Author: નોબત સમાચાર
જામનગરના મહિલાએ અન્ય મહિલા સામે ગાળો ભાંડી ધમકી આપવા અંગે કરી રાવ
ભત્રીજીની શાળાએ જઈ પજવ્યાની પણ ફરિયાદઃ
જામનગર તા. ૨૮: જામનગરના એક મહિલાએ ગયા શનિવારે બપોરે તેમના જ એક કૌટુંબિક મહિલાએ બેડેશ્વર પુલ પાસે રોકી ગાળો ભાંડવા ઉપરાંત ઝઘડો કર્યા પછી ઘરે આવી બંધ રહેલા બારણા ખખડાવી પતાવી દેવાની ધમકી આપ્યાની અને એક તરૂણીની શાળાએ જઈ ખોટી રીતના હેરાન કરતા હોવાની પણ પોલીસમાં ફરિયાદ કરી છે.
જામનગરના પંચવટી વિસ્તારમાં આવેલી ગૌશાળા પાસે રહેતા ઉમિયાબા અનિરૂદ્ધસિંહ જાડેજા નામના મહિલા ગયા શનિવારે બપોરે પોતાની ભત્રીજીને ખાનગી શાળામાં મૂકવા માટે જ્યુપીટર સ્કૂટર પર નીકળ્યા પછી પરત આવતા હતા.
તેઓ જ્યારે બેડેશ્વર નજીકના ઓવરબ્રિજ પાસે પહોંચ્યા ત્યારે કૈલાસબા અરવિંદસિંહ જાડેજા નામના મહિલાએ તેઓને રોકી ઝઘડો કર્યા પછી ગાળો ભાંડી હતી. ઝઘડાથી બચવા માટે સ્કૂટર ચાલુ કરીને ઉમિયાબા ત્યાંથી ચાલ્યા ગયા હતા. તેમની પાછળ ઘર સુધી આવેલા કૈલાસબાએ બંધ રહેલા દરવાજાને ખખડાવીને ઉમિયાબાને દરવાજો ખોલવા અન્યથા મારી નાખવાની ધમકી આપી હતી.
ઉપરોક્ત ફરિયાદ ઉપરાંત ઉમિયાબાએ પોલીસ સમક્ષ જાહેર કર્યા મુજબ તેઓની ભત્રીજી જે ખાનગી શાળામાં અવારનવાર જઈ ઉમિયાબા પરેશાની ઉભી કરતા હતા અને ઉમિયાબાના ઘરના સદસ્યોને પણ હેરાન કરતા હતા. પોલીસે કૈલાસબા અરવિંદસિંહ જાડેજા સામે બીએનએસની કલમ ૩૫૧ (૩), ૩૫૨ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
