શહેરની વોર્ડ ઓફિસમાં સીસીટીવી કેમેરાની સુવિધા કાર્યરત રાખવા માગ

Author: નોબત સમાચાર

શહેરની વોર્ડ ઓફિસમાં સીસીટીવી કેમેરાની સુવિધા કાર્યરત રાખવા માગ

રાષ્ટ્રીય સફાઈ કર્મચારી મજદૂર યુનિયનની રજૂઆત

જામનગર તા. ૧૨: જામનગર મહાનગર પાલિકાની સોલીડ વસ્ટ મેનેજમેન્ટ વિભાગ હસ્તકની તમામ વોર્ડ ઓફિસના લાંબા સમયથી સીસી ટીવી કેમેરા છતીગ્રસ્ત અથવા બંધ હાલતમાં છે, અને જ્યાં આ સુવિધા નથી તે અંગે યોગ્ય કાર્યવાહી કરવા રજૂઆત કરવામાં આવી છે.

રાષ્ટ્રીય સફાઈ કર્મચારી મજદૂર યુનિયનના પ્રદેશ ઉપાધ્યક્ષ અમિત પરમાર અને પ્રમુખ મહેશ બાબરિયાએ મ્યુનિ. કમિશનરને પાઠવેલ આવેદનપત્રમાં રજૂઆત કરતા જણાવ્યું છે કે, મહાનગર પાલિકાના સોલીડ વેસ્ટ શાખા હસ્તકની તમામ વોર્ડ ઓફિસમાં વર્ષોથી સીસી ટીવી કેમેરાની સુવિધા ઉપલબ્ધ કરવામાં આવી હતી, પરંતુ અમુક વોર્ડ ઓફિસના સીસી ટીવી કેમેરામાં ચેડા કરવામાં આવ્યા છે. અમુક સમયે કેમેરા બંધ હોય છે.

આ અંગે માહિતી માગવામાં આવી હતી, તો તંત્રએ ખોટી-અધુરી માહિતી આપી હતી. કઈ વોર્ડ ઓફિસમાં કેમેરા નથી તો તેની માહિતી આપવામાં આવી નથી.

આથી સત્વરે તમામ વોર્ડ ઓફિસમાં સીસી ટીવી કેમેરા ચાલુ રહે તેની તકેદારી રાખવી જેથી સફાઈ કામદારની હાજરી પણ તપાસી શકાય, અને કોઈ અનઈચ્છનીય બનાવ બને તો તેની વિગતો પણ જાણી શકાય. આથી સત્વરે યોગ્ય કાર્યવાહી કરવી જોઈએ.

જો આપને આ પોસ્ટ ગમી હોય તો શેર કરો...