Author: નોબત સમાચાર
પુત્રીની પજવણી અંગે કહેવાતા જતાં પિતા પર બે શખ્સે લાકડી-પાઈપથી કર્યાે હલ્લો
આરોપી પિતા-પુત્ર સામે નોંધાયો ગુન્હોઃ
જામનગર તા.૨૦ : કલ્યાણપુરના લાંબા ગામમાં રહેતા એક પિતા-પુત્રએ તે જ ગામના પ્રૌઢ અને એક મહિલાને પાઈપ-લાકડીથી માર માર્યાની પોલીસમાં ફરિયાદ કરાઈ છે. હુમલાખોર પૈકીના પુત્રએ એક યુવતીની કરેલી પજવણી અંગે સમજાવટ કરવા જવાતા હુમલો થયાનું ફરિયાદમાં જણાવાયું છે.
દેવભૂમિ દ્વારકા જિલ્લાના કલ્યાણપુર તાલુકાના લાંંબા ગામમાં રહેતા લગધીરભાઈ રામભાઈ ચાવડા નામના પ્રૌઢ પર ગુરૂવારની રાત્રે નવેક વાગ્યે લાંબા ગામના મફતીયાપરામાં રહેતા રમેશ રણમલભાઈ ગોરીયા ઉર્ફે ભીમશી તથા રણમલ જીવાભાઈ ગોરીયા નામના બે શખ્સે પાઈપ, લાકડી વડે હુમલો કરી માર માર્યાે હતો.
આ બાબતની પોલીસમાં ફરિયાદ કરવામાં આવી છે. જેમાં જણાવાયા મુજબ લગધીરભાઈની પુત્રીને થોડા વખતથી રમેશ ઉર્ફે ભીમશી પજવતો હતો તેને સમજાવવા માટે ગુરૂવારની સાંજે લગધીરભાઈ તથા મટુબેન ગયા હતા. ત્યારે તેમના પર ઉપરોક્ત પિતા-પુત્રએ હુમલો કરી માર માર્યાે હતો. પોલીસે ગુન્હો નોંધી તપાસ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
