Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
મોટી બાણુંગાર પાસે અકસ્માતમાં બેને ઈજાઃ ટીંબડી પાસે રિક્ષાનું ગોથું, મહિલાનું મૃત્યુઃ
જામનગર તા.૮ : જામનગરનું એક દંપતી ગઈકાલે સાંજે મોટી ખાવડી જીએસએફ સી ગેઈટ પાસેથી બાઈક પર પસાર થતું હતું ત્યારે એક ટેન્કરે તેઓને ઠોકર મારી હતી. આ અકસ્માતમાં પછડાયેલા પતિ પરથી ટેન્કરનું વ્હીલ ફરી વળતા તેઓનું મૃત્યુ નિપજ્યું છે. જ્યારે પત્નીને ઈજા થઈ છે. મૃતકના પુત્રએ પોલીસમાં ફરિયાદ કરી છે. જામનગર-રાજકોટ રોડ પર મોટી બાણુંગાર ગામના પાટીયા પાસે એક બાઈકને ટ્રકે ઠોકર મારતા ખંભાળિયાના બે યુવાન ઘવાયા છે અને દોઢ મહિના પહેલાં ખંભાળિયા નજીક ટીંબડી ગામ પાસે એક રિક્ષા ગોથું મારી જતા ઈજા પામેલા વાડીનારના મહિલાનું મૃત્યુ થયું છે અને અન્ય બેને ઈજા થઈ છે.
જામનગરના શંકરટેકરી વિસ્તારમાં આવેલા સુભાષપરા માં વસવાટ કરતા વનીતાબેન રાજેશભાઈ ચાવડા તથા તેમના પતિ રાજેશભાઈ અરજણભાઈ ચાવડા (ઉ.વ.૪૧) ગઈકાલે સાંજે સાડા પાંચેક વાગ્યે જામનગર-ખંંભાળિયા માર્ગ પર આવેલા મોટી ખાવડી ગામ નજીક જીએસએફસી ટાઉનશીપ ના ગેઈટ પાસેથી જીજે-૧૦-બીએફ ૨૪૨૮ નંબરના બાઈક પર પસાર થતા હતા.
આ વેળાએ પાછળથી પુરપાટ ઝડપે ધસી આવેલા જીજે-૧૨-બીઝેડ ૬૦૧૮ નંબરના ટેન્કરે બાઈકને હડફેટે લીધુ હતું. બાઈક પરથી રાજેશ ભાઈ તથા વનીતાબેન ફંગોળાઈ ગયા હતા. રોડ પર પછડાયેલા રાજેશભાઈના માથા પરથી ટેન્કરનું ટાયર ફરી વળતા તેઓનું મૃત્યુ નિપજ્યું છે. જ્યારે વનીતાબેનને ગંભીર ઈજા થઈ છે. અકસ્માત સર્જી ટેન્કરચાલક નાસી ગયો છે. મૃતકના પુત્ર સચિન ચાવડાએ મેઘપર પોલીસ સ્ટેશનમાં ફરિયાદ નોંધાવી છે.
ખંભાળિયાના બંગડી બજાર વિસ્તારમાં ધ્રુવફળીમાં રહેતા સંજયભાઈ હસમુખભાઈ પંડયા તથા હેમતભાઈ જુઠાભાઈ પરમાર ગઈ તા.ર૭ ની સવારે ખંભાળિયાથી ધ્રોલ જવા જીજે-૩૭-ઈ ૬૯૦૦ નંબરના બાઈકમાં જતા હતા ત્યારે જામનગર-રાજકોટ રોડ પર મોટી બાણુંગાર ગામના પાટીયા પાસે જીજે-૧૮-બીડબલ્યુ ૧૭૨૬ નંબરના ટ્રકે ઠોકર મારી હતી. સંજયભાઈ તથા હેમતભાઈ ઘવાયા છે. બંનેને સારવારમાં ખસેડવામાં આવ્યા છે. સંજયભાઈએ પંચકોશી-એ ડિવિઝનમાં ફરિયાદ કરી છે.
ખંભાળિયાથી ભાટીયા ગામ વચ્ચે આવેલા ટીંબડી ગામ પાસે ગઈ તા.ર૮ જાન્યુ. ની બપોરે જીજે-૩૭-યુ ૧૮૨૭ નંબરની ઓટો રિક્ષા પસાર થતી હતી ત્યારે તેના ચાલક વાડીનારના નૌશાદઅલી આદમ ફકીરે બેફિકરાઈથી ડ્રાઈવીંગ કરી રિક્ષાને ગોથું ખવડાવ્યું હતું આ રિક્ષામાં જઈ રહેલા વાડીનારના ફકીરપાડામાં રહેતા હલીમાબેન અલીભાઈ સંઘાર (ઉ.વ.પપ)ને ગંભીર ઈજા થતાં તેઓનું મૃત્યુ થયું છે અને સાથે રહેલા હલીમાબેનના દેરાણી મરીયમ કાસમભાઈ સંઘાર તેમજ નણંદ રોશનબેન ફકીર મામદ સુંભણીયાને ઈજા થઈ છે. આરીફ અલીભાઈ સંઘારે ખંભાળિયા પોલીસ સ્ટેશનમાં રિક્ષાના ચાલક સામે ગુન્હો નોંધાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial