Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
થાઈલેન્ડમાં ભૂકંપે તબાહી સર્જી છે, છતાં
બેંગકોક તા. ૨૯: થાઈલેન્ડમાં ભૂકંપ છતાં બિમ્સ્ટેક સમિટ યોજાશે. તેવી જાહેરાત થતાં પીએમ મોદીની ત્યાંની મુલાકાત ફાઈનલ થઈ ગઈ છે. તેઓ શ્રીલંકા પણ જશે.
તા.૨૮ માર્ચ, ૨૦૨૫ના, મ્યાનમાર અને થાઈલેન્ડમાં ભારે ભૂકંપના કારણે તબાહી મચી ગઈ છે. યુએસ જીઓલોજિકલ સર્વે (યુએસજીએસ) અનુસાર, મ્યાનમારના સાગાઈંગ પ્રદેશમાં ૭.૭ની તીવ્રતાનો ભૂકંપ આવ્યો, તેનું કેન્દ્ર મંડલેથી ૧૬ કિલોમીટર દૂર હતું. થોડીવાર પછી ૬.૪ની તીવ્રતાનો બીજો આંચકો આવ્યો. આ આંચકાએ માત્ર મ્યાનમાર જ નહીં પરંતુ પડોશી દેશ થાઈલેન્ડની રાજધાની બેંગકોકને પણ હચમચાવી નાખ્યું હતું.
આ દુર્ઘટના ત્યારે થઈ જ્યારે બેંગકોક ૩-૪ એપ્રિલે ૬ઠ્ઠી બિમ્સ્ટેક સમિટની તૈયારી કરી રહૃાું હતું, જેમાં વડા પ્રધાન નરેન્દ્ર મોદી પણ હાજરી આપવાના છે. વિદેશ મંત્રાલયમાં સચિવ (પૂર્વ) જયદીપ મજુમદારે શુક્રવારે જણાવ્યું હતું કે, 'વડાપ્રધાન મોદી છઠ્ઠી બિમ્સ્ટેક સમિટમાં ભાગ લેવા માટે થાઈલેન્ડ જશે. પીએમ મોદી ૩ થી ૪ એપ્રિલ સુધી થાઈલેન્ડની સત્તાવાર મુલાકાતે જશે. વડાપ્રધાનની થાઈલેન્ડની આ ત્રીજી મુલાકાત હશે.'
વડાપ્રધાન મોદી થાઈલેન્ડના વડાપ્રધાન પૈતોંગતાર્ન શિનાવાત્રા સાથે દ્વિપક્ષીય બેઠક કરશે. થાઈલેન્ડના વડાપ્રધાન સાથે આ તેમની બીજી મુલાકાત હશે. આ પહેલા તેઓ ગયા વર્ષે ૧૧ ઑક્ટોબરના આસિયાન સમિટ દરમિયાન તેમને મળ્યા હતા.
જયદીપ મજમુદારે કહૃાું કે, 'ભારત અને થાઈલેન્ડ વચ્ચે ઐતિહાસિક દ્વિપક્ષીય સંબંધો, સાંસ્કૃતિક અને ધાર્મિક સંબંધો છે. થાઈલેન્ડ ભારતનો દરિયાઈ પડોશી છે. અમારી એક્ટ ઈસ્ટ પોલિસી અને ઈન્ડો-પેસિફિક માટેના વિઝનમાં મુખ્ય ભાગીદાર છે અને બિમ્સ્ટેકમાં પણ મુખ્ય ભાગીદાર છે.'
૪ એપ્રિલના બેંગકોકમાં યોજાનારી સમિટ, ૨૦૧૮માં નેપાળના કાઠમંડુમાં આયોજિત ચોથી સમિટ પછી બિમ્સ્ટેક નેતાઓની પ્રથમ સામ-સામે બેઠક હશે. ૫મી કોન્ફરન્સ વર્ચ્યુઅલ રીતે કોલંબો, શ્રીલંકામાં માર્ચ ૨૦૨૨માં યોજાઈ હતી. જયારે હવે છઠ્ઠી કોન્ફરન્સ યોજાઈ રહી છે જેની થીમ બિમ્સ્ટેક રિસિયન્ટ અને ઓપન' રહેશે.
વિદેશ મંત્રાલયે કહૃાું કે આ દરમિયાન ક્ષેત્રીય સહયોગ વધારવા પર ચર્ચા થશે. ભારત બિમ્સ્ટેકમાં સુરક્ષા, વેપાર, રોકાણ, કનેક્ટિવિટી અને માનવ સુરક્ષા જેવા ક્ષેત્રોમાં પહેલ કરી રહૃાું છે. પરંતુ ભૂકંપ બાદ બેંગકોકમાં જે સ્થિતિ છે તે કોન્ફરન્સની તૈયારીઓ પર સવાલો ઉભા કરી રહી છે.
થાઈલેન્ડની મુલાકાત પછી પીએમ મોદી શ્રીલંકા જશે. વિદેશ સચિવ વિક્રમ મિસરીએ જણાવ્યું હતું કે, 'બેંગકોકમાં બિમ્સ્ટીક સમિટ બાદ વડાપ્રધાન મોદી શ્રીલંકાના રાષ્ટ્રપતિ અનુરા કુમારા ડિસનાયકેના આમંત્રણ પર ૪ થી ૬ એપ્રિલ સુધી શ્રીલંકાની સરકારી મુલાકાતે જશે.'
રાષ્ટ્રપતિ ડિસનાયકે રાષ્ટ્રપતિ તરીકેનો કાર્યભાર સંભાળ્યા પછી તેમની પ્રથમ વિદેશ મુલાકાતે ડિસેમ્બર ૨૦૨૪ માં નવી દિલ્હીની મુલાકાત લીધી હતી અને હવે વડા પ્રધાન મોદી શ્રીલંકાની મુલાકાત લેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial