Author: નોબત સમાચાર
કલ્યાણપુરના દેવરીયામાં પાવર ચેન્જ કરવા ગયેલા વીજકર્મી પર એક શખ્સ દ્વારા હલ્લો
ગાળો ભાંડી લાઈનમેનને પછાડી દેવાયાઃ
જામનગર તા. ૧૬: કલ્યાણપુર તાલુકાના દેવરીયા ગામના પાટીયા પાસે ગઈકાલે પોતાની ફરજના ભાગરૂપે વીજ કંપનીના આસીસ્ટન્ટ લાઈનમેન પાવર ચેન્જ કરતા હતા ત્યારે એક શખ્સે તેઓને ગાળો ભાંડ્યા પછી સબ સ્ટેશન પર જઈ હુમલો કરી ફરજમાં રૂકાવટ કરી હતી.
દેવભૂમિ દ્વારકા જિલ્લાના કલ્યાણપુર તાલુકાના કેનેડી ગામના વતની અને હાલમાં દ્વારકામાં વસવાટ કરતા અને પશ્ચિમ ગુજરાત વીજ કંપની લિમિટેડમાં આસીસ્ટન્ટ લાઈનમેન તરીકે ફરજ બજાવતા રમેશભાઈ જેરામભાઈ ખાણધર ગઈકાલે રાત્રે સાડા દસેક વાગ્યે પોતાની ફરજના ભાગરૂપે કલ્યાણપુર તાલુકાના દેવરીયાના પાટીયા પાસે પાવર ચેન્જ માટે ગયા હતા.
તેઓએ કથારા ફીડરમાંથી આવતા ફૂલ પાવરને ડીમ પાવરમાં ચેન્જ કર્યાે ત્યારે ફોન કરીને દેવરીયા ગામના ભીમશી રામદેભાઈ સુવા ઉર્ફે માયકલ નામના શખ્સે અપશબ્દો કહ્યા પછી દેવરીયાના ૬૬ કેવી સબ સ્ટેશનમાં જઈ રમેશભાઈને જાનથી મારી નાખવાની ધમકી આપવા ઉપરાંત હુમલો કરી પછાડી દઈ પીઠમાં ઈજા પહોંચાડી હતી. કલ્યાણપુર પોલીસ મથકમાં રમેશભાઈએ ફરજ રૂકાવટની ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
