Author: નોબત સમાચાર
ગુજરાતમાં ઠંડીનું જોર વધવાની સંભાવના
૪૮ કલાકમાં બે-ત્રણ ડીગ્રી ઘટી શકે તાપમાનઃ આગાહી
અમદાવાદ તા. ર૯: ગુજરાતમાં ઠંડીનો પ્રકોપ વધશે. ૪૮ કલાક પછી તાપમાનમાં ર થી ૩ ડીગ્રીનો વધુ ઘટાડો થવાની હવામાન વિભાગની આગાહી કરવામાં આવી છે. ઉત્તરાખંડમાં થયેલી હિમવર્ષાની અસર ગુજરાત સહિત પશ્ચિમ ભારતમાં જોવા મળી હતી. ડિસેમ્બરના પ્રારંભે ઠંડીમાં નોંધપાત્ર વધારો થશે.
દેશમાં શિયાળુ સિઝનનો સત્તાવાર પ્રારંભ થઈ ચૂક્યો છે. ઉત્તરાખંડના પહાડી વિસ્તારોમાં થયેલી હિમવર્ષાને કારણે ઉત્તર ભારત તરફથી ઠંડા પવનો ફૂંકાઈ રહ્યા છે, જેની અસર ગુજરાત સહિત સમગ્ર પશ્ચિમ ભારત પર વર્તાઈ રહી છે. હવામાન વિભાગે આગાહી કરી છે કે ડિસેમ્બર મહિનાની શરૂઆતથી જ રાજ્યમાં ઠંડીનું નોંધપાત્ર રીતે વધશે.
છેલ્લા ર૪ કલાકમાં ગુજરાતના મોટાભાગના જિલ્લાઓમાં લઘુતમ તાપમાનમાં ૧ થી ર ડીગ્રીનો વધારો નોંધાયો છે. કચ્છના નલિયામાં ૧પ ડીગ્રી છે. આગામી ૪૮ કલાક પછી ઠંડીનું જોર વધશે. હવામાન વિભાગની આગાહી મુજબ આગામી ૪૮ કલાક પછી રાજ્યના તાપમાનમાં ફરી એકવાર ર થી ૩ ડીગ્રીનો ઘટાડો થવાની સંભાવના છે. આગામી ર૪ કલાક માટે રાજ્યમાં શુષ્ક હવામાન રહેવાની આગાહી છે. ૪ ડિસેમ્બર સુધી રાજ્યના અમુક ભાગોમાં વાદળછાંયુ વાતાવરણ રહેવાની શક્યતા છે. ડિસેમ્બરની શરૂઆત સાથે રાત્રિના તાપમાનમાં મોટો ઘટાડો થશે. રાજસ્થાન, મધ્યપ્રદેશ, પંજાબ, હરિયાણા અને ઉત્તરપ્રદેશ સહિતના રાજ્યોમાં ઠંડીનો પ્રકોપ વધ્યો છે. રાજસ્થાનના ૧ર જિલ્લાઓમાં તાપમાન ૧૦ ની નીચે નોંધાયું છે, જેમાં સિકરમાં સૌથી ઓછું ૭ ડીગ્રી તાપમાન રહ્યું હતું. મધ્યપ્રદેશના રાજગઢમાં પણ પારો ૭ ડીગ્રી સુધી ગગડ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
