Author: નોબત સમાચાર
ધ્રોલના નથુવડલામાં કેનાલના કાંઠે જામેલી જુગારની મહેફિલ ઝડપાઈ
એલસીબીએ પાંચ પત્તાપ્રેમીની કરી ધરપકડઃ
જામનગર તા.ર૯ : ધ્રોલના નથુવડલા ગામમાં કેનાલના કાંઠે ગંજીપાના કૂટી રહેલા પાંચ શખ્સને એલસીબીએ પકડી પાડી રોકડ, ચાર મોબાઈલ, ત્રણ બાઈક સહિત રૂપિયા સવા લાખનો મુદ્દામાલ કબજે કરી ગુન્હો રજીસ્ટર કરાવ્યો છે.
ધ્રોલ તાલુકાના નથુવડલા ગામમાં વાડી વિસ્તારમાં જુગારની જમાવટ થઈ હોવાની બાતમી મળતા એલસીબીના સ્ટાફે પીઆઈ વી.એમ. લગારીયાની સૂચના તથા પીએસઆઈ પી.એન. મોરી, સી.એમ. કાંટેલીયાના વડપણ હેઠળ દરોડો પાડ્યો હતો.
ત્યાં આવેલી કેનાલના કાંઠે ગંજીપાના વડે જુગાર રમતા બિપીન દેવજીભાઈ કગથરા, હિતેશ દેવજીભાઈ કગથરા, સુરેશ ઘેલાભાઈ ઝીંઝુવાડીયા, મુકેશ કુંવરજીભાઈ ભીમાણી, મહિપાલસિંહ જયેન્દ્રસિંહ જાડેજા નામના પાંચ શખ્સ મળી આવ્યા હતા. એલસીબીએ પટમાંથી રૂ.૪૩૨૦૦ રોકડા, ચાર મોબાઈલ, ત્રણ બાઈક મળી કુલ રૂ.૧,૨૩,૨૦૦નો મુદ્દામાલ કબજે કર્યાે છે. પાંચેય સામે ધ્રોલ પોલીસ મથકમાં ગુન્હો નોંધાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
