Author: નોબત સમાચાર
દ્વારકા પંથકમાંથી રૂ.એકાદ કરોડની વ્હેલ માછલીની ઉલ્ટીના જથ્થા સાથે બે ઝડપાયા
એલસીબીએ અટકાયતમાં લઈ પૂછપરછ આદરીઃ
ખંભાળિયા તા. ૧૧: દ્વારકા પંથકમાંથી સ્થાનિક ગુન્હાશોધક શાખાએ ભાવનગરના બે શખ્સને અત્યંત અલભ્ય ગણાતી વ્હેલ માછલીની ઉલ્ટીના જથ્થા સાથે પકડી પાડ્યા છે. અંદાજે રૂ.એકાદ કરોડનો ઉલ્ટીનો જથ્થો કબજે લેવાયો છે. વધુ વિગત મેળવાઈ રહી છે.
દેવભૂમિ દ્વારકા એલસીબી દ્વારા ગઈકાલે કરવામાં આવી રહેલા પેટ્રોલિંગ દરમિયાન બહારગામથી આવેલા બે શખસ વ્હેલ માછલીના ઉલ્ટીના જથ્થાને વેચવાની તજવીજ કરતા હોવાની વિગતો મળી હતી. જેના પગલે એસપી જયરાજસિંહ વાળાની સૂચનાથી પીઆઈ બી.જે. સરવૈયા તથા સ્ટાફ દોડી ગયા હતા.
એલસીબીએ ભાવનગરથી આવેલા બે શખ્સને શંકાસ્પદ હાલતમાં ફરતા જોઈ અટકાયતમાં લીધા પછી અંદાજે રૂ.એકાદ કરોડની કિંમતની વ્હેલ માછલીની ઉલ્ટી આ શખ્સો પાસેથી મળી હોવાનું જાણવા મળી રહ્યું છે. કેટલાક અત્તરોમાં વ્હેલ માછલીની ઉલ્ટીમાં ઉપયોગ થતો હોય તેની બજાર કિંમત વધુ મળી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
