Author: નોબત સમાચાર
ટેસ્ટ મેચનો સ્કોર નીહાળી સટ્ટો રમતો શખ્સ પોલીસની ગિરફતમાં
એકીબેકી બોલતા બે પન્ટર પકડાયાઃ
જામનગર તા. ૨૩: જામનગરમાંથી ગઈરાત્રે પોલીસે લાલપુરના એક શખ્સને મોબાઈલમાં ક્રિકેટનો સટ્ટો રમતો પકડી પાડ્યો છે. જ્યારે જૂના રેલવે સ્ટેશન નજીકથી બે શખ્સ ચલણી નોટના નંબર પર એકીબેકી બોલતા ઝડપાયા છે.
જામનગરની જી.જી. હોસ્પિટલ પાસે ગઈરાત્રે એક શખ્સ ઉભો રહી પોતાના મોબાઈલમાં ક્રિકેટનો સટ્ટો રમતો હોવાની બાતમી પરથી સિટી એ ડિવિઝનના સ્ટાફે દરોડો પાડ્યો હતો. ત્યાંથી લાલપુરના ઉગમણા ઝાપા પાસે રહેતો અકરમ અલારખા ખફી નામનો શખ્સ મળી આવ્યો હતો.
આ શખ્સ પોતાના મોબાઈલમાં એક એપમાં આઈડી પરથી ગઈકાલની ભારત તથા ઈંગ્લેન્ડની ક્રિકેટ ટીમ વચ્ચે રમાતા ટેસ્ટ મેચ પર સટ્ટો રમતો મળી આવ્યો હતો. પોલીસે તેનો મોબાઈલ, રોકડ કબજે કર્યા છે.
જામનગરના જૂના રેલ્વે સ્ટેશન પાસે આવેલા ભીમવાસની સામેના ભાગમાં શનિવારે રાત્રે જાહેરમાં ચલણી નોટના નંબર પર એકીબેકી બોલી જુગાર રમી રહેલા રઘુભા હાડાભા માણેક તથા જાવિદ હુસેન મકરાણી નામના બે શખ્સને પોલીસે પકડી પાડી ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
