Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
એસઓજીએ રેતી ભરેલા ૧૩ ટ્રક કબજે કર્યાઃ ધ્રાંગડા પાસેથી સાડા ત્રણસો ટન રેતી બિનવારસુ મળીઃ
જામનગર તા.૮ : જામનગર જિલ્લામાં ગેરકાયદે થતાં ખનીજ ખનન અને વહનને ડામી દેવા માટે જિલ્લા પોલીસ વડા દ્વારા અપાયેલી સૂચનાના પગલે ગઈકાલે એસઓજીએ જુદા જુદા ધોરીમાર્ગાે પર વોચ રાખી રેતી ભરેલા ૧૩ ટ્રક કબજે કરી લીધા છે. જ્યારે ધ્રોલના ધ્રાંગડા પાસેથી સાડા ત્રણસો ટન રેતીનો બિનવારસુ ઢગલો પણ મળી આવ્યો છે. ઉપરોકત કાર્યવાહી અંગે ખાણ ખનીજ ખાતાને વાકેફ કરાયા પછી દોડી આવેલી તેની ટીમે રિપોર્ટીંગ કરવાનું શરૂ કર્યું છે.
જામનગર ૫ંથકમાં બેફામ બનેલી ખનીજચોરીને ડામી દેવા માટે જિલ્લા પોલીસવડા પ્રેમસુખ ડેલુએ સૂચના આપ્યા પછી ગઈકાલે જામનગરની એસઓજીની ટીમ પીઆઈ બી.એન. ચૌધરી તથા પીએસઆઈ એલ.એમ. જેરના વડપણ હેઠળ જામનગર સાથે જોડાયેલા ધોરીમાર્ગાે પર વોચ માં ગોઠવાઈ હતી.
જામનગરના ખીજડિયા બાયપાસ, ખંભાળિયા બાયપાસ, લાલપુર બાયપાસ, ઠેબા બાયપાસ તેમજ જાંબુડા પાટીયાથી હડીયાણા થઈ જોડીયા સુધી અને જાંબુડા પાટીયાથી ધ્રોલ સુધી એસઓજી ટીમ વોચ રાખીને બેઠી હતી. જેમાં રેતી ભરીને પસાર થતાં કેટલાક ટ્રક રોકી લેવામાં આવ્યા હતા.
આ ટ્રકચાલકો પાસે ટ્રકમાં ભરેલી રેતી અંગે આધાર પુરાવા વગેરેની ચકાસણી કરાયા પછી ૧૩ ટ્રકમાં ભરેલી ૭૦૦ ટન જેટલી રેતી અનઅધિકૃત રીતે ખનન કરાયેલી હોવાનું જણાઈ આવતા તે તમામ ટ્રક પોલીસે કબજે કરી જે તે પોલીસ મથકમાં મુકાવ્યા છે.
પોલીસની આ કાર્યવાહી દરમિયાન જામનગરની ખાણ ખનીજ ખાતાની ટીમને જાણ કરવામાં આવતા ખાણખનીજ અધિકારીઓ પણ દોડી ગયા હતા. રોયલ્ટી ભર્યા વગર જ અને ઓવરલોડ રેતી ભરી જતાં આઠ ટ્રક જાંબુડા પાટીયા સહિતના વિસ્તારમાંથી મળી આવ્યા છે. જ્યારે ઠેબા બાયપાસ, મોરકંડા પાટીયા પાસેથી બે ટ્રક અને જોડીયાના હડીયાણા પાસેથી ત્રણ ટ્રક ઝડપાયા હતા. ધ્રોલના ધ્રાંગડા પાટીયા પાસેથી સાડા ત્રણસો ટન રેતીનો બિનવારસો ઢગલો પણ સાંપડ્યો છે.
ઉપરોક્ત કાર્યવાહીમાં એસઓજીને એસપી દ્વારા અપાયેલી સૂચના મુજબ ખાણ ખનીજ ખાતાની ટીમે જે તે પોલીસ મથકે દોડી જઈ ત્યાં રાખવામાં આવેલા ટ્રકની ચકાસણી હાથ ધરી તેમાં ભરેલી રેતી અંગે રિપોર્ટ બનાવવાનંુ શરૂ કર્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial