Advertisement
Author: નોબત સમાચાર

જામનગર શહેર તથા લાલપુર બાયપાસ પર ઘનિષ્ઠ પોલીસ પેટ્રોલિંગ

બ્રેથ એનેલાઈઝરથી પીધેલાને પકડી પાડવા કવાયતઃ પોલીસ દ્વારા શહેરના ઠેર ઠેર વિસ્તારોમાં ચેકીંગઃ

જામનગરમાં ૩૧ ડિસેમ્બરની આજે રંગારંગ ઉજવણી થવાની છે ત્યારે દારૂના પ્યાસીઓને પકડી પાડવા માટે સિટી ડીવાયએસપી જે.એન. ઝાલાની સૂચનાથી પોલીસતંત્ર એલર્ટ બન્યું છે. ત્રણેક દિવસથી જુદા જુદા વિસ્તારોમાં રાખવામાં આવતી ડ્રાઈવ અંતર્ગત ગઈકાલે સિટી બી ડિવિઝન પોલીસ સ્ટેશનના પીઆઈ પી.પી. ઝાના વડપણ હેઠળ લીમડાલાઈન, તીનબત્તીથી ટાઉનહોલ, લાલબંગલા સહિતના વિસ્તારોમાં પોલીસે ફૂટ પેટ્રોલિંગ કર્યું હતું. તે પછી ગઈરાત્રે લાલપુર બાયપાસ પાસે પંચકોશી-બી ડિવિઝન પોલીસ સ્ટેશનના સ્ટાફ દ્વારા ડ્રાઈવ રાખવામાં આવી હતી. જેમાં લાલપુરના એએસપી પ્રતિભા સહિતના અધિકારીઓ જોડાયા હતા. ત્યાંથી પસાર થતાં વાહનોના કાગળો ચકાસવા ઉપરાંત પોલીસે બ્રેથ એનેલાઈઝરની મદદથી પણ પીધેલાઓને પકડી પાડવા માટે તજવીજ કરાઈ હતી. પોલીસના ચેકીંગમાં નવેક  જેટલા પીધેલા શખ્સો હડફેટે આવી ગયા હતા. તે ઉપરાંત હેલ્મેટ વગર ધોરીમાર્ગ ચઢેલા ટુ વ્હીલરોને પણ પકડવામાં આવ્યા હતા. આજ સવારથી પણ શહેરભરમાં ઘનિષ્ઠ પેટ્રોલિંગ કરાઈ રહ્યું છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh