ભૂગર્ભ ગટરના કામ સંદર્ભે સરદાર વુડસ સોસાયટીનો રસ્તો બે મહિના માટે રહેશે બંધ

Author: નોબત સમાચાર

ભૂગર્ભ ગટરના કામ સંદર્ભે સરદાર વુડસ સોસાયટીનો રસ્તો બે મહિના માટે રહેશે બંધ

જામનગરમાં લાલપુર ચોકડી-રંગમતીની જમણી બાજુ

જામનગર તા. ૧૭: જામનગરના વોર્ડ નંબર ૧૬ મા લાલપુર ચોકડી પાસે રંગમતી નદીની જમણી સાઈડ તરફ સરદાર વુડસ સોસાયટી સુધી ભૂગર્ભ ગટરની પાઈપલાઈનની કામગીરી કરવામાં આવનાર હોવાથી આ રસ્તો તારીખ ૧૯ માર્ચથી ૧૮ મે સુધી બંધ રાખવા કમિશનર દ્વારા જાહેરનામું પ્રસિદ્ધ કરવામાં આવ્યું છે.

મ્યુનિ. કમિશનર ડી.એન. મોદી દ્વારા બી.પી.એમ.સી. એક્ટની કલમની જોગવાઈ હેઠળ મળેલ સત્તાની રૂએ જાહેરનામું બહાર પાડવામાં આવ્યું છે. જેમાં નોટ જામનગરના વોર્ડ નં. ૧૬, લાલપુર ચોકડી પાસે, રંગમતી નદીની જમણી સાઈડ પર આવેલ ૧૮ મી. પહોળો ડી.પી. રોડથી સરદાર વુડ્સ સોસાયટી સુધી ભૂગર્ભ ગટર પાઈપલાઈન નાખવાની કામગીરી કરવામાં આવનાર હોવાના અનુસંધાને સલામતીના ભાગરૂપે તેમજ અકસ્માત નિવારવાના હેતુથી તા. ૧૯-૩-ર૦રપ થી તા. ૧૮-પ-ર૦રપ સુધી તમામ વાહનવ્યવહાર બંધ રાખવામાં આવશે. જે કોઈ વ્યક્તિ આ હુકમનો ભંગ કરશે તેની સામે નિયમ અનુસાર દંડની કાર્યવાહી કરવામાં આવશે.

વોર્ડ નં. ૧૬, લાલપુર ચોકડી પાસે, રંગમતી નદીની જમણી સાઈડ પર આવેલ ૧૮ મી. પહોળો ડી.પી. રોડથી સરદાર વુડ્સ સોસાયટી સુધી તરફ જવાનો રસ્તો બંધ રહેશે. જેની વૈકલ્પિક વ્યવસ્થા માટે લાલપુર ચોકડીથી ઠેબા ચોકડી તરફ જતા વી.એમ. પેટ્રોલિયમ પાસે ૧૮ મીટર ડી.પી. રોડ પર થઈ, કુબેર પાર્ક-૧, ર થઈ, જેડી પાર્કથી આરવ રેસિડેન્સી થઈ, આશીર્વાદ દીપના પુલિયા (દેવળિયા પાર્ક) થઈ, કુબેર પાર્ક-૩ થઈ, રાજ સોસાયટી થઈ, સરદાર વુડ્સ સુધી જવાનો રોડ ચાલુ રહેશે.

તથા વોર્ડ નં. ૧૬, લાલપુર ચોકડી પાસે, રંગમતી નદીની જમણી સાઈડ પર આવેલ ૧૮ મી. પહોળો ડી.પી. રોડથી સરદાર વુડ્સ સોસાયટી સુધી તરફ જવાનો રસ્તો બંધ રહેશે. જેની વૈકલ્પિક વ્યવસ્થા માટે લાલપુર બાયપાસ રોડ પર આવેલ ઈવા પાર્ક કેપિટલ ઈમ્પિયરિયની સામે કીર્તિ પાન થઈ આશીર્વાદ દીપના પુલિયા (દેવળિયા પાર્ક) થઈ કુબેર પાર્ક-૩ થઈ રાજ સોસાયટી થઈ સરદાર વુડ્સ સુધી જવાનો રોડ ચાલુ રહેશે.

જો આપને આ પોસ્ટ ગમી હોય તો શેર કરો...