Author: નોબત સમાચાર
જામનગરમાં મહત્તમ તાપમાન ૩૮.૮ ડિગ્રી
હાલાર બન્યું અગનભઠ્ઠીઃ પ્રજાજનો પરસેવેથી રેબઝેબ
જામનગર તા. ૯: જામનગરમાં છેલ્લા ચોવીસ કલાકમાં પોણા ડિગ્રીથી વધુ વધીને મહત્તમ તાપમાન ૩૮.૮ ડિગ્રી નોંધાયું હતું. એપ્રિલ માસના પ્રારંભથી જ ઉનાળાએ રફતાર પકડતા સમગ્ર હાલાર પંથક જાણે અગનભઠ્ઠીમાં ફેરવાઈ ગયું હોય તેવો આકરો તાપ પડી રહ્યો છે.
જામનગરમાં બુધવારે સવારે ૮ વાગ્યે પૂરા થતાં ચોવીસ કલાક દરમિયાન પોણા ડિગ્રીથી વધુ વધીને મહત્તમ તાપમાન ૩૮.૮ ડિગ્રી અને અડધા ડિગ્રીના વધારા સાથે લઘુતમ તાપમાન ૨૩.૫ ડિગ્રી નોંધાયું હતું. તાપમાનમાં થઈ રહેલા વધારાના પગલે ગરમીમાં પણ વધારો થઈ રહ્યો છે.
સમગ્ર હાલાર પંથકમાં એપ્રિલ માસના પ્રારંભથી જ ઉનાળાએ રફતાર પકડી લીધી છે. મોટાભાગે મહત્તમ તાપમાન ૩૭ ડિગ્રીથી વધુ રહેતા સખત ગરમી પડી રહી છે. સમગ્ર હાલાર પંથક જાણે અગનભઠ્ઠી બની ગયું હોય તેવો આકરો તાપ પડી રહ્યો છે. ગઈકાલે પણ તાપમાન ૩૯ ડિગ્રી નજીક પહોંચી જતા જનતાએ બપોરે અસહ્ય ગરમીનો અનુભવ કર્યો હતો. નગરમાં છેલ્લા ચોવીસ કલાકમાં આંશીક ઘટીને વાતાવરણમાં ભેજનું પ્રમાણ ૮૭ ટકા રહ્યું હતું. તાપમાન અને ભેજનું પ્રમાણ વધુ રહેતા પ્રજાજનો અસહ્ય ગરમી અને બફારાથી પરસેવે રેબઝેબ થઈ ગયા હતાં. ગરમી સામે રક્ષણ મળે તે માટે લોકોએ ઋતુગત ફળ તથા ઠંડાપીણાનો સહારો લીધો હતો.
નગરમાં પવનની ગતિ પ્રતિ કલાકની સરેરાશ ૨૫ થી ૩૦ કિમીની રહી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
