જામનગરના કેથોલિક સેક્રેટ હાર્ટ ચર્ચમાં નાતાલ પર્વના વધામણાઃ સમૂહ પ્રાર્થના

Author: નોબત સમાચાર

જામનગરના કેથોલિક સેક્રેટ હાર્ટ ચર્ચમાં નાતાલ પર્વના વધામણાઃ સમૂહ પ્રાર્થના

ઠેર-ઠેર રોશનીનો ઝળહળાટઃ ક્રિસ્મસ ટ્રીનું સુશોભનઃ સ્કૂલ પરિસરો પણ ઝળહળ્યાઃ ઈસુ જન્મની ઉજવણીઃ આતશબાજી

જામનગર શહેરમાં છેલ્લા પ૮ વર્ષથી કાર્યરત એકમાત્ર કેથોલિક સેક્રેટ હાર્ટ ચર્ચમાં ગઈકાલે રાત્રે નાતાલની ભવ્ય ઉજવણી કરવામાં આવી હતી, અને ભગવાન ઈશુના જન્મની વધામણી અને સમૂહ પ્રાર્થના સહિતના કાર્યક્રમો યોજાયા હતાં, તેમજ સમગ્ર ચર્ચને ઝળહળતી રોશનીથી સજ્જ બનાવી દેવાયાની સાથે સાથે ભવ્ય આતશબાજી પણ કરવામાં આવી હતી. જામનગરની મધ્યમાં અંબર ચોકડી પાસે આવેલ સેક્રેડ હાર્ટ ચર્ચમાં રેવ. ફાધર ડો. મનુ ચેરૂમૃત્તથુપદી પેરિશ પાદરી છે. જેઓ દ્વારા ગઈકાલે રાત્રે સમૂહ પ્રાર્થના કરાવવામાં આવી હતી અને ભગવાન ઈસુના જન્મના વધામણા થયા હતાં. ત્યારપછી મોડી રાત્રે ચર્ચ નજીક સર્વે કેથોલિક પરિવાર દ્વારા ભવ્ય આતશબાજી કરવામાં આવી હતી અને તમામ પરિવારોને એકબીજાને અભિનંદન પાઠવ્યા હતાં. જામનગર શહેરમાં વસવાટ કરતા ખ્રિસ્તી પરિવારો દ્વારા પોતાના ઘરમાં પણ ક્રિસમસ ટ્રીનું નિર્માણ કરી તેમજ મકાનોને પણ રોશનીથી સજ્જ કરવામાં આવ્યા છે. જામનગરની મધ્યમાં આવેલી સેન્ટઆન્સ સ્કૂલ તથા સેન્ટ ઝેવિયર્સ સ્કૂલ કે જે બન્ને શાળાઓમાં પણ નાતાલના પર્વની ભવ્ય ઉજવણી કરવામાં આવી રહી છે, અને સ્કૂલ પરિસરને ઝળહળતી રોશનીથી સજ્જ બનાવાયા છે, જ્યારે ભગવાન ઈશુના જન્મ સમયની કેટલીક ઝાંખી પણ તૈયાર કરવામાં આવી છે, જેને નિહાળવા માટે નાના બાળકો સહિતના નગરજનો બહોળી સંખ્યામાં ઉમટેલા જોવા મળ્યા હતાં. જામનગર શહેરમાં છેલ્લા ૫૮ વર્ષથી કાર્યરત કેથોલિક સેક્રેટ હાર્ટ ચર્ચમાં ગઈકાલે રાત્રે નાતાલની ભવ્ય ઉજવણી કરવામાં આવી હતી, અને ભગવાન ઈસુના જન્મની વધામણી અને સમૂહ પ્રાર્થના સહિતના કાર્યક્રમો યોજાયા હતાં, તેમજ સમગ્ર ચર્ચને ઝળહળતી રોશનીથી સજજ બનાવી દેવાયાની સાથે સાથે ભવ્ય આતશબાજી પણ કરવામાં આવી હતી. જામનગર શહેરમાં આશરે ૩૦૦ જેટલા કેથોલીક પરિવારો વસવાટ કરે છે, જેઓ દ્વારા આ વખતે પણ નાતાલના પર્વની ભવ્ય ઉજવણી કરવામાં આવી હતી, અને તમામ પરિવારોમાં ભારે ઉત્સાહ જોવા મળ્યો હતો.

જો આપને આ પોસ્ટ ગમી હોય તો શેર કરો...