Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ગઈકાલે ઓખામાં ડિમોલિશન કરવામાં આવ્યા પછી
દ્વારકા તા.૨૯ : અસામાજિક તત્ત્વો સામે પગલાં ભરવામાં આવી રહ્યા છે ત્યારે દેવભૂમિ દ્વારકા જિલ્લાના ઓખામાં ગઈકાલે અસામાજિક તત્ત્વોના ગઈકાલે છ ગેરકાયદે દબાણ તોડી પડાયા પછી આજે દ્વારકા શહેરમાં પણ પાડતોડ કરાઈ રહી છે. ત્યારપછી અન્ય તાલુકા મથકોએ પણ ડિમોલિશન કરવામાં આવશે.
તાજેતરમાં રાજ્યના ગૃહ મંત્રી હર્ષ સંઘવી તથા રાજ્ય પોલીસવડા વિકાસ સહાયની સૂચનાથી રાજ્યમાં ૧૦૦ કલાકમાં ગુન્હેગારોની યાદી સાથે પગલાં શરૂ કરવામાં આવ્યા હતા. તે અંતર્ગત દ્વારકામાં રેન્જ આઈજી અશોક યાદવ દ્વારા ક્રાઈમ કોન્ફરન્સમાં રીઢા ગુનેગારો સામે ૩૬૦ ડીગ્રીએ પગલાં લેવામાં આવશે તેવી જાહેરાત કરી હતી જેનો અમલ ગઈકાલથી દ્વારકા જિલ્લામાં ઓખા તથા દ્વારકાથી શરૂ થઈ ગયો છે.
ગઈકાલે ઓખામાં આવેલા અસામાજિક તત્ત્વોના ગેરકાયદે દબાણો પર બુલડોઝર ફેરવવામાં આવ્યું હતું. છ ગેરકાયદે બાંધકામો પાલિકા તથા પોલીસની ટીમ દ્વારા તોડી પાડવામાં આવ્યા છે. તે પછી દ્વારકામાં પણ ગેરકાયદે બાંધકામો તોડાઈ રહ્યા હતા જેમાં દ્વારકા નગરપાલિકાના ચીફ ઓફિસર અને ડીવાયએસપીની ઉપસ્થિતિમાં ચુસ્ત બંદોબસ્ત વચ્ચે ગેરકાયદે બાંધકામો તોડવા બે જેસીબી કામ પર લગાડાયા હતા.
જિલ્લાના ખંભાળિયા, વાડીનાર, સલાયા, કલ્યાણપુર, ભાણવડ પોલીસ સ્ટેશન વિસ્તારોમાં પણ ડિમોલિશન ઓપરેશન કરવામાં આવશે. પોલીસતંત્ર દ્વારા પાલિકાને સાથે રાખી જે બસ્સો શખ્સોેની યાદી બનાવાઈ છે અને જેના દ્વારા ગેરકાયદે દબાણો કરાયા છે તેઓને નોટીસ અપાઈ હતી તે પછી દબાણો તોડવાનું શરૂ થયું છે. આવા શખ્સોના વાહન ડીટેઈન કરવા, વીજચોરી ચકાસવા સહિતની કાર્યવાહી પણ કરવામાં આવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial