Author: નોબત સમાચાર
પાડોશીની મોટર પર પાલતું શ્વાન ચઢતા બોલી બઘડાટીઃ મહિલાએ કરી ફરિયાદ
જામવથંલીમાં વેપારી પર કડાથી હલ્લોઃ
જામનગર તા. ૩૧: જામનગરના કિસાનચોકમાં એક મહિલાનો પાલતુ શ્વાન પાડોશીની મોટર પર ચઢતા ઝઘડો થયો હતો. પાડોશી દંપતી તથા એક અન્ય શખ્સે આ મહિલાને ગાળો ભાંડી હતી અને પતાવી દેવાની ધમકી આપી હતી. જ્યારે જામવંથલીમાં ગુજરીબજારમાં કપડાનો વેપાર કરતા એક વેપારીને એક શખ્સે ગાળો ભાંડી કડાથી હુમલો કર્યાે હતો.
જામનગરના કિસાનચોક વિસ્તારમાં વસવાટ કરતા રશ્મીબેન રસીકભાઈ કનખરા નામના મહિલાનો પાલતુ શ્વાન ગઈકાલે સાંજે બાજુમાં જ રહેતા રવિ ભાનુશાળી ઉર્ફે મુકા ડોનની મોટર પર ચઢતા ઝઘડો થયો હતો.
ત્યારપછી રવિ તેમજ કાના નંદા અને રવિના પત્નીએ ગાળો ભાંડી હતી અને રવિએ ધોકો કાઢયો હતો. જ્યારે તેની પત્ની તથા કાનાએ ઝપાઝપી કરી હતી અને કાનાએ જાનથી મારી નાખવાની ધમકી આપી હતી.
કાલાવડ શહેરના અમીપીર પાર્કમાં રહેતા ઈમરાન ગફારભાઈ ઓડીયા ગઈકાલે બપોરે જામવંથલી ગામમાં ભરાયેલી ગુજરીબજારમાં ગરમ કપડા રાખીને તેનો વેપાર કરતા હતા ત્યારે ત્યાં આવેલા જામવંથલી રાજુ કેશુ દેવીપુજકે ગાળો ભાંડી હતી તેને ગાળ બોલવાની ના પાડતા ઈમરાન પર હાથમાં પહેરવાના કડાથી હુમલો કરી કપાળમાં ઈજા પહોંચાડાઈ હતી અને ઢીકાપાટુથી માર મારવામાં આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
