Author: નોબત સમાચાર
નિફટી ફ્યુચર ૨૩૬૭૬ પોઈન્ટ ઉપર તેજી યથાવત રહેશે..!!
સ્થાનિક / વૈશ્વિક પરિબળોની વાત કરીએ તો.... શેરબજારમાં કારોબારની શરૂઆત તેજી સાથે થઈ હતી. ભારતીય બેન્ચમાર્ક સૂચકાંકો ગુરૂવારે ઊંચા ખૂલ્યા હતા, જેની આગેવાની બેન્કિંગ શેરોમાં તેજીને કારણે હતી.સેન્સેક્સ ૩૦૦ પોઈન્ટના ઉછાળા સાથે ૭૮૭૬૬ના સ્તરે હતો જ્યારે નિફ્ટી ફ્યુચર ઈન્ડેક્સ ૫૧ પોઈન્ટમના ઉછાળા સાથે ૨૪૮૧૯ ના સ્તરે કામકાજ કરી રહ્યો હતો,જ્યારે બેન્ક નિફ્ટી ફ્યુચર ઈન્ડેક્સ ૨૨૪ પોઈન્ટના ઉછાળા સાથે ૫૧૯૫૦ ના સ્તરે કામકાજ કરી રહ્યો હતા.નિફ્ટી રિયલ્ટી અને નિફ્ટી મીડિયા ઈન્ડેક્સ સિવાય તમામ ઈન્ડેક્સ તેજી નિશાનમાં ટ્રેડ થઈ રહ્યા હતા. નિફ્ટી પીએસયુ બેંક સૌથી વધુ ૦.૯૯% વધ્યો હતો, ત્યારબાદ નિફ્ટી બેંક ૦.૯૧% વધ્યો હતો. દરમિયાન, કન્ઝ્યુમર ડ્યુરેબલ્સ અને ઓઈ લ એન્ડ ગેસ ઈન્ડેક્સ ૦.૩% વધીને ટ્રેડ થઈ રહ્યા હતા.
ક્રિસમસ રજા-ટૂંકા સપ્તાહમાં કોઈ નવા ટ્રિગર્સ ન હોવાને કારણે, બજાર ધીમી રહી હતી, પરંતુ હેવીવેઇટ આઈટી અને કન્ઝ્યુમર શેરોમાં વૃદ્ધિએ વેગ જાળવી રાખવામાં મદદ કરી હતી.આઈટી સેક્ટર નરમ બજારમાં એક તેજસ્વી સ્થળ તરીકે ઉભરી આવ્યું છે, વધીને રૂપિયાના અવમૂલ્યનથી લાભ મેળવે છે, જે ડોલર-પ્રભુત્વવાળી આવકમાં વધારો કરે છે. ઉચ્ચ આવર્તન ડેટાના વલણોના આધારે ઊ૩ નાણાકીય વર્ષ ૨૫ માં ૬.૮% જીડીપી વૃદ્ધિનો આરબીઆઈનો તાજેતરનો અંદાજ સકારાત્મક સમાચાર છે. પરંતુ નાણાકીય વર્ષ ૨૫ જીડીપી વૃદ્ધિના ૭.૨% વૃદ્ધિના પ્રારંભિક અંદાજથી ઘટીને ૬.૪% થઈ જવું એ મધ્યસ્થ બેંક દ્વારા અર્થતંત્રના નબળા મૂલ્યાંકનનું પ્રતિબિંબ છે.
શરૂઆતના વેપારમાંના ટોપ ગેઇનર્સમાં એચડીએફસી એએમસી, લાર્સેન, મહિન્દ્રા એન્ડ મહિન્દ્રા, અદાણી એન્ટર., એસીસી, એચડીએફસી બેન્ક, કોટક મહિન્દ્રા બેન્ક, ભારતી ઐરટેલ, રિલાયન્સ, અદાણી પોર્ટસ, એક્સીસ બેન્ક શેરમાં વધારો જોવા મળ્યો હતો. ટોપ લુઝર્સમાં ઈન્ડીગો, ટોરેન્ટ ફાર્મા, ટીવીએસ મોટર્સ, હવેલ્લ્સ, વોલ્ટાસ, હિન્દુસ્તાન યુનીલીવર, લ્યુપીન, સન ફાર્મા જેવા શેરમાં ઘટાળો જોવા મળ્યો હતો.
વૈશ્વિક શેરબજારની વાત કરીએ તો ગઈકાલે અમેરિકન માર્કેટમાં ડાઉ જોન્સ ૦.૧૪%ના ઘટાળા સાથે બંધ રહ્યો હતો. જ્યારે એસ એન્ડ પી ૫૦૦ ૧.૧૦% વધીને અને નેસ્ડેક ૧.૩૫% ઘટીને સેટલ થયા હતા.બીએસઇ પર મીડકેપ ઈન્ડેક્સ ૦.૫૪% અને સ્મોલકેપ ઈન્ડેક્સ ૦.૬૪% વધીને ટ્રેડ થઇ રહ્યા હતા.
બીએસઈમાં ગુરૂવારે કુલ ટ્રેડીંગ થયેલી ૩૨૩૨ સ્ક્રિપોમાંથી ઘટનારની સંખ્યા ૧૨૭૮ અને વધનારની સંખ્યા ૧૮૧૫ રહી હતી,૧૩૯ શેરના ભાવમાં કોઈ ફેરબદલ જોવાયો ન હતો.જ્યારે ૮૩ શેરોમાં ઓનલી સેલરની મંદીની નીચલી સર્કિટ સામે ૭૮ શેરોમાં ઓનલી બાયરની તેજીની ઉપલી સર્કિટ રહી હતી.
બજારની ભાવિ દિશા.... મિત્રો, ક્રિસમસ હોલીડેની વચ્ચે વૈશ્વિક પરિબળો નેગેટીવ રહેતાં ફંડોએ સેન્સેક્સ, નિફટી બેઝડ તેજીનો વેપાર હળવો કર્યો હતો. શેરબજારમાં છેલ્લા કેટલાંક દિવસોથી કડાકો જોવા મળી રહ્યો છે. ચાઈનાના કન્ઝયુમર આંકડા નબળી વૃદ્વિની આવતાં અને આ સપ્તાહના અંત સુધીમાં ફેડરલ રિઝર્વ બેન્ક તરફથી વ્યાજ દર અને ફુગાવા અંગે નિર્ણય લેવામાં આવશે. જેના કારણે શેરબજાર તેની રાહ જોઈ રહ્યું છે અને અત્યારે મોટું રોકાણ આવી રહ્યું નથી. બીજી તરફ વિદેશી રોકાણકારો ભારતીય બજારમાંથી નાણાં ઉપાડી રહ્યા છે. આ સિવાય ભારતમાં વી આઈએક્ષમાં પણ વધારો જોવા મળી રહ્યો છે. આ તમામ કારણોને લીધે શેરબજારમાં ઘટાડો જોવા મળી રહ્યો છે.
જીઓપોલિટીકલ ટેન્શને અને ચાઈનાના આર્થિક પડકારોની ફરી પાછલા અઠવાડિયે વૈશ્વિક બજારોમાં નેગેટીવ અસર વર્તાઈ હતી. સીરિયા મામલે ટેન્શન સાથે અમેરિકામાં બાઈડન સત્તા છોડતા પહેલા યુક્રેનને મિસાઈલ અને અન્ય જોખમી શસ્ત્રોનો રશીયા સામે ઉપયોગ કરવા પરવાનગી આપી જઈ યુક્રેન-રશીયા યુદ્વને લાંબો સમય ચાલુ રહેવાનો પડકાર ડોનાલ્ડ ટ્રમ્પ પર છોડી જઈ વિશ્વની યુદ્વની સ્થિતિ કાયમ રહે એવા પ્રયાસોની નેગેટીવ અસર વૈશ્વિક બજારો પર જોવાઈ છે.હવે વૈશ્વિક મોરચે કોઈ મોટું જીઓપોલિટીકલ ટેન્શનનું પરિબળ કે અન્ય રાજકીય ઉથલપાથલ નહીં સર્જાવાની સ્થિતિમાં ડિસેમ્બર મહિનામાં એનએવીની ગેમ શરૂ થવાની સાથે ક્રિસમસ વેકેશન પૂર્વે શેરોમાં તેજી વધુ બળ વતર બની શકે છે. જે પરિબળો વચ્ચે આગામી દિવસોમાં નિફટી ફ્યુચર અને સેન્સેક્સમાં ઉતાર ચઢાવ જોવાઈ શકે છે.
એમસીએક્સ ગોલ્ડ : ઇન્ટ્રા ડે ટ્રેડીંગની શરૂઆતે ફેબ્રુઆરી ગોલ્ડ રૂ. ૭૬૫૨૧ પોઈન્ટના મથાળેથી ખુલીને રૂ. ૭૬૬૫૦ પોઈન્ટના ઊંચા મથાળેથી ઘટાડો નોંધાવી રૂ. ૭૬૫૨૧ પોઈન્ટના નીચા મથાળે નોંધાવી ૩૪૪ પોઈન્ટના ઘટાળા સાથે રૂ. ૭૬૬૧૪ આસપાસ ટ્રેન્ડ નોંધાયેલ..!!
એમસીએક્સ સિલ્વર : ઇન્ટ્રા ડે ટ્રેડીંગની શરૂઆતે માર્ચ સિલ્વર રૂ. ૮૯૬૧૦ પોઈન્ટના મથાળેથી ખુલીને રૂ. ૮૯૭૩૮ પોઈન્ટના ઊંચા મથાળેથી ઘટાડો નોંધાવી રૂ. ૮૯૫૩૭ પોઈન્ટના નીચા મથાળે નોંધાવી ૩૫૫ પોઈન્ટના ઉછાળા સાથે રૂ. ૮૯૬૭૫ આસપાસ ટ્રેન્ડ નોંધાયેલ..!!
હવે જોઈએ ભારતીય શેરબજારની આગામી ટ્રેડીંગ સંદર્ભે સ્ટોક સ્પેશીફીક અંદાજીત રુખ
એસીસી લીમીટેડ (૨૦૭૪) : અદાણી ગ્રુપની અગ્રણી આ કંપનીના શેરનો ભાવ હાલમાં રૂ.૨૦૬૦ આસપાસ ટ્રેડીંગ થતો આ સ્ટોક રૂ.૨૦૪૫ સ્ટોપલોસથી ખરીદવાલાયક આ સ્ટોક ટૂંકા સમયગાળે રૂ.૨૦૮૮ થી રૂ.૨૧૦૨ સુધી તેજી તરફી ધ્યાન...!!!
ઈન્ફોસીસ લીમીટેડ (૧૯૧૫) : ટેકનીકલ ચાર્ટ મુજબ રૂ.૧૯૦૯ આસપાસ પોઝીટીવ બ્રેકઆઉટ!! રૂ.૧૯૦૧ ના સપોર્ટથી ખરીદવાલાયક આ સ્ટોક રૂ.૧૯૩૦ થી રૂ.૧૯૪૧ નો ભાવ નોંધાવે તેવી સંભાવના છે...!!!
કોટક મહિન્દ્રા બેન્ક (૧૭૬૦) : ૧૭૪૦ નો પ્રથમ તેમજ રૂ.૧૭૨૧ ના પ્રાઈવેટ બેન્ક સેક્ટર રોકાણલક્ષી આ સ્ટોક રૂ.૧૭૭૩ થી રૂ.૧૭૮૮ સુધીની તેજી તરફી રુખ નોધાવશે...!!!
રિલાયન્સ ઇન્ડસ્ટ્રીઝ (૧૨૨૪) : રિફાયનરી એન્ડ માર્કેટિંગ સેક્ટર નો આ સ્ટોક ટૂંકા ગાળે ટ્રેડીંગલક્ષી રૂ.૧૨૩૩ થી રૂ.૧૨૪૮ ના ભાવની સંભાવના ધરાવે છે!! અંદાજીત રૂ.૧૨૧૦ નો સ્ટોપલોસ ધ્યાને લેવો...!!!
જીન્દાલ સ્ટીલ (૯૩૮) : રૂ.૧૦ ની ફેસવેલ્યુ ધરાવતા ફન્ડામેન્ટલ સ્ટ્રોંગ આ સ્ટોક રૂ.૯૨૨ ના સ્ટોપલોસ આસપાસ ખરીદવાલાયક સ્ટીલ ના આ સ્ટોકમાં તેજી તરફી રૂ.૯૪૪ થી રૂ.૯૫૭ આસપાસ નફાલક્ષી ધ્યાન ઉત્તમ...!!!
લેખક સેબી રજીસ્ટર્ડ રિસર્ચ એનાલીસ્ટ અને ઇન્વેસ્ટમેન્ટ પોઈન્ટના પ્રોપરાઇટર છે.
અન્ય સમાચારો
