Author: નોબત સમાચાર
જામનગરમાં નવી કોર્ટ બિલ્ડીંગથી પંચવટી સુધી નવો રસ્તો બનાવવા માંગણી
શહેર યુવક કોંગ્રેસ દ્વારા
જામનગરઃ તા. ૨૬: જામનગરમાં નવી કોર્ટ બિલ્ડીંગ પાસેના સીસી રોડથી પંચવટી સુધી નવો રોડ બનાવવાની માંગ સાથે જિલ્લા કલેકટરને આવેદનપત્ર પાઠવી માંગણી સાથે રજૂઆત કરવામાં આવી છે.
જામનગર શહેર યુવક કોંગ્રેસ પ્રમુખ મહિપાલસિંહ જાડેજાની આગેવાનીમાં આજે જિલ્લા કલેકટર કચેરીમાં આવેદનપત્ર પાઠવી રજૂઆત કરવામાં આવી હતી કે ગાંધીનગર વિસ્તારમાં જિલ્લા કોર્ટ, રાજ્યકક્ષાનું સ્પોર્ટસ સંકુલ, સાયન્સ સેન્ટર તથા કર્મચારીઓના આવાસ વગેરે જેવા મોટા પ્રોજેકટ ચાલી રહ્યા છે. હાલ આ વિસ્તારમાં આવન-જાવન માટે નવી કોર્ટ પાસે બનેલ રોડ અને બીજો જે ગાંધીનગર તરીકે ઓળખાતો રસ્તો, આ બે મુખ્ય રસ્તા છે. આવનાર દિવસોમાં આ રસ્તા પર ટ્રાફિકનું ભારણ વધે તેમ છે, આથી આ વિસ્તારમાં હજુ વધારાના રોડની જરૂર છે. નવા બનેલા માર્ગથી પંચવટી ચાર રસ્તા સુધી એટલે કે સ્પોર્ટસ સંકુલ અને સાયન્સ સેન્ટરની બાજુમાંથી નવો રસ્તો બનાવવામાં આવે. તેથી સંભવિત ટ્રાફિક સમસ્યાનો હલ થઈ શકે. આથી તાકિદના ધોરણે નવા માર્ગને મંજુરી આપવામાં આવે તે જરૂરી છે. આ આવેદનપત્ર પાઠવતી વેળાએ મહિપાલસિંહ જાડેજાની સાથે શહેર કોંગ્રેસ પ્રમુખ દિગુભા જાડેજા, શક્તિસિંહ જેઠવા સહિતનાઓ જોડાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
