છત્તીસગઢમાં એન્કાઉન્ટર દરમિયાન ૧૬ નક્સલવાદી ઠાર

Author: નોબત સમાચાર

છત્તીસગઢમાં એન્કાઉન્ટર દરમિયાન ૧૬ નક્સલવાદી ઠાર

સુરક્ષા દળોને મોટી સફળતાઃ

રાયપુર તા. ર૯ : છત્તીસગઢમાં સુરક્ષાદળો સાથેના એન્કાઉન્ટરમાં ૧૬ નક્સલી ઠાર કરાયા છે. અન્યોની શોધખોળ ચાલુ છે.

છત્તીસગઢના સુકમ-દંતેવાડા સરહદ પર ઉપમપલ્લી કેરલાપાલ વિસ્તારના જંગલમાં આજ સવારથી સુરક્ષા દળો અને નક્સલવાદીઓ વચ્ચે સતત ફાયરીંગ થઈ રહ્યું છે. આ એન્કાઉન્ટરમાં માઓવાદીઓને ભારે નુક્સાન થયું છે અને ૧૬ નક્સલવાદીઓ માર્યા ગયા છે, જ્યારે બે જવાનોને સામાન્ય ઈજા પણ થઈ હતી. સુરક્ષાદળો દ્વારા વિસ્તારમાં એન્કાઉન્ટર અને સર્ચ ઓપરેશન ચાલુ છે.

આ ઓપરેશન બાબતે એક અધિકારીએ જણાવ્યું કે ડિસ્ટ્રીક્ટ રિઝર્વ અને સેન્ટ્રલ રિઝર્વ પોલીસ ફોર્સના જવાનો આ ઓપરેશનમાં સામેલ છે. તે વિસ્તારમાં માઓવાદીઓની હાજરી વિશે ઈન્ટેલિજન્સ દ્વારા માહિતી મળ્યા પછી શુક્રવારે રાત્રે ઓપરેશન શરૂ કરવામાં આવ્યું હતું.

આ પહેલા મંગળવારે દંતેવાડા જિલ્લામાં સુરક્ષા દળો સાથેની અથડામણમાં ત્રણ નક્સલવાદીઓ માર્યા ગયા હતાં. જેમાંથી એકની ઓળખ સુધીર ઉર્ફે સુધાકર ઉર્ફે મુરલફ તરીકે થઈ હતી. જેના પર રપ લાખ રૂપિયાનું ઈનામ હતું. આ સાથે જ ઘટના સ્થળેથી ઈન્સાસ રાઈફલ, ૩૦૩ રાઈફલ સહિત મોટી માત્રામાં દારૂગોળો મળી આવ્યો હતો.

જો આપને આ પોસ્ટ ગમી હોય તો શેર કરો...