Author: નોબત સમાચાર
લાલપુરના મુળીલામાં ગંજીપાનાથી જુગાર રમતા ત્રણ ઝબ્બેઃ પોલીસને જોઈને બે ફરાર
જામનગરમાંથી એકીબેકી રમતા ચાર પકડાયાઃ
જામનગર તા. ૨૫: લાલપુરના મુળીલા ગામમાં ગઈકાલે સાંજે ગંજીપાનાથી જુગાર રમતા બે વૃદ્ધ તથા એક પ્રૌઢને પોલીસે પકડી પાડ્યા હતા. બે શખ્સ નાસી જવામાં સફળ થયા હતા. બેડીના પુલ તથા ડેન્ટલ હોસ્પિટલ પાસેથી ચાર શખ્સ ચલણી નોટ પર જુગાર રમતા ઝડપાયા હતા.
લાલપુર તાલુકાના મુળીલા ગામમાં ગૌશાળાવાસ પાસે ગઈકાલે સાંજે જાહેરમાં ગંજીપાનાથી જુગાર રમાતો હોવાની બાતમી પરથી લાલપુર પોલીસ સ્ટેશનના સ્ટાફે દરોડો પાડ્યો હતો. ત્યાંથી તીનપત્તી રમતા હમીરભાઈ જેતાભાઈ કરંગીયા, લખમણભાઈ પુંજાભાઈ વરૂ, અગરસંગ લાલુભા જાડેજા નામના ત્રણ વ્યક્તિ મળી આવ્યા હતા.
પોલીસને જોઈને દેવાભાઈ નાથાભાઈ ઝાપડા, એભાભાઈ મેપાભાઈ કરંગીયા નામના બે વ્યક્તિ નાસી છૂટ્યા હતા. પોલીસે પટમાંથી રૂ.૨૬૯૦ કબજે કરી જુગારધારાની કલમ ૧૨ હેઠળ ગુન્હો નોંધ્યો છે.
જામનગરના બેડેશ્વર પાસે પુલ નીચે ગઈકાલે સાંજે ચલણી નોટના નંબર પર એકીબેકી બોલી જુગાર રમતા દીપેશ વિનોદભાઈ સોમૈયા તથા દશરથસિંહ જોરૂભા જાડેજા નામના બે શખ્સને પોલીસે પકડી લઈ રોકડ રકમ કબજે કરી છે.
જામનગરની ડેન્ટલ હોસ્પિટલ નજીક ગઈકાલે સાંજે ચલણી નોટના નંબર પર એકીબેકી રમતા ભાવેશ દેવજીભાઈ બાંભણીયા, રાજુ મથુર ભાઈ મકવાણા નામના બે શખ્સને પોલીસે પકડી લીધા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
