Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ઉઘરાણીના મામલે યુવકને ધોકાવી નખાયોઃ
જામનગર તા.૮ : જામનગરના કોમલનગરમાં માટીનો ઢગલો ઉપાડવાના પ્રશ્ને એક યુવાન પર છરીથી હુમલો કરાયો હતો. હાથઉછીના આપેલા નાણા માંગી બે શખ્સે એક યુવકને ધોકાવી નાખ્યો હતો અને સામાન લેવા ગયેલા યુવાનને એક શખ્સે ગાળો ભાંડી માર મારવા ઉપરાંત ધમકી ઠપકારી હતી.
જામનગરના ખોડિયાર કોલોની વિસ્તારથી આગળ આવેલા કોમલનગરમાં રહેતા રમેશભાઈ કિશોરભાઈ કોળી ગઈકાલે બપોરે પોતાના ઘર પાસે હતા ત્યારે ત્યાં પડેલા માટીના ઢગલાને અંબર ચોકડી નજીક રહેતા ઈસ્માઈલ ઉર્ફે ચાચુ નામના શખ્સે હટાવવાનું કહ્યું હતું અને રમેશભાઈએ તેમ કરવાની ના પાડી હતી.
આથી ઉશ્કેરાયેલા ઈસ્માઈલે ગાળો ભાંડી પોતાની પાસે રહેલી છરી બહાર કાઢી ગળા તથા ખભ્ભામાં ઈજા પહોંચાડી હતી. સિટી સી ડિવિઝનમાં રમેશભાઈએ ફરિયાદ નોંધાવી છે.
જામનગરના ખોડિયાર કોલોની વિસ્તારમાં ભેંસના તબેલા પાસે રહેતા પાર્થ દિલીપભાઈ દાણીધારીયાએ અગાઉ રૂા.પ હજાર ઉપેન્દ્રસિંહ અને રાજભા નામના શખ્સો પાસેથી ઉછીના લીધા હતા. તે બાબતે ગઈકાલે બપોરે પાર્થને બંને શખ્સે ગાળો ભાંડી ધોકા તથા પાઈપ અને ઢીકાપાટુથી હુમલો કરી માર મારવામાં આવ્યો હતો. પોલીસે રાજભા તથા ઉપેન્દ્રસિંહ સામે ફરિયાદ નોંધાવી છે.
જામનગરના ગોકુલનગર જકાતનાકા પાસે રાધે ક્રિષ્ના એપાર્ટમેન્ટમાં રહેતા જયદીપ કેશવજીભાઈ ભેંસાણીયા ગઈ તા.રપની બપોરે એક દુકાને સામાન લેવા ગયા ત્યારે શક્તિ નગરમાં રહેતા અશોકસિંહ ઉર્ફે કાના જાડેજા નામના શખ્સે ગાળો ભાંડી ધમકી આપવા ઉપરાંત પ્લાસ્ટિકની બોટલ તથા પોતા કરવાની લાકડી વડે હુમલો કર્યાે હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial