Author: નોબત સમાચાર
દ્વારકા નજીક મકનપુરના દરિયામાં ન્હાવા ઉતરેલા રાજસ્થાનના યુવાન તણાઈ ગયા
દ્વારકા તા. ૧૦: દ્વારકા નજીક મકનપુર ગામ પાસેના દરિયામાં ગઈકાલે રાજસ્થાનના જયપુરના ચાર મિત્રો ન્હાવા ઉતર્યા પછી એક યુવાન ભરતીના વહેણમાં તણાઈ ગયો છે. ત્રણ યુવાનોને સ્થાનિક તરવૈયાઓએ બચાવી લીધા છે.
દેવભૂમિ દ્વારકા જિલ્લામાં નાતાલના તહેવારોથી યાત્રીકોનું આવાગમન સતત રહ્યું છે. તે દરમિયાન દ્વારકા નજીક આવેલા મકનપુર-શિવરાજપુરમાં રજાઓ ગાળવા માટે આવેલા રાજસ્થાનના જયપુરના રાહુલકુમાર કટારીયા સહિતના ચાર મિત્રો આવ્યા હતા.
આ ચારેય યુવાનો ગઈકાલે મકનપુર ગામ નજીકના દરિયાકાંઠેથી ન્હાવા માટે ઉતર્યા પછી અચાનક ભરતીમાં પ્રવાહ વધી જતા ચારેય મિત્રો ઉંડા પાણી તરફ તણાવા લાગ્યા હતા. તેઓએ પાડેલી બુમના પગલે કાંઠા પર હાજર લોકો દોડી આવ્યા હતા અને આ યુવાનોને બચાવવાની કામગીરી શરૂ કરવામાં આવી હતી.
તે દરમિયાન ત્રણ યુવાનોને બચાવી લેવામાં સફળતા મળી હતી. જ્યારે રાહુલકુમાર દરિયાના અફાટ પાણીમાં ગરકાવ થઈ ગયા હતા. બનાવની જાણ થતાં દ્વારકાથી ફાયરબ્રિગેડની ટીમ દોડી આવી હતી. તેના જવાનોને સ્થાનિક તરવૈયાઓને સાથે રાખી દરિયામાં લાપતા બનેલા આ યુવાનની શોધખોળ શરૂ કરી છે. આ યુવાનો જયપુરથી આવ્યા હોવાનું જાણવા મળ્યંુ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
