Author: નોબત સમાચાર
સાત રસ્તા સર્કલ ફરતેના માર્ગો પર ટ્રાફિક જામની શિરદર્દ સમાન સમસ્યા
જામનગર તા. ૧૭: જામનગરમાં હાલાર હાઉસથી સાત રસ્તા સુધીના માર્ગ ઉપર ફ્લાય ઓવરના નિર્માણનું કામ ચાલી રહ્યું છે. જેના કારણે અંબર ચોકડી, ગુરુદ્વારા ચોકડી તેમજ સાત રસ્તા સર્કલ પાસેના માર્ગો પર વાહનોની અવરજવરમાં ભારે મુશ્કેલી પડી રહી છે.
તેમાંય ખાસ કરીને અતિ ભવ્ય એવા સાત રસ્તા સર્કલ ફરતેના માર્ગો પર યોગ્ય અને પર્યાપ્ત ટ્રાફિક બંદોબસ્ત નહીં હોવાના કારણે આખા દિવસ દરમિયાન અવારનવાર ટ્રાફિક જામની સમસ્યા સર્જાઈ રહી છે. શિરદર્દ સમાન બની એલી આ સમસ્યાના ઉકેલ માટે શા માટે અહીં તમામ મહત્ત્વના પોઈન્ટ પર ટ્રાફિક પોલીસ અને સહાયકોનો બંદોબસ્ત ગોઠવાતો નથી? માત્ર જાડાની કચેરી પાસેના ચોકમાં ટ્રાફિક પોલીસ અને સહાયકો ટોળે વળેલા જોવા મળે છે. ક્યારેય સાઈડો બંધ કરવી, વાહનોનો ફ્લો જળવાઈ રહે, દરેક રસ્તાના વાહનોની સુચારૂરૂપે અવરજવર થાય તેવું ટ્રાફિક નિયમન કરવાની જરૂર છે. તેના બદલે રસ્તાઓ ઉપર વાહનોની લાઈન-લાંબી કતારો લાગી જાય તેવો અણઘડ અથવા નિષ્ક્રિયતા સાથેનો બંદોબસ્ત જોવા મળે છે.
ફ્લાય ઓવર બનવાને તો હજી ઘણો સમય લાગશે... પણ ત્યાં સુધી આ અતિ વ્યસ્ત ટ્રાફિકવાળા વિસ્તારમાં દરેક માર્ગો પરથી નાના-મોટા દરેક વાહનો સરળતાથી અવરજવર કરી શકે તેવો પૂરતો, અનુભવી અને કાર્યક્ષમ પોલીસ સ્ટાફ મૂકવાની તાતિ જરૂર છે. માત્ર ટુ-વ્હીલર વાહનચાલકોને દંડવાની જ કામગીરી ટ્રાફિક પોલીસની નથી!
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
