Author: નોબત સમાચાર
જામનગરના રામપર ગામમાં આધેડ પર લાકડી-પાવડાથી પિતા-પુત્ર દ્વારા હુમલો
જામનગર તા.૧૭ : જામનગર તાલુકાના રામપર ગામમાં એક આધેડ પર તેના જ ગામના પિતા-પુત્રએ પાવડા અને લાકડી વડે હુમલો કર્યાે હતો અને જાનથી મારી નાખવાની ધમકી આપી હતી. આ બાબતે પોલીસમાં ફરિયાદ નોંધાવાઈ છે. જામનગર તાલુકાના રામપર ગામમાં રહેતા અને ખેતીકામ કરતા નારણભાઈ અરજણભાઈ જાટીયા (ઉ.વ.પ૪)એ પોતાના પર પાવડા વડે અને લાકડીઓ વડે હુમલો કરી ઈજા પહોંચાડવા અંગે અને જાનથી મારી નાખવાની ધમકી આપવા અંગે વસરામભાઈ જેસંગભાઈ જાટીયા અને તેના પુત્ર ધવલ વસરામભાઈ જાટીયા સામે પોલીસમાં ફરિયાદ નોંધાવી છે. ફરિયાદી નારણભાઈના ખેત મજૂરો વસરામભાઈની વાડીમાં પાણી પીવા ગયા હતા. જેના મનદુખના કારણે આ હુમલો કરાયાનું જાહેર થયું છે. પોલીસે આ બનાવ અંગે વધુ તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
