Author: નોબત સમાચાર
સલાયામાં પાંચ, દસ, વીસ અને પચાસની ચલણી નોટની અછતઃ નાના દુકાનદારો પરેશાન
વેપારી મંડળ દ્વારા બેન્કોને નાના ચલણનું વિતરણ કરવા રજૂઆત
સલાયા તા. ૩૧: સલાયામાં નાના વેપારી તેમજ દુકાનદારોને નાના ચલણ ૫, ૧૦, ૨૦ તેમજ ૫૦ની નોટોની ભારે અછતના કારણે મુશ્કેલી પડી રહી છે, તેથી વેપારી મંડળ દ્વારા બેન્કોને નાના ચલણનું વિતરણ કરવા માંગણી કરાઈ છે.
સલાયામાં હાલમાં નાના વેપારી, દુકાનદારો, અનાજ કરિયાણાની દુકાન ધારકો તેમજ ગેસ એજન્સી અને પેટ્રોલ પંપ ધારકોને ગ્રાહકો પાસેથી પૈસા લેવા દેવામાં ભારે મુશ્કેલી પડી રહી છે. હાલ સલાયામાં નાના ચલણની નોટની ભારે અછત છે. ૫,૧૦,૨૦ અને ૫૦ની નોટની અછતના લીધે વેપારી અને ગ્રાહકો વચ્ચે આર્થિક વ્યવહારમાં ભારે મુશ્કેલીનો સામનો કરવો પડે છે. જેથી ઘણી વાર ઘર્ષણ થવાના બનાવ પણ બને છે. જેથી સલાયાના વેપારી મહામંડળના પ્રમુખ ભરતભાઈ લાલ દ્વારા લેખિતમાં સલાયામાં સ્થિત સૌરાષ્ટ્ર ગ્રામીણ બેંક તેમજ બેંક ઓફ બરોડાનાં મેનેજરને નાના ચલણનું વિતરણ કરવા માંગ કરાઈ છે.
બેંક દ્વારા કરંટ એકાઉન્ટ ધરાવતા વેપારી તેમજ અન્ય નાના દુકાનદારો કે જે બેંકોમાં સેવિંગ એકાઉન્ટ ધરાવે છે એમને આ ચલણનું વિતરણ કરવામાં આવે જેથી સલાયા ગામમાં પુનઃ નાના ચલણ આર્થિક વ્યવહારોમાં ફરતા થઈ જાય અને ગ્રાહકો તેમજ વેપારીઓને વેપાર ધંધો કરવામાં સરળતા રહે એવી માંગણી કરાઈ છે.
આ માંગણી લીડ બેંક તેમજ સ્થાનિક બેન્કોની રીજીયોનલ ઓફિસ સમક્ષ પણ કરાઈ છે. રૂપિયા ૫,૧૦ અને ૨૦ના સિકકા પણ વિતરણ કરવામાં આવે જેથી વેપારીઓને પડતી મુશ્કેલી હળવી થઈ શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
