Author: નોબત સમાચાર
સગીરાનું અપહરણ કરી દુષ્કર્મ ગુજારનાર મુંગણી ગામના શખ્સની પોલીસે કરી ધરપકડ
ગણતરીની કલાકોમાં આરોપીને દબોચી લેવાયોઃ
જામનગર તા. ૩૦: જામનગરના સિક્કા પંથકમાંથી એક સગીરાનું અપહરણ કરાયાની પોલીસમાં ફરિયાદ થયા પછી ગણતરીની કલાકોમાં પોલીસે આરોપીને દબોચી લીધો છે. તેણે દુષ્કૃત્ય ગુજાર્યાનું ખૂલતા પોલીસે પોક્સો એક્ટની કલમનો ઉમેરો કર્યાે છે.
જામનગર તાલુકાના સિક્કા પંથકમાં વસવાટ કરતા એક પરિવારની પોણા અઢાર વર્ષની પુત્રીનું એક શખ્સ અપહરણ કરી ગયો હોવાની સિક્કા પોલીસ સ્ટેશનમાં ફરિયાદ કરવામાં આવી હતી. તેની તપાસ શરૂ કરાઈ હતી. તે દરમિયાન આ ગુન્હામાં સંડોવાયેલા મૂળ જામજોધપુરના કડબાલ ગામનો વતની અને હાલમાં મુંગણી ગામના વાડી વિસ્તારમાં એક ખેતરમાં રહેતા ભવદીપ હમીરભાઈ ચંદ્રાવડીયાના સગડ મળ્યા હતા.
સિક્કાના ઈન્ચાર્જ પીઆઈ પી.પી. જયસ્વાલની સૂચનાથી ધસી ગયેલી પોલીસ ટીમે ભવદીપ હમીરભાઈની અટકાયત કરી લીધી છે. આ શખ્સની પૂછપરછમાં તેણે સગીરા પર દુષ્કર્મ ગુજાર્યું હોવાનું ખૂલતા પોલીસે પોક્સો એક્ટની કલમનો ઉમેરો કરી આરોપી ભવદીપ હમીરભાઈની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
