Author: નોબત સમાચાર
ખેડૂતો પાસેથી છ મહિના પહેલાં રૂ.૧૧ લાખથી વધુની જણસ ખરીદી ખંભાળિયાના વેપારીનો ઠેંગો
ત્રણેક વર્ષ સુધી નિયમિત રીતે પેમેન્ટ કર્યા પછી આચરી છેતરપિંડીઃ
જામનગર તા. ૨૯: ખંભાળિયાના કુબેરવિસોત્રી ગામના એક ખેડૂત ઉપરાંત અન્ય કેટલાક ખેડૂતો પાસેથી છ મહિના પહેલાં ખંભાળિયાના એક વેપારીએ કુલ રૂ.૧૧,૧૨,૪૦૦ની કિંમતની ખેતપેદાશ ઉધારમાં ખરીદી લીધા પછી તેના પૈસા ન ચૂકવી છેતરપિંડી કરતા તમામ ખેડૂતો વતી એક ખેડૂતે આ વેપારી સામે પોલીસમાં ધા નાખી છે. ત્રણેક વર્ષથી ખેડૂતો પાસેથી નિયમિત ખરીદી કરતા રહેતા આ વેપારીએ વિશ્વાસ કેળવી લીધા પછી ઠેંગો બતાવતા મામલો પોલીસ મથકે પહોંચ્યો છે.
દેવભૂમિ દ્વારકા જિલ્લાના મુખ્ય મથક ખંભાળિયા તાલુકાના કુબેરવિસોત્રી ગામમાં વસવાટ કરતા અને ખેતીકામ કરતા ગંભીરસિંહ રામસંગજી જાડેજા નામના ખેડૂતે ખંભાળિયા શહેરમાં રહેતા મનોજભાઈ જયંતિભાઈ દત્તાણી નામના આસામી સામે પોતાની જણસ તેમજ અન્ય કેટલાક ખેડૂતોની રૂ.૮ લાખ ૨૦ હજારની જણસ મળી કુલ રૂ.૧૧,૧૨,૪૦૦ની ખેતપેદાશ મેળવી લઈ તેના પૈસા ન ચૂકવી છેતરપિંડી તથા વિશ્વાસઘાત કર્યાની ફરિયાદ પોલીસમાં નોંધાવી છે.
આ ખેડૂતે ફરિયાદમાં જણાવ્યા મુજબ મનોજભાઈને છેલ્લા ત્રણેક વર્ષથી ગંભીરસિંહ સહિતના ખેડૂતો પોતાની ખેતપેદાશ વેચવા માટે આપતા હતા. જે તે ખેડૂતના ખેતરે આવતા જતા રહેતા મનોજે ત્યાં માલ જોખાવ્યા પછી માલ ઉપડાવ્યો હતો અને તેના પૈસા ચૂકવી દીધા હતા તેના કારણે મનોજ જયંતિભાઈએ ગંભીરસિંહ સહિતના ખેડૂતોનો વિશ્વાસ જીતી લીધો હતો.
તે દરમિયાન ગયા મે મહિનામાં ગંભીરસિંહે પોતાના ૨૭૨ મણ ચણા વેચવા માટે મનોજભાઈને આપ્યા હતા. તેના રૂ.ર લાખ ૯૨ હજાર ૪૦૦ મનોજે આપવાના બાકી હતા. તે ઉપરાંત અન્ય ખેડૂતો પાસેથી આ વેપારીએ ચણા, મગફળી, ઘઉં, ધાણા વગેરે મળી રૂ.૮ લાખ ર૦ હજારનો સામાન ખરીદી લીધો હતો અને તેને છ મહિના થવા આવ્યા છતાં કુલ રૂ.૧૧,૧૨,૪૦૦ ચૂકવ્યા ન હતા. સલાયા મરીન પોલીસે ગુન્હો નોંધી મનોજ જયંતિભાઈ દત્તાણીની શોધખોળ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
