Author: નોબત સમાચાર
હાપાના ખારી વિસ્તારમાં બાવળની કાટમાં સંતાડીને રાખેલા પંચાવન ચપલા ઝડપાયા
જાંબુડા ગામના એક શખ્સની પોલીસ દ્વારા ધરપકડઃ
જામનગર તા. ૬ઃ જામનગરના હાપાના ખારી વિસ્તાર પાસે બાવળની કાટમાં જાંબુડા ગામના એક શખ્સે સંતાડીને રાખેલા ઈંગ્લીશ દારૃના પંચાવન ચપલા પોલીસે કબજે કરી આ શખ્સની ધરપકડ કરી છે. જ્યારે ઓશવાળ હોસ્પિટલ રોડ પરથી અને હાપા યાર્ડ રોડ પરથી અન્ય બે શખ્સ દારૃ સાથે ઝડપાયા છે.
જામનગર નજીકના હાપા પાસેના રેલવે સ્ટેશન નજીક બાવળની કાટમાં એક શખ્સે દારૃનો જથ્થો સંતાડ્યો હોવાની બાતમી પરથી ગઈકાલે સાંજે પંચકોશી એ ડિવિઝનના પીઆઈ એમ.એન. શેખની સૂચનાથી સ્ટાફે દરોડો પાડ્યો હતો.
ત્યાં ખારી વિસ્તાર પાછળ બાવળની કાટમાંથી જાંબુડા ગામના નવાપરામાં રહેતા વિવેક મુકેશભાઈ સુમડ નામના શખ્સે સંતાડીને રાખેલા ભારતીય બનાવટના અંગ્રેજી શરાબના પંચાવન ચપલા મળી આવ્યા હતા. પોલીસે ચપલા સાથે વિવેક મુકેશભાઈની ધરપકડ કરી છે. જામનગરના દિગ્વિજય પ્લોટ વિસ્તારથી પવનચક્કી તરફના રોડ પર ગઈકાલે રાત્રે પસાર થતાં શંકરટેકરીમાં નવી નિશાળ નજીક રઝાનગરમાં રહેતા અફઝલ શમશેરખાન સેતા નામના શખ્સને પોલીસે રોકાવી ચેક કરતા તેની પાસેથી ઈંગ્લીશ દારૃનું ચપલુ મળી આવ્યું હતું.
જામનગરની નૂરી ચોકડીથી હાપા યાર્ડ તરફ જવાના રસ્તા પરથી ગઈરાત્રે આશિષ કનુભાઈ બેરડીયા નામનો યોગેશ્વરધામમાં રહેતો શખ્સ ઈંગ્લીશ દારૃની બોટલ સાથે ઝડપાઈ ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
