સ્નાન કરતી વખતે છાતીમાં દુખાવો ઉપડતા ખીમાણી સણોસરાના વૃદ્ધનું મૃત્યુ

Author: નોબત સમાચાર

સ્નાન કરતી વખતે છાતીમાં દુખાવો ઉપડતા ખીમાણી સણોસરાના વૃદ્ધનું મૃત્યુ

ટ્રાન્સફોર્મરમાંથી વીજ આંચકો લાગતા યુવાનનું મૃત્યુઃ

જામનગર તા.૮ : કાલાવડના ખીમાણી સણોસરા ગામના વૃદ્ધને સ્નાન કરતી વખતે છાતીમાં દુખાવો ઉપડતા તેઓનું મૃત્યુ નીપજ્યું છે. ખંભાળિયાના ભાડથર ગામના એક યુવાન લાલુકા ગામના પાટીયા પાસે વીજ સમારકામ માટે આવ્યા ત્યારે ટ્રાન્સફોર્મર માંથી વીજ આંચકો લાગતા તેઓનું મૃત્યુ નિપજ્યું છે.

કાલાવડ તાલુકાના ખીમાણી સણોસરા ગામના જયંતિભાઈ શામજીભાઈ વસોયા નામના સાંઈઠ વર્ષના વૃદ્ધ ગઈકાલે સાંજે પોતાના ઘરે બાથરૂમમાં સ્નાન કરવા ગયા ત્યારે છાતીમાં દુખાવો ઉપડતા પડી ગયા હતા.

આ વૃદ્ધને સારવાર માટે કાલાવડની હોસ્પિટલમાં લઈ જવાયા પછી તેઓનું મૃત્યુ નિપજ્યું છે. તેમના પુત્ર વિવેકભાઈ વસોયાએ પોલીસને જાણ કરી છે.

ખંભાળિયા તાલુકાના ભાડથર ગામના સુરાભાઈ શામળાભાઈ રૂડાચ નામના ૪૫ વર્ષના યુવાન ગઈ તા.૧૬ ડિસે.ની સવારે લાલુકા ગામના પાટીયા પાસે અશોકભાઈ કેસરીયાના ખેતર નજીક વીજળીનો કોઈ ફોલ્ટ ઉભો થતા તેને રીપેર કરવા માટે આવ્યા હતા ત્યારે ટ્રાન્સફોર્મર માંથી તેઓને વીજ આંચકો લાગતા આ યુવાનનું મૃત્યુ નિપજ્યું છે. દેવુભાઈ જેઠાભાઈ રૂડાચે પોલીસને જાણ કરી છે.

જો આપને આ પોસ્ટ ગમી હોય તો શેર કરો...