Author: નોબત સમાચાર
જામનગરમાં લઘુતમ તાપમાન ૧૩ ડીગ્રી
તાપમાનમાં બે ડીગ્રીનો વધારોઃ ઠંડી યથાવત્:
જામનગર તા. ૯: જામનગરમાં આજે સવારે પૂરા થતાં ચોવીસ કલાક દરમિયાન બે ડીગ્રીના વધારા સાથે લઘુતમ તાપમાન ૧૩ ડીગ્રી નોંધાયું હતું. તેજીલા વાયરાઓના પગલે ઠંડીનો ચમકારો યથાવત્ રહ્યો હતો.
જામનગરમાં તાપમાનમાં વધારા-ઘટાડાનો દોર ચાલી રહ્યો છે, જે ગઈકાલે પણ યથાવત્ રહ્યો હતો. નગરમાં શુક્રવારે સવારે પૂરા થતાં ચોવીસ કલાક દરમિયાન બે ડીગ્રીના વધારા સાથે લઘુતમ તાપમાન ૧૩ ડીગ્રી અને મહત્તમ તાપમન અડધો ડીગ્રી ઘટીને ર૪.પ ડીગ્રી નોંધાયું હતું. પવનની ગતિ વધીને પ્રતિ કલાકની સરેરાશ રપ થી ૩૦ કિ.મી.ની રહેવા પામી હતી.
પવનની ગતિ વધુ રહેતા ગઈકાલે પણ સમગ્ર દિવસ દરમિયાન ઠંડીનો ચમકારો યથાવત્ રહ્યો હતો. શમી સાંજથી જ ઠંડીમાં વધારો થવા લાગ્યો હતો અને રાતથી લઈને વહેલી સવાર સુધી ખાસ કરીને ગ્રામ્ય અને નગરસિમ વિસ્તારો તથા ધોરીમાર્ગો પર તીવ્ર ઠંડી અનુભવાઈ હતી. શિતલહેરના પગલે લોકો ધ્રુજી ઊઠ્યા હતાં.
ઠંડી સામે રક્ષણ મેળવવા માટે રાત્રે લોકોએ કામ વગર ઘરની બહાર જવાનું ટાળ્યું હતું અને જે લોકો બહાર હતાં તેઓએ તેમનું કામ વહેલું પૂર્ણ કરીને ઘર તરફ પ્રયાણ કર્યું હતું. પ્રજાજનોએ સ્વેટર, જેકેટ, ટોપી, મફલર સહિતના ગરમ વસ્ત્રો, ગરમ પીણા તથા તાપણાનો સહારો લીધો હતો.
જામનગરના વાતાવરણમાં ભેજનું પ્રમાણ ૬૭ ટકા રહ્યું હતું. વાડી વિસ્તારોમાં વહેલી સવારે ધૂમ્મસ જોવા મળી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
