Author: નોબત સમાચાર
દ્વારકા શહેરમાં વ્હેલ માછલીની ઉલ્ટીનો જથ્થો વેચવા આવેલી બેલડીનો કબજો લેતું વનવિભાગ
રૂ.૧ કરોડ ૧પ લાખનો એમ્બરગ્રીસનો જથ્થો કબજેઃ
દ્વારકા તા. ૧૨: દ્વારકાના રેલવે સ્ટેશન નજીકના સયાજી સર્કલ પાસેથી ગઈકાલે દેવભૂમિ દ્વારકા એલસીબીએ ભાવનગરના બે શખ્સને વ્હેલ માછલીની ઉલ્ટી (એમ્બરગ્રીસ)ના ૧.૧૫ કિલો ગ્રામ જથ્થા સાથે પકડી લઈ બંનેનો કબજો વનવિભાગને સોંપ્યો છે. અંદાજે રૂ.૧ કરોડ ૧પ લાખનો આ જથ્થો તે શખ્સો વેચાણ માટે ભાવનગરથી લઈને આવ્યાનું ખૂલ્યંુ છે.
દ્વારકાના રેલવે સ્ટેશન પાસે ગઈકાલે દેવભૂમિ દ્વારકા એલસીબીના સ્ટાફ દ્વારા પીએસઆઈ બી.એમ. દેવમુરારીના વડપણ હેઠળ કરવામાં આવી રહેલા પેટ્રોલિંગ દરમિયાન બે શખ્સ પાસે વ્હેલ માછલીની ઉલ્ટી (એમ્બરગ્રીસ)નો જથ્થો હોવાની બાતમી મળતા પીઆઈ બી.જે.સરવૈયાને તેનાથી વાકેફ કરાયા પછી રેલવે સ્ટેશન નજીકના સયાજી સર્કલ પાસેથી ભાવનગરના નિરવ બાલાભાઈ ભટ્ટ, સુનિલ ચંદ્રકાંત શંભવાણી નામના બે શખ્સને રોકી લેવામાં આવ્યા હતા.
આ શખ્સોની તલાશી લેવાતા તેઓની પાસેથી ૧.૧૫ કિલો વજનમાં એમ્બરગ્રીસ મળી આવ્યું હતું. બજારમાં રૂ.૧ કરોડ ૧પ લાખની કિંમત ધરાવતા આ એમ્બરગ્રીસ અંગે પૂછવામાં આવતા નિરવ તથા સુનિલે ભાવનગરથી તે જથ્થો દ્વારકા વેચાણ માટે લઈને આવ્યા હોવાની કબૂલાત કરી છે. બંને શખ્સોનો કબજો દ્વારકાના વનવિભાગને સોંપવામાં આવ્યો છે અને બંને સામે વન્યપ્રાણી સંરક્ષણ અધિનિયમ હેઠળ કાર્યવાહી કરવાની તજવીજ કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
