Author: નોબત સમાચાર
ઘર પાસે રમતા બાળકને રોવડાવ્યા પછી પાડોશી પિતા-પુત્રએ ઢીકાપાટુથી કર્યાે હલ્લો
મારવા માટે બેટ ઉગામતા માથું દીવાલમાં ભટકાયું:
જામનગર તા. ૩૧: જામનગરના ઢીંચડા રોડ પર સિલ્વર પાર્કમાં એક બાળકને પાડોશી શખ્સે રોવડાવી દેતા તેના પિતા કારણ પૂછવા ગયા હતા. કારણ કહેવાને બદલે આ શખ્સ તથા તેના પુત્રએ ગાળો ભાંડી હુમલો કર્યાે હતો અને બેટ ઉગામ્યું હતું.
જામનગરના ઢીંચડા રોડ પર આવેલા તિરૂપતિ પાર્ક પાછળની સિલ્વર પાર્ક સોસાયટીમાં રહેતા અકબરભાઈ જુમાભાઈ ખીરા નામના યુવાનનો પુત્ર સોમવારે સાંજે પોતાના ઘરની બાજુમાં આવેલા ન્યાઝ નુરૂલ્લાખાનના ઘર પાસે રમતો હતો.
આ વેળાએ ન્યાઝે કોઈ કારણથી અકબરભાઈના પુત્રને રોવડાવી દેતા અકબરભાઈએ તેને કહેતા ઉશ્કેરાયેલા ન્યાઝ તથા તેના પુત્રએ ગાળો ભાંડી હતી અને ઢીકાપાટુથી હુમલો કર્યાે હતો. તે ઉપરાંત આ પિતા-પુત્રએ મારવા માટે બેટ ઉગામતા તેનો ઘા બચાવવા જવાના પ્રયાસમાં અકબરભાઈનું માથું દીવાલમાં ભટકાઈ ગયું હતું. આ બાબતની સિટી સી ડિવિઝન પોલીસ સ્ટેશનમાં ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
