Author: નોબત સમાચાર
ગુજરાતના દાહોદમાં ૬ નકલી સરકારી કચેરીઓ ઝડપાઈઃ રૂપિયા ૨૨.૭૦ કરોડની મિલકતો જપ્ત
ઈડી દ્વારા મોટી કાર્યવાહીઃ ૧૨૧ પ્રોજેકટ મંજુરઃ સીલ, સિકકો, સહીઓ-બધું જ નકલી !
અમદાવાદ તા. ૧૮: દાહોદમાં છ નકલી સિંચાઈ વિભાગની કચેરીઓનો પર્દાફાશ થયો છે. ૧૨૧ નકલી પ્રોજેક્ટ દ્વારા સરકારી ભંડોળની ઉચાપત કરવામાં આવી હતી. ઈડીએ અબુબકર સૈયદ અને તેના સાથીદારોની રૂ.૨૨.૭૦ કરોડની સ્થાવર-જંગમ મિલકતો જપ્ત કરી છે. આરોપીઓએ સરકારી અધિકારીઓનો ઢોંગ કર્યો હતો, બનાવટી સીલ અને સહીઓ બનાવી હતી, બનાવટી દસ્તાવેજો તૈયાર કર્યા હતા.
દાહોદમાં સિચાઈ અને જળ સંસાધન વિભાગની છ નકલી સરકારી કચેરીઓ ખોલવામાં આવી હતી અને ભંડોળની ઉચાપત કરવામાં આવી હતી. સરકારી ગ્રાન્ટ હડપવાના ચર્ચાસ્પદ નકલી કચેરી કૌભાંડમાં એન્ફોર્સમેન્ટ ડિરેક્ટોરેટ (ઈડી) દ્વારા મોટી કાર્યવાહી કરવામાં આવી છે.
ઈડીએ અબુબકર સૈયદ અને તેના સાથીદારોની રૂ.૨૨.૭૦ કરોડની સ્થાવર-જંગમ મિલકતો જપ્ત કરી છે. નકલી સરકારી કચેરીઓ ઉભી કરી કરોડો રૂપિયાનું કૌભાંડ આચરનારા આરોપીઓ પર ઈડીનો સિકંજો વધુ મજબૂત બન્યો છે.
એવો આરોપ છે કે આરોપીઓએ સરકારી અધિકારીઓનો ઢોંગ કર્યો હતો, બનાવટી સીલ અને સહીઓ બનાવી હતી, બનાવટી દસ્તાવેજો તૈયાર કર્યા હતા અને છેતરપિંડીથી સરકારી ગ્રાન્ટ મેળવી હતી. એન્ફોર્સમેન્ટ ડિરેક્ટોરેટ (ઈડી) ની તપાસમાં બહાર આવ્યું છે કે આરોપીઓએ સરકારી અધિકારીઓ સાથે મળીને ૧૨૧ છેતરપિંડી પ્રવૃત્તિઓ માટે મંજૂરી મેળવી હતી અને છેતરપિડીથી સરકારી ભંડોળ મેળવ્યું હતું. આ નાણાં અનેક બેંક ખાતાઓ દ્વારા મોકલવામાં આવ્યા હતા અને પછી મિલકતો ખરીદીને અને શેર અને મ્યુચ્યુઅલ ફંડમાં રોકાણ કરીને તેને ધોળા કરવામાં આવ્યા હતા (એટલે કે, કાળા નાણાંને સફેદ કરવામાં આવ્યા હતા). મની ટ્રેલની તપાસ કર્યા પછી, ઈડી એ સોમવારે આમાંથી કેટલીક મિલકતો અને સંપત્તિઓ જપ્ત કરી હતી, જેની કિમત રૂ.૨૨ કરોડથી વધુ છે.જપ્ત કરાયેલી મિલકતો મુખ્ય આરોપી, અબુબકર ઝાકીરઅલી સૈયદ, તેના પરિવારના સભ્યો અને સહયોગીઓની છે.
ઈડીએ જણાવ્યું હતું કે, એનએસઓ કરાયેલી મિલકતોમાં સાત ટુકડા જમીન, મ્યુચ્યુઅલ ફંડમાં રોકાણ અને વિવિધ બેંક ખાતાઓમાં જમા રકમનો સમાવેશ થાય છે. જપ્ત કરાયેલી મિલકતોની કુલ કિમત રૂ.૨૨.૭૦ કરોડ છે. આ રીતે પૈસા એક ખાતામાંથી બીજા ખાતામાં ટ્રાન્સફર કરવામાં આવ્યા હતા.
સુત્રો મુજબ સરકારી વિભાગોમાંથી મળેલા પૈસા પહેલા નકલી સરકારી કચેરીઓના નામે ખોલવામાં આવેલા નવ બેંક ખાતાઓમાં જમા કરવામાં આવ્યા હતા, પછી ૧૮ મધ્યસ્થી ખાતાઓમાં ટ્રાન્સફર કરવામાં આવ્યા હતા, અને પછી આરોપીઓ સાથે જોડાયેલા વ્યક્તિઓ અને સંસ્થાઓના ૧૧૮ અન્ય ખાતાઓમાં ટ્રાન્સફર કરવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
