ખારાબેરાજા ગામના તળાવમાં ન્હાવા ઉતરેલા યુવાનનું મૃત્યુઃ ફાયરબ્રિગેડે શોધી કાઢ્યો

Author: નોબત સમાચાર

ખારાબેરાજા ગામના તળાવમાં ન્હાવા ઉતરેલા યુવાનનું મૃત્યુઃ ફાયરબ્રિગેડે શોધી કાઢ્યો

ખોજાબેરાજામાં યુવક કૂવામાં ખાબક્યોઃ

જામનગર તા.૧૭ : જામનગરના ખારાબેરાજા ગામની સીમમાં આવેલા તળાવમાં ન્હાવા ઉતરેલા એક શ્રમિકનું ડૂબી જવાથી મોત નિપજ્યંુ છે. જ્યારે ખોજાબેરાજા ગામમાં એક ખેતરના કૂવામાં પડી જતાં પરપ્રાંતિય શ્રમિકનું મૃત્યુ નિપજ્યું છે.

જામનગર તા.૧૭ :

જામનગર તાલુકાના ખારાબેરાજા ગામની સીમમાં રહેતા અમોસ એબનભાઈ બારીયા નામના ૨૮ વર્ષના યુવાન ગઈ તા.૧૫ની બપોરે ખારાબેરાજા ગામની સીમમાં આવેલા તળાવમાં ન્હાવા માટે ઉતર્યા હતા. આ યુવાન ન્હાતા ન્હાતા તળાવના ઊંડાણવાળા ભાગમાં ગયા પછી પાણીમાં ગરકાવ થઈ ગયા હતા.

તે દ્રશ્ય નિહાળી કિનારે ઉભેલા લોકોએ બૂમાબૂમ કરતા જામનગરથી ફાયરબ્રિગેડનો સ્ટાફ દોડી ગયો હતો. તળાવમાં ટુકડીએ શોધખોળ હાથ ધર્યા પછી આમોસનો મૃતદેહ મળી આવ્યો છે પોલીસે મૃતદેહને પીએમ માટે ખસેડી મંગલદાસ રાજુભાઈ ડામોરનું નિવેદન નોંધ્યું છે.

જામનગર તાલુકાના ખોજા બેરાજા ગામમાં મજૂરીકામ માટે આવીને રહેતા મૂળ મધ્ય પ્રદેશના અલીરાજપુર જિલ્લાના રથદડી ગામના વતની રાકેશભાઈ ગણાવા શુક્રવારે સાંજે છ વાગ્યે ચંદ્રગઢ ગામે આવેલી ગોરધનભાઈ મૂળજીભાઈ નામના ખેડૂતના ખેતર પાસે પહોંચ્યા પછી કોઈ રીતે કૂવામાં પડી ગયા હતા. જેની જાણ થતાં રાકેશભાઈને બહાર કાઢી સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા. આ યુવાનને ફરજ પરના તબીબે ચકાસ્યા પછી મૃત્યુ પામેલા જાહેર કર્યા હતા. મૃતકના ભાઈ વિક્રમ ગણાવાએ પોલીસને જાણ કરી છે.

જો આપને આ પોસ્ટ ગમી હોય તો શેર કરો...