Advertisement
Author: નોબત સમાચાર

ખંભાળિયાના કંચનપુરમાં ગાંજાનું કરાયેલું વાવેતર ઝડપાયું: પરપ્રાંતીય સામે કાર્યવાહી

રૂપિયા સવા બે લાખના ચાર છોડ કબજે કરાયાઃ

                                                                                                                                                                                                      

જામનગર તા. ૨૯: ખંભાળિયા નજીકના કંચનપુર ગામની સીમમાં એક પરપ્રાંતીય શખ્સે પોતાના કબજામાં રહેલી જમીનમાં ગાંજાનું વાવેતર કર્યાની બાતમી મળી જતાં ત્યાં ધસી ગયેલી પોલીસ ટીમે ૪૫૪૦ ગ્રામ વજનના ગાંજાના ચાર છોડ કબજે કરી આ શખ્સ સામે નાર્કોટીક્સ એક્ટ હેઠળ ગુન્હો નોંધ્યો છે.

ખંભાળિયા તાલુકાના કંચનપુર ગામની સીમમાં વાવેતર કરતા મૂળ મધ્યપ્રદેશના એક શખ્સ દ્વારા તે જગ્યામાં ગાંજાનું વાવેતર કરવામાં આવ્યું હોવાની બાતમી મળતા ગઈકાલે ખંભાળિયા પોલીસ સ્ટેશનના પીઆઈ બી.જે. સરવૈયાના વડપણ હેઠળની પોલીસ ટીમે કંચનપુરની સીમમાં દરોડો પાડ્યો હતો.

આ સ્થળેથી મૂળ મધ્યપ્રદેશના ખરગોન જિલ્લાના કસરાવડ તાલુકાના ભોઈંડા ગામનો ગુલાબસિંગ વિક્રમસિંગ ઠાકોર નામનો શખ્સ મળી આવ્યો હતો. આ શખ્સે પોતાની પાસે વાવેતર માટે રહેલી જગ્યામાં ગાંજો વાવ્યાનું ખૂલ્યું છે. સ્થળ પરથી પોલીસે ૪૫૪૦ ગ્રામ વજનના ગાંજાના ચાર છોડ કબજે કરી લીધા છે. અંદાજે રૂ.ર લાખ ૨૭ હજારના આ જથ્થા સાથે ગુલાબસિંગ વિક્રમસિંગ સામે એનડી પીએસ એક્ટ હેઠળ ગુન્હો નોંધવામાં આવ્યો છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh