Author: નોબત સમાચાર
મહેસાણાના સતલાસણામાં ૨૦ જેટલા વિદ્યાર્થીઓને ફૂડ પોઈઝીંગઃ દોડધામ મચી
મોડી રાત્રે હોસ્પિટલ ખસેડાયાઃ સારવાર ચાલુ
મહેસાણા તા. ૨૬: મહેસાણાના સતલાસણામાં ૨૦ જેટલા વિદ્યાર્ર્થીઓને ફૂડ પોઈઝનિંગ થતાં તબીયત લથડી હતી, અને રાત્રે હોસ્પિટલ ખસેડાયા હતાં. હાલમાં તેઓની તબિયત સુધારા પર હોવાનુ જાણવા મળે છે.
મહેસાણાના સતલાસણા ગોરિયાપુરમાં આવેલી મોડેલ સ્કૂલમાં ભણતાં અને હોસ્ટેલમાં રહેતા વિદ્યાર્થીઓ ફૂડ પોઈઝનિંગનો શિકાર થયા હતા. આશરે ૨૦થી વધુ વિદ્યાર્થીઓની રાત્રે જમ્યા પછી અચાનક તબીયત લથડી હતી જેના પગલે સ્કૂલના વહીવટીતંત્રમાં દોડધામ મચી ગઇ હતી.
માહિતી અનુસાર ૨૦થી વધુ વિદ્યાર્થીઓને રાતે જમ્યા બાદ ઝાડા, ઉલટી અને ગભરામણની સમસ્યા થતી હોવાની માહિતી સામે આવી હતી. જેના પગલે તાત્કાલિક કાર્યવાહી કરવામાં આવતા વિદ્યાર્થીઓને હોસ્પિટલ ખસેડવામાં આવ્યા હતા. આ ઘટના વિશે જાણકારી મળતા વાલીઓમાં પણ ચિંતા વ્યાપી ગઈ હતી.
આ ઘટના વિશે જાણકારી આપતાં આરોગ્ય વિભાગના અધિકારીએ કહૃાું કે અમને જાણકારી મળતાં જ અમે ઘટનાસ્થળે દોડી આવ્યા હતા. હાલમાં વિદ્યાર્થીઓની હાલત સુધારા પર છે. સિવિલ હોસ્પિટલમાં બાળકોની સારવાર ચાલી રહી છે. શિક્ષણ અને આરોગ્ય વિભાગે આ મામલે સંયુક્તરૂપે તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
