જોગવડ ગ્રુપ દ્વારા સતત પચ્ચીસમાં વર્ષે જામનગરથી માટેલ સુધી પદયાત્રાનું આયોજન

Author: નોબત સમાચાર

જોગવડ ગ્રુપ દ્વારા સતત પચ્ચીસમાં વર્ષે જામનગરથી માટેલ સુધી પદયાત્રાનું આયોજન

બીજી એપ્રિલે બપોરે ત્રણ વાગ્યે થશે પ્રસ્થાનઃ

જામનગર તા. ર૯: જામનગરના જોગવડ ગ્રુપ દ્વારા સતત પચ્ચીસમાં વર્ષે જામનગરથી માટેલની પદયાત્રાનું આયોજન કરવામાં આવ્યું છે. આ પદયાત્રામાં બહોળી સંખ્યામાં ધર્મપ્રેમી ભાઈઓ-બહેનો જોડાયને જામનગરથી માટેલ પહોંચે છે અને ત્યાં માતાજીને હોમ-હવન કરીને બીડું હોમીને મહાઆરતીમાં જોડાયને પોતાની માનતા પૂરી કરે છે. આ વર્ષે પણ આ યાત્રામાં બહોળી સંખ્યામાં ધર્મપ્રેમી ભાઈઓ-બહેનો જોડાઈ રહ્યા છે.

આ પદયાત્રા તા. ર/૪ ના બપોરે ૩ વાગ્યે શાકમાર્કેટ નજીક દેવુભાના ચોકમાંથી પ્રસ્થાન થશે. જામનગરના ધારાસભ્ય દિવ્યેશભાઈ અકબરી, અખિલ ગુજરાત લોહાણા સમાજના પ્રમુખ જીતુભાઈ લાલ ઉપરાંત સી.એ. સર્વેશભાઈ અતુલભઈ ગોહિલ, જામનગરના પૂર્વ કોર્પોરેટર નટુભાઈ રાઠોડ (સાઈનાથ), શિક્ષણ સમિતિના સભ્ય નિલેશભાઈ હાડા, મહિલા અગ્રણી સજ્જનબેન આર. ચૌહાણ, મેલડી માઁ ના ઉપાસક ડિમ્પલબેન ગઢિયા તેમજ મેહુલસિંહ જાડેજા વગેરે પદયત્રીઓને પ્રસ્થાન કરાવાશે.

આ ઉપરાંત તા. ર૯/૩ ને શનિવારે રાત્રે ૧૦ વાગ્યે અંબાજીના ચોકમાં ડાક ડમ્મરની રમઝટનો કાર્યક્રમ રાખવામાં આવ્યો છે. સમગ્ર વ્યવસ્થા જોગવડ ગ્રુપના પ્રમુખ ભરતભાઈ ભટ્ટી અને તેઓની ટીમ સંભાળી રહી છે.

જો આપને આ પોસ્ટ ગમી હોય તો શેર કરો...