Author: નોબત સમાચાર
કાલાવડના હરીપર-મેવાસામાં ધમકી આપવા અંગે પાંચ શખ્સ સામે કરવામાં આવી ફરિયાદ
સામાપક્ષની પણ કોર્ટમાં જુબાનીના મુદ્દે ધમકીની રાવ
જામનગર તા. ૧૦ઃ કાલાવડના હરીપર-મેવાસામાં એક યુવાનને રોકી એક શખસે ધમકી આપ્યાની પોલીસમાં ફરિયાદ કરાઈ છે. જ્યારે સામાપક્ષે પણ પાંચ સામે ગાળો ભાંડી છરી બતાવી જાનથી મારી નાખવા ધમકી અપાયાની રાવ કરી છે.
કાલાવડ તાલુકાના હરીપર-મેવાસા ગામમાં રહેતા અને રેસ્ટોરન્ટ ચલાવતા રકુબભાઈ અબ્બાસભાઈ હાલાણી સોમવારે સવારે ચાલીને દોસમામદભાઈના ઘર પાસેથી જતા હતા ત્યારે આસીફ તૈયબ હાલેપોત્રા નામના શખ્સે પોતાના બાઈક પર આવી રકુબભાઈને રોકી લીધા હતા.
અગાઉ ફિરોઝભાઈ નામના રકુબભાઈના પરિવારના વ્યક્તિએ આસીફ સામે કરેલા કેસમાં રકુબભાઈ સાક્ષી તરીકે રહેલા હતા. તેઓને કોર્ટમાં કંઈ બોલતો નહી તેમ કહી આસીફ હાલેપોત્રાએ ગાળો ભાંડી હતી અને એક્સીડન્ટ કરાવી મરાવી નાખવાની ધમકી આપી હતી. કાલાવડ ગ્રામ્ય પોલીસ મથકમાં તેની ફરિયાદ કરાઈ છે.
આ ફરિયાદની સામે આસીફ તૈયબભાઈ હાલેપોત્રાએ વળતી ફરિયાદ કરી તેમાં જણાવ્યું છે કે, સોમવારે સવારે બાઈક પર તેઓ જતા હતા ત્યારે રકુબ અબ્બાસભાઈ ઉર્ફે મુન્નાએ તેઓને આ રસ્તા પરથી નીકળતો નહી તેમ કહી ગાળો ભાંડ્યા પછી આવી ચઢેલા અનવર હાજીભાઈ મથુપોત્રા, ઈકબાલ અનવરભાઈ, શકીલ અનવરભાઈ, હનીફ મામદભાઈ મથુપોત્રાએ પણ ગાળો ભાંડી ગામમાં રહેવા દેવો નથી તેમ કહી ધમકી આપવા ઉપરાંત રકુબે છરી બતાવી જાનથી મારી નાખવાની ધમકી આપી હતી. પોલીસે બંને ફરિયાદ રજીસ્ટરે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
