જામનગરમાં આઈ શ્રી સોનલ ર્માં ના જન્મોત્સવ નિમિત્તે શોભાયાત્રા-સન્માન સમારંભ સહિતના કાર્યક્રમો

Author: નોબત સમાચાર

જામનગરમાં આઈ શ્રી સોનલ ર્માં ના જન્મોત્સવ નિમિત્તે શોભાયાત્રા-સન્માન સમારંભ સહિતના કાર્યક્રમો

ધર્મસભામાં આઈ શ્રી દેવલર્માં તથા ૫ાલુ ભગત આશીર્વચન આપશે

જામનગર તા. ૩૧: જામનગરના ચારણ સમાજ-સોનલધામ તથા આઈશ્રી સોનલ મા શૈક્ષણિક એન્ડ સામાજિક ચેરીટેબલ ટ્રસ્ટ દ્વારા આઈશ્રી સોનલ માં ના ૧૦૧ માં જન્મોત્સવ (સોનલબીજ) ની ઉજવણી તા. ૧-૧-ર૦રપ ને બુધવારે આઈશ્રી સોનલ ધામ, દિ. પ્લોટ, ઉદ્યોગનગર રોડ, જામનગરમાં કરવામાં આવશે.

જેમાં સવારે ૭-૩૦ વાગ્યે ધ્વજા આરોહણ, સવારે ૮ વાગ્યે જુંગીવારા વાછરાભાના મંદિર (ખોડિયાર કોલોની) થી શોભાયાત્રાનો પ્રારંભ, સવારે ૧૦ વાગ્યે દીંપ પ્રાગટ્ય, ૧૦-૧પ વાગ્યેઆઈશ્રી સોનલ માં ના પ્રવચનની ઓડિયો કેસેટ, ૧૦-૩૦ વાગ્યે યુવા કલાકાર અશ્વિનભાઈ ગઢવી સોનલ વંદના રજૂ કરશે. ૧૧ થી ૧ર-૩૦ વાગ્યા દરમિયાન ધર્મસભા, વિદ્યાર્થી અને દાતાશ્રીઓનું સન્માન, ૧૧ થી બપોરના ર વાગ્યા સુધી સમૂહપ્રસાદ, બપોરે ર થી સાંજના ૬ વાગ્યા સુધી રાસ-ગરબા (કલાકાર ધનરાજભાઈ ગઢવી અને અશ્વિનભાઈ ગઢવી, રાત્રે ૮-૩૦ વાગ્યે ચારણ બાળાઓ દ્વારા સંધ્યા આરતી, રાત્રે ૯ વાગ્યે સાંસ્કૃતિક કાર્યક્રમનું આયોજન કરવામાં આવ્યું છે.

પૂ. આઈ શ્રી દેવલમાં તથા પાલુ ભગત ધર્મસભામાં પ્રવચન અને વિદ્યાર્થીઓને આશીર્વાદ આપશે. પ્રસાદના દાતા ગઢવી ગગુભાઈ વિરપરભાઈ માયાણી અને વિદ્યાર્થી સન્માનના દાતા ગઢવી ભાવેશભાઈ ભરતભાઈ લાંબા (દ્વારકેશ દર્શન બિલ્ડર-જામનગર) છે. રાત્રે ૮-૩૦ વાગ્યે પ્રસાદના દાતાશ્રીનું વિશેષ સન્માન કરવામાં આવશે.

આ તકે અતિથિવિશેષ તરીકે મેયર વિનોદભાઈ ખીમસૂર્યા, ધારાસભ્યો દિવ્યેશભાઈ અકબરી અને રિવાબા જાડેજા, સ્ટેડીંગ કમિટી ચેરમેન નિલેશભાઈ કગથરા, જામનગર ભાજપ શહેર પ્રમુખ વિમલભાઈ કગથરા ઉપસ્થિત રહેશે. તેમ આઈશ્રી સોનલમાં શૈક્ષણિક એન્ડ સામાજિક ચેરી. ટ્રસ્ટના પ્રમુખ દેવીદાનભાઈ ગઢવી, ઉપપ્રમુખ રાણાભાઈ ગઢવી, તથા આઈ શ્રી સોનલ બીજ ઉત્સવ સમિતિના પ્રમુખ લક્ષ્મણભાઈ ગઢવી અને ઉપપ્રમુખ મોહનભાઈ ગઢવી દ્વારા જણાવાયું છે.

જો આપને આ પોસ્ટ ગમી હોય તો શેર કરો...