે કે તમે પરીક્ષા જે તે શાળામાં આપતા હતા અને આગળ-પાછળ આજુ-બાજુ તમારા મિત્રો સાથે પરીક્ષા આપતા બસ આમ જ તમારે આ જ રીતે જરાય ગભરાયા વગર અન્ય જગ્યાએ અન્ય શાળા કે કેન્દ્રમાં વિદ્યાર્થી મિત્રો સાથે પરીક્ષા આપવાની છે પણ તમારે અલગ રીતે તૈયારી કરી જવાની છે.
ખુદમાં હોય જો દમ, સફળતા મળે હરદમ...
સિદ્ધિ તેને જઈ વળે, જે પરસેવે નહાય.
આમાં ઉનાળામાં થતા પરસેવે નાહવાની વાત નથી, પણ સફળતાના માર્ગમાં આવતા અવરોધોનો સામનો કરવાની વાત છે. જો હિંમત હાર્યા વિના દરેક પડકારોને ઝીલવામાં આવે તો સિદ્ધિ પ્રાપ્ત થાય છે એમાં બે મત નથી.
જેમ હરણ સુતેલા સિંહના મુખમાં પોતાની મેળે પ્રવેશતું નથી તેમ માત્ર હ્ય્દયની ઈચ્છાથી નહીં પ્રયત્ન કરવાથી જ કાર્યો સિદ્ધ થાય છે.
મારી પરીક્ષાની તૈયારી હું કેમ કરું ?
કંઈ સમજાતું નથી ?
પરીક્ષાની તૈયારી કરવા માટે પહેલા તો તેનો અભ્યાસક્રમને બરાબર વાંચી લેવો. ત્યારબાદ અભ્યાસક્રમમાં આવતા મુખ્ય મુદ્દાઓને મુદ્દાઓમાં મહત્વના શબ્દાવલીઓને પકડવી સમજવી જરૂરી છે. ત્યારપછી આગળના પાંચ વર્ષના પ્રશ્નપત્ર અત્યારે જ જે શાળા કે બજારમાં તૈયાર ઉપલબ્ધ છે તે મેળવવા તેનું વિશ્લેષણ કરવું. -કયા વિભાગમાં કેટલું પુછાય છે? -કેવા પ્રશ્નો આવે છે? -એમસીક્યુ, એક માર્ક, બે માર્ક વગેરે વધારે કેવા પ્રશ્નો આવે છે? -વધારે અગાઉના વર્ષમાં પૂછાયા તે વારંવાર કરવા. તેના જેવા જ અન્ય પ્રશ્નો જવાબ તૈયાર કરવા વગેરે
- અગાઉના પેપર એટલે કે પ્રેક્ટિસ પેપરની તૈયારી કરવી. તેમાં ખૂબ જ સારી રીતે તૈયાર કરવી અને ત્રણ કલાક જે યાદ કરેલું છે તેનો સંપૂર્ણ ઉપયોગ કરી લખવાની પ્રેક્ટિસ કરો. - પરીક્ષાની તૈયારી શરૂ કરી જ દેજો. -સ્વઅધ્યયન અને પુનરાવર્તન પણ કરવું જરૂરી છે. જેથી વાંચેલું વધુ ઝડપથી યાદ રહે અને તે પણ લાંબા ગાળે માટે યાદ રહે...
બોર્ડની પરીક્ષામાં સારા માર્કસ મેળવીને ટોપર બની શકો છો?
- ધોરણ ૧૦ અને ૧૨ ની બોર્ડની પરીક્ષા આગામી સમયમાં શરૂ થશે. આવી સ્થિતિમાં., જો તમે આ સમયગાળામાં સાચા ટાઇમ ટેબલ સાથે પરીક્ષાની તૈયારી પરીક્ષામાં સારા માર્કસ મેળવીને ટોપર બની શકો. આ માટે વહેલી સવારનું વાચન કરવું. વ્યવસ્થિત પૌષ્ટિક ખોરાક લેવો. વ્યવસ્થિત જે-તે વિષયનું કોન્સેપ્ટની સમજ મેળવવી. વિવિધ આઈએમપી ટોપીકની નોંધ કરવી વગેરે કાળજી રાખવી પડે. તે ઉપરાંત વિષય પ્રમાણે સમય નક્કી કરો તે મુજબનું વાંચન કરવું. સાતથી આઠ કલાકની ઊંઘ જરૂર લેવી વાંચવા બેસો તો તેને ક્યારેય અધૂરું ન છોડો સહેલા વિષયોને પહેલા તૈયાર કરવી. અભ્યાસ + ઊંઘ + ભોજન + ઈત્તર પ્રવૃત્તિઓ + આરામ = સફળતા એ સૂત્ર યાદ રાખવુ.
હજુ સુધી બોર્ડની પરીક્ષા માટે યોગ્ય તૈયારી કરી નથી, તો સૌથી પહેલા દિનચર્યાનું ટાઈમ ટેબલ બનાવવું જોઈએ. જો ઓછા સમયમાં સારી તૈયારી કરવી હોય ઓછામાં ઓછા ૬ થી ૧૦ કલાક અભ્યાસ માટે આપવા અભ્યાસના કલાકો પસંદ કરી અને તે મુજબ તમારો ટાઈમ ટેબલ તૈયાર કરી શકાય છે. તમારે બધા વિષયો માટે સમય આપવો પડશે. જેથી દરેક વિષયની તમારી તૈયારી એક સાથે ચાલુ રહે. ટાઈમ ટેબલમાં જે વિષયમાં કુશળ છો તેને ઓછો સમય આપો અને જે વિષયમાં તમને મુશ્કેલી પડી રહી છે તેને વધુ સમય આપો જેથી કરીને તમે તમારા અભ્યાસમાં સંતુલન બનાવી આપવો જોઈએ.
અભ્યાસ અને પરીક્ષાની તૈયારી દરમિયાન માતા-પિતાએ બાળકોને તમારો સમય આપવો જોઈએ. બાળકને બિનજરૂરી દબાણ ન કરો તેને યોગ્ય પ્રેરણા આપો. પરીક્ષા દરમિયાન માતા-પિતાએ તેમના બાળકોને સારી બાબતો જણાવી જોઈએ તેમને સારું કરવા માટે પ્રોત્સાહિત કરવા જોઈએ. માતા પિતા માટે સારી વસ્તુઓ તેમના માટે પાવર બુસ્ટર તરીકે કામ કરે છે તેથી પ્રયાસ કરો કે જો તમારું બાળક પરીક્ષાને લઈને તણાવ લઈ રહૃાું હોય તો તેને સમજાવો. -કેટલાક વાલીઓ તેમના બાળકોને દરેક બાબતમાં અટકાવતા રહે છે અને ખાસ કરીને પરીક્ષા દરમિયાન બાળકો કંઈક કરે તો તેમને ભણવાનું કહે છે તમારા બાળકો પર વિશ્વાસ કરો તેમના પર વધુ પડતો પ્રતિબંધ મૂકી તેના પર દબાણ ન કરો.
તમામ માતા-પિતા યાદ રાખે માર્ક કરતા સંતાન મહત્વનો છે. પરીક્ષાએ વિદ્યાર્થીનું મૂલ્યાંકન નથી પણ એને એ ત્રણ કલાક દરમિયાન આખા વર્ષની મહેનતને કેવી રીતે પેપરમાં ઉતારી એનું મૂલ્યાંકન હોય છે. આ ત્રણ કલાક દરમિયાન દરેક વિદ્યાર્થી અલગ અલગ માનસિક અવસ્થા માંથી પસાર થતા હોય છે.
બોર્ડની પરીક્ષામાં સફળતા નિષ્ફળતા મળે?
સફળતા અને નિષ્ફળતા મળવી એ આપણા હાથમાં નથી એ તો આપણે વર્ષ દરમિયાન કરેલ સંઘર્ષ વાંચન કરેલ મહેનતનું ત્રણ કલાક દરમિયાન કરેલ બેસ્ટ પર્ફોર્મન્સ એ નક્કી કરે છે કે સફળતા નિષ્ફળતા એવું નક્કી જ છે કે સફળતા મળે કદાચ ના પણ મળે તો નિરાશ ન થવું જોઈએ આવતા વર્ષે બોર્ડની પરીક્ષા આપીશું.
અમિતાભ બચ્ચન કોન બનેગા કરોડપતિના સંચાલન વખતે સરસ વાત કહેલી કે સફળતા બધાને સારી લાગે છે પણ સફળતાને કોણ પસંદ કરે છે? સફળતાને કોનો સાથ પસંદ પડે છે? એ પણ જાણવું ખૂબ જ જરૂરી છે બચ્ચનજી કરોડપતિ બનવા આવેલા મિત્રોને સરસ રીતે જણાવે છે કે સફળતા એને પસંદ કરે છે કે જે વિચલિત ના થાય, કોમ્પ્યુટરજી જેને ડરાવી ન શકે, તેને ઉલજાવી ના શકે, ૧૨મો સવાલ જેને ડગાવી ના શકે, અને ૧૩ મો પ્રશ્ન જેને પડકાર ન આપી શકે તેવા ખેલાડીનો ઇંતેજાર હોય છે અને તેવા ખેલાડી જ જીતતા હોય છે માટે કદાચ કહેવાયું હશે કે જીતવાવાળા કંઈક અલગ કામ નથી કરતા પણ જે કંઈ કરે છે તે અલગ ઢંગથી કરે છે.
પરીક્ષાનો ડર દૂર કરવા મેડિટેશન કરો. થોડું તાજી હવામાં ચાલવાનું રાખો. આત્મ વિશ્વાસ કેળવો અંતમાં વર્ષ દરમિયાન તમે જે મહેનત કરી છે એ મહેનત તમને સફળતા સુધી લઈ જવાની છે. પરીક્ષામાં આત્મવિશ્વાસ સૌથી વધારે જરૂરી હોય છે. આત્મવિશ્વાસથી પેપર લખીને સારા માર્કસે ઉત્તીર્ણ થઈને પરિવાર સમાજનું નામ રોશન કરો અને તમને મનગમતી ફિલ્ડમાં એટલે કે તમારે કોમર્સ, આર્ટ્સ, સાયન્સમાં એડમિશન તથા તમને ગમતી કારકિર્દી મળે તેવી પરીક્ષા આપતા ધોરણ ૧૦ અને ૧૨ના તમામ વિદ્યાર્થી મિત્રોને ખૂબ ખૂબ શુભેચ્છાઓ...
રવિ ખેતાણી (જામનગર)
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
બોર્ડની પરીક્ષાઓનો અંતરનાદ્...
આધુનિક યુગને 'શિક્ષણયુગ' નામ આપી શકાય એવી રીતે ગુજરાતમાં શિક્ષણની ચર્ચાઓ, પરિસંવાદો, સરકારની છાશવારે બદલાતી નીતિઓ, એડમિશન-ડોનેશનની મથામણો, સરકારી શાળામાં ગુણોત્સવો વગેરે અત્યારે અખબારોની હેડલાઈન બની વારે-વારે નજર સામે આવે છે.
આ બધી સમસ્યાઓનું મૂળ છે, આજની શિક્ષણ પ્રણાલી. કે.જી.થી લઈને દરેક વિદ્યાર્થીઓને આપણે જોઈએ એટલે કોઈ બાળક નહીં, મજૂર જતો હોય એમ દફ્તરરૂપી કોથળો ખભે ટાંગીને જતો હોય જાણે ખીંટીએ ગુણી ટીંગાડી હોય અને ખીંટી તૂટું-તૂટું થતી હોય એવું દૃશ્ય લાગે મને તો! અને જેમ જેમ આગળ શિક્ષણ વધે અને વિદ્યાર્થીઓ ધોરણ ૧૦/૧ર બોર્ડના વર્ષ સુધી પહોંચે ત્યાં તો તેઓ 'રેસના ઘોડા'! વાલીઓ, શિક્ષકો, સગા-વહાલાઓ બધા જાણે એની લગામ જુદી જુદી દિશામાં ખેંચતા હોય તેમ વિદ્યાર્થીને મોઢે ફીણ આવી જાય, કમર બેવડી વળી જાય એટલી અપેક્ષાઓના પોટલા!
બોર્ડનું વર્ષ ચાલુ થતા અમુક ઘરમાં તો 'બોર્ડ'મય કાળું ધાકોર જાણે! એમાં પણ પરીક્ષા આવતા સુધી તો એલાન-એ-જંગ... ટી.વી. બંધ, રમતગમત બંધ, મનોરંજન બંધ, મોબાઈલ-કોમ્પ્યુટર બંધ, પાર્ટી-ફંક્શન બંધ, ઘર આખું સજ્જડ બમ.
અમુક વિદ્યાર્થીઓ કોઈપણ પ્રકારનું ટેન્શન લીધા વિના કે કોઈની સલાહ ગણકાર્યા વિના 'જે થાય તે થવા દેવું' એમ માની બિન્દાસ ગમે તે પરિણામ સ્વીકારી લે છે. અમુક વિદ્યાર્થીઓ અતિ હોંશિયાર હોય, મહેનતુ હોય એમને પણ સરવાળે ઓછું ટેન્શન રહે છે, પણ બોર્ડની પરીક્ષાઓમાં જેમનો બુદ્ધિઆંક મધ્યમ હોય તેવા વિદ્યાર્થીઓનો મોટો સમૂહ હોય છે. તેમની મનોવ્યથા સમજવા પ્રયાસ કરવો એ આજના કથળેલા-કલુષિત થયેલા શિક્ષણની દિશા બદલવા સમજવું ખૂબ જરૂરી બન્યું છે.
બોર્ડનું આખું વર્ષ તો ખેંચાયા કરે, પણ વડીલોનું પ્રેશર ક્યારેક એટલું વધી જાય કે બોર્ડની પરીક્ષા વખતે અમુક વિદ્યાર્થીઓ માનસિક રીતે સાવ ભાંગી પડે છે. સાથે સાથે હળવા થવા માટેના આ સમ દરમિયાન ઘણાં આકર્ષણો તરફ તેમનું ધ્યાન ફંટાવા લાગે છે. આ સમયમાં ચાલતા મેરેજ-ફંક્શન્સ, મેચ, હોળી-ધૂળેટીના તહેવારો, શિયાળામાં વધુ થા પ્રવાસ-પિકનિક વગેરે લલચાવનારા આકર્ષણો સામે પુસ્તકોમાં જ માથું રાખવું એ અઘરૂ લાગે છે.
આ બધી વાતો વિદ્યાર્થીઓના આંતરમનમાં ચાલતી રહે છે, ત્યારે ક્યારેક એના હૃદય પાસે કાન માંડીએ તો સંભળાશે કે એનું અંતર પણ બોલે છે.
અમે દિલથી મહેનત કરીએ છીએ, તમે એ જુઓ.
સતત ખીજાવાને બદલે ક્યારેક અમારી હાલત સમજવા પ્રયત્ન કરો તો અમે હળવા રહીશું.
ઘરના વૃક્ષોની જેમ જ અમને પણ તમારા પ્રેમ, અમારા પ્રતિ સમજણ અને આ થોથામાંથી બહાર શ્વાસ લેવા દેવાની માનવતારૂપી ખાતર-પાણીનું સિંચન આપી તમારા બાગના આ ફૂલ-છોડને બોર્ડ નામની બીકથી કરમાવા ન દ્યો.
તમારી અપેક્ષાઓમાં ખરા નહીં ઉતરીએ તો? એ શરમ અને સતત વિચારોથી ગભરામણ અને સંઘર્ષમાં અટવાઈ જઈએ છીએ.
અડધી-અડધી કલાકે અમારા રૂમમાં કોઈને કોઈ બહાના હેઠળ આંટો મારી અમારી પ્રવૃત્તિ પર નજર રાખવાના કિમિયા જોઈ ધ્યાનભંગ થવાની સાથે સાથે ક્યારેક અમારૃં દિલ દુભાય છે કે શું અમે એટલા ભરોસાને લાયક સંતાન નથી?
અમારી પરીક્ષા વખતે તમને ચિંતામાં જોઈ અમે નર્વસ થઈ જઈએ છીએ કે પપ્પાની મહેનતના પૈસા અને મમ્મીના રાતોના ઉજાગરા તેમજ અમારા માટે તમે પણ ટી.વી. બંધ, મનોરંજન બંધ રાખેલ એ બધું વેડફાય નહીં, ત્યારે અમને મન થાય કે આ ફાસ્ટલાઈફમાંથી થોડો સમય કાઢી આપણે બધા સાથે ટી.વી. જોઈએ, ક્યારેક દોસ્તો સાથે રમીએ.
અમારા જમાનાના આ ગ્રંથો જેવડા થોથામાં પુસ્તકિયા કીડા બનાવી એના જ આધારે અમારૂ મૂલ્યાંકન કરી અમને વામન ન બનાવો.
એક વિનંતી મનમાં વારે-વારે બોલાઈ જાય છે કે બીજા કોઈપણ વિદ્યાર્થી સાથે સરખામણી કરી જાહેરમાં અમને ઉતારી ના પાડો પ્લીઝ! અમારા સાથીદારોમાં અમુકને તો માતૃભાષાની સારી ફાવટ હોવા છતાં વાલીની મહત્ત્વાકાંક્ષા અને આગ્રહથી અંગ્રેજી મીડિયમમાં નાખવાને લીધે સારા ગુણ આવી શકતા નથી. એ અમારો વાંક કહેવાય? કહોને પ્લીઝ!
અમો સંજોગોવશાત કદાચ નાપાસ થઈએ કે ઓછા ટકા આવે તો પણ બીજુ ગમે તે જીવનોપયોગી કાર્ય કરી શકીએ એટલી આવડત તો તમે અમારામાં મૂકી જ હશે ને? તો શા માટે તમારો જ ભરોસો તમે ડગાવો છો?
અમો જાણીએ છીએ કે તમારી આ કડકાઈની પાછળ પ્રેમ છૂપાયો છે, પણ તમારી અપેક્ષા સામે ક્યારેક ઘૂંટાઈને મનમાં હજારોવાર મરીએ છીએ. અમુક સાથી વિદ્યાર્થીઓના બોર્ડની પરીક્ષા-પરિણામની બીકથી આપઘાત કરતા જોઈ-સાંભળી અમે પણ હલી જઈએ છીએ.
અમારા અંતરનાદ્ને સાંભળો, સમજો, અમારા મૌન આક્રંદને નબળાઈ ના માનો, તમારા પ્રેમ, વિશ્વાસ અને સમજણથી અમારી તાકાત બનો તો બોર્ડની પરીક્ષા કે જીવનના કોઈપણ ક્ષેત્રમાં અમે તમને નિરાશ નહીં કરીએ કે કોઈપણ અવરોધો ઓળંગવામાં અમને કોઈ ડર રોકી નહીં શકે.
આ અવાજ કઈ એકલ-દોકલ નહીં, મોટાભાગના એવરેજ વિદ્યાર્થીઓનો છે. આજના ગૂંચવાડા ભરેલ શિક્ષણ, અંગ્રેજી શિક્ષણનીતિ અને 'રટ્ટા માર...' પદ્ધતિમાં એટલા ખૂંપી ગયા છીએ કે એ કાદવથી આપણા બાળકો ખરડાઈ છે એવી સરકારી નીતિઓ સામે વિચારશીલ થઈ અવાજ ઊઠાવવાને બદલે એક બિસ્તરાની જેમ આપણા બાળકોને વેનમાં સામાનની જેમ ભરીને, 'તેજસ્વી તારલા બનાવવાના કારખાનાઓમાં (ટ્યૂશન ક્લાસીસ) ધકેલીએ છીએ.'
આ તે કેવી કસોટી, લાગે છે ખાટલે ખોડ મોટી,
વીંઝો છો સિતમની સોટી, આમાં ન આવે જ્ઞાનની હથોટી.
બોર્ડની પરીક્ષાઓ એટલે જાણે સપ્તપદીના સાત વચનો ડગલે અને પગલે જે વિદ્યાર્થીઓનું હીર ચૂસે અને અંતે વિદ્યાર્થી એક ડગલું પણ આગળ ન વધી શકે પણ માનસિક સ્વસ્થતાના સાત સ્તર ખરી પડે!
આપણે શું કરી શકીએ? એવા બળાપાને બદલે આપણે શું ન કરી શકીએ? એમ વિચારી વિદ્યાર્થીઓની તાકાત બનીએ તો માર્ચની બોર્ડની પરીક્ષાઓ પછી મે-જૂનમાં રિઝલ્ટ પછી 'સુસાઈડ-મન્થ' કે 'ડિપ્રેશન-મન્થ' ન બનતા આનંદથી ભીંજવતી શ્રાવણનો 'સરવણિયો-મન્થ' બને!
સપોર્ટીંવ ચોટઃ
બોર્ડ-બોર્ડની બીકથી ના કરો ક્લીન-બોલ્ડ પ્લીઝ
સપોર્ટ બની અમારો અમને બનાવો બોલ્ડ પ્લીઝ
વૈશાલી રાડિયા, જામનગર
વૃક્ષો વવાય અને ઉછેરાય તેનાથી રૂડુ શું?
પોલીસ દ્વારા પર્યાવરણ પ્રોટેક્શનઃ આવકારદાયક કોન્સેપ્ટ
પોલીસ તંત્રની ભૂમિકા આંતરિક સુરક્ષા વ્યવસ્થા માટે તો મહત્ત્વપૂર્ણ છે જ, પરંતુ કાયદો-વ્યવસ્થા જાળવવાની સાથે સાથે પોલીસતંત્ર દ્વારા અપનાવાઈ રહેલા માનવીય અભિગમો, 'તેરા તુ જ ને અર્પણ' જેવા આયામો, મહિલાઓ-બાળકોની સુરક્ષા-સલામતી પ્રત્યે વધુ જાગૃતિ અને કેટલીક સામાજિક સેવાઓ પછી પર્યાવરણ સુરક્ષાને લઈને પણ પોલીસતંત્ર કેટલાક નવા નવા પ્રોજેક્ટો આદરી રહ્યું છે, તેને લોકોમાંથી પણ સકારાત્મક પ્રતિભાવો સાંપડી રહ્યા છે. પોલીસ દ્વારા પર્યાવરણ પ્રોટેક્શનનો કોન્સેપ્ટ આવકારદાયક છે, અને તેના ભાગરૂપે સામૂહિક વૃક્ષારોપણ અને તેની સાથે સાથે તેના ઉછેરનો સંકલ્પ પણ સરાહનિય છે.
તાજેતરમાં જામનગરમાં પોલીસ હેડક્વાર્ટરમાં રાજકોટના રેન્જ આઈજી અશોક કુમાર યાદવના નેતૃત્વ અને એસ.પી. પ્રેમસુખ ડેલુ તથા વનવિભાગના અધિકારીની ઉપસ્થિતિમાં રપ હજાર વૃક્ષોનું વાવેતર કરાયું હતું. આ સામૂહિક વૃક્ષારોપણની વિશેષતા એ હતી કે વન વિભાગ અને એચડીએફસી બેંકના સહયોગથી પોલીસતંત્રે જામનગરમાં ઓક્સિજન પાર્ક ઊભો કરવાનો ઉદ્દેશ્ય જાહેર કરાયો હતો.
આ કાર્યક્રમ દરમિયાન જણાવાયું કે પોલીસતંત્ર દ્વારા સમગ્ર રેન્જમાં વૃક્ષો ઉછેરવામાં આવી રહ્યા છે. આ અભિગમ હેઠળ માત્ર વૃક્ષારોપણ કરીને કામ પૂરૃં થતું નથી, પરંતુ તેનો ઉછેર પણ થાય છે, તથા ત્રણેક લાખ વૃક્ષોનો ઉછેર થઈ રહ્યો હોવાનું આઈજીએ જણાવ્યું હોવાના અહેવાલો જોતા એમ જણાય છે કે પોલીસતંત્રના આ અભિગમને વ્યાપક જનસહયોગ પણ મળી રહ્યો છે. સામૂહિક રીતે વૃક્ષો ઉછેરવાનું બીડુ ઝડપીને પોલીસતંત્રે એક અતિઉપયોગી અને જનહિતનું અભિયાન આદર્યું છે. સામૂહિક રીતે વૃક્ષો વવાય અને ઉછેરાય, તેનાથી રૂડુ શું?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ડાયાબિટીસને હળવાશથી લેવાથી જીવનો ખતરો...
ગાયત્રી શાંતિવન દ્વારકા દ્વારા જનજાગૃતિ પત્રિકાનું વિતરણઃ
આજના યુગમાં હૃદયરોગ, બ્લડપ્રેસર, કેન્સર વગેરેની જેમ ડાયાબિટીસનાં રોગનું પ્રમાણ પણ વધારે જોવા મળે છે. ઘણાં જુનાં કાળથી માનવીને પીડતા અને આખા શરીરનું આરોગ્ય કથળાવતો આ રાજરોગ મધુપ્રમેહ (ડાયાબિટીસ) વિશે આયુર્વેદનાં મહર્ષિ ચરક, સુશ્રુતે રસપ્રદ વર્ણન આયુર્વેદના ગ્રંથોમાં કરેલ છે. જીવનભર પરેશાન કરનારા આવા મહારોગથી બચવા પ્રત્યન કરવો, તે સૌ કોઈની ફરજ છે.
શરીરનું વધારે પડતું વજન વધવા ન દેવું. ચાલી વર્ષની ઉંમર બાદ તો આ બાબતે દરેક વ્યકિતએ સજાગ રહેવું હિતાવહ છે.
આચાર્ય ચરકે મધુપ્રમેહ (ડાયાબિટીસ) થવાનાં મુખ્ય કારણોમાં જણાવ્યું છે કે, ખોરાકમાં પોતાની જીભને વશમાં ન રાખી શકનાર અર્થાત વધારે પડતું ખાનારને અને પગલે ચાલવાનો કંટાળો કરનાર અર્થાત બેઠાડું જીવન જીવવાવાળાને આ રોગ ભરડો લે છે, આ બાબત ધ્યાનમાં રાખવી.
કુટુંબમાં કોઈને આ રોગ છે કે કેમ ? તે જાણી લેવું, જો તે હોય તો પોતે એના ભોગ બનવાની શકયતા ધ્યાનમાં રાખવી. સાવચેતીનાં પગલાં તરીકે વધારે પડતી મીઠાઈ અને વધારે પડતું ન ખાવું, વજનનો વધારો થતો રોકવો, સમયાંતરે લોહી અને પેશાબની તપાસ કરાવવી.
મોડા ઉઠવાની આદત, બપોરે જમ્યા પછીની દિવસની વધુ ઊંઘ, બેઠાડું-આળસું જીવન છોડવું જ રહ્યું.
દરરોજ નિયમિત કસરત કરવી, યોગાસનો કરવા, તેમજ ઝડપથી ચાલવું જરૂરી છે.
વારંવાર મીઠી ચા કે કોફી પીવાનું વ્યસન પણ છોડવું હિતકારક છે.
પચવામાં ભારે, દહીં વગેરે જેવા ચીકણાં પદાર્થો, ગળ્યાં દ્રવ્યો, ઠંડા પદાર્થો, કોલ્ડ્રીંકસ, આઈસ્ક્રીમ વગેરે બહુ વધારે પ્રમાણમાં લેવા નહીં.
કફ પ્રકૃતિવાળી વ્યકિત કફ કરનાર પદાર્થો (જેમ કે વધુ પ્રમાણમાં દૂધ પીવું, વધુ પ્રમાણમાં દહીં ખાવું, ગોળ નાખેલા પદાર્થોનું વધારે સેવન કરવું)નું વધુ પ્રમાણમાં સેવન કરે તો, સુખી-એશ-આરામી વ્યકિત અને સ્વાદપ્રિય તથા ઊંઘણશી વ્યકિત ડાયાબિટીસના સકંજામાં ઝડપથી આવી જાય છે.
પૌષ્ટિક ખોરાક ખાઈ શરીર શ્રમ વિના વેપાર- રોજગાર કરતા સુખી વેપારીઓ, વેપાર ધંધામાં વારંવાર ચિંતા કરી, વ્યાયામ અને હરવું-ફરવું-ચાલવાની કસરત પણ ઓછી કરનાર, તેમજ જુદી-જુદી મહત્વાકાંક્ષાથી ભરેલા અન્ય માણસો કે જે માનસિક રીતે પૂરતો આરામ કરતા નથી, તેઓ સજાગ રહે.!
દૈનિક ખોરાકમાં શકય એટલા વધુ પ્રમાણમાં ખોરાક સાથે સૂકી-લીલી હળદર, મેથી, કારેલા, સૂકા-લીલાં આમળાં, આદુ, હરડે, મામેજવો, રસાયણ ચૂર્ણ, સુદર્શન ચૂર્ણ, સાચું મધ વગેરે લેવાથી ડાયાબિટીસથી બચી શકાય છે. નાના બાળકોને કડવાણી આપવી હિતકારક છે.
ડાયાબિટીસને આગળ વધતો અટકાવવા માટે ખાન-પાન બાબતમાં લોક જાગૃતિ આવશ્કય છે.
બાળકોને થતું ડાયાબિટીસઃ જુવેનાઈલ ડાયાબિટીસ બાળકોની અયોગ્ય રહેણીકરણીને કારણે થાય છે. જંક ફૂડનું જે પશ્ચિમી કલ્ચર બાળકોમાં અપનાવાઈ રહ્યું છે, તેને કારણે તેમના સ્વાસ્થ્યમાં ઘણાં ફેરફાર થાય છે. આ પ્રકારનું ડાયાબિટીસ ઘણીવાર વારસાગત હોય છે, અને કયારેક સ્થૂળતાને કારણે પણ થાય છે.
ડાયાબિટીસના દર્દી માટે અગત્યની ટીપ્સ
આ રોગનાં દર્દી જો ખાવાની બાબતમાં પોતાની જાતને કાબૂમાં રાખી શકે તો ડાયાબિટીસ અંકુશમાં રહે છે.
ડાયાબિટીસથી પીડાતી વ્યકિતએ નિયમિત તેમનું બ્લડ સુગર ચેક કરાવવું અત્યંત આવશ્યક છે.
પોતાના પગની ખાસ સંભાળ રાખવી જરૂરી છે.
નિયમિત યોગાસનો અને કસરત કરવાથી પણ ડાયાબિટીસને અંકુશમાં રાખી શકાય છે.
જો આ રોગની યોગ્ય સારવાર ન લેવામાં આવે તો અંધાપો, હૃદયરોગ, કિડનીની બીમારી જેવા મહારોગને નોતરે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ટી.બી. શરીરના કોઈપણ અંગ પર થઈ શકેઃ ભારતમાં મુખ્યત્વે ફેંફસાનો ટી.બી.
રાષ્ટ્રીય ક્ષય નિર્મુલન કાર્યક્રમ હેઠળ ૧૦૦ દિવસની ખાસ ઝુંબેશ
જામનગરઃ વરવાળા ટી.બી. સેનેટોરિયમ સંચાલિત શ્રી શંકરાચાર્ય જનરલ હોસ્પિટલના આયુર્વેદાચાર્ય વૈદ્ય ડી.પી. મહેતાએ ક્ષયરોગ અંગે જાણકારી સાથે તેને મટાડવાના ઉપાયો અંગે કેટલીક ગાઈડલાઈન આપી છે.
ક્ષય (ટી.બી.)ના રોગને આયુર્વેદમાં 'રાજયક્ષ્મા' કહે છે. આયુર્વેદના ચરકસંહિતા, સુશ્રુત સંહિતા, અષ્ટાંગ હૃદય વગેરે ગ્રંથોમાં આ રોગ અંગે રસપ્રદ વર્ણન જોવા મળે છે. આ રોગનું આક્રમણ માનવ શરીરના કોઈપણ અંગ પર થઈ શકે છે. પરંતુ ભારતમાં મુખ્યત્વે ફેફસાનો ટી.બી.નો રોગ જ થાય છે. વડાપ્રધાને પણ ટી.બી. નાબુદીનું આહ્વાન કર્યું છે.
નશો, ધુમ્રપાન કે તમાકુના વ્યાપક સેવન જેવા જુદા જુદા વ્યસનો, માદક દ્રવ્યોનું વધુ પડતું કે નિયમિત સેવન, હવા-ઉજાસ વિનાનું બંધિયાર અને ગંદકીભર્યું રહેઠાણ, ગીચ વસવાટ, વધારે પડતું કામ, અપૂરતો ખોરાક, નબળું પોષણ, શ્વાસમાં જતાં ધૂળ, ધુમાડો, માનસિક ચિંતા જેવા વિવિધ કારણોથી આરોગ્ય કથળતા રોગ પ્રતિકારક શકિત ઘટવાના કારણે આ રોગ સહેલાઈથી શરીરમાં પ્રવેશી જાય છે. ક્ષય (ટી.બી.)નો રોગ ચેપી છે તેથી સાવચેતી રાખવી જરૂરી છે. ક્ષય રોગમાં શંકાસ્પદ દર્દીઓના ગળાની તપાસ, એકસ-રે, લોહીનું, ગળફાનું પરીક્ષણ વગેરે પદ્ધતિથી ક્ષય રોગનું નિદાન થાય છે. ક્ષયના દર્દીને ક્ષય રોગ વિશે સંપૂર્ણ જાણકારી આપવી જરૂરી છે. તેમને દરરોજ નિયમિત દવાઓ ખાસ કાળજી રાખીને આપવી ખૂબ જ જરૂરી છે. દવાનો કોર્ષ પૂરેપૂરો અને સતત લેવો અનિવાર્ય હોય છે. ક્ષયના દર્દીના પરિવારે પણ ક્ષય અંગેનું પરીક્ષણ સાવચેતી ખાતર કરાવી લેવું જોઈએ.
લાંબા સમયથી આવતો તાવ, ઉધરસ, ગળફા, કયારેક ગળફા સાથે લોહી નીકળવું કે લોહીની ઉલ્ટી થવી, શરીરનું સુકાવું, શરીરનો ઘસારો, વજનનો ઘટાડો, ખૂબ જ અશકિત, હાંફ ચડવી વગેરે પ્રાથમિક લક્ષણો ટી.બી. હોવાની શકયતા દર્શાવે છે. નિયમિત તબીબી તપાસ, વહેલી સવારનો સૂર્યપ્રકાશ, સ્વચ્છ હવાનું વિધિપૂર્વક સેવન, સંયમી જીવન, પૌષ્ટિક ખોરાકનું સેવન તથા નિયમિત દવાનો કોર્ષ પૂરેપૂરો કરવાથી ક્ષય સદંતર મટી શકે છે. ટી.બી.ના નિદાનમાં વિલંબ ન થવો જોઈએ. વહેલું નિદાન અને નિયમિત ઉપચાર ટી.બી.ના દર્દીને ટી.બી.માંથી રોગમુકત કરી શકે છે. કેન્દ્ર સરકાર-રાજય સરકારના આરોગ્ય અને પરિવાર કલ્યાણ વિભાગ તરફથી આ રોગ અંગેના અપાતા સૂચનો કે માર્ગદર્શનનું પાલન કરવું હિતાવહ છે. આ અભિયાનમાં જન ભાગીદારી આવશ્કય છે.
વર્ષ ૨૦૨૫ સુધીમાં ભારતને ટી.બી. મુકત બનાવવના વડાપ્રધાન નરેન્દ્રભાઈ મોદીએ કરેલ નિર્ધારને સાકાર કરવા આપણે સૌ સાથે મળીને આપણો દેશ, શહેર, જિલ્લાને ક્ષય (ટી.બી.) મુકત કરવાના સહિયારા પ્રયાસોમાં સક્રિય યોગદાન આપીને ૧૦૦ દિવસની ટી.બી. નિર્મૂલન ઝુંબેશને વેગવાન બનાવીએ, તે અત્યંત જરૂરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પૂનામાં જોવા મળેલા જીયે બુરે સિન્ડ્રોમ શું છે ? આયુર્વેદ મતે તેની ચિકિત્સા...
ઓટો ઈમ્યુનિટી એટલે શું? નિદાન કેવી રીતે થાય? લક્ષણો શું છે?...જાણો...
એક અહેવાલમાં જણાવ્યું છે કે પૂનામાં જીયે બુરે સિન્ડ્રોમ આઉટબ્રેક જોવા મળ્યો છે અને તેના પરિણામે એક મૃત્યુ પણ નોંધવામાં આવ્યું છે. ય્ેૈઙ્મઙ્મટ્ઠૈહ-મ્ટ્ઠિિી જીઅહઙ્ઘર્દ્બિી (જીયે બુરે સિન્ડ્રોમ)માં શરીરના જ્ઞાન તંતુ (નર્વ)ને અસર કરતો રોગ છે જેનું કારણ ઓટોઇમ્યુનિટી માનવામાં આવે છે. ઓટો ઇમ્યુનનો અર્થ થાય કે શરીરનું રોગ પ્રતિરક્ષણ તંત્ર જેને ઇમ્યુનિટી કહે છે તે પોતે જ શરીરના પોતાના કોષોને બાહ્ય આક્રમણ માંની તેને નુકસાન કરે. આ રોગમાં ઇન્ફ્લેમેશન (સોજો) જ્ઞાનતંતુમાં કોઈપણ પ્રકારના બાહ્ય સંક્રમણના કારણે નહીં પણ ઓટો ઇમ્યુનિટીના પરિણામે થાય છે.
ઓટો ઈમ્યુનિટી શું છે?
ઓટો ઇમ્યુનિટી એક પ્રકારનો ઇમ્યુન સિસ્ટમનો રોગ છે જેમાં શરીરની ઇમ્યુન સિસ્ટમ શરીરના પોતાના કોષોને નુકસાન કરે છે અને તેના પરિણામે રોગ થાય છે. આયુર્વેદ ના મતે ઇમ્યુનિટી એટલે કે ઓજના વિસંસની સ્થિતિ છે અને તેના પરિણામે શરીરમાં સોજો (ઓટો ઇમ્યુન ઇન્ફ્લેમેશન આવે છે). અહી ઇમ્યુનિટીને વધારવી સામાન્ય રીતે ખરાબ પરિણામ લાવી શકે છે તેથી ઓટો ઇમ્યુન રોગોમાં આધુનિક ચિકિત્સામાં ઇમ્યુનો સપ્રેસર ઇમ્યુનિટીને ઓછી કરાતી દવાઓનો ઉપયોગ કરવામાં આવતો હોય છે.
ઇમ્યુનિટીના કારણે થનાર રોગોમાં લો-ઇમ્યુનિટી જન્ય રોગો, ઇમ્યુન ડેફિસયન્સીના કારણે થનાર રોગો, હાઇટનડ ઇમ્યુન રિસ્પોન્સ (જે કોવિડમાં જોવા મળતો હતો જેને ઓછું કરવા સ્ટીરોઇડ વાપરવામાં આવતી), ઓટો-ઇમ્યુન રોગો મુખ્ય છે. ઓટો ઇમ્યુનિટીના કારણે શરીરના દરેક અવયવના રોગો થઈ શકે છે. ઓટો ઇમ્યુન એક રોગ નથી પણ રોગ થવાની એક વિશેષ પ્રક્રિયા હોય છે. જેની ચિકિત્સા પણ વિશેષ રીતે કરવાની થતી હોય છે.
જીયે બુરે સિન્ડ્રોમને
કેવી રીતે ઓળખાવો
જીયે બુરે સિન્ડ્રોમમાં શરીરની જ્ઞાનતંતુના પડ (માયલીન શિથને નુકસાન થતું હોય છે) જેમાં શરૂઆતમાં હાથ અને પગમાં ખાલી ચડવી, કમજોરી લાગવી જેવો લક્ષણો જોવા મળે છે જે સમયાંતરે પેરાલીસીસ જેવી પરિસ્થિતિ જેમાં હાથ અને પગના કામ કરવાની શક્તિ રહેતી નથી પક્ષાઘાત થતો જોવા મળે. શરૂઆતના ઓછા લક્ષણો જોવા મળે છે જે ક્રમશઃ દરેક અવયવ ઉપર અસર જોવા મળે છે જે નીચે મુજબ હોય શકે.
૧) હાથ-પગમાં સુન્ન પડે છે. જો કોઈ ટાંકણી જેવી વસ્તુ વાગે તો તેની જાણ થતી નથી, ૨) ચાલવામાં અને દાદર ચડવામાં તકલીફ પડે પગ લડખડતા હોય તેવું લાગે, (૩) બોલવામાં, ચાવવામાં, ખોરાક-પાણી ઉતારવામાં તકલીફ થાય, (૪) જોવામાં તકલીફ પડે (બે બે વસ્તુઓ દેખાય), (૫) સ્નાયુમાં દુખાવો થવો તોડતું મરડતું હોય વિશેષ કરીને રાત્રિના સમયે વધુ જોવા મળે, (૬) પેશાબ-મળ માર્ગની તકલીફ, (૭) શ્વાસ લેવામાં તકલીફ થવી, બ્લડપ્રેશરમાં ફેરફાર થવા વિગેરે.
જીયે બુરે સિન્ડ્રોમનું નિદાન
જીયે બુરે સિન્ડ્રોમનું નિદાન રોગીને તપાસી અને હિસ્ટ્રી લીધા પછી જરૂરી રિપોર્ટ કરવાથી થઈ શકે છે. ઉપરના લક્ષણો જણાતા આયુર્વેદ ચિકિત્સકનો સંપર્ક કર્યા પછી તપાસ પછી જરૂરી રિપોર્ટ જેવા કે નર્વ કન્ડક્શન ટેસ્ટ, સ્પાઇનલ ટેપ, એલેક્ટ્રોમીઓગ્રાફી, એએનએ વિગેરેની તપાસ કર્યા પછી કરી શકાય છે.
જીયે બુરે સિન્ડ્રોમની આયુર્વેદ સારવાર
જીયે બુરે સિન્ડ્રોમની ચોક્કસ સારવાર નથી તેમ આધુનિક વિજ્ઞાન માને છે અને ચિકિત્સા માટે નયુરાઇન ટોનિક, ઇમ્યુનો-સપ્રેશન્ટ અને સપોર્ટીવ મેડિસિન આપવામાં આવે છે. સામાન્ય રીતે રોગ આગળ ના વધે તે માટે ચિકિત્સા સતત ચાલુ રાખવાની સલાહ આપવામાં આવતી હોય છે. આયુર્વેદના મતે પણ રોગમાં સારવાર અને કાળજી સતત લેવી પડે.
રોગીની પરીક્ષા કર્યા પછી અને રોગ અને રોગીની અવસ્થા જાણ્યા પછી આયુર્વેદ ચિકિત્સક તેને મેડિસિન ટ્રીટમેન્ટ દવાથી ચિકિત્સા કરે છે જેમાં અશ્વગંધા, ચોપચીની, પીપરમૂળ, દશમૂલ, પંચમૂલ, વાતવિધવાંશ, તિંદૂક, વિગેરે ઔષધિ આપી શકે છે.
આહારમાં રોગીને અનુકૂળ હોય તેવા આહાર જે શરીર માં આમ ઉત્પન્ન ન કરે તેવા એટલે કે મેંદાની બાનવટ, તેલિબિયા નટ્સ, રિફાઈન્ડ ફ્લોર, રેડી ટુ કૂક અને રેડી ટુ સર્વ ફૂડ પરિસર્વેટિવ નાખેલ ખોરાકોનો ઉપયોગ ન જ કરવો. તલનું તેલ, જવ, મગ, વરસાદનું પાણી, સીંધાલૂણ, મધ, ગાયનું ઘી જેવી વસ્તુથી બનેલા ખોરાક જ લેવા હિતાવહ છે.
રાત ઉજાગરા કરવા, અતિ શ્રમ કરવો, તડકો, પવન લાગે તેવા કામ કરવા, ચિંતા કરવી, સતત માનસિક વિચારોમાં રહેવું રોગની તકલીફમાં વધારો કરે છે. નિશ્ચિંત રહેવું, સબળા વિચારો કરવા, હળવા કામ કરવા અને પ્રવૃત્તિશીલ રહેવાથી રોગ વધવાની ઝડપને ઓછી કરી શકાય. ઉંમર વધવાની સાથે જે ન્યુરૉન્સ (જ્ઞાન તંતુ) નાશ પામે છે તે ફરી બને શક્યતા નથી તેથી રોગની ચિકિત્સામાં બેકાળજી થવું યોગ્ય નથી. સતત નિયમિત ચિકિત્સાથી રોગથી થનારા ઉપદ્રવની ઝડપ ઓછી કરી શકાય.
સલાહ
ઉપરોક્ત રોગ અને રોગ-અવસ્થા વિશે વધુ જાણવા અને ચિકિત્સકિય અભિપ્રાય માટે આયુર્વેદ ચિકિત્સકનો સંપર્ક કરવો.
ડૉ. નિશાંત શુક્લ, જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પદ્મશ્રી આચાર્ય પૂ. ચંદનાજી મહારાજનો ૮૯મો જન્મ મહોત્સવ
રાજગીરી-બિહાર એટલે એ પુનીત અને પવિત્ર ભૂમિ છે કે જયાં પ્રભુ મહાવીર સ્વામીના પાવન પગલા પડયાં છે. અને ખરા અર્થમાં આશીર્વાદ પામી છે. આવી મહાન અને પાવન ભૂમિ ૫૨ પ્રભુ મહાવીરના ઉપદેશો, સિધ્ધાંતો અને દેષ્ણાઓને ખરા અર્થમાં ચરીતાર્થ કરતાં પ્રચાર અને પ્રસારનું ઉત્તમ માધ્યમ બનીને ઉભરી આવ્યા છે એક જૈન સાધ્વીજી, કે જેઓ આચાર્ય ચંદનાજીના નામથી ખ્યાતી પામ્યા છે. અને તાંઈ મહારાજ ના વિશીષ્ટ ઉપનામ સાથે પણ શ્રાવકોમાં ઓળખાય છે.
પૂ.આચાર્ય ચંદનાજી આગામી તા. ૨૬ મી જાન્યુઆરીના રોજ પોતાના જીવનકાળના ૮૮ વર્ષ પૂર્ણ કરીને ૮૯ માં વર્ષમાં સંપૂર્ણ સ્વસ્થતા અને ઉત્તમ સ્વાસ્થય સાથે મંગલ પ્રવેશ કરી રહૃાા છે. ત્યારે તેમનો પરિચય તાજો કરવો અસ્થાને નહીં ગણાય.
૨૬ મી જાન્યુઆરી ૧૯૩૭ ના રોજ મહારાષ્ટ્રના ચાસ્કામન મુકામે કટારીયા પરિવારના સુશ્રાવક પિતા માણેકચંદજી અને સુશ્રાવીકા માતા પ્રેમકુંવરબાના ખોરડે પુત્રી રતન તરીકે જન્મયાં શકુંતલા સાંસારીક નામ સાથે તેમનો ઉછેર થયો ફકત ૩ ધોરણ સુધી પ્રાથમિક શિક્ષણ પ્રાપ્ત કર્યુ સમય જતાં તેમના નાનાજીની સલાહને અનુસરીને જૈન પૂ. સાધ્વી સુમતીકુંવર સાથે જોડાયા કે જેથી જૈનત્વ અને જનસેવા વિષયક વધુ અભ્યાસ કરી શકે. માત્ર ચૌદ વર્ષની વયે જૈન દિક્ષા અંગીકાર કરી અમરમુની સંપ્રદાયના પૂજય ગુરૂૂદેવ ઉપાધ્યાય અમરમુનજી મહારાજે દિક્ષા આપી અને સાઘ્વી ચંદનાજી નામ આપ્યું. દિક્ષા પર્યાય દરમ્યાન જૈન સ્ક્રીત્યના અભ્યાસ અર્થે ૧૨ વર્ષ સુધી મૌન રહેવાની આકરી પ્રતિજ્ઞા લીધી. ઉપરાંત ભારતીય વિદ્યા ભવન, મુંબઈમાંથી દર્શનાચાર્યની ડીગ્રી મેળવી, પ્રયાગ ખાતેથી સાહિત્ય રત્નની ઉપાધી મેળવી બનારસ હિન્દુ યુનિવર્સિટી ખાતેથી નાવ્યન્યાય અને વ્યાકરણ વિષયોમાં શાસ્ત્રીની વિશેષ ઉપાધી મેળવી.
તેઓએ વર્ષ ૧૯૭૨ થી બિહારના ગરીબીથી પ્રભાવિત વિસ્તારોમાં માનવતાવાદી સેવાકીય કાર્યોનો શુભારંભ કર્યો ૧૯૭૪ માં વિરાયતનની સ્થાપના કરી જે હાલ વિશ્વના ૧૦ રાષ્ટ્રોમાં ફેલાયેલી છે. વિરાયતનની સંસ્થા ઃ રાજગીર (ઝારખંડ) પાવાપુરી (કચ્છ) - રૂૂદ્રાણી (કચ્છ) - પાલીતાણા - વ્યોમ આગરા - ઓસિયાજી (રાજસ્થાન) - સંચોર - ખંડોબા (પૂના) તથા ઈન્ટરનેશનલ સંસ્થા અમેરીકા - બ્રિટન - કેન્યા - નેપાલ - દુબઈ દેશ-વિદેશ દરેક જગ્યા સંસ્થા કાર્યરત છે. વિરાયતન દ્વારા શાળાઓ, કોલેજીસ ઉપરાંત હોસ્પિટલ્સનું અધતન સંચાલન ક૨વામાં આવ્યું છે. ઉપરાંત જરૂૂરતમંદો માટે વ્યવસાયીક તાલીમી કાર્યક્રમોનું પણ સંચાલન કરવામાં આવી રહૃાું છે. કુદરતી આપતીઓ બાદ પ્રભાવીત પરિસ્થિતિઓના પુનઃવસવાટ માટે પણ વ્યાપક રીતે સેવાઓ કરવામાં આવેલ છે. જૈનોની પવિત્ર તિર્થભૂમિ અને શ્રેષ્ઠ યાત્રાધામ રાજગીરી મુકામે જૈન તીર્થંકરોની દેક્ષણાઓના વ્યાપક પ્રસાર હેતુ ડીવાઈન વર્લ્ડ નામના અંતગર્ત એક યોજનાનું કામ હાથ ધર્યુ હતું, અને પુરૂૂ કરેલ છે.
તીર્થંકર મહાવીર પ્રભુનો અહિંસા, પ્રેમ અને કરૂૂણાનો સંદેશ જેમનો જીવનમંત્ર હોય, ચોવીસ કલાક, ત્રણસો પાંસઠે દિવસ જેઓ માનવ કલ્યાણની પ્રવૃતિઓમાં જ નિસ્વાર્થ ભાવે સંલગ્ન હોય, સબળ, સક્ષમ અને ગતિશીલ નેતૃત્વ જેમના ડગલે પગલે ભારોભાર અભિવ્યકત થતું અનુભવી શકાય તેમની વિદવતાપૂર્ણ, અસ્ખલિત રણકતી મધુરવાણી સાંભળતા અભિભૂત થઈ જવાય એવી કોઈ સૌમ્યતા અને શાલીનતા સભર, મમતાની મૂર્તિજોવા મળે તો તેઓ નિશ્ચિતપણે પૂ. ચંદનાજી મહારાજ તથા પૂ. સાધ્વીજી શિલાપીજી મહારાજ હશે. તેમ કહેવામાં કોઈ અતિશ્યોકિત નહી ગણાય. તેઓની સાથો સાથ સૌરાષ્ટ્રમાં કચ્છ સ્થિત વિરાયતન વિદ્યાપીઠના સાધ્વીશ્રી શિલાપીજી મહારાજ આવા બહુમુખી પ્રતિભાવંત અને અનોખા વ્યક્તિત્વનો જાતે જ અનુભવ કર્યા વિના રહી શકશે નહીં.
વિરાયતન રાજગીરીનો એક પરિચય
૫૨મ પૂજય ગુરુદેવ ઉપાધ્યાય અમરમુનિજીની પ્રેરણા અને આશીર્વાદ ૫૨મ શ્રદ્ધેય આચાર્ય ચંદનાજી દ્વારા વિરાયતનનો પ્રારંભ સન ૧૯૭૩ માં રાજગીરી - બિહારમાં થયો. સેવા, શિક્ષા અને સાધનાના હેતુઓની સાથે માનવ કલ્યાણ અને સામાજીક વિકાસના કાર્યોમાં સમર્પિત વિરાયતન, એક સોશ્યોરીલિજીયસ આંતરરાષ્ટ્રીય સંસ્થાન છે. જે સેવાના માધ્યમથી ભગવાન મહાવીરની કરૂૂણા અને અહિંસાની તેજસ્વિતાને અનેક લોકો સુધી પહોંચાડવાનો સફળ પ્રયાસ કરી રહી છે.
૫૨મ શ્રદ્ધેય આચાર્ય ચંદનાજીના નેતૃત્વમાં વિરાયતન-સમર્પિત અને કુશળ સાધ્વી સંઘ, કાર્યકારિણી સમિતિના સદસ્યને ઉત્સાહિત સ્વયંસેવકોના સંયુકત પ્રયત્નોથી ચાલતી સંસ્થા છે. સમગ્ર માનવજાતિના ઉત્કર્ષ માટે વિરાયતનનું કાર્ય કોઈ જાતિ કે પંથ, ધર્મ કે સમુદાયના ભેદભાવ વગર સંપન્ન કરવામાં આવી રહૃાું છે. વિરાયતનનો પ્રયાસ છે કે એવું વાતાવરણ બનાવવામાં આવે જેમાં બધા લોકો, લાભાર્થી, સ્વયંસેવકો અને કાર્યકતાઓનો સહયોગ અને સર્વ હિતની વાત વિચારી શકે અને બીજાના કલ્યાણની સુંદર યાત્રામાં સહભાગી બની શકે. છેલ્લા ૪૫ વર્ષોમાં વિરાયતને લાખો લોકોના જીવનને સ્પર્શ કર્યો છે અને પ્રોત્સાહન, સહયોગ અને નિસ્વાર્થ પ્રેમ દ્વારા તેમનામાં નવી આશાઓનો સંચાર કર્યો છે.
આચાર્ય ચંદનાજી જૈન ધર્મને તો વરેલા રહૃાા છે, સાથોસાથ જૈન સમાજને સંપૂર્ણ રીતે સમર્પિત રહૃાા છે. સમાજના ઉત્થાન અર્થે શિક્ષણને પ્રાધાન્ય આપ્યું. તેઓ દ્રઢતાપૂર્વક માને છે કે, જે સમાજ શિક્ષિત હોય તે સમાજ સદૈવ સુરક્ષીત હોય અને રહેશે જ. સમાજની દરેક પ્રકારની સેવાઓ પછી તે શિક્ષણ હોય કે આરોગ્ય, ધર્મ ઉપદેશની વાત હોય કે પછી ગરીબોના ઉત્થાનની બાબત હોય. પૂ. તાઈ મૉં સદાય તત્પર, અગ્રેસર અને સમર્પિત રહૃાા છે. પાંચ દાયકા ઉપરાંતની તેમની આ સેવાઓની ભારત સરકારે રાષ્ટ્રીય કક્ષાએ નોંધ લીધી અને તેને આપેલા આ ઉત્તમ યોગદાન બદલ તેમને વર્ષ ૨૦૨૨ માં *પદ્મશ્રી એવોર્ડથી વિભુષીત કરાયા અને ભારતના રાષ્ટ્રપતિ રામનાથ કોવિંદના હસ્તે પદ્મશ્રી એવોર્ડ એનાયત કરવામાં આવ્યો.
પદ્મશ્રી આચાર્ય ચંદનાજી જે જે ભૂમી પર પગરણ માંડે છે તે દરેક ભૂમીની તાસીર અને કિસ્મત બદલાઈ જાય છે.
વિરાયતન કચ્છમાં આગમન
૨૬ જાન્યુ-૨૦૦૧ માં કચ્છમાં વિનાશક ભૂકંપ ત્રાટકયો એ સમયે સાધ્વીજી પૂ. શિલાપીજી મહારાજ લંડન ખાતે જૈન ધર્મ વિશે પી.એચ.ડી. નું અધ્યયન કરી રહૃાા હતા. વિકરાળ ભૂકંપે તબાહી મચાવ્યાની જાણ થતાં જ પી.એચ.ડી. નો અભ્યાસ અધુરો છોડી પૂ. શિલાપીજી મહારાજ કચ્છ દોડી આવ્યા અને આચાર્ય ચંદનાજી મહારાજના આશીર્વાદ સાથે ભૂકંપપીડીતોના અશ્રુ લુછવાના ભગીરથ કાર્યનો પ્રારંભ કર્યો ત્યારથી આજ સુધી તેઓ કચ્છવાસીઓના કલ્યાણ માટે અવિરત સંલગ્ન છે.
૨૪ વર્ષ પૂર્વ કચ્છમાં આવેલા ભૂકંપ બાદ આપત્તિગ્રસ્ત લોકો માટે રાહત અને પુનવર્સનની બેનમુન કામગીરી કરનાર વિરાયતન સંસ્થાએ કચ્છમાં ઉચ્ચ વ્યવસાયિક શિક્ષણની વિશ્વકક્ષાની સુવિધાઓ ઉપલબ્ધ બનાવી જે આજે કચ્છની વિકાસક્રાંતિના એક સુવર્ણપુષ્ઠ બની ચૂકી છે. પરમ શ્રદ્ધેય આચાર્ય ચંદનાજી મહારાજના આશીર્વાદથી એનો પ્રારંભ કરનારા સાઘ્વી શિલાપીજી મહારાજ છે. એમની દ્રષ્ટિ, સૂઝબૂઝ, અથાક મહેનત, સબળ નેતૃત્વ અને અસરકારક દોરવણીના કા૨ણે આજે કચ્છમાં વિરાયતન શિક્ષણના મહામથક તરીકે ઉભરી આવ્યું છે. અહી આજે જિલ્લાની સર્વપ્રથમ ફાર્મસી ડિગ્રી કોલેજ, મેનેજમેન્ટ કોલેજ, વિશ્વસ્તરની ઈજનેરી કોલેજ, પ્રાથમીક અને માધ્યમિક કક્ષાની ચાર શાળાઓ તેમજ બે તબીબી કેન્દ્રો કાર્યરત છે. જેમાં હજારો વિદ્યાર્થીઓ કોઈ જાતિ, ધર્મ, સંપ્રદાયના ભેદ વગર નિશુલ્ક શિક્ષણ પણ પ્રાપ્ત કરી રહૃાા છે.
પૂ. ચંદનાજી મહારાજના આશીર્વાદથી પૂ. સાધ્વી શિલાપીજી મહારાજ દિલ્હી યુનિવર્સિટીમાંથી એમ.કોમ. અને લંડનની કિંગ્સ કોલેજમાંથી એમ.ફિલની ઉપાધિ મેળવનાર સાધ્વી શિલાપીજી સંસ્કૃત, પ્રાકૃત, મારવાડી (રાજસ્થાની), મરાઠી, ગુજરાતી, હિન્દી તેમજ અંગ્રેજી તેમ સાત ભાષાઓમાં પારંગત છે અને જૈન તત્વજ્ઞાન તેમજ માનવજીવનની સમસ્યાઓ વિશે અગાધ જ્ઞાન તથા ઉડી સમજ ધરાવે છે. ઓકસફર્ડ, હાવર્ડ તેમજ અન્ય ટોચની વિદેશી યુનિવર્સિટીઓમાં સાધ્વીજીના વ્યાખ્યાનો અવારનવાર યોજાતા રહે છે. ભારત દર્શન વિશે પશ્ચિમની યુનિવર્સિટીમાં અભ્યાર કરનાર તેઓ પહેલા જૈન સાધ્વી છે.
કચ્છ વિરાયતન ઈન્સ્ટીટયુટ ઓફ એન્જીનીયરીંગ હરિપર ગામમાં સ્થાપના કરવામાં આવેલ છે. જેમાં ઉચ્ચ શિક્ષણ સંકુલ બનાવવામાં આવેલ છે. જેમાં અનુભવી સ્ટાફ તથા પ્રધ્યાપકો શિક્ષણ આપે છે. આ ઈન્સ્ટીટયુટમાં વિદ્યાર્થીઓને શિક્ષણની સાથો સાથ ટેકનીકલી, ખેલકૂદ તેમજ સાંસ્કૃતીક કાર્યક્રમો કરવામાં આવે છે.
આ શિક્ષણ સંસ્થા ૫ લાખ ફૂટની જગ્યામાં બનાવવામાં આવેલ છે, જેમાં કેમ્પસની અંદર હોસ્ટેલ તથા કોમ્પલેક્ષ આધુનિક સુવિધાથી સજજ છે. જેમાં આઈ.ટી., ઈલેકટ્રોનીક અને કોમ્પ્યુટર, સીવીલ મીકેનીકલ, કેમીકલ, કોમ્યુપટર અને ઈલેકટ્રોનીક એન્જીનીયર ડિગ્રીના વર્ગો તથા ડીપ્લોમા પ્રોગ્રામ કરાવવામાં આવે છે તેમજ જરૂૂરીયાત મંદ વિદ્યાર્થીઓને સ્કોલરશીપ આપવામાં આવે છે. ખાસ નોંધનીય છે કે આ ઈન્સ્ટીટયુટમાંથી ડિગ્રી પ્રાપ્ત કર્યા પછી સારી કંપનીના કેમ્પ ઈન્ટરવ્યુમાં જોબ મળી જાય છે.
૫.પૂ.તાઈમાં મહારાજના માર્ગદર્શન મુજબ પ.પૂ. શિલાપીજી મહારાજની દેખરેખ હેઠળ વર્ષ ૨૦૨૨ માં અદ્યતન આધુનીક ૭૮૦ શીટનો ઓડીટોરીયમ હોલ બનાવી અને ખુલ્લો મૂકવામાં આવ્યો. જેનું નામાધિકરણ 'અદાણી ઓડીટોરીયમ હોલ' રાખવામાં આવેલ.
વર્ષ-૨૦૨૨માં પ્રરીણી મહારાજ સાહેબએ દિક્ષા અંગીકાર કરેલ. તેમની નાની બહેન માનવી બહેન જૈન તા. ૨૫-૧-૨૦૨૫ના રોજ દિક્ષા અંગીકાર કરશે તેમનો વરઘોડો શોભાયાત્રા ૭૨ જિનાલયથી સવારે ઃ ૮ વાગ્યે નીકળશે અને ૧૦વાગ્યે દિક્ષાનો પાઠ ભણાવવામાં આવશે.
સંકલનઃ- શશીકાંત ઉદાણી,
મો. ૯૪૨૭૨ ૪૦૬૭૮
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વનતારાના બંધનમૂકત માહોલમાં મોજથી વિચરશે ૨૦ હાથી
શોષણકારી લોગિંગ ઈન્ડસ્ટ્રીઝમાંથી બચાવાયા પછી
જામનગર તા. ૨૨: વનતારા શોષણકારી લોગિંગ ઇન્ડસ્ટ્રીમાંથી બચાવેલા ૨૦ હાથીઓને બંધન મુક્ત વાતાવરણ પૂરું પાડશે. હાથીના ભૂતપૂર્વ માલિકો અને મહાવતો વનતારામાં રોજગારની તકો દ્વારા નવી આજીવિકા અપનાવશે.
દીર્ઘદૃષ્ટા પરોપકારી અનંત અંબાણીએ સ્થાપેલી અત્યાધુનિક એનિમલ રેસ્ક્યુ એન્ડ રિહેબિલિટેશન સંસ્થા, વનતારા અરુણાચલ પ્રદેશની શોષણકારી લોગિંગ ઇન્ડસ્ટ્રીમાંથી મુક્ત કરાયેલા ૨૦ હાથીઓ - ૧૦ નર, ૮ માદા, ૧ અલ્પ-પુખ્ત અને એક બાળ હાથીને આવકારવાની તૈયારી કરી રહૃાું છે. આ બચાવ કામગીરી ત્રિપુરા હાઈકોર્ટ દ્વારા રચવામાં આવેલી અને ભારતની સર્વોચ્ચ અદાલત દ્વારા અનુમોદિત હાઇ-પાવર્ડ કમિટીની મંજૂરી સાથે પ્રાણીઓના વર્તમાન માલિકોની સંપૂર્ણ સંમતિ સાથે હાથ ધરવામાં આવી છે.
આ હાથીઓને ટૂંક સમયમાં વનતારામાં તેમનું કાયમી ઘર મળશે, જે કુદરતી રીતે તેમના મૂળ નિવાસસ્થાનને પ્રતિબિંબિત કરે છે, જ્યાં તેઓ સાંકળના બંધન વિના જીવશે અને તેમને ક્યારેય મજૂરી માટે ફરજ પાડવામાં આવશે નહીં.
પીડિત હાથણીઓની
કરૂણ કહાનીઓ
બચાવી લેવાયેલા હાથીઓમાં એક લક્ષ્મીનો સમાવેશ થાય છે, જે ૧૦ વર્ષની કેદમાં જન્મેલી અલ્પ-પુખ્ત વયની છે અને તે ઊંડા, સારવાર નહીં કરાયેલા ઘાને કારણે તેના પાછળના પગ પર વજન સહન કરવા માટે સંઘર્ષ કરી રહી છે, ઉપરાંત તેના અત્યંત સંવેદનશીલ જમણા કાન પિન્નામાં એક ઇંચના વ્યાસના તાજા ઘાથી પણ પીડાઈ રહી છે. આ બંને ઘા તેના પર માનવ વર્ચસ્વ સ્થાપિત કરવા માટેની ક્રૂર ટેમિંગ પ્રોસેસ દરમિયાન કરવામાં આવ્યા હતા. બે વર્ષની અને કેદમાં જન્મેલી બાળ હાથણી માયાને તેની માતા રોંગમોતી સાથે બચાવી લેવામાં આવી હતી, જેણે લાંબા સમય સુધી લોગિંગનું કામ કરવાથી છાતી અને નિતંબ પર સતત ભારેખમ વજન ઉંચકવાથી થતાં જખમ સહન કર્યા હતા. એક સંપૂર્ણ પુખ્ત હાથી રામુ તેના ૪-૬ મહિનાના આક્રમક થવાના સમયગાળા મુસ્ટ પીરિયડ દરમિયાન તેને નિયંત્રિત કરવા માટે તેના આગળના અને પાછળના પગને સાથે સખત રીતે બાંધી રાખવામાં આવ્યા હતા અને તેના પરિણામે તે સખત શારીરિક અને માનસિક તકલીફમાં રહૃાો હતો. વધુ એક પુખ્ત હાથી બાબુલાલ ભોજન સામગ્રી શોધવા દરમિયાન જંગલી પુખ્ત હાથી સાથેના સંઘર્ષને કારણે ગંભીર રીતે તૂટેલી અને લોહી નીકળતી પૂંછડીની વેદનાથી પીડાય છે. લાંબો સમય કેદમાં રહેવાના કારણે પોતાનો બચાવ કરવા માટેની જરૂરી કુદરતી આવડતો તે ભૂલી ગયો હતો.
મહાવતો-માલિકોને રોજગારીની તક
હાથીઓ માટે આજીવન સંભાળ પૂરી પાડવા ઉપરાંત, આ પ્રોજેક્ટ વનતારામાં હાથીના માલિકો, મહાવતો અને તેમના પરિવારો માટે આજીવિકાની નવી તકો પૂરી પાડે છે. મહાવતો અને સામેલ અન્ય લોકો હાથીઓના સંચાલન માટેની માનવીય અને વૈજ્ઞાનિક રીતે સમર્થિત પદ્ધતિઓમાં સઘન તાલીમ મેળવશે, હાથીઓ માટે દયાળુ સંભાળનું ભવિષ્ય સુનિશ્ચિત કરશે અને આ અભિગમને સમર્થન આપવા માટે જ્ઞાન અને કૌશલ્યો સાથે તેમની સંભાળ રાખનારાઓને સશક્ત બનાવશે.
૨૦૦થી વધુ નિષ્ણાતોની સમર્પિત ટીમ
આ સંસ્થાએ વાઇલ્ડલાઇફ (પ્રોટેક્શન) એક્ટ, ૧૯૭૨ હેઠળ તમામ જરૂૂરી દસ્તાવેજો મેળવ્યા છે, જેમાં ગુજરાત ફોરેસ્ટ ડિપાર્ટમેન્ટ પાસેથી નો ઓબ્જેક્શન સર્ટિફિકેટ અને અરુણાચલ પ્રદેશ ફોરેસ્ટ ડિપાર્ટમેન્ટ પાસેથી ટ્રાન્સપોર્ટ પરમિટ મેળવવાનો સમાવેશ થાય છે. હાથીઓને ખાસ ડિઝાઇન કરાયેલી એલિફન્ટ એમ્બ્યુલન્સમાં લઈ જવામાં આવશે, જેમાં બચ્ચું માયા તેની માતા સાથે મુસાફરી કરશે.
હાથીના પશુ ચિકિત્સકો, પેરાવેટ્સ, સિનિયર કેરટેકર્સ અને વનતારાના એમ્બ્યુલન્સ ડ્રાઇવરોનો સમાવેશ કરતી ૨૦૦થી વધુ નિષ્ણાતોની સમર્પિત ટીમ સખત પરિવહન માર્ગદર્શિકાઓ અને પ્રાણી કલ્યાણ ધોરણોનું પાલન કરવાની સાથે પ્રાણીઓના સલામત અને અનુપાલન પરિવહનની ખાતરી કરશે.
એશિયન સંસ્થાનું સંશોધનપત્ર
આઇયુસીએન/એસએસસી એશિયન એલિફન્ટ સ્પેશિયાલિસ્ટ ગ્રૂપની દ્વિવાર્ષિક જરનલ ગજહમાં ૨૦૨૦માં પ્રકાશિત થયેલું એક સંશોધન પત્ર દર્શાવે છે કે અરુણાચલ પ્રદેશમાં નોંધપાત્ર સંખ્યામાં ખાનગી માલિકીના હાથીઓ કેદમાં ઉછેરવામાં આવે છે. આ હાથીઓને ઘણીવાર જંગલી વિસ્તારોની નજીકમાં રાખવામાં આવે છે, જ્યાં બંધક હાથીઓ જંગલી પુખ્ત હાથીઓના સંપર્કમાં આવે છે. જોકે, હાથીઓની ખાનગી માલિકી ઘટી રહી છે, કારણ કે લોગિંગ પર પ્રતિબંધને પગલે વનસંવર્ધન કામગીરીમાં તેમના ઉપયોગની માંગ પણ ઘટી છે.
વન વિભાગના
અધિકારીનું મંતવ્ય
નમસાઈના ડિવિઝનલ ફોરેસ્ટ ઓફિસર તબાંગ જામોહે પુષ્ટિ કરી હતી કે, ''અરૂણાચલ પ્રદેશમાં લગભગ ૨૦૦ બંધક હાથીઓની સક્રિય સંવર્ધન વસ્તી સાથે, તેમના આરોગ્ય અને કલ્યાણની નજીકથી દેખરેખ રાખવા માટે ડીએનએ પ્રોફાઇલિંગ હાથ ધરવામાં આવી રહૃાું છે. સુપ્રીમ કોર્ટ દ્વારા નિયુક્ત કમિટીના નિર્દેશ મુજબ વનતારા ખાતેના રાધે કૃષ્ણ ટેમ્પલ એલિફન્ટ વેલફેર ટ્રસ્ટમાં ૨૦ હાથીઓની ટ્રાન્સફર આ પ્રાણીઓના ઉજ્જવળ ભવિષ્યની ખાતરી આપે છે. આ પહેલ સ્થાનિક સમુદાયોને વૈકલ્પિક આજીવિકા પૂરી પાડવાની સાથે પ્રાણી કલ્યાણમાં વધારો કરે છે, એ સાથે સંરક્ષણ, સામુદાયિક સુખાકારી અને વન સંરક્ષણ વચ્ચે સંતુલન જાળવી રાખે છે.''
વેટરનરી ઓફિસરનો અભિપ્રાય
ઇટાનગર બાયોલોજિકલ પાર્કના વેટરનરી ઓફિસર ડો. સોરાંગ તડપે જણાવ્યું હતું કે, *બંદીવાન હાથીઓ ઘણીવાર ગંભીર સ્વાસ્થ્ય સમસ્યાઓથી પીડાય છે, જેમાં કઠોર શ્રમ, તાલીમ અને લાંબી સાંકળોને કારણે ઇજાઓ, સંધિવા અને માનસિક આઘાતનો સમાવેશ થાય છે. ઘણાં બાળ હાથી તાલીમ દરમિયાન પગની ઊંડી ઇજાઓ સહન કરે છે, જ્યારે પુખ્ત વયના હાથી જંગલી હાથીઓ સાથેના સંઘર્ષથી સતત જોખમોનો સામનો કરે છે. ચોવીસ કલાક સંભાળ અને ફિઝિયોથેરાપી પૂરી પાડતી સમર્પિત હોસ્પિટલ સુવિધાઓની તાત્કાલિક જરૂૂરિયાત છે, જેનો આપણા રાજ્યમાં હાલમાં અભાવ છે. બચાવેલા હાથીઓ માટે અદ્યતન તબીબી સારવાર અને આજીવન સંભાળ પૂરી પાડતી વનતારા જેવી સુવિધાઓ જોવી પ્રોત્સાહક છે, જે તેમના કલ્યાણ માટે એક મહત્ત્વપૂર્ણ માપદંડ સ્થાપિત કરે છે.''
હાથી માલિકની પ્રતિક્રિયા
હાથીના માલિકોમાંના એક ચૌ થામસાલા મેઇને આ પહેલની વિશિષ્ટતા પર પ્રકાશ પાડતાં જણાવ્યું કેઃ લોગિંગ પર પ્રતિબંધ હોવાથી અમે હવે અમારા હાથીઓનો ઉપયોગ આવી મજૂરી માટે કરવા ઈચ્છતા નથી. અમે ખુશ છીએ કે તેઓ હવે વનતારામાં કાળજીપૂર્વકનું જીવન વિતાવશે. આ પહેલ અમારા બાળકો માટે ઉજ્જવળ ભવિષ્યને સુરક્ષિત કરીને અમારા પરિવારો માટે સ્થિર નોકરીઓ અને સ્થિર આવક પણ પૂરી પાડે છે.''
શોષણકારી લોગિંગથી છુટકારોઃ નવજીવન
શોષણકારી લોગિંગ ઉદ્યોગમાં હાથીઓને અનેક નુકસાન થાય છે કારણ કે તેઓને ભારે લાકડાં ઉપાડવાની અને કલાકો સુધી અથાક કામ કરવાની ફરજ પાડવામાં આવે છે. તેઓ શારીરિક શોષણ, કુપોષણ, સંધિવા અને તબીબી સંભાળનો અભાવ સહન કરે છે. સતત સાંકળોથી બંધાઈ રહેવાને કારણે તેઓ મુક્ત રીતે ફરવાની અને સ્વાભાવિક કુદરતી વર્તણૂકોથી વંચિત રહે છે. આ કઠોર પરિસ્થિતિઓ ગંભીર મનોવૈજ્ઞાનિક આઘાત પણ આપે છે, જે ઘણી વખત માથુ ધુણાવવાના, હલાવવાના અને ઝુલાવવાની તેમની વર્તણૂકોમાં દેખાઈ આવે છે. તેમનામાં બુદ્ધિ અને સામાજિક પ્રકૃતિ હોવા છતાં આ હાથીઓને મશીન તરીકે ગણવામાં આવે છે, તેમની પ્રતિષ્ઠા અને સુખાકારી છીનવાઈ જાય છે. વનતારામાં તેમને નવજીવન અને હાથીઓની જેમ જીવવાની તક મળશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
શિયાળો એટલે તંદુરસ્તીની ઋતુ, પણ થોડું સતર્ક રહેવું પડે.... હો...
ગુમાવેલી શકિત પાછી મેળવવા અને હુષ્ટ-પૃષ્ટ રહેવા શું કરવું ?
શિયાળાની ઋતુમાં કેટલીક સતર્કતા રાખીને શરીરને હુષ્ટ-પૃષ્ટ કેવી રીતે રાખી શકાય અને ગુમાવેલી શકિત કેવી રીતે પાછી મેળવવા વરવાળા આર્યુવેદ ઔષધાલય વૈદ્ય ડી.પી. મહેતાએ કેટલીક માર્ગદર્ક ટીપ્સ રજૂ કરી છેઃ-
માલિશ કરવું: ઠંડી ઋતુમાં સરસિયું કે તલનું તેલ માલિશ રવા માટે ઉપયોગમાં લેવું જોઈએ.
કસરત-વ્યાયામનું મહત્ત્વઃ માલિશ કરી લીધા પછી જ શરીરની શકિત અને સ્થિતિ પ્રમાણે કસરત કરવી, વ્યાયામ કરવો જરૂરી છે. યોગાસન, દંડ બેઠકનો વ્યાયામ કરી શકાય કે સવાર-સાંજ ફરવા જવું કે દોડવું પણ સારી એવી કસરત છે. શિયાળામાં ચાલવું હિતાવહ છે.
સ્નાનનું મહત્ત્વઃ માલિશ કરી, કરારત કરીને તાજા પાણીથી સ્નાન કરવું વધુ ફાયદાકારક છે, જેમને વધારે ઠંડી લાગતી હોય તેઓ ગરમ પાણીથી સ્નાન કરી શકે છે. માથા પર ગરમ પાણી ન નાખવું.
આદું-સુંઠનું સેવનઃ શિયાળામાં આદું, સંુઠ, પીપરી મૂળ, ગંઠોડા વગેરેનું સેવન હિતકારક છે.
શિયાળામાં ખાવા જેવા શાકભાજીઃ ગાજર, મેથી, રીંગણા, મૂળા વગેરે.
પૌષ્ટિક ફળઃ સફરજન, સંતરા, દ્રાક્ષ, મોસંબી, જામફળ, બોર, કેળાં, ખજૂર, આમળા જેવા પૌષ્ટિક ફળનું સેવન કરી શકાય.
શિયાળામાં આરોગ્ય ન બગડે તે માટે શું કરવું જોઈએઃ ગરમ, વિશ્વાસવાળા, પચવામાં ભારે, મીઠા, ખાટા, સહેજ ખારા રસવાળા આહાર દ્રવ્યો ખાવા જોઈએ, તેમજ વધુ જાડા તથા ગરમ કપડાં પહેરવા જોઈએ અને હુંફમાં રહેવું જોઈએ.
પોષ્ટિક ખોરાકઃ શિયાળાની ઋતુમાં પુરતા પ્રમાણમાં ચોખ્ખા દૂધ, ઘી જેવા પૌષ્ટિક પદાર્થો ખાવાનો રિવાજ આજે પણ છે. સૌએ પોતાની શકિત અનુસાર પૌષ્ટિક પદાર્થોનું સેવન કરવું જોઈએ. બદામ, કાજુ, અખરોટ, કિસમિસ, ખજૂર, કોપરૃં, અડદની દાળ, ગુંદર, ચારોળી, તલ, અડદ, શેરડી, ગોળ, કાળા તલનું કચરિયું, લસણ વગેરે પણ યથાશકિત ખાવાજોઈએ.
શકિત આપનારા ઔષધોનું સેવન પણ કરી શકાયઃ આમળાનું અશ્વગંધા, શતાવરી, રસાયણ ચૂર્ણ, સારી ફાર્મસીનો ચ્યવનપ્રાશ, જેઠીમધ વગેરે દ્રવ્યોનું સેવન શિયાળામાં બળ, આરોગ્ય, રસાયણ ગુણ આપનારા છે, ફાયદાકારક છે.
ઘરે પાક બનાવોઃ પ્રત્યેક શિયાળામાં પાક બનાવીને ખાવાની પ્રણાલી યુગોથી ચાલી આવે છે. જુદાં જુદાં વસાણાં નાખીને સુખડી બનાવવી, અડદિયા પાક, પેથીપાક, ગુંદર પાક જેવા ઘરગથ્થું પાક ઘેર ઘેર બનાવી કેટલાય કુટુંબો આખો શિયાળો ખાતા હોય છે. પાચન શકિતનો ખ્યાલ રાખી સવારે સાંજે આ પાક ખાતા રહેવાથી તેમજ આયુર્વેદના દ્રવ્યો આમળા, મૂસળી, કૌચા વગેરેથી પાક વિધિથી તૈયાર થયેલ પાક ખાવાથી સ્ત્રી-પુરૂષ-બાળકોને પણ શકિત, બળ, સ્ફૂર્તિ અને આરોગ્ય મળે છે.
શિયાળામાં હાથ-પગના વાઢિયાથી બચવા માટેઃ શિયાળામાં હાથ-પગના તળિયામાં વાઢિયા થાય છે. ચિરા પડે છે, આનાથી બચવા માટે તેમજ આગળ વધતા અટકાવવા માટે ઠંડીમાં સુતરાઉ-કોટનના ગરમ પગ મોજા પહેરવા, સાધારણ ગરમ પાણીથી સ્નાન કરવું, આખા શરીરે અને પગના તળિયે હંમેશા ખૂબ માલિશ કરવી. વાઢિયા થયા હોય તેમણે પગને ગરમ પાણીથી ધોઈ વાઢિયા-ચિરામાં દિવેલ, કોકમનું ઘી કે તૈયાર મળતા જાત્યાદિ તેલ, જાત્યાદિ મલમ નિયમિત લગાડતા રહેવું.
શિયાળામાં થતા ચામડીના રોગોઃ શિયાળામાં થતા ચામડીના રોગોમાં સંયમ ખૂબ જ હિતાવહ છે. મધુર, ખાટાં, ભારે, ચિકણા અને પૌષ્ટિક આહાર વધારે પ્રમાણમાં ખવાય તો કફજન્ય કેટલાક ચામડીના રોગો થવાની શકયતા રહે છે. શ્યિાળામાં થતા ચામડીના રોગો માટે ધમાસો અથવા લીમડાના પાનનો ઉકાળો કરી ગરમ પાણીથી સ્નાન કરવું અને રોગવાળા ભાગને સાફ કરવું. શરીરે ખંજવાળ આવે તો સરસિયું તેલ લગાડવું.
શિયાળામાં ઠંડા પીણા ન પીશોઃ ઠંડા પીણા કે બરફવાળા પીણા કારણ વિના કે સમજ વિના શિયાળામાં પીવા હિતાવહ નથી.
શિયાળામાં થતા શરદી-ઉધરસ, કફમાં ઉપયોગી ઔષધોઃ શુંઠ, મરી, પીપર, અજમો, અરડૂસી, તુલસી, હળદર અને મધ, જેઠી મધ વગેરેનું સેવન કરવું જોઈએ. સર્વે સન્તુ નિરામયાઃ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઈસ્કોન માયાપુરની બે બીમાર હાથણીઓને વનતારામાં પૂરી કાળજી સાથે આજીવન નિભાવાશે
મહાવત પર એક હાથીએ હૂમલો કર્યા પછી બન્ને સંસ્થાઓ વચ્ચે નવી સમજૂતિ
જામનગર તા. ૨૧: ઈસ્કોન માયાપુરની બે બીમાર હાથણીઓને વનતારામાં આજીવન કાળજી સાથે નિભાવાશે. એક હાથીએ તેના મહાવત પર જીવલેણ હુમલો કરવાની કરૂણાંતિકાને પગલે બંને સંસ્થાઓ વચ્ચે નવી ભાગીદારી સધાઈ હતી. જેને અદાલતી અનુમોદન પણ મળી ચૂકયું છે.
દીર્ઘદૃષ્ટા પરોપકારી અનંત અંબાણીએ સ્થાપેલી અત્યાધુનિક એનિમલ રેસ્ક્યુ એન્ડ રિહેબિલિટેશન સંસ્થા, વનતારા બે માદા હાથી, ૧૮ વર્ષની વિષ્ણુપ્રિયા અને ૨૬ વર્ષની લક્ષ્મીપ્રિયાનું સ્વાગત કરવા સજ્જ થઈ રહી છે. આ બંને હાથણીને કોલકાતા પાસેના માયાપુર સ્થિત ઈન્ટરનેશનલ સોસાયટી ફોર ક્રિશ્ના કોન્શિયસનેસ (ઈસ્કોન)માંથી લાવવામાં આવી રહી છે. ગત એપ્રિલમાં વિષ્ણુપ્રિયાએ અત્યંત આક્રમક સ્વરૂપ ધારણ કરીને તેના મહાવત પર જીવલેણ હુમલો કરવાની કરૂણ ઘટનાને પગલે આ બંને હાથણીને વનતારામાં ખસેડવામાં આવી રહી છે.
આ કરૂણાંતિકા બાદ બંને હાથણીને વિશેષજ્ઞની કાળજી તેમજ તેમની સુખાકારી માટે વધુ અનુકૂળ વાતાવરણમાં ખસેડવાની જરૂરિયાત પર ભાર મૂકાયો હતો. ઈસ્કોન સાથેની ભાગીદારીમાં વનતારા દ્વારા હાથ ધરાયેલી આ ટ્રાન્સફર પ્રોજેક્ટની પહેલને ત્રિપુરા હાઈકોર્ટ દ્વારા રચાયેલી હાઈ-પાવર્ડ કમિટી તરફથી સંપૂર્ણ અનુમતિ અપાઈ હતી, જેનું ભારતની સર્વોચ્ચ અદાલતે પણ અનુમોદન કર્યું હતું, જેને તણાવગ્રસ્ત વન્ય પ્રાણીઓને રેસ્ક્યુ કરવા તથા તેમના માટે સુરક્ષિત, તણાવ-મુક્ત વાતાવરણ સુનિશ્ચિત કરવાની જવાબદારી સોંપાઈ છે. વનતારામાં, વિષ્ણુપ્રિયા તથા લક્ષ્મીપ્રિયાને હાથીઓ માટેના આબેહૂબ કુદરતી આવાસ જેવી ખાસ કાળજીપૂર્વકની ડિઝાઈન ધરાવતા કાયમી રહેઠાણમાં રાખવામાં આવશે. અહીં તેમને સાંકળોથી મુક્ત વાતાવરણમાં મનોવૈજ્ઞાનિક મૂલ્યાંકનો અને પશુચિકિત્સકો દ્વારા કાળજી ઉપરાંત હકારાત્મક સશક્તિકરણ માટેની તાલીમ અપાશે અને આ રીતે તેમની સાથે બળજબરીથી મુક્ત તેમજ ઈનામ સ્વરૂપી તાલીમ દ્વારા વિશ્વાસ સંપાદિત કરાશે. તેઓને વિવિધ પ્રફુલ્લિત કરતી પ્રવૃત્તિઓમાં જોડાવાની સાથે-સાથે, અન્ય હાથીઓ સાથે સંપર્કમાં આવી ઘેરો નાતો બનાવવાની તકો પૂરી પડાશે અને આ રીતે તેમના પરિચારકો તરફથી તેમનું કરુણાસભર ધ્યાન પણ રખાશે, જે બધું તેમને એક નવજીવનની પ્રાપ્તિ માટે અતિ આવશ્યક છે.
ઈસ્કોન માયાપુરમાં ૨૦૦૭ની સાલથી લક્ષ્મીપ્રિયા અને ૨૦૧૦ની સાલથી વિષ્ણુપ્રિયાને રાખવામાં આવી હતી અને તેમનો મંદિરની વિવિધ પરંપરાઓ તેમજ ઉત્સવોની ઉજવણીમાં ઉપયોગ કરાતો હતો. પીપલ ફોર એથિકલ ટ્રીટમેન્ટ ઓફ એનિમલ્સ (પીટા) ઈન્ડિયા અને વર્લ્ડ એનિમલ પ્રોટેક્શન સહિતની વિવિધ પ્રાણી સુરક્ષા સંસ્થાઓ ઘણા સમયથી ઈસ્કોનના હાથીઓની મુક્તિ તેમજ તેમને એક વિશ્વસનીય અને જાણીતી હાથી જાળવણી સુવિધામાં ખસેડવાની હિમાયત કરી રહૃાા હતા. પીટા ઈન્ડિયાએ તો આ હાથીઓને રેસ્ક્યુ સેન્ટરમાં ખસેડવાના બદલામાં મંદિરને તેની પરંપરાઓ નિભાવવા એક મિકેનાઈઝ હાથીની પણ ઓફર કરી હતી.
ઈસ્કોન મંદિરના વરિષ્ઠ સભ્ય તેમજ માયાપુરમાં મહાવત અને હાથીઓની બાબતોના મેનેજર હિમતીદેવી દાસીએ જણાવ્યું હતું કે, ઈસ્કોનમાં અમારી માન્યતાઓ અનુસાર, દરેકના બાહૃા શરીરની અંદરનો સૂક્ષ્મ જીવ તો સમાન આધ્યાત્મિકતા ધરાવે છે. અમે તો કોઈ પણ પ્રાણી અથવા નાત-જાતનો ભેદભાવ રાખતા જ નથી. અલગ-અલગ શરીરના ભિન્ન સ્વભાવ અને પ્રકૃતિ હોઈ શકે છે, પરંતુ, દરેક શરીરની અંદરનો આત્મા તો એકસમાન જ આધ્યાત્મિકતા ધરાવે છે જે કરુણા અને આદરને પાત્ર છે. પ્રાણીઓ સાથે કરુણા અને આદરપૂર્વક વર્તીને અમે ભગવાન શ્રીકૃષ્ણ પ્રત્યે અમારી ભક્તિની અભિવ્યક્તિ કરીએ છીએ, જેમણે આપણને સહુને શીખવ્યું છે કે તમામ જીવમાત્રની રક્ષા અને પાલનપોષણ કરીને જ ઈશ્વરની સાચી સેવા કરી શકાય છે. મેં જાતે જ આ માટે વનતારાની મુલાકાત લીધી હતી અને મેં ત્યાં જોયું હતું કે અમે જે સિદ્ધાંતોમાં માનીએ છીએ તેનું જ તો ત્યાં અનુસરણ થઈ રહૃાું છે. મને પૂર્ણ વિશ્વાસ છે કે વનતારામાં વિષ્ણુપ્રિયા અને લક્ષ્મીપ્રિયા ખૂબ સુખેથી રહેશે, બહુ ઝડપથી નવા મિત્રો બનાવશે, અને આનંદથી ભરપૂર એવું જીવન વ્યતિત કરશે, તેમજ સાથે-સાથે વનમાં હાથીઓને જે આઝાદી અને આનંદ મળે છે તેવો જ અહેસાસ માણશે.
હાથીઓને કેદ કરી રખાય તો તેનાથી તેમની માનસિક અવસ્થા પર અત્યંત વિપરીત અસર પડે છે કારણ કે જંગલમાં તેઓ આઝાદીપૂર્ણ તેમજ સામાજિક નાતો કેળવીને જીવે છે. આનાથી તેમની એકંદર સુખાકારી જળવાઈ રહે છે. પરંતુ હાથીઓને કેદ કરી રખાય તો આ બંને પાયાગત જરૂરિયાતો જળવાતી નથી, જેના કારણે તેમની મનોદશા પર અત્યંત વિપરીત અસર પડે છે અને તેમની વર્તણૂક બદલાઈ જાય છે, ડિપ્રેશનમાં આવી જાય છે અને પરિણામે આક્રમકતામાં તેઓ હુમલો કરી બેસે છે. પરંતુ વનતારામાં, રિસ્ક્યુ કરાયેલા હાથીઓને તેમની શારીરિક તંદુરસ્તીથી પણ બે ડગલાં આગળ વધીને કાળજી રખાય છે. તેમની માનસિક તથા સંવેદનાત્મક મનોદશાને સુધારવા ઉપર પણ તેટલું જ ધ્યાન અપાય છે. અહીં નિષ્ણાત પશુચિકિત્સકો તથા પશુ મનોવૈજ્ઞાનિકો હાથીઓના માનસિક આઘાતના મૂળ કારણને જાણીને તેનો ઈલાજ કરવા તેમનું મનોવૈજ્ઞાનિક મૂલ્યાંકન કરે છે.
વનતારાની અત્યાધુનિક સુવિધામાં વિશ્વની સૌથી મોટી હાથીની હોસ્પિટલનો પણ સમાવેશ થાય છે અને તેની ડિઝાઈન એ રીતે બનાવાઈ છે કે જેથી અહીં હાથીઓના હકારાત્મક પુનઃશક્તિકરણ માટે તેઓને તાલીમ આપવાની સાથે, તેમની જીવનશૈલીને સમૃદ્ધ બનાવવા તેમજ કુદરતી જેવા જ આવાસી વાતાવરણની રચના માટે તેમના સામાજિક જોડાણ પર ભાર મૂકવા જેવી બાબતોને સામેલ કરી શકાય, જેથી તેમને વ્યક્તિગત માનસિક આરોગ્ય સહાયતા મળી રહે. આ સાર્વત્રિક અભિગમ સુનિશ્ચિત કરે છે કે રેસ્ક્યુ કરાયેલા હાથીઓ માત્ર તેમની શારીરિક શક્તિ જ નહીં, પરંતુ સંવેદનાત્મક સ્થિરતા અને માનસિક સુખાકારી પણ પુનઃપ્રાપ્ત કરે. આખરે હાથીઓને સંપૂર્ણ નવપલ્લિત કરીને તેમના જીવનની ગુણવત્તાને સુધારવી એજ તો વનતારાની વચનબદ્ધતા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વીસ વર્ષ સુધી સૈન્યની નોકરી પછી ૪૧ વર્ષની વયે આઈએએસ બન્યા દ્વારકાના પ્રાંત અધિકારી
મેરૂ તો ડગે પણ જેના મનડાં ડગે નહિ...
કહેવાય છે કે તમે જો મન મકકમ કરો તો સફળતા ગમે તેવી મુશ્કેલ હોય મળે જ છે!! તેમ કહેવાય છે ને કે અડગ મનના માનવીને હિમાલય પણ નડતો નથી કંઈક તેવી જ અનોખી કહાણી દ્વારકા આસીસ્ટંટ કલેકટર અમોલ આવરેની છે!!
મહારાષ્ટ્રમાં જન્મેલા અમોલ આવરેના પિતા મહારાષ્ટ્ર રાજ્યમાં સ્ટેટ ટ્રાન્સપોર્ટ વિભાગમાં હતા. તેમની બે-ત્રણ વર્ષ અલગ શહેરમાં બદલી થતી છતાં પણ અમોલ આવરેએ મીલીટરની અઘરી પરીક્ષા એન.ડી.એ. પાસ કરી, એલ.એલ.બી. પાસ કરી અને છેવટે કમ્બાઈન્ડ ડિફેન્સ સર્વિસ સી.ડી.એસ. પાસ કરીને ઈન્ડીયન મીલીટરી એકેડેમી દહેરાદુનમાં ટ્રેનીંગ લેવા ગયેલા.
એન.સી.સી.માં બેસ્ટ કેડેટ ઓલ ઈન્ડિયા બનનાર અમોલ આવરે એન.સી.સી.માં વિદેશ પણ ગયા હતા તે પછી લશ્કરમાં નોકરી કરી અને વીસ વર્ષ પછી ચેન્નઈમાં નોકરીમાંથી નિવૃત્ત થયા સિવિલ સર્વિસની પરીક્ષા આપવા ત્યારે તેમની ઉંમર ૪૧ હતી!!
૨૦૨૦થી જ કોવીડના સમયથી તેમણે તૈયારીઓ શરૂ કરી દીધેલ અને સવારે ૩ાા વાગ્યાથી તૈયારી શરૂ કરતા અમોલ આવરે અર્થશાસ્ત્રના સ્નાતક તથા આઈએએસમાં ભૂગોળ વૈકલ્પિક વિષય ધરાવનારા ફાયનલ ઈન્ટરવ્યૂમાં ૨૦૧ ગુણ મેળવનાર ભાગ્યશાળી ઉમેદવાર હતા !!
આઈ.એ.એલ. જનરલ કેટેગરીમાં ઉંમર મર્યાદા ૩૨ વર્ષની છે. પણ એકસ સર્વિસ મેનને પાંચ વર્ષ તથા મિલીટરી સર્વિસમાં ગંભીર ઈજા બદલ બીજા પાંચ વર્ષ મળે તેથી અમોલ આવરે ૪૧ વર્ષે પરીક્ષા આપી પણ એક જ પ્રયત્ન પરીક્ષા આઈ.એ.એસ. માટે હતો અને તેમાં સફળ થઈ ગયા !!
એક ઈન્ટરવ્યૂમાં તેમણે જણાવેલ કે ૨૦-૨૦ વર્ષ મીલીટરીમાં કાઢયા પછી સિવિલ સર્વિસમાં જવા માંગતા તેમના વ્યવસાયના લોકો દાંત કાઢતા હતા પણ આ અડગ મનના અધિકારીએ ૨૦ વર્ષ મીલીટરી જીવન માણ્યું હવે સિવિલ સર્વિસીઝમાં લોકોની સેવા કરવી છે. ધ્યેય સાથે ઝંપલાવ્યું અને સફળ થયા ૨૦૨૧માં આઈ.એ.એસ. પાસ ૨૦૨૨માં ટ્રેનીંગ અને ૨૦૨૪માં દ્વારકા પોસ્ટીંગ થયું!!
પોલોના ખેલાડી અમોલ શાંતારામ આવરેના પત્ની પણ મીલીટરીમાં ડોકટર હતા તથા તાજેતરમાં દ્વારકા તથા બેટ દ્વારકામાં ડિમોલેશનમાં ચાવીરૂપ ભૂમિકા સાથે લશ્કરી અધિકારી સનદી અધિકારી બને તો કેવું કામ કરી શકે તેનો દાખલો તથા દ્વારકા જિલ્લામાં બેસાડનાર અમોલ આવરેની કામગીરી પ્રશંસા સાથે ૨૦ વર્ષ મીલીટરી નોકરી પછી આઈ.એ.એસ. થવાનું અનેક યુવાનો માટે ખૂબ જ પ્રેરણાત્મક રહ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
તમે જાણો છો?... ક્યા દેશમાં ૧૬ જાન્યુ.ના 'નેશનલીંગ ડે' મનાવાય છે?!
ધીસ ડે ડુ નોટ એનીથીંગ!
તમે જાણો છો કે દર વર્ષે ૧૬ જાન્યુઆરીના દિવસે 'નેશનલ નથીંગ ડે' ક્યા દેશમાં મનાવાય છે?
'નેશનલ નથીંગ ડે'ને હિન્દી ભાષામાં 'રાષ્ટ્રીય શૂન્ય દિવસ' ગણાવાયો છે. યુએસમાં વર્ષ ૧૯૭ર માં એક કોલમિસ્ટ હેરોલ્ડ પુલ્મૈના કોફિને આ પ્રસ્તાવ મૂક્યો હતો, અને વર્ષ ૧૯૭૩ થી આ દિવસ નિયમિત રીતે મનાવાય છે, અને તેનું આયોજન હેરોલ્ડઠ પુલ્મૈન કોફિન દ્વારા કેલિફોર્નિયામાં ચાલતા નેશનલ નથીંગ ફાઉન્ડેશન દ્વારા થાય છે. આ દિવસે કોઈપણ પ્રકારના ઈવેન્ટનું આયોજન કરવામાં આવ્યું નથી, તેથી તેને 'અન-ઈવેન્ટ ડે' પણ કહેવામાં આવે છે, જો કે આ ચર્ચાસ્પદ પ્રકારની દરખાસ્ત એ પહેલા છેક વર્ષ ૧૯પ૬ માં અલબામાના મેયર જેમ્સ ડબલ્યુ મોર્ગને કરી હતી અને 'નેશનલ નથીંગ વીક'નો કોન્સેપ્ટ મૂક્યો હતો, તેવો ઉલ્લેખ પણ જોવા મળે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઓપરેશન પછી ઈન્ફેક્શન વધવાની સમસ્યાઃ એક ગ્લોબલ ચેલેન્જ
આપણા દેશમાં દર વર્ષે ૧પ લાખ દર્દી બને છે ભોગઃ
હમણાંથી એક ગ્લોબલ ચેલેન્જની ચર્ચા હેલ્થ સેક્ટરમાં થઈ રહી છે, અને તેમાં પણ ભારતમાં સમસ્યાનો ભોગ દર વર્ષે ૧પ લાખ દર્દીઓ બનતા હોવાનું બહાર આવ્યા પછી તેના સંદર્ભે વિવિધ પ્રત્યાઘાતો પણ સામે આવી રહ્યા છે.
મેડિકલની ભાષામાં આ સમસ્યાને એસ.એસ.આઈ. એટલે કે સર્જિકલ સાઈડ ઈફેક્ટ કહેવાય છે.
કોઈપણ પ્રકારની શસ્ત્રક્રિયા (ઓપરેશન) પછી સ્ટીચ લેવાય અને ચામડી પૂર્વવત થાય, તે દરમિયાન ચીરાઓમાં કેટલાક બેકટેરિયા ઘૂસી જતા હોય છે, અને તેનાથી દર્દીને સંક્રમણ થઈ જાય છે, જેનો પોસ્ટ ઓપરેશન એટલે કે શસ્ત્રક્રિયા પછી અલગથી ઉપચાર કરવો પડતો હોય છે. જો આ ઉપચાર સમયોચિત કે ચોક્કસ રીતે ન થાય તો તેના કારણે નવી બીમારીઓ કે ગંભીર અસરોનો ભોગ પણ દર્દીને બનવું પડતું હોય છે.
તાજેતરના આઈસીએમઆરના એક રિપોર્ટને ટાંકીને ચાલી રહેલી ગંભીર પ્રકારની ચર્ચાઓ મુજબ ભારતમાં એસએસઆઈનો દર પ.ર ટકા છે એટલે કે દર ૧૦૦ ઓપરેશન થયા પછી પાંચેક દર્દીઓને સંક્રમણ થઈ જાય છે, તેમાં પણ ઓર્થોપેડિક ઓપરેશન, સ્નાયુઓ અને હાડકાને લગતી શસ્ત્રક્રિયાઓ પછી એસએસઆઈનો દર પ૪.ર ટકા છે, જેને ચિંતાજનક ગણાવીને ઈન્ડિયન મેડિકલ કાઉન્સિલે એક સર્વેલન્સ નેટવક શરૂ કર્યું હોવાનું કહેવાય છે.
આ માટે આઈસીએસઆર દ્વારા દિલ્હીની એઈમ્સ, કસ્તુરબા હોસ્પિટલ અને મુંબઈની ટાટા મેમોરિયલ હોસ્પિટલનો અભ્યાસ કરીને ૩ હજારથી વધુ દર્દીઓને શસ્ત્રક્રિયા પછી સંક્રમણ થયું હતું કે, કેમ, તેનો અભ્યાસ કરીને જે તારણો કાઢ્યા, જણાયું કે દોઢસોથી વધુ દર્દીઓને ઓપરેશન છપી સંક્રમણનો ભોગ બનવું પડ્યું હતું. આ અભ્યાસ દરમિયાન એવું તારણ પણ નીકળ્યું ઓપરેશનો થયા પછી દર્દીઓને ડિસ્ચાર્જ કરવામાં આવે, એટલે કે રજા આપવામાં આવે, તે પછી ૬૬ ટકા દર્દીઓમાં સંક્રમણ જોવા મળ્યું હતું. આ કારણે હોસ્પિટલમાંથી રજા આપતી વખતે જ દર્દીઓ તથા તેના પરિવાર કે સગાઓને આ જોખમ ટાળવા માત્ર માર્ગદર્શન જ નહીં, પરંતુ પૂરી તાલીમ સાથે જરૂરી દવાઓ આપવા ઉપરાંત થોડા દિવસો સુધી ફોલો-અપ કરવું જોઈએ, તેવા અભિપ્રાયો પણ સામે આવ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મોદીને હરાવવા એક જુથ થયેલા વિપક્ષો વિધાનસભાની ચૂંટણીઓમાં સામસામેઃ ફાયદો કોને?
ઈન્ડિયા ગઠબંધન લોકસભાની ચૂંટણી પૂરતું જ હતું?
નવી દિલ્હી તા ૧૦: ઈન્ડિયા ગઠબંધનમાં હવે ફાટફૂટ સ્પષ્ટપણે દેખાઈ રહી છે જમ્મુ-કાશ્મીરના મુખ્યમંત્રી ઓમર અબ્દુલ્લા પણ હવે એનડએની ભાષા બોલવા લાગ્યા છે, અને કહી રહ્યા છે કે, જો લોકસભા પૂરતું જ ઈન્ડિયા ગઠબંધન રહ્યું હોય, તો તેને હવે વિખેરી નાંખો અને રાજ્યોમાં પણ આ ગઠબંધન જાળવી રાખવું હોય તો પરસ્પર લડવાનું બંધ કરો તેમણે લોકસભાની ચુંટણી પછી ઈન્ડિયા ગઠબંધનની એક પણ સર્વગ્રાહી બેઠક નહીં બોલાવાઈ તેનો ઉલ્લેખ કરીને આ ગઠબંધનનો નેતા કોણ? તેવો સણસણતો સવાલ પણ ઊઠાવ્યો છે.
દિલ્હીની ચૂંટણી
દિલ્હી વિધાનસભાની ચૂંટણીમાં કોંગ્રેસે આમ આદમી પાર્ટી સામે ચૂંટણી જંગમાં ઝંપલાવ્યા પછી કોંગ્રેસના નેતાઓએ ઈન્ડિયા ગઠબંધન મોદીને હરાવવાના ઉદ્દેશ્યથી લોકસભાની ચૂંટણી પૂરતું જ રચાયું હતું, તે પ્રકારના નિવેદનો કર્યા પછી હવે ઈન્ડિયા ગઠબંધનના અસ્તિત્વ પણ જ સવાલ ઊઠી રહ્યા છે. એક તરફ આમ આદમી પાર્ટી કોંગ્રેસ પર દિલ્હીમાં ભાજપને લાભ કરાવવાનો આક્ષેપ લગાવી રહી છે, તો કોંગ્રેસ પણ કેજરીવાલને ભ્રષ્ટ, તકવાદી અને ડ્રામેબાજ ગણાવી રહી છે કોંગ્રેસના આ વલણ પછી અખિલેશ યાદવ અને મમતા બેનર્જીએ તો 'આપ'ને ટેકો આપીને કોંગ્રેસનો સાથ છોડી જ દીધો, પરંતુ જમ્મુ-કાશ્મીરમાં ગઠબંધન ધરાવતી નેશનલ કોન્ફરન્સના નેતા ઓમર અબ્દુલ્લાના નિવેદનોએ પણ ઈન્ડિયા ગઠબંધનના અસ્તિત્વ સામે જ સવાલો ઊભા કરી દીધા છે ટૂંકમાં દિલ્હીની ચૂંટણી પછી ઈન્ડિયા ગઠબંધન હવે ધીમે ધીમે વિખેરાઈ રહ્યું છે, તેથી તેનો ફાયદો પ્રાદેશિક પક્ષોને થશે કે કોંગ્રેસને થશે, તે અંગે ચર્ચા શરૂ થઈ ગઈ છે.
કોંગ્રેસને સીધો ફાયદો
વિવિધ વિશ્લેષકો ભિન્ન ભિન્ન અભિપ્રાયો વ્યક્ત કરી રહ્યા છે, પરંતુ મોટાભાગના તારણો એવા નીકળે છે કે ઈન્ડિયા ગઠબંધનનો થોડો-ઘણો ફાયદો લોકસભાની ચૂંટણીમાં કોંગ્રેસને થયો, પરંતુ વધુ ફાયદો પ્રાદેશિક પક્ષોને થયો છે, કારણ કે પ્રાદેશિક પક્ષો સાથે સીટશેરીંગ દરમિયાન કોંગ્રેસે મોટું મન રાખ્યું હતું, અને ઓછી બેઠકો પર ચૂંટણી લડી હતી. આ કારણે જ કોંગ્રેસ લોકસભાની ચૂંટણીમાં ૯૯ પર અટકી ગઈ હતી જો કોંગ્રેસ એકલા હાથે ચૂંટણી લડે તો રાજ્યોમાં કોંગ્રેસને જ સીધો ફાયદો થાય, તેવા તારણો વિશ્લેષકો કાઢી રહ્યા છે.
બદલતા સમિકરણો
લોકસભાની ચૂંટણીઓ પછી મહારાષ્ટ્ર, હરિયાણા, ઝારખંડની વિધાનસભાની ચૂંટણીઓ થઈ, તેમાં હેમંત સોરેન તો સ્વબળે ટકી ગયા અને કોંગ્રેસ સમર્થિત સરકાર ત્યાં રચાઈ ગઈ, પરંતુ મહારાષ્ટ્ર અને હરિયાણામાં એનડીએનું પલડું ભારે રહ્યું, તેની પાછળ કોંગ્રેસે પ્રાદેશિક પક્ષો સાથે સીટશેરીંગમાં આપેલું બલિદાન જ કારણભૂત હતું અને કોંગ્રેસ એકલા હાથે લડી હોત તો કદાચ ચિત્ર જુદું જ હોત, તેમ ઘણાં રાજકીય પંડિમાને છે. હવે જાગ્યા ત્યાંથી સવારની જેમ કોંગ્રેસે એકલા ચાલવાનું નક્કી કર્યું હોય તો તે યોગ્ય છે, તેવા મંતવ્યો પણ વ્યક્ત થઈ રહ્યા છે.
બદલતા સમીકરણોના કારણે હવે ઈન્ડિયા ગઠબંધનનું કોઈ ઔચિત્ય રહી ગયું નથી. એટલું જ નહીં, આરજેડી જેવા વફાદાર સાથીદારો પણ જો ગોળ-ગોળ વાતો કરી રહ્યા હોય તો કોંગ્રેસે એક સૌથી જુના રાષ્ટ્રીય મજબૂત પક્ષની શાખ જાળવી રાખવા વધુ મજબૂત બનવું જ પડશે, અને તે માટે દિલ્હીની જેમ અન્ય રાજ્યોમાં પણ એકલા હાથે જ ચૂંટણી લડવી જોઈએ. એટલું જ નહીં, પક્ષની અંદર પણ લોકતાંત્રિક પ્રક્રિયા દ્વારા ટોપ-ટુ-બોટમ નેતાગીરી નવેસરથી નિશ્ચિત કરવી જોઈએ, તેવા અભિપ્રાયો પણ વ્યક્ત થઈ રહ્યા છે
કાંખઘોડી વધારવાની રણનીતિ?
તાજેતરમાં શરદ પવાર અને સંજય રાઉતે આરએસએસના વખાણ કર્યા પછી એવી અટકળો તેજ થઈ ગઈ છે કે આ શિવસેના અને શરદ પવારની એનસીપી હવે એનડીએમાં સામેલ થશે. જો એવું થાય તો પણ ઈન્ડિયા ગઠબંધન તો વિખેરાઈ જ જાય, અને કોંગ્રેસ એકલી પડી જાય, એવું મનાય છે કે માત્ર નીતિશકુમાર કે ચંદ્રબાબુ નાયડુના ભરોસે ન રહેવું પડે તે માટે મહારાષ્ટ્રની તર્જ પર એનડીએમાં અન્ય પ્રાદેશિક પક્ષોને (ઈન્ડિયા ગઠબંધન તૂટે તે પછી) એનડીએમાં સમાવીને મોદી સરકારને વધુ મજબૂત બનાવવાની રણનીતિ અપનાવાઈ રહી છે, જેને ટીકાકારો 'કાંખઘોડી વધારવાની રણનીતિ'ગણાવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગરમાં ઉત્તરાયણ પર્વે કરૂણા અભિયાન હેઠળ ઈજાગ્રસ્ત પક્ષીઓની સારવાર-બચાવ માટે આયોજન
ઉડે જો આભમાં પતંગ તમારી, સંભાળજો એ આભમાં છે સવારી અમારી...
આપણે સૌ ઉત્તરાયણનો તહેવાર સમગ્ર ગુજરાતમા હર્ષોલ્લાસથી દર વર્ષે ઉજવીએ છીએ. પતંગ ઉડાડવાની મજા માણતા ઘણી વખત પતંગની દોરીથી પક્ષીઓ ઇજાગ્રસ્ત થાય છે કે મૃત્યુ પામે છે. આ અબોલ અને નિર્દોષ પક્ષીઓના જીવ અમૂલ્ય છે. તેથી તેમને બચાવવા એ આપણી સૌની નૈતિક ફરજ છે.વન વિભાગ દ્વારા સ્વૈચ્છિક સંસ્થાઓ અને સ્વંયસેવકોના સાથ સહકારથી 'કરુણા અભિયાન-૨૦૨૫' અંતર્ગત ઇજાગ્રસ્ત પક્ષીની સારવાર અને બચાવની કામગીરીનું આયોજન કરવામાં આવેલ છે. આ માટે નીચે મુજબના કેન્દ્રો અને સંપર્કો નક્કી થયેલ છે. ઇજાગ્રસ્ત પક્ષીઓના જીવ બચાવવા, આ કરુણા અભિયાનમાં સહભાગી થવા વિનંતી છે. આપ સૌને આપના વિસ્તારમાં કોઇપણ ઇજાગ્રસ્ત પક્ષી ધ્યાને આવે તો તેને નીચે દર્શાવેલા તમારા નજીકના કોઇપણ એક કેન્દ્ર ઉપર પહોચાડવા વિનંતી છે, અથવા નીચે દર્શાવેલ વિસ્તાર મુજબની મદદ માટેના સંપર્ક કેન્દ્રોને જાણ કરવા વન વિભાગ દ્વારા અનુરોધ કરાયો છે.
ઉત્તરાયણ દરમિયાન આટલું કરીએ
ફક્ત ઉત્તરાયણના દિવસે પતંગ ચગાવીએ, વૃક્ષો, ઇલેક્ટ્રીક લાઇન અને ટેલિફોન લાઇનથી દૂર પતંગ ચગાવીએ, ઘાયલ પક્ષીને જોતા તરત જ નિકટના સારવાર કેન્દ્રનો સંપર્ક કરીએ, ઘાયલ પક્ષીની આંખને કપડાથી ઢાંકી હવાની અવર-જવર થઇ શકે તેવા પાત્રમાં બનતી ત્વરાએ સારવાર કેન્દ્રમાં પહોચાડીયે, ઘરના ધાબા પર કે આજુબાજુના વૃક્ષોમા ફસાયેલી દોરીનો નિકાલ કરીએ.
સવારે ૯.૦૦ વાગ્યા પહેલા કે સાંજના ૫.૦૦ વાગ્યા પછી પતંગ ન ચગાવીએ
પક્ષીઓ સુરક્ષિત રહે તે માટે સવારે ૯.૦૦ વાગ્યા પહેલા કે સાંજના ૫.૦૦ વાગ્યા પછી પતંગ ન ચગાવીએ, ક્યારેય પણ તુક્કલ ન ચગાવીએ. ચાઇનીઝ, સીંથેટીક કે કાચ પાયેલી દોરીનો પતંગ ચગાવવામા ઉપયોગ ન કરીએ, ઘાયલ પક્ષીના મોઢામાં પાણી કે ભોજન ન મુકીએ, રાત્રિના સમયે ગુબ્બારા કે ફુગ્ગા ન ચગાવીએ, ઘાયલ પક્ષીની સારવાર જાતે ન કરતા, યોગ્ય સારવાર સ્થળ સુધી પહોચાડવાની વ્યવસ્થા કરીએ.
વન વિભાગનો હેલ્પ લાઇન નંબરઃ-૧૯૨૬ અને ૮૩૨૦૦૦૨૦૦૦ અથવા વોટસઅપમા 'દ્ભટ્ઠિેહટ્ઠ' ટાઇપ કરીને મોકલવાથી ગુજરાત રાજ્યના બધા જ જિલ્લાની કરુણા અભિયાનની વિગતવાર માહિતી મળી શકશે. તેમજ એનિમલ એમ્બ્યુલન્સ હેલ્પલાઇન નંબર ::૧૯૬૨, વીજ ફરીયાદ માટે ટોલ ફ્રી નંબર : ૧૯૧૨૨ અથવા ૧૮૦૦૨૩૩૧૫૫૩૩૩ ઉપર પણ સંપર્ક કરી શકાશે.
તાલુકા વાઇઝ સંપર્ક નંબરની યાદી
જામનગર તાલુકા માટે રેન્જ ફોરેસ્ટ ઓફિસરની કચેરી, ગંજીવાડા, નાગનાથ ગેટ પાસે, જામનગર સંપર્ક નંબર ૭૯૮૪૩ ૬૦૩૦૦, ૯૦૯૯૩ ૨૪૭૪૨, ૮૨૦૦૭ ૫૬૧૧૮, ૮૭૮૦૨ ૧૬૯૨૪, અર્બન વાઇલ્ડલાઇફ ઇન્ફર્મરી પ્રાથમિક સારવાર કેન્દ્ર, ઠેબા ૯૯૭૫૮ ૫૩૭૦૨, ૯૪૦૮૧ ૬૨૧૪૩, પક્ષી અભયારણ્ય ખીજડીયા માટે ૮૮૪૯૩ ૨૧૮૯૪, ૯૬૬૨૮ ૩૦૦૧૮, સાંઇધામ બર્ડ હાઉસ, નવાગામ ઘેડ ૭૯૮૪૪ ૦૨૫૦૦, ૭૮૭૮૫ ૫૫૫૪૮, લાખોટા નેચર કલબ ૭૫૭૪૮ ૪૦૧૯૯, ૯૬૦૧૧ ૧૧૧૬૭, કુદરત ગૃપ, પટેલ કોલોની, જામનગર ૯૨૨૮૮ ૭૭૯૧૧, શિવદયા ટ્રુસ્ટ, લાલપુર ચોકડી પાસે ૯૮૭૯૯ ૯૯૫૬૭, નિસર્ગ નેચર એડવેન્ચર કલબ, રણજીતનગર ૮૩૨૦૮૫૦૩૭૧, ૮૨૦૦૭ ૯૭૬૫૬, ૯૦૩૩૫ ૫૦૩૪૧, ૯૮૯૮૭ ૦૦૬૫૭, જીવ સેવા ફાઉન્ડેશન, પ્રદર્શન ગ્રાઉન્ડ, ૭૨૦૩૦ ૩૦૨૦૮, ૯૬૩૮૭ ૬૮૪૯૮, ૯૯૦૪૯ ૪૯૩૨૮, પ્રકૃતિ મિત્ર, પવનચકી પાસે ૯૮૨૪૨ ૨૪૬૦૧, ૮૪૦૧૨ ૮૮૨૮૮, ૯૭૨૫૩ ૨૧૭૨૦, જોડીયા વિસ્તાર માટે રેન્જ ફોરેસ્ટ ઓફિસરની કચેરી ૯૦૧૬૦૨ ૧૦૦૫, ૭૩૮૩૮ ૫૯૪૪૪, ધ્રોલ માટે રેન્જ ફોરેસ્ટ ઓફિસરની કચેરી ૯૨૬૫૫ ૫૭૮૨૯, ૯૭૨૭૯ ૩૨૩૦૫, રેન્જ ફોરેસ્ટ ઓફિસરની કચેરી ૯૬૦૧૯૦૧૩૪૨, ૯૮૯૮૩૨૭૩૦૬, જામજોધપુર માટે રેન્જ ફોરેસ્ટ ઓફિસરની કચેરી ૯૭૭૩૨ ૩૪૫૮૬, ૯૫૫૮૦ ૨૪૩૭૩, ૭૬૯૮૧ ૮૧૫૧૧, લાલપુર માટે રેન્જ ફોરેસ્ટ ઓફિસરની કચેરી ૬૩૫૪૬ ૮૩૨૦૬, ૮૩૪૭૭ ૦૧૪૭૭, ૯૭૬૯૩૫૧૧૧૧, ૭૯૮૪૪૦૬૬૧૬, કાલાવડ માટે રેન્જ ફોરેસ્ટ ઓફિસરની કચેરી ૯૪૨૯૫૧૯૪૯૨, ૯૦૩૩૦૭૭૯૫૨, સિક્કા માટે રેન્જ ફોરેસ્ટ ઓફિસરની કચેરી ૯૭૧૪૧ ૭૭૯૭૨, ૯૭૭૩૨૨૬૮૨૩, અલીયાબાડા માટે ૯૫૫૮૮૮૮૬૬૦, ૯૯૨૪૧૨૫૫૭૫ પર ઘાયલ પક્ષીઓની મદદ કરવા સંપર્ક કરી શકાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પ્રાકૃતિક ખેતીમાં બીજામૃત દ્વારા કેળવાયેલા બીજની 'ઈમ્યુનિટી' વધેઃ જમીનજન્ય રોગોથી રક્ષણ
તીવ્ર અને ઝેરી જંતુનાશક દવાઓ તથા રાસાયણિક ખાતરો એટલે સ્વાસ્થ્ય પર ખતરોઃ
સામાન્ય રીતે ખેતીમાં વધુ ઉત્પાદન માટે રાસાયણિક ખાતરો વપરાય છે અને પાકને જંતુઓ કે રોગથી રક્ષણ માટે અત્યંત તીવ્ર અને ઝેરી જંતુનાશક દવાઓનો વપરાશ કરવામાં આવે છે. તેનો ગેરફાયદો એ છે કે ઉપજમાં ઝેરી જંતુનાશકો રહી જાય છે, જે સ્વાસ્થ્ય જોખમાવી શકે છે. વધુમાં જમીનની કુદરતી ઉત્પાદન ક્ષમતા લાંબા સમયે ઘટી જાય છે. આ પરિસ્થિતિમાં પ્રાકૃતિક ખેતી એ જમીન અને આરોગ્યની જાળવણી માટે એક વૈકલ્પિક કૃષિપદ્ધતિ તરીકે પ્રસ્થાપિત થઈ રહી છે. ગુજરાત રાજ્યના કૃષિ કલ્યાણ અને સહકાર વિભાગ અંતર્ગત આત્મા પ્રોજેક્ટ દ્વારા ખેડુતોને પ્રાકૃતિક ખેતી અંગેનું તાલીમ, સહાય અને માર્ગદર્શન ૫ૂરૃં પાડીને પ્રાકૃતિક ખેતી અપનાવે તે માટે પ્રોત્સાહન આપવામાં આવી રહૃાું છે. દેશી ગાય આધારિત પ્રાકૃતિક કૃષિ મોડેલ પાંચ સ્તંભનું છે. આ સ્તંભો બીજામૃત, જીવામૃત, વાપ્સા, આચ્છાદન અને મિશ્ર ખેતી છે. પ્રાકૃતિક ખેતીમાં વાવેતર પહેલાથી જ બીજ પર જીવામૃતનો પ્રયોગ કરવામાં આવે છે, જે પાકના શરૂઆતના વિકાસ માટે એક પાયા સમાન બની રહે છે. પદ્મશ્રી સુભાષ પાલેકરજીના સંશોધન અને તાંત્રિક સહયોગથી ગુજરાતના રાજ્યપાલશ્રી આચાર્ય દેવવ્રત દ્વારા વર્ણવાયેલ પ્રાકૃતિક કૃષિપદ્ધતિ અનુસાર પ્રાકૃતિક ખેતીમાં 'બીજ માવજત' વિષે આ લેખમાં જાણીએ.
'બીજ માવજત' એટલે બીજના વાવેતર પહેલા બિયારણને પટ આપવાની પ્રક્રિયા. પ્રાકૃતિક ખેતીમાં બીજામૃત વડે બીજને વાવણી માટે તૈયાર કરવામાં આવે છે. શાકભાજીના સારાં ઉત્પાદન માટે બીજામૃતથી તેની માવજત કરવી વધુ અગત્યની છે. બીજ માવજતથી બીજનું અંકુરણ સારી રીતે થાય છે, જેના પરીણામે સારું ઉત્પાદન મેળવવામાં મદદ મળે છે. બીજ માવજત કરેલ બિયારણો ઝડપથી અને વધુ પ્રમાણમાં ઉગે છે અને તેને જમીનજન્ય રોગોથી રક્ષણ પ્રાપ્ત થાય છે.
બીજ માવજત માટે બિયારણને બીજામૃતમાં નિયત સમય સુધી ડુબાડીને રાખવામાં આવે છે. સામન્ય બિયારણને ૬ થી ૭ કલાક માટે અને અમુક જાડી ચામડીવાળાં બિયારણ જેમ કે કારેલા, ટીંડોળાના બીજ વગેરેને ૧૨ થી ૧૪ કલાક સુધી ડુબાડીને રાખવાનાં હોય છે. આ બીજને ડુબાડીને બાહર કાઢ્યાં બાદ તેને છાયામાં સુકવીને પછી તેનું વાવેતર કરી શકાય છે.
બીજામૃત બનાવવા માટે દેશી ગાયનું છાણ, ગૌમૂત્ર, પલાળેલો ચુનો, પાણી અને માટીનો ઉપયોગ કરવામાં આવે છે. ૫ કિલો દેશી ગાયનું છાણ, ૫ લીટર ગૌમૂત્ર, ૫૦ ગ્રામ પલાળેલો ચુનો, ૨૦ લીટર પાણી અને સજીવ માટી ૧ મુઠ્ઠીને મિશ્ર કરવામાં આવે છે. મિશ્રણને લાકડી વડે દિવસમાં બે વાર સારી રીતે હલાવવામાં આવે છે, આ રીતે મિશ્રણ ૨૪ કલાકમાં બીજ માવજત માટે તૈયાર બીજામૃત બની જાય છે.
આલેખનઃ ભાર્ગવ કે. ભંડેરી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગરના નચિકેતા ગુપ્તા ટેહરીમાં ઈન્ટરનેશનલ પેરા ગ્લાઈડીંગ હરિફાઈમાં ભાગ લેનાર એક માત્ર ગુજરાતી
ભારતમાં પહેલી વખત આ પ્રકારની કોમ્પિટિશન યોજાઈ હતીઃ ૧૫ દેશોના ૯૩ સ્પર્ધક હતા
પંખીની જેમ ઉડવાની ચાહ માનવીના મનમાં હંમેશાં રહી છે અને યૌવન એટલે અણદીઠેલી ભોમ પર આંખ માંડીને પાંખ વીંઝવાની તાકાત. આવી જ એક ઉડાન લઇ ચુકેલા જામનગર સિંચાઈ વિભાગમાં મદદનીશ ઈજનેર તરીકે ફરજ બજાવતા મૂળ જામનગરના જ નચિકેતા ગુપ્તાએ ઉત્તરાખંડના ટેહરીમાં ૧૯ ડિસેમ્બરથી ૨૨ ડિસેમ્બર સુધી યોજાયેલ ટેહરી ઇન્ટરનેશનલ પેરાગ્લાઈડીંગ એક્રો એન્ડ એસઆઈવી કોમ્પિટિશનમાં ભાગ લઇ જામનગરનું નામ રોશન કર્યુ છે.
ભારતમાં પહેલી વખત આ પ્રકારની ઇન્ટરનેશનલ પેરાગ્લાઈડીંગ કોમ્પિટિશન યોજવામાં આવી હતી. જેમાં ભારતના અલગ અલગ રાજ્યોથી તથા ૧૫થી વધારે દેશોના પેરાગ્લાઈડીંગ પાઈલોટ કુલ ૯૩એ ભાગ લીધો હતો .
આ કોમ્પિટિશનમાં પેરાગ્લાઈડીંગના અલગ અલગ એક્રોબેટ્સ જેવા કે સેટ રોટેશન, સ્પાઈરલ, સ્ટોલ ટુ બેક્ફ્લાઈ પોઝીસન વગેરે હવામાં કરી બતાવી પ્રતિભાગીઓએ સૌને મંત્રમુગ્ધ કરી દીધા હતા. બોડી બેલેન્સ, પેરાગ્લાઈડરની દિશા, સ્પીડ અને પાઈલોટની કુશળતા જેવા ઘટકોને ધ્યાને લઇ અલગ અલગ એક્રોબેટ્સનું બારીક અવાલોકન નિર્ણાયકો દ્વારા કરવામાં આવ્યું હતું.
આ પ્રકારની પ્રતિયોગીતા ખૂબજ જોખમી હોવાથી તેનું આયોજન ટેહરી ડેમ પર કરવામાં આવ્યું હતું જેથી જો કોઈ પ્રતિભાગી પડે તો પાણી માંથી તેને બચાવી શકાય. ભારતમાં ઘણા ઓછા પેરાગ્લાઈડીંગ પાઈલોટ એક્રોબેટ્સ કરે છે. આથી આ પ્રતિયોગીતા પેરા ગ્લાઈડીંગના એક્રોબેટીક્સને વેગવાન કરવાની દિશામાં મહત્વનો ફાળો આપે છે . ઉલ્લેખનીય છે કે તેઓએ પેરાગ્લાઈડીંગની ટ્રેનીંગ અરુણાચલ પ્રદેશના નેશનલ ઈન્સ્ટિટ્યૂટ ઓફ મોનીટરીંગ એન્ડ એડવેન્ચર સ્પોર્ટસ તથા બીર હિમાચલ પ્રદેશની એન્ટીગ્રેવિટી સંસ્થાથી મેળવેલ છે.
નચિકેતા ગુપ્તા આ પ્રતિયોગીતામાં ભાગ લેનાર ગુજરાતના એક માત્ર પેરાગ્લાઈડીંગ પાઈલોટ હતા. જેમણે ત્યાં પોતાની પેરાગ્લાઈડીંગની કુશળતા દર્શાવી સફળતાપૂર્વક બધા એક્રોબેટીક્સના ટાસ્ક પૂર્ણ કર્યા અને ઇવેન્ટમાં કવોલીફાઈ થયા હતા. જે રાજ્યોમાં બહુ ઊંચા પહાડો નથી તેવા રાજ્યોમાંથી ખૂબ જ ઓછા પ્રતિસ્પર્ધી આ કોમ્પિટિશનમાં ક્વોલીફાઈ થઇ શક્યા છે, પણ નચિકેતા ગુપ્તાએ આ સ્પર્ધામાં ખૂબજ સારૂ પ્રદર્શન કર્યું છે જે જામનગર માટે ગૌરવની વાત છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
અંતર્મૂખી દિવસ અને બ્રેઈન લિપિનું મહાત્મય
જાન્યુઆરીના પ્રારંભે જ મન-શરીર, પરિવાર કલ્યાણના દિવસોની ઉજવણી
ઈસ્વીસનનું નવું વર્ષ શરૂ થયું અને પહેલી જાન્યુઆરીના દિવસે નવા વર્ષના વધામણાં થયા, પરંતુ ઘણાં ઓછા લોકોને ખબર હશે કે જાન્યુઆરીના પ્રારંભે જ માનવીના મન, શરીર, પરિચયને સાંકળતા દિવસો વિશ્વકક્ષાએ ઉજવાય છે, અંતર્મુખી દિવસે લોકોને સમજવાનો પ્રયાસ થાય છે, જે મેં મારા માહિતી ખાતાના કાર્યકાળ દરમિયાન અનુભવ્યો છે. તે ઉપરાંત બ્રેઈલ લિપિના આવિષ્કાર અને ઉપયોગિતાનું મહિમાગાન પણ ગવાય છે.
પહેલી જાન્યુઆરીના દિવસે વિશ્વ પરિવાર દિવસ ઉજવાય છે, અને વિશ્વભરમાં શાંતિ અને સદ્ભાવનો પ્રચાર-પ્રસાર થાય છે. ભારતની તો સંસ્કૃતિ જ વસુધૈવ કુટુમ્બકમ્ની ભાવના પર આધારિત છે, જેને અનુરૂપ ઉજવણી નવા વર્ષના પ્રથમ દિવસે જ થાય છે, જે ગજબનો યોગાનુયોગ છે કે ભારતીય સંસ્કૃતિની વૈશ્વિક અસરોનું પરિણામ છે, તે વિદ્વાનો ભલે નક્કી કરે, આપણે તો પહેલેથી જ આખા વિશ્વને આપણો પરિવાર માનીએ છીએ, તે હકીકત જ છે ને?
બીજી જાન્યુઆરીના દિવસે અંતર્મુખી એટલે કે ઓછું બોલતા કે પોતાનામાં વ્યસ્ત રહેતા લોકોને યોગ્ય રીતે સમજીને તેને હૂંફ આપવાના વૈશ્વિક પ્રયાસો કરવામાં આવે છે, જ્યારે ત્રીજી જાન્યુઆરીના દિવસે આંતરરાષ્ટ્રીય કક્ષાએ 'મન અને શરીર કલ્યાણ' દિવસ મનાવાય છે.
આ દિવસે વૈશ્વિક કક્ષાએ માનવ કલ્યાણ અને વિકાસ માટે આપણા મન અને શરીરને બન્નેને પ્રેમ કરવાનો સંદેશ વહેતો કરવામાં આવે છે. આ માટે માનવમનને સમજવાની જરૂર હોય છે, જેની વાત આપણે 'મન હોય તો માળવે જવાય'ના આ લેખમાં પણ વિસ્તૃત રીતે કરી છે. આંતરરાષ્ટ્રીય ક્ષેત્રે લોકોના મન અને શરીરના કલ્યાણ માટે ત્રીજી જાન્યુઆરીના દિવસે થતી ઉજવણી વૈશ્વિક ક્ષેત્રે લોકોની તંદુરસ્તી અને મન-દુરસ્તીનો સંદેશ પણ આપે છે. વિશ્વમાં શાંતિ, સદ્ભાવ અને પરસ્પરને સમજવાની વૃત્તિ જેટલી ફેલાશે, તેટલી જ શાંતિ, સ્થિરતા અને સમૃદ્ધિ વધતી જશે, ખરૃં ને?
દર વર્ષે ચોથી જાન્યુઆરીના દિવસે ઉજવાતો વિશ્વ બ્રેઈલ દિવસ આ લિપિનો આવિષ્કાર કરનાર લૂઈ બ્રેઈલની સ્મૃતિઓ તાજી કરે છે. દૃષ્ટિહીન લોકોને પણ શિક્ષણ મળે, સમાન ધોરણે તમામ પ્રકારની તાલીમ મળે, અને સમાન ધોરણે તમામ પ્રકારના અધિકારો તેઓને મળે, તે માટે આ દિવસે વૈશ્વિક કક્ષાએ તથા દરેક દેશોમાં છેક ગ્રામ્ય કક્ષા સુધી વિવિધ જનજાગૃતિના કાર્યક્રમો યોજાય છે અને તદ્વિષયક સેમિનારો, સમારોહો, વ્યાખ્યાનો, વર્કશોપ અને સ્પર્ધાત્મક કાર્યક્રમો પણ યોજાતા હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ખંભાળિયાના ડો. સોમાત ચેતરિયાએ સર્વાધિક ઠંડા ખંડનું માઉન્ટ વિન્સન શિખર સર કર્યું: અનોખી સિદ્ધિ
આ પહેલા પણ પાંચ શિખર સર કર્યા છે માત્ર ર૪ કલાકમાં એવરેસ્ટ સહિત બે શિખર સર કરવાનો રેકોર્ડ
ખંભાળિયા તા. ૩૧: ખંભાળિયાની સાકેત હોસ્પિટલના જાણીતા સર્જન ડો. સોમાત ચેતરિયા કે જે દ્વારકા જિલ્લાના ખંભાળિયાના આહિર સમાજ તથા રાજ્યના ડોકટર વર્ગના ગૌરવ સમાન છે. જેમણે તાજેતરમાં દુનિયાના સૌથી ઠંડા ગણાતા ખંડના સૌથી ઊંચા શિખર માઉન્ટ વિન્સનને સર કરીને વિશેષ સિદ્ધિ સાથે દુનિયાનું ૬ઠ્ઠું શિખર સર કર્યું છે.
ર૪ કલાકમાં એવરેસ્ટ
લહોત્સે સરનો રેકોર્ડ
ર૦ર૦થી પર્વતારોહણ શરૂ કરનાર ડો. સોમાત ચેતરિયાએ ર૦રર માં માત્ર ર૪ કલાકમાં મહત્ત્વના બે શિખરો એવરેસ્ટ તથા લાહોત્સે સર કરવાનો રેકોર્ડ કર્યો હતો તથા પર્વતો પર ચઢીને ટ્રેનીંગ લઈને શરીરને ઓછા ઓક્સિજનને અનુરૂપ બનાવવાને બદલે માત્ર ર૩ દિવસમાં ઘેર રહી સંપૂર્ણ એક્સપેટીશન પૂર્ણનો પણ રેકોર્ડ બનાવ્યો હતો.
ડોક્ટરની પ્રેક્ટીશ સાથે
જ ટ્રેકીંગની પ્રેક્ટીસ
ખંભાળિયામાં સાકેત હોસ્પિટલ ચલાવતા સર્જન તબીબ સોમાત ચેતરિયા સવારે ૮-૩૦ થી રાત્રિના ૧૧ વાગ્યા સુધી હોસ્પિટલમાં સતત કામ કરતા રાત્રિના તેમના પત્ની કાજલ તથા પુત્રી હિરવા સાથે થોડો સમય વિતાવીને સવારે ૩-૪પ વાગ્યે ઊઠીને સવારના ૮ વાગ્યા સુધી રોજ ર૦ કિલો વજન સાથે ૧૦ કિલો મીટર ચાલવાનું, ૧૦ કિલોમીટર દોડવાનું તથા તે પછી કોટ એક્સરસાઈઝ કરીને ૮-૩૦ વાગ્યે હોસ્પિટલમાં જોડાઈ જતા.
એવરેસ્ટ ચડવાના અભિયાનમાં તેમણે એક વર્ષ ચાર કલાકથી ઓછી ઊંઘ કરી હતી અને નક્કી કર્યું કે એવરેસ્ટ તથા તેની નજીકના દુનિયાના પાંચમા નંબરનો લાહોત્સે એક સાથે સર કરશે જે ખૂબ જોખમી હતું, પણ ર૦ર૧ ના ૧૩ મે થી ૧૪ મે ર૪ કલાકમાં બન્ને પર્વતો સર કરી રેકોર્ડ સર્જયો.
રાજ્ય નહીં દેશ વિશ્વના આ એવા પર્વતારોહી છે કે જેમણે પર્વતોના બેઇજ કેમ્પમાં ક્યાંય ટ્રેકીંગ કે ટ્રેનીંગ પણ લીધી નથી.
ડુંગરો સર કરવાની અવિરત પ્રવૃત્તિ
ર૦૧૯ માં પર્વતારોહણની પ્રેક્ટીસ ચાલુ કરનાર ડો. સોમાત ચેતરિયાએ ર૦રર માં માઉન્ટ એવરેસ્ટ અને માઉન્ટ લાહોત્સે સર કર્યા પછી પાછું જોયા વગર જ દુનિયાના સાતેય ખંડના ઊંચા પર્વતો સર કરવાનો 'પ્રોજેક્ટ' બનાવીને તે પછી આફ્રિકા ખંડના સૌથી ઊંચા પર્વત માઉન્ટ કિલીમાંજારો ૬ર કલાકમાં સર કરવાનો રેકોર્ડ કર્યો. તે પછી યુરોપ ખંડનો સૌથી ઊંચો પર્વત માઉન્ટ એલબ્રુસ સર કર્યો અને તે પછી દક્ષિણ અમેરિકાનો દુનિયાની સૌથી ઊંચી ગીરીમાળા એન્ડીઝમાં આવેલો એકોરન્કાગુવા સર કર્યો અને તે પછી ઉત્તર અમેરિકનો માઉન્ટ ડેનાલી સર કર્યો અને તાજેતરમાં એન્ટાર્કટીકા ખંડનો માઉન્ટ વિન્સન સર કરી ત્યાં ભારતનો તિરંગો લહેરાવ્યો અને હાલ પણ તેઓ એન્ન્ટાર્કટીકા ખંડમાં જ છે.
હવે પછી તેઓ ઓસ્ટ્રેલિયાના સૌથી ઊંચા માઉન્ટ કોઝીત્સકો સર કરવાના છે. જે પછી તેઓ ભારતના એવા વિશિષ્ટ પર્વતારોહી થશે જે સાતેય ખંડના ઊંચા પર્વનો તથા દક્ષિણ ધ્રુવ તથા ઉત્તર ધ્રુવના શિખરો સર કરનાર પ્રથમ વ્યક્તિ બની જશે.
હાઈપોકિસક સિસ્ટમનો ઉપયોગ
સૌરાષ્ટ્રના અને ભારતના છેવાડાના જિલ્લા દ્વારકાના ખંભાળિયાના અને પર્વતારોહણમાં માત્ર ર૦૧૯ માં પ્રવેશ કરનાર અને ડોક્ટરી વ્યવસાય આજીવિકાને બદલે પર્વતારોહણના શોખને મુખ્ય માનીને લોઢાના ચણા ચાવવા જેવું કામ કરીને રેકોર્ડ સર્જનાર ખંભાળિયાના તથા આહિર સમાજના આંતરરાષ્ટ્રીય ગૌરવ સમાન ડો. સોમાત ચેતરિયા હાઈપોક્સિક સિસ્ટમથી પર્વતારોહણ કરે છે. જેમાં તેઓ નક્કી કરેલ પર્વતના બેઈઝ કેમ્પ જ્યાંથી ચઢાણ શરૂ થતું હોય ત્યાં ચાર્ટડ પ્લેન કે હેલિકોપ્ટરથી પહોંચીને સીધું ચઢાણ શરૂ કરી દે છે જે તેમની હિંમત બહાદુરી તથા પર્વતારોહણના શોખનું સૂચક છે.
ડો. સોમાત ચેતરિયાએ ૬ઠ્ઠા ખંડના એન્ટાર્કટીકાના માઉન્ટ વિન્સન સર કરતા સમગ્ર ખંભાળિયામાંથી તથા ગુજરાતમાંથી ડોક્ટરો, અગ્રણીઓ દ્વારા તેમના પર અભિનંદનવર્ષા થઈ રહી છે. રાજ્યના વન અને પ્રવાસન રાજ્ય મંત્રી મૂળુભાઈ બેરા, સાંસદ પૂનમબેન માડમ, ખંભાળિયાના પાલિકા પ્રમુખ રચનાબેન મોટાણી દ્વારા અભિનંદન પાઠવાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
નિરમા યુનિવર્સિટીના ચાર વિદ્યાર્થીએ પ્રજ્ઞાચક્ષુ બાળકો માટે બનાવી સિમ્પલ મિકેનિકલ ડિવાઈસ
સૂરજકરાડી લોહાણા સમાજનું ગૌરવ
સૂરજકરાડી લોહાણા સમાજનું ગૌરવ વધાર્યું છે અને નિરમા યુનિ.ના ચાર વિદ્યાર્થીઓ બ્રિલિયન્ટ પ્રોજેક્ટ કર્યો છે, જે અંતર્ગત પ્રજ્ઞાચક્ષુ બાળકોના અભ્યાસ માટે સિમ્પલ મિકેનિકલ ડિવાઈસ બનાવી બેંગ્લોરમાં સીઆઈઆઈ યંગ ડિઝાઈનર એવોર્ડની સ્પર્ધામાં ડિઝાઈન ફોર સોશિયલ ઈમ્પેક્ટની કેટેગરીમાં ભાગ લેતા પ્રથમ સ્થાન મળ્યું છે.
નિરમા યુનિવર્સિટીની ડિઝાઈન ડિપાર્ટમેન્ટના બ્રિલિયન્ટ ટીમના ચાર વિદ્યાર્થીઓ રોનક સુતારિયા, આયુષ્માનસિંહ જોધા, પ્રરક માંડવિયા અને સુમુખ કુલકર્ણીએ પ્રોફેસર્સ અર્જુન સેંગર અને પ્રદીપ સાહુના માર્ગદર્શન હેઠળ પ્રજ્ઞાચક્ષુ બાળકોને શિક્ષણમાં સરળતા રહે તે માટે 'સિમ્પલ મિકેનિકલ ડિવાઈસની ડિઝાઈન બનાવી છે.' આ વિશે રોનકે કહ્યું કે, 'પ્રજ્ઞાચક્ષુ બાળકોની અભ્યાસની પદ્ધતિ એકદમ અલગ હોય છે. પ્રજ્ઞાચક્ષુ બાળકો બ્રેઈલ લિપિનો ઉપયોગ કરતા હોય છે. તેમાં પણ તેમને મૂળાક્ષરોને ઊંધા લખી, કોઈ ડિવાઈસ વિના યાદ રાખવા જેવી ઘણી સમસ્યાઓ હોય છે તેથી અમે નક્કી કર્યું કે, એક એવું ડિવાઈસ બનાવીએ જે રમકડા જેવું હોય, જેને બાળકો સરળતાથી આંકડા, અને આલ્ફાબેટનો અભ્યાસ કરીને શીખી શકે છે. આ પ્રોજેક્ટ માટે અમે ગાંધીનગરમાં આવેલી બ્લાઈન્ડ સ્કૂલમાં જઈ તેમની સાથે વાત કરી અને પડતી સમસ્યાઓ વિશે જાણીને આ ડિવાઈસ પર કામ કરવાનું શરૂ કર્યું. આ રમકડામાં કોઈ આલ્ફાબેટ સાચું આવે તો તેના માટે સાયરન સિસ્ટમ પણ સેટ કરી છે, જેનાથી બાળક એકલા પણ ડિવાઈસનો ઉપયોગ કરીને આ માધ્યમથી અભ્યાસ કરી શકે છે.'
આ ડિવાઈસ સરળતાથી ખરીદી અને ઊંચકી શકાય છે. આ ડિવાઈસનો પ્રયોગ કરવા માટે અમે આ સ્કૂલના બાળકોને અભ્યાસ માટે આપ્યું હતું. આ ઉપરાંત બેંગ્લોરમાં યોજાયેલી સીઆઈઆઈ યંગ ડિઝાઈનર એવોર્ડની સ્પર્ધામાં અમારી ટીમ બ્રિલિયન્ટ 'ડિઝાઈન ફોર સોશિયલ ઈમ્પેક્ટ'ની કેટેગરીમાં પ્રથમ સ્થાન મેળવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભારત રત્ન સ્વ. અટલ બિહારી વાજપાઈઃ એક પ્રતિભાશાળી વ્યક્તિત્ત્વ
"ગીત નયા ગાતા હૂં, ગીત નયા ગાતા હૂં" થી શરૂ થતી પ્રખ્યાત હિન્દી કથાના આપણા લોક લાડીલા અને ભારત રત્નથી સન્માનીત એવા સ્વ.અટલ બિહારી વાજપઈજીની છે, તેઓ કવિ હ્ય્દયના એક વિલક્ષણ પ્રતિભાશાળી અને મૃદુ સ્વભાવના રાજકીય નેતા હતાં એમ કહીએ તો સહેજ પણ અતિશ્યોકિત નથી. કોઈ રાજકીય નેતા અને ભારતના વડાપ્રધાન પદે ત્રણ-ત્રણ વખત બિરાજમાન રહ્યા હોય તેવી કોઈ વયક્તિ સરળ ભાવે કવિતાઓ પણ લખી શકતી હોય તે કદાચ પ્રથમ નજરે નવું નવું લાગે પણ આપણાં મહાન ભારત દેશમાં આવું શકય છે એની પ્રતિતિ ખુદ સ્વ.વાજપઈજી દ્વારા આપવામાં આવી છે.
તા.૨૫ મી ડીસેમ્બરના રોજ સમગ્ર દેશ અને દુનિયા જ્યારે તેઓની ૧૦૦મી જન્મ જયંતિની ભાવ વિભોર રીતે ઉજવણી કરી રહ્યું છે ત્યારે આવો આપણે સૌ તેઓને નમ આંખોએ શ્રધ્ધાંજલી અર્પણ કરી એક ભારતીય તરીકે તેઓ પ્રત્યેનું એક ઋણ અદા કરીએ...
પંડીત કૃષ્ણબિહારી વાજપઈ ઉતર પ્રદેશના આગ્રા જિલ્લાના એક પ્રાચીન સ્થળ બટેશવરના રહેવાસી હતા અને મધ્યપ્રદેશના ગ્વાલિયર રજવાડામાં શિક્ષક હતા. અટલજીનો જન્મ તા.૨૫ ડીસેમ્બર ૧૯૨૪ ના રોજ ગ્વાલિયર ખાતે થયો હતો.પિતા કૃષ્ણબિહારી વાજપેયી માત્ર ગ્વાલિયરમાં ભણાવતા ન હતા, આ ઉપરાંત તેઓ હિન્દી અને બ્રજ ભાષાના કુશળ કવિ પણ હતા. પુત્રએ વારસાગત પરંપરા દ્વારા કાવ્યાત્મક ગુણો પ્રાપ્ત કર્યા.અટલજીનું બી.એ.નું શિક્ષણ ગ્વાલિયરની વિક્ટોરિયા કોલેજમાં થયું હતું. વિદ્યાર્થીકાળથી જ તેઓ રાષ્ટ્રીય સ્વંય સેવક સંઘના સ્વયંસેવક બન્યા અને ત્યારથી તેઓ રાષ્ટ્રીય સ્તરની ચર્ચા સ્પર્ધાઓમાં ભાગ લેતા રહ્યા. કાનપુરની ડીએવી કોલેજમાંથી પોલિટ કિલ સાયન્સમાં એમ.એ.ની પરીક્ષા પ્રથમ વિભાગમાં પાસ કરી પછી તેમના પિતા સાથે, તેમણે પણ કાનપુરમાં એલએલબીનો અભ્યાસ શરૂ કર્યો પરંતુ તેમણે તે અધવચ્ચે જ છોડી દીધું અને સંપૂર્ણ સમર્પણ સાથે સંઘના કાર્યમાં લાગી ગયા.તેમણે ડૉ. શ્યામપ્રસાદ મુખર્જી અને પંડિત દીનદયાળ ઉપાધ્યાય ના માર્ગદર્શન હેઠળ રાજકારણનો અભ્યાસ કર્યો એટલું જ નહીં પંચજન્ય, રાષ્ટ્રધર્મ, દૈનિક સ્વદેશ અને વીરઅર્જુન જેવા અખબારો અને સામયિકોનું સંપાદન કાર્ય પણ કુશળતાપૂર્વક કર્યું હતું.
સ્વ.અટલજી રાજનેતા જ નહીં પરંતુ કવિ પણ હતા.મારી એકાવન કવિતાઓ અટલજીનો પ્રખ્યાત કાવ્યસંગ્રહ છે. કાવ્યાત્મક સર્જનાત્મકતા અને સ્વાદના ગુણો વાજપેયીજીને વારસામાં મળ્યા છે. સાહિત્યિક અને કાવ્યાત્મક પારિવારિક વાતાવરણને કારણે તેમની નસોમાં કાવ્યાત્મક રક્ત અવિરત વહેતું હતું. તેમની પ્રથમ કવિતા તાજમહેલ હતી. વાસ્તવમાં કોઈ કાવ્યમય હૃદય કવિતાથી ક્યારેય વંચિત રહી શકતું નથી.અટલજીએ તેમની કિશોરાવસ્થામાં એક અદ્ભુત કવિતા લખી હતી. "હિન્દુ તન-મન, હિન્દુ જીવન, રાગ-રાગ હિન્દુ મેરા પરિચય" જે તેઓના બાળપણથી જ દેશ પ્રત્યેના પ્રેમ અને ઝુકાવ દર્શાવે છે. રાજનીતિની સાથે-સાથે સમુદાય અને રાષ્ટ્ર પ્રત્યેની તેમની અંગત સંવેદના સમગ્રપણે દેખાઈ રહી છે. તેમના જીવનના અનેક પાસાઓ જેમ કે સંઘર્ષ, બદલાતા સંજોગો, દેશવ્યાપી આંદોલન જેલ જીવન વગેરેની અસર અને અનુભવો તેમની કવિતામાં હંમેશા અભિવ્યક્તિ જોવા મળે છે. પ્રખ્યાત ગઝલ ગાયક જગજીતસિંહે પણ અટલજીની પસંદગીની કવિતાઓ કમ્પોઝ કરીને એક આલ્બમ બહાર પાડ્યું હતું.
તેઓ ભારતીય જનસંઘના સંસ્થાપકો પૈકીના એક નેતા હતા અને ૧૯૬૮થી ૧૯૭૩ સુધી પ્રમુખપદે રહ્યાં હતાં, તેઓ વર્ષ-૧૯૭૭ થી ૧૯૭૯ સુધી મોરારજી દેસાઈના મંત્રીમંડળમાં વિદેશમંત્રી હતા, તેઓએ વર્ષ-૧૯૯૬, ૧૯૯૮ અને ૧૯૯૯ માં વડાપ્રધાન પદના શપથ લીધા હતાં.
તેઓએ વર્ષ-૧૯૯૮ માં પોખરણમાં કરેલા પાંચ ભૂગર્ભ પરમાણું પરીક્ષણો, ૧૩ પક્ષોની ગઠબંધી સરકારનું સફળ સંચાલન, પાકિસ્તાન સાથે સંબંધો સુધારવાની પહેલ પછી કારગીલ યુદ્ધમાં વિજય મેળવવા સાથે એમ પણ કહ્યું હતું કે, આપણે મિત્રો બદલી શકીએ, પડોશીઓ નહીં...
આજે ૧૦૦ મા જન્મદિને અટલજીને કોટિ-કોટિ વંદન...
સંકલન અને લેખનઃ કિરીટ બી. ત્રિવેદી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
