વડાપ્રધાનની સુરક્ષા માટે પહેલીવાર તમામ મહિલા સુરક્ષાકર્મીઓ તૈનાત

Author: નોબત સમાચાર

વડાપ્રધાનની સુરક્ષા માટે પહેલીવાર તમામ મહિલા સુરક્ષાકર્મીઓ તૈનાત

આજે આંતરરાષ્ટ્રીય મહિલા દિને

સુરત તા. ૮: પીએમ મોદી આજે નવસારીમાં છે. આજે આંતરરાષ્ટ્રીય મહિલા દિને પહેલીવાર સુરક્ષા માટેના રૂટ પર ફકત મહિલા પોલીસકર્મીઓ તહેનાત કરાઈ છે.

વડાપ્રધાન નરેન્દ્ર મોદીએ આજે આંતરરાષ્ટ્રીય મહિલા દિવસ નિમિત્તે નવસારીના બોરસીમાં 'લખપતિ દીદી' કાર્યક્રમમાં સંબોધન કર્યુ, તે આ દરમિયાન નારી શક્તિને લઈને ગૌરવની અનોખી બાબત જોવા મળી હતી. આજે પીએમ મોદીની સુરક્ષા મહિલા પોલીસકર્મીઓ (મહિલા સુરક્ષા દળો)ના હાથમાં હતી. મહિલા દિવસ નિમિત્તે દેશના વડાપ્રધાનની સુરક્ષાની જવાબદારી માત્ર મહિલા પોલીસકર્મીઓને સંભાળી હોય તેવું દેશમાં આવું પહેલીવાર બન્યું છે. જેમાં હેલીપેડ પર પીએમ મોદીના આગમનથી લઈને જાહેર સભા સ્થળ સુધી આજે દરેક જગ્યાએ માત્ર મહિલા પોલીસકર્મીઓએ જ સુરક્ષા વ્યવસ્થા સંભાળી રહી હતી.

ગુજરાતના ગૃહમંત્રી હર્ષ સંઘવીએ જણાવ્યું હતું કે, 'આંતરરાષ્ટ્રીય મહિલા દિવસ નિમિત્તે ગુજરાત પોલીસે એક અનોખી પહેલ કરી છે. દેશના ઈતિહાસમાં આ પહેલીવાર બનવા જઈ રહૃાું છે, જ્યારે પીએમની સુરક્ષા માત્ર મહિલા પોલીસકર્મીઓના હાથમાં હશે. પીએમ મોદીના નવસારીમાં આગમનથી લઈને ઈવેન્ટ સ્થળની સુરક્ષા સુધીની તમામ બાબતોનું ધ્યાન માત્ર મહિલા પોલીસ જ રાખ્યું હતું. ગુજરાતના ગૃહમંત્રીના જણાવ્યા અનુસાર, પીએમ મોદીની સુરક્ષા માટે કુલ ૨૧૪૫ મહિલા કોન્સ્ટેબલ, ૬૧ ઈન્સ્પેક્ટર, ૧૮૭ પીએસઆઈ, ૧૯ ડીવાય-એસપી, ૫ એસપી અને એક ડીઆઈજી રેન્કના અધિકારીને તૈનાત કરવામાં આવ્યા હતાં. વરિષ્ઠ મહિલા આઈપીએસ અધિકારી અને એડિશનલ ડાયરેક્ટર જનરલ ઓફ પોલીસ નિપુન તોરાવણે આ સુરક્ષા વ્યવસ્થા પર નજર રાખી હતી.

જો આપને આ પોસ્ટ ગમી હોય તો શેર કરો...