Author: નોબત સમાચાર
જામનગરમાં શ્રી સમસ્ત બ્રહ્મસમાજ સેવા ટ્રસ્ટ દ્વારા યોજાઇ સમૂહ યજ્ઞોપવિત
ધારાસભ્યશ્રી, મહાનુભાવો-બ્રહ્મઅગ્રણીઓની ઉપસ્થિતિમાં ૫૧ બટુકે શાસ્ત્રોક્ત વિધિથી ધારણ કરી જનોઈ
જામનગરમાં શ્રી સમસ્ત બ્રહ્મસમાજ સેવા ટ્રસ્ટ દ્વારા બીજા વર્ષે બ્રાહ્મણ બટુકો માટે સમૂહ યજ્ઞોપવિતનાં ઉત્સવનું નિઃશુલ્ક આયોજન કરવામાં આવ્યું હતું. પ્રદર્શન ગ્રાઉન્ડ સામે એમ. પી. શાહ કોલેજ ગ્રાઉન્ડમાં યોજાયેલ કાર્યક્રમમાં કુલ ૫૧ બટુકે શાસ્ત્રોક્ત વિધીથી યજ્ઞોપવિત ધારણ કર્યું હતું. ધારાસભ્ય દિવ્યેશભાઈ અકબરી, સ્ટેન્ડીંગ કમિટી ચેરમેન નિલેશભાઇ કગથરા, શહેર ભાજપ પ્રમુખ ડો.વિમલભાઇ કગથરા, કોર્પોરેટર ડિમ્પલબેન રાવલ, વરિષ્ઠ પત્રકાર હિરેન ત્રિવેદી વિગેરે મહાનુભાવો તથા બ્રહ્મ અગ્રણીઓ અતિથિ થયા હતાં. મુખ્ય મહાપ્રસાદના દાતા તરીકે સ્વ. મંજુલાબેન લક્ષ્મીદાસ પૂજારા પરિવાર દ્વારા આર્થિક અનુદાન પ્રાપ્ત થયું હતું. આ ઉપરાંત વિવિધ દાતાઓ તથા મહાનુભાવોની સહયોગ સાંપડ્યો હતો. આયોજક શ્રી સમસ્ત બ્રહ્મસમાજ સેવા ટ્રસ્ટના મેનેજીંગ ટ્રસ્ટી કેતનભાઇ ભટ્ટ, ટ્રસ્ટીઓ જયદિપભાઇ રાવલ, સુનિલભાઇ જોષી, સિમિતભાઇ રાવલ, મહેશભાઈ રાવલ વિગેરે હોદ્દેદારો દ્વારા કાર્યક્રમને સફળ બનાવવા જહેમત ઉઠાવવામાં આવી હતી તથા આવતા વર્ષે પણ સમૂહ યજ્ઞોપવિતનાં કાર્યક્રમનાં આયોજનની ઘોષણા કરવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
