Author: નોબત સમાચાર
રૂપેણ બંદર તથા મીઠાપુરમાંથી ચાર મહિલા સહિત છ જુગાર રમતા ઝબ્બે
ખંભાળિયામાંથી એકીબેકીનો જુગાર પકડાયોઃ
જામનગર તા.૩૦ : ખંભાળિયામાં ચલણી નોટના નંબર પર જુગાર રમતા બે ઝડપાયા છે. તીનપત્તી રમતા અન્ય બેની ધરપકડ કરાઈ છે. ઉપરાંત દ્વારકામાંથી બે મહિલા સહિત ત્રણ, મીઠાપુરમાંથી પણ બે મહિલા સહિત ત્રણ જુગાર રમતા ઝડપાયા છે. સલાયામાંથી બે પત્તાપ્રેમીને દબોચી લેવાયા છે.
ખંભાળિયા શહેરના નવાપરામાં શનિવારે બપોરે જાહેરમાં ચલણી નોટના નંબર પર એકીબેકી બોલી જુગાર રમતા સંજયભારથી બચુ ભારથી ગોસ્વામી, મોહિતગર ગુલાબગર ગોસ્વામી નામના બે શખ્સને પોલીસે પકડી પાડ્યા હતા. જ્યારે ખંભાળિયા તાલુકાના માંઝા ગામમાં ટાંકા પાસે તીનપત્તી રમતા રસીક નાથ મેઘનાથ ગોસ્વામી, ગૌરવ રમેશભાઈ ગોસ્વામી નામના બે શખ્સ પકડાઈ ગયા હતા.
દ્વારકા તાલુકાના રૂપેણ બંદર પર તીનપત્તી રમતા સુલતાન આમદ ભડેલા, અમીનાબેન અયુબ ભેંસલીયા, સલમાબેન જુમા ભાડેલા નામના ત્રણ વ્યક્તિને પોલીસે પકડી લઈ રોકડ તથા બે મોબાઈલ મળી રૂ.૧૫૮૭૦નો મુદ્દામાલ કર્યાે છે.
મીઠાપુરના રેલવે સ્ટેશન પાસે ગંજીપાના વડે જુગાર રમતા ઉષાબેન રમેશ સચાણીયા, ગીતાબેન મોહનભાઈ ઈન્દરીયા, વિક્કી ગોવિંદભાઈ ગોદરીયા નામના ત્રણ વ્યક્તિને પોલીસે ઝડપી લીધા હતા. જ્યારે સલાયામાં ગઈકાલે સાંજે ગંજીપાના વડે જુગાર રમતા બશીર અલી ચાવડા, સીરાઝ અબ્દુલઅજીઝ નામના શખ્સ પકડાઈ ગયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
