Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ચૈત્રી નવરાત્રિ દરમિયાન માટેલ જતા પદયાત્રિકો માટે
જામનગર તા. ર૯: ચૈત્રી નવરાત્રિ દરમિયાન જામનગરથી માટેલ જવા માટે પદયાત્રિઓના સંઘ રવાના થતા હોય છે. આ પદયાત્રીઓ માટે વિવિધ સ્થળોએ શુભ લક્ષ્મી ગ્રુપ (સેવા મંડળ) જામનગર દ્વારા સેવા કેમ્પો યોજવામાં આવે છે. જેમાં મેડિકલ, રાત્રિ રોકાણ, નાસ્તા સહિતની વ્યવસ્થા પૂરી પાડવામાં આવે છે. આ કાર્ય ર૪ વર્ષ પૂર્ણ થઈ રપ મા વર્ષમાં મંગલ પ્રવેશ કરશે. જામનગરથી તા. ર/૪ ને બુધવારે બપોરે સંઘ રવાના થશે, જેમાં રાત્રે સોયલ ટોલ નાકા પાસે મેડિકલ કેમ્પ, રાત્રિ રોકાણની હોટલની બાજુના રોડ પર આવેલ ભાણજી ભીમજી પટેલ સમાજની વાડીમાં કરવામાં આવશે. જ્યા ચા-દૂધ-કોફી-નાસ્તાની વ્યવસ્થા કરવામાં આવશે.
તા. ૩/૪ ને ગુરૂવારે પટેલ સમાજ-લતીપરમાં મેડિકલ કેમ્પ, સાંજે પાંચ વાગ્યે અબુભાઈની હોટલે કેમ્પ, રાત્રિ રોકાણ ટંકારા ચોકડી પાસે આવેલ મચ્છુ માતાજીના મંદિરે (ભરવાડ સમાજની વાડી) કરવામાં આવશે. જ્યાં સ્નાન તથા આરામ કરવા સહિતની સુવિધા રાખેલ છે. રાત્રે ૯ વાગ્યે શ્રી વછરાજ મિત્ર મંડળ (જડેશ્વર રોડ) માં મેડિકલ કેમ્પ રાખવામાં આવ્યો છે.
તા. ૪/૪ ને શુક્રવારે સવારે ૬ વાગ્યે પંચાસિયા ગામમાં પંચાયત ઓફિસ પાસે તથા બપોર પછી શિવપુરી ધામ ફાટકમાં મેડિકલ કેમ્પ રાખવામાં આવ્યો છ ે. આ ઉપરાંત રાત્રે કોઈ અકસ્માત ના સર્જાય તેની તકેદારી માટે રેડિયમ રીફલેક્ટર પટ્ટી પદયાત્રિકોને લગાવવામાં આવશે. પદયાત્રિકોને આ કેમ્પનો લાભ લેવા પ્રમુખ મનોજ પરમાર દ્વારા જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial