Author: નોબત સમાચાર
ગણપતનગરમાં સ્કૂટરમાં ધસી આવેલા ત્રણ શખ્સે સોનાના ચેઈનની લૂંટ ચલાવી
બાઈકચાલકના ગળામાંથી છૂંટવાયો ૬૦ હજારનો ચેઈનઃ
જામનગર તા.ર૯ : જામનગરના ગણપતનગર વિસ્તારમાંથી ગુરૂવારે રાત્રે બાઈક પર જઈ રહેલા યુવાનની પાછળ એકસેસ સ્કૂટરમાં ત્રિપલ સવારીમાં આવેલા ત્રણ શખ્સે ગળામાંથી સોનાનો રૂ.૬૦ હજારની કિંમતનો ચેઈન ઝૂંટવી લીધો છે. પોલીસે ઉઠાવગીરોના સગડ દબાવ્યા છે.
જામનગરના હનુમાનટેકરી વિસ્તારમાં આવેલા દલિતનગર શેરી નં.૧માં રહેતા દિનેશભાઈ ખનાભાઈ પરમાર નામના યુવાન ગુરૂવારે રાત્રે દસેક વાગ્યે જીજે-૧૦-બીપી ૬૦૬૦ નંબરના બાઈક પર પોતાના ઘર તરફ જતા હતા.
તેઓ જ્યારે ગણપતનગર નજીક આરવ બિલ્ડીંગ પાસે પહોંચ્યા ત્યારે પાછળથી એક સ્કૂટર ધસી આવ્યું હતું. તે એક્સેસમાં ત્રિપલ સવારીમાં રહેલા શખ્સો પૈકીના પાછળ બેસેલા શખ્સે હાથ લંબાવીને દિનેશભાઈના ગળામાંથી અંદાજે એક તોલા વજનનો સોનાનો ચેઈન ઝંૂટવી લીધો હતો અને તે પછી સ્કૂટર ચલાવતા શખ્સે વાહન ભગાડ્યું હતું. ગણતરીની સેકન્ડોમાં લૂંટને અંજામ આપી ત્રણેય શખ્સ હવામાં ઓગળી ગયા હતા. હેબતાયેલા દિનેશભાઈ એ ગઈકાલે સિટી સી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે રૂ.૬૦ હજારની કિંમતના સોનાના ચેઈનની ચીલઝડપ કરવા અંગે અજાણ્યા શખ્સો સામે ગુન્હો નોંધી તે વિસ્તારના સીસીટીવી કેમેરા ચકાસ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
