Author: નોબત સમાચાર
જામનગરના પંચવટીમાંથી બાઈકની ઉઠાંતરી
વૃદ્ધના ખિસ્સામાંથી મોબાઈલ સેરવાયોઃ
જામનગર તા.૧૭ : જામનગર શહેરમાં તસ્કરોનો ઉપાડો વધ્યો હોય તેમ પંચવટી વિસ્તારમાંથી એક બાઈકની ઉઠાંતરી થવા પામી છે. જ્યારે પાણાખાણ વિસ્તારમાં એક રાહદારી વૃદ્ધના ખિસ્સામાંથી કોઈ શખ્સ મોબાઈલ ફોનની ચોરી કરી લઈ ગયો હતો. આ બંને બનાવ અંગે પોલીસમાં ફરિયાદ નોંધાઈ છે.
જામનગર તાલુકાના સિક્કા ગામે લીલો બંગલા પાસે રહેતા અને લેબર સપ્લાયનું કામ કરતા દાનીશભાઈ સાલેમામદભાઈ કકલે ગત તા.૧૫-૭-૨૦૨૪ના પોતાનું રૂ. ૩૦ હજારની કિંમતનું જીજે-૧૦-ડીએફ ૪૧૬૬ નંબરનું બાઈક જામનગરના પંચવટી વિસ્તારમાં સત્યમ બિલ્ડીંગ પાસે પાર્ક કર્યું હતું. ત્યાંથી કોઈ તસ્કરો તેમનું બાઈક ચોરી કરી લઈ ગયા હતા.
આ બનાવ અંગે ગઈકાલે સાંજે પોલીસમાં ફરિયાદ નોંધાઈ છે. જેની તપાસ હે.કો. પી.કે. વાઘેલા ચલાવી રહ્યા છે.
જામનગર શહેરના સુભાષ નગર શેરી નં.૧માં રહેતા ધીરજલાલ મુળજીભાઈ કણઝારીયા નામના પાંસઠ વર્ષના વૃદ્ધ ગત તા.૧૩ માર્ચ ૨૦૨૫ના સાંજે છએક વાગ્યે પાણાખાણ નાકા પાસે હતા ત્યારે તેની નજર ચૂકવીને કોઈ શખ્સ તેમના ખિસ્સામાંથી રૂ. ૧૪ની કિંમતનો મોબાઈલ ફોન ચોરી કરી લઈ ગયા હતા. આ બનાવ અંગે ધીરજલાલ કણઝારીયાની ફરિયાદના આધારે પોલીસે ગુન્હો નોંધ્યો છે અને તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
