જામનગરમાં હથિયાર સાથે રખડતા શખ્સો અને નશાની હાલતમાં વાહન ચલાવતા ઝડપાયા

Author: નોબત સમાચાર

જામનગરમાં હથિયાર સાથે રખડતા શખ્સો અને નશાની હાલતમાં વાહન ચલાવતા ઝડપાયા

ટ્રાફિકને અડચણ થાય તે રીતે રેંકડી રાખતા તત્ત્વો સામે કાર્યવાહીઃ

જામનગર તા. ૨૯: જામનગર શહેર તથા જિલ્લામાં પોલીસે ગઈકાલે કરેલા કોમ્બિંગમાં ઉપરોક્ત શખ્સો નશાની હાલતમાં વાહન ચલાવતા ઝડપાયા છે. ટ્રાફિકને અડચણ થાય તે રીતે વાહન તેમજ રેંકડી રાખતા તત્ત્વો સામે ગુન્હા નોંધાયા છે. હથિયારધારાનો ભંગ કરી વાહનોમાં હથિયાર રાખીને રખડતા શખ્સોને પકડી લેવામાં આવ્યા છે.

જામનગરમાં ગઈકાલે રાત્રે પોલીસ દ્વારા કરાયેલા પેટ્રોલિંગમાં ધરારનગર-ર પાસેથી મયુરસિંહ પ્રવીણસિંહ ચૌહાણ નામનો શખ્સ ધોકા સાથે મળી આવ્યો હતો. જ્યારે વિકાસગૃહ પાસે ક્રિષ્ના હોટલ નજીક ભાવિન પીઠાભાઈ ડાંગરે ગ્રાહકોના વાહન ફૂટપાથ પર પાર્ક કરાવી અડચણ સર્જતા તેની સામે પોલીસે ગુન્હો નોંધ્યો છે. ત્યાં જ આવેલી જે.કે. ફૂડ ઝોન નામની દુકાનવાળા જુપબહાદુર હિમબહાદુર ખત્રીએ પણ પોતાની દુકાન પાસે વાહનો ફૂટપાથ પર પાર્ક કરાવ્યા હતા. તેની સામે પણ કાર્યવાહી કરાઈ છે.

ગુલાબનગર પાસેથી વિજય સુખાભાઈ મકવાણા ઉર્ફે ટાર્જન નામનો શખ્સ ધોકા સાથે, પાછલા તળાવ પાસેથી અનિલ કિશોરભાઈ હરવદીયા છરી સાથે, દરબારગઢ પાસેથી બિરજુ રાજુભાઈ ડાભી નામનો શખ્સ છરી સાથે પકડાઈ ગયો હતો. પાછલા તળાવ પાસેથી રોંગસાઈડમાં ફૂલ સ્પીડમાં બાઈક ચલાવતો સુનિલ ત્રિકમભાઈ કેશવાણી, ખંભાળિયા નાકા પાસેથી હરેશ રાજેશભાઈ પરમાર, કાલાવડના નિકાવા પાસેથી મીઠાભાઈ રાણાભાઈ ચાવડા, ભાદરા પાટીયા પાસેથી માંડણભાઈ રાજાભાઈ ઝાપડા, ધ્રોલના ત્રિકોણ બાગ પાસેથી અરવિંદ વસરામભાઈ ગોસાઈ, ખારવા ચોકડી પાસેથી મનિષ કાનાભાઈ ભુંડીયા, જોડિયાના ચાર ચોક પાસેથી મોહસીન હનીફભાઈ ગજીયા ફૂલ સ્પીડમાં વાહન ચલાવતા ઝડપાયા છે.

દિગ્જામ સર્કલ પાસેથી મોહિત શ્યામલાલ નામનો શખ્સ છરી સાથે મળી આવ્યો છે. દરેડમાંથી હેમસુર ખોડાભાઈ ગુજરીયા ધોકા સાથે ઝડપાયો છે. જોડિયામાં ઓસમાણ ગની કાસુભાઈ નામના શખ્સે પોતાનું વાહન ટ્રાફિકમાં અડચણરૂપ થાય તેમ રાખતા ગુન્હો નોંધાયો છે. પડાણા પાટીયા પાસેથી કિરીટસિંહ બચુભા જાડેજા નામનો ઝાખર ગામનો શખ્સ જીજે-૧૮-એએમ ૯૧૫૩ નંબરની મોટર નશાની હાલતમાં ચલાવતો મળી આવ્યો હતો. નિકાવા પાસેથી જીજે-૧૦-ડીઆર ૩૫૫૭ નંબરની ઈકો ફૂલસ્પીડમાં લઈને જતા કાલાવડના દિનેશ ભગવાનજી મકવાણા સામે કાર્યવાહી કરાઈ છે.

નિકાવા નજીકથી સતિષ નાગજીભાઈ પરમાર ધોકા સાથે અને જામજોધપુરમાં પાટણ ગોળાઈ પાસેથી જગદીશ સવજીભાઈ સીતાપરા છરી સાથે પકડાઈ ગયો છે. લાલપુરમાં ચાર થાંભલા પાસેથી મહંમદઈમરાન ઈસ્લામખાન નામનો શખ્સ છરી સાથે મળી આવ્યો છે. ગોવાણા પાસેથી ભોજાભાઈ અરશીભાઈ નાનેરા ધોકા સાથે અને નિકાવા પુલ પાસેથી નવાઝ હુસેન ખુરેશીના મીની ટ્રકમાંથી ધોકો પોલીસે કબજે કર્યાે છે. ખંભાળિયા નાકા પાસે અશ્વિન દિનેશભાઈ સોલંકી નામના શખ્સે પોતાની નાસ્તાની રેંકડી ટ્રાફિકમાં અડચણ થાય તે રીતે રાખતા પોલીસે કાર્યવાહી કરી છે.

જો આપને આ પોસ્ટ ગમી હોય તો શેર કરો...